Hádegisæfing 20. júlí

Mættir í brakandi sól: Fjölnir, Huld og Sigrún. Huld var ekkert þreytt enda leyfði hún Mörtu að vinna sig í hálfu um helgina (M var að gifta sig skiljú) en Fjölnir var líka óþreyttur en gamla var þung og þreytt enda ekkert búin að hlaupa í marga daga. Fórum rólega Hofsvallagötu en sammæltumst um að það yrði sprettæfing á morgun í boði Huldar. Það er þó á Huld-u hvernig æfingin útfærist. Þeir sem eru með pung mæti.
Alls 8,7
Kveðja,
Sigrún

Laugavegurinn 2009

Einn félagsmaður og tvö viðhengi hlupu Laugaveginn nú um helgina. Árangur mjög góður.

í 8. sæti á 5:13:58 Höskuldur Ólafsson (5. sæti í flokki)
í 25 sæti á 5:38:12 Baldur Úlfar Haraldsson (10. sæti í flokki)
í 174 sæti á 7:08:37 Úlfar Hinriksson (3. sæti í flokki)

Gaman væri að lesa ferðasögur frá ykkur.

GI

Hádegi 17. júlí

Bryndís og Guðni rólega 8,4 meðfram ströndinni.

GI

Hádegi 16. júlí 09

Menn sem elska konur (Geirdal, Guðni, Kalli, Oddgeir og Óli) hlupu Meistaravelli í flottu veðri kvennmannslausir en berir að mestu. Óli var á einhverri sérkennilegri sérleið sem hann verður að gera grein fyrir. Hinir hittu hann tvisvar. Þrír fyrstu enduðu í sjónum. 9,6k

GI

Hádegisæfing 15. júlí

Rólegt miðbæjarhlaup með Le Frog og Beauty. Kolbeinn á morgun.
Alls 8-K
Kveðja,
Sigrún

Hádegisæfing 14. júlí

Mættir í nokkru roki: Bjöggi, Fjölnir, Kalli, Sigurgeir, Oddgeir og aðal. Eftir nokkurt þref var ákveðið að fara í skóginn en þar villtist Glamúrinn þegar hann lét okkur fara "stóran" hring. Var þá komið að þeim tímapunkti að aðal tæki við stjórn hins villuráfandi hers og neyddi grátandi hjörðina inn í kirkjugarð til að taka 6*brekkuspretti þar. Aðal hélt sínu striki þrátt fyrir hótanir og líkamsmeiðingar á leiðinni og allir kláruðu með sóma. Sigurgeir hefur verið kærður fyrir tilraun til manndráps en hann réðst á aðal með garðslöngu í brekku kirkjugarðsins. Fjölmörg vitni urðu að árásinni og þau hafa þegið áfallahjálp.
Alls 7,5-K
Kveðja,
Sigrún

Hádegisæfing 13. júlí

Mættir: Bjöggi (keppir fyrir neyðarlínuna 112), Sigurgeir (leikur í Lost), Geirdal (auglýsir nú Nivea self-tan for men, línuna), Kalli (keppir fyrir froskinn), Sigrún (tálbeitan) og Oddgeir (keppir í flokki sérútbúinna í endaspretti). Fórum saman áleiðis vestur í bæ og Bjöggi fór Suðurgötuna, Sigrún Hofs og restin Kapla og tókum tempóhlaup að kafara. Hiti var ólýsanlegur og hafði það nokkur áhrif á keppendur. Rætt hefur verið við aðal um að staðsetja sig á síðasta horni í næsta keppnishlaupi og spretta af stað þegar sést í Glamúr því hann getur ekki gefið í nema að aðal sé 2-300m fyrir framan hann, vegna vindkljúfandi áhrifanna. Þetta mál er í skoðun.
Alls lengri 9,2 en styttri 8,6 og 7,5-K
Kveðja,
Sigrún

Ræktun lýðs og lands

Í sönnum ungmennafélagsanda var risið árla úr rekkju á laugardagsmorguninn og haldið til Akureyrar til að keppa í 10 km götuhlaupi en hlaupið var hluti af dagskrá landsmóts UMFÍ.

Við Sigurður Óli flugum norður með fyrstu vél og var strax komið blíðskaparveður nyrðra fyrir kl. 9. Hlaupið var ræst kl. 11 á íþróttasvæði Þórs á Hamarsvelli. Hlaupið var til suðurs langleiðina að flugvellinum, þar var snúið við að hlaupin svipuð leið til baka. Þetta er svipuð leið og ég hljóp i 10 km hlaupi á Akureyri fyrir allnokkrum árum, nema hvað þá byrjaði og endaði hlaupið á gamla íþróttavellinum. Nýi Þórsvöllurinn liggur reyndar talsvert hærra og kallaði þetta á hlaup upp brekku síðasta kílómetrann sem reyndist sumum erfið.

Þegar hlaupið fór fram var komin nokkur hafgola að norðan. Þetta kom sér mjög vel fyrri hlutann en dró úr mönnum á bakaleiðinni inn í bæinn. Okkur Sigga gekk ágætlega, hann hljóp á 47:34 og bætti sig verulega. Ég hljóp á 45:54 sem er heldur lakara en í Miðnæturhlaupinu um daginn en vel ásættanlegt miðað við aðstæður.

Það var ágætis stemning eftir hlaupið, fólk að koma í mark í heilu og hálfu maraþoni á svipuðum tíma og við (ræst var á mismunandi tíma í þessum hlaupum) auk þess sem verið var að keppa í frjálsum á landsmótinu. Við sáum m.a. Kára Stein hlaupa 5 km á braut á innan við 14:56 sem mig grunar að sé besti tími í 5 k sem hlaupinn hefur verið hér á landi.

Þetta var skemmtilegt hlaup í frábæru veðri og gaman að upplifa sannan ungmennafélagsanda í leiðinni.

Íslandi allt !

Jens

Hádegisæfing 10. júlí

Fremur fámennt á æfingu í dag í miklu blíðviðri. Þeim fjórum sem þó mættu tókst engu að síður að farast á mis og var hlaupið í tveim tveggja manna hópum. Fjölnir og Huld fóru hefðbundna Hofsvallagötu en Bryndís og Harpa Suðurgötu. Farið var fremur rólega yfir og veðurblíðu notið.

Kv. Huld

Hádegisæfing 9.júlí

Vorum þrjú heljarmenni sem sigruðumst á freistingunum og slepptum útigrillinu í hádeginu. Það voru Kalli "coolmaster", Sigurgeir "svaðalegi" og undirritaður. Í fjarveru allra helstu kanónanna var ákveðið að breyta út af vananum, taka sénsa í lífinu - þ.e. "living on the edge!" og hlaupa bæjarrúnt á fimmtudegi. Coolmasterinn og sá svaðalegi hlupu þetta létt en Steypireyðurinn blés eins og Moby Dick. Það er hinsvegar gott til þess að vita að það er hægt að vinna sig upp úr líkamlegu gjaldþroti á skömmum tíma ef viljinn er fyrir hendi. Það er hinsvegar erfiðara ef gjaldþrotið er efnahagslegt.
Góðar stundir.
Bjútíið.

Hádegisæfing 6. júlí

Mættir: Glamúr, JGGnarr, Bjútí og Fjölnir.
Það voru tvær rólegar leiðir í boði: Suðurgata og Hofsvallagata. Einn fór suður og aðrir hofs.
Umræðuefnið á leiðinni voru kaup og sölur í enska boltanum.

Kv. Sigurgeir

Hádegisæfing - 3. júlí

Lengi er von á einum.

Mættir : Dagur, Ása, Sveinbjörn (á eigin vegum)

Ég hugsaði strax að nú væri tækifæri til að fara rólegan bæjarrúnt í fríðu föruneyti - en nei. Haldiði ekki að stúlkuskjátan hafi grátbeðið um kolkrabbann, hafði aldrei prófað og langaði þvílíkt.

Tókum kolkrabbann og stóðu hún sig með eindæmum vel, tók fantavel á, stynjandi og kveinandi eftir hvern sprett.

1375m á 6:09
428m á 2:08
475m á 2:15
721m á 3:25

Geriði betur!

Kveðja,
Dagur

Hádegisæfing 2. júlí

Mættir: Bogi, Dagur, Kalli og Sigrún. Fórum ofurrólegan miðbæjarrúnt í ódeildarskiptri æfingu. Bogi hljóp sitt fyrsta yfir 6 km hlaup og er greinilega kominn til að vera. Fámennt verður á næstunni á æfingum en félagsmenn eru eindregið hvattir til að stunda æfingar, heima eða að heiman og skrá þær samviskusamlega.
Alls 7,7 -K
Kveðja.
Sigrún

Á Norðurlandi

Ég er búinn að skrá mig í tvö hlaup fyrir norðan í júlí: Landsmótshlaup UMFÍ 11. júní (10k) og Jökulsárhlaup, frá Dettifossi niður í Ásbyrgi (33k), þann 25. júlí. Ég veit að Siggi Óli ætlar að hlaupa 10k á Akureyri, ef einhverjir fleiri verða þarna á ferðinni, endilega látið mig vita.
Kveðja, Jens

Hádegisæfing 1. júlí

Engin ástæða til að hanga í meðalmennsku alla vikuna: Kalli, Dagur, Bryndís, Guðni og Sigrún. Bryndís fór Hofsvallagötu á tempói en hinir fóru Kaplaskjól með 5 sprettvaríöntum sem ég treysti á að sérlegur tilsjónarmaður tölulegra upplýsinga komi fram með. Gengu þeir út á að GI og DE áttu að reyna að ná froskinum og prinsessunni, og fóru til þess arna alltaf aðeins lengri leið.
Dagur og Guðni fóru 10-K en hin tvö 8,9-K.
Kveðja,
Sigrún

Bláskógaskokkið

Tveir félagsmenn okkar kepptu um sl. helgi í þessu 16 kílómetra hlaupi og má finna úrslit þess hér:
Þess ber einnig að geta að Baldur Haraldsson sigraði í hlaupinu á heildina og Huld Konráðsdóttir sigraði sinn aldursflokk. Glæsilegt hjá þeim og til hamingju!
1 1:06:19 Baldur Haraldsson 1965
9 1:13:27 Huld Konráðsdóttir 1963

Hádegisæfing 30. júní

Mættir í hita og blíðviðri: Kalli, Bryndís, Dagur, Huld og Sigrún. Sveinbjörn var á eigin prógrammi, alsæll eftir fjölskylduhátíðina. Fórum rólegan miðbæjarsýningarrúnt og sýndum okkur og sáum aðra. Fengum það upp úr Kalla að hann vill helst hafa konurnar massaðar, kraftalegar niður og með línur. "Nú, þá svona allt öðruvísi en við", "nei, alveg eins og þið" var svarað og þá var deginum algerlega bjargað. Hver hefði trúað þessu? Við sem héldum að það væri týpan á myndinni en svo er ekki!

Alls 8-K

Kveðja,

Sigrún

Hádegisæfing 29. júní

Mættir í neðri deild: Bogi Nils Bogason (vá!), Ársæll og Sveinbjörn. Í efri deild: Kalli, Gnarr, Óli, Glamúr, Dagur, Guðni og Sigrún. Fórum rólega Hofsvallagötu/Kaplaskjól með tempókafla (sumir) í steikjandi hita en skýjuðu. Háleit markmið eru fyrir næsta hlaup, Ármannshlaupið, en þá ætlar Gnarr að keppa án öryggisteppisins og fara á 38 mínútum (eða: "þetta er náttúrulega 40 mínútna spretthlaup hjá sumum í 34 mínútur". ;)
Alls 8,7-9,2
Kveðja, Sigrún

Ath. Myndin sýnir Geirdalinn með teppið í síðasta hlaupi.

Þema dagsins - fuglanöfn

Síðasta föstudag (mannanafnadaginn mikla) var gefið loforð um að dagurinn í dag yrði tileinkaður fuglanöfnum. Þannig fór hluti mættra í heimsókn á Grímstaðarholtið og hljóp Þrastargötu, Fálkagötu, Smyrilsveg og Arnargötu. Hinn möguleikinn hefði verið að fara upp í Hólahverfi. Bónusgata var Grímshagi sem þessi hópur hefur ekki hlaupið áður. Þátttakendur: Bryndís, Fjölnir, Geirdal, Guðni, Oddgeir og Óli. Fimm síðastnefndu hlupu að sjálfsögðu berir að ofan.

Annar hópur, skipaður Árna og Boga undir styrkri forystu Ársæls fór inn í Fossvog. Kannski að heimsækja Aðal, hver veit? Þá fór Sveinbjörn á móti fuglahópnum og sameinaðist honum að lokum.

Þá er rétt að nefna að hjólreiðanotkun íslenskra rithöfunda hefur vakið athygli hádegishlaupara í þessari viku. Í gær mættum við Braga Ólafssyni og í dag Pétri Gunnarssyni. Spennandi að sjá her verður á hjólinu á mánudaginn kemur.

GI

Bláskógaskokk og Þorvaldsdalsskokk

Langaði til að kanna áhuga á Bláskógaskokki (5 og 16 km) næsta laugardag og/eða Þorvaldsdalskokki (25 km) laugardaginn 4. júlí. Fínasta veðri spáð fyrir austan fjall á laugardaginn. Tilvalið að sameina Bláskógaskokk og fjölskylduhátíðina á Flúðum fyrir þá sem þangað ætla. Skoðið endilega málið á hlaup.is og setjið í athugasemdir ef þið hafið áhuga.
Kveðja, Huld