Mættir í dag í töluverðu gluggaveðri: Sigurborg og Óli af hótelum, Sveppi og Auddi (Jói), Sigurgeir (framkvæmdastjóri Icelandairhlaups), Elli (non-multitasker), Dagur (formaður), Oddgeir (óhlýðni), Huld (better Siamese), Bjöggi (á þinnerinum), Gnarr (looking good) og Sigrún (worse Siamese). Flestir fóru að mæla væntanlega braut fyrir 6. maí (Icelandairhlaupið) og létt verk reyndist að koma öllum 7 kílómetrunum saman, með smávægilegum útúrdúrum. Einn kom ítrekað úr ormagöngum en Jói var á sérleið. Frekar napur vindur nísti þátttakendur og spurt er um komu sumars? Svars er að vænta á morgun en þá er sumardagurinn 1. og Í.R. hlaup í miðbænum. Þeir sem ekki hyggjast láta ljós sitt skína í því geta fengið sér ávaxtahlaup eða orðið áhorfendur Markarfljótshlaups, eftir áhugasviði.
Alls 7K
Gleðilegt sumar og takk fyrir veturinn!
Kveðja,
Sigrún
Engin ummæli:
Skrifa ummæli