Næring og langhlaup

Grein á Runners World vef:
http://sweatscience.runnersworld.com/2012/02/overfueling-glycogen-supercompensation-and-the-brain/?cm_mmc=Facebook-_-RunnersWorld-_-Content-Blog-_-SweatScienceRefuelingPostRun
SBN

Föstudagur 24. feb.

Freaky Friday um miðbæinn með O, Huld, Johnny E, Ivanhoe, SBN en á sérleiðum voru Riverhappy, Katrín, Gurrý, Gunnur, Gamle Ole og að ég held Schweppes. Arndís Ýr var líka nýbúin á æfingu og var að teygja í sólinni. Bongóblíða og auðar götur en síamssystur voru ekki nógu ánægðar með litla athygli í miðbæjarferðinni, eða ekki.  Meira að segja borgarstjórinn leit ekki tvisvar í áttina enda náttúrulega upptekinn við að vera sniðugur.
Alls 8,3k
SBN (var ég ekki annars hætt sem ritari?)
Þið sem eruð að fara á árshátíð, reynið að haga ykkur, svona einu sinni!

Fimmtudagsæfing 23. feb.

Tempóæfing skv. EDI:
Mættir Ársæll og Katrín, sér.
Sveinbjörn sér, Ívar sér.
Jón Örn, sér.
Oddgeir, Sigurgeir, Fjölnir og Sigrún tóku tempó inn í Fossvog, Kóp megin í fárviðri en á bakaleið um Fossvog, réttu megin var stafalogn og fuglasöngur.  2*8mín tempókaflar með 2 mín. ról. á milli plús upph. og niðurskokk.
Alls um 10k
Kv. SBN

Samfélagið í nærmynd 16. feb.

Mættir: Óli, Sigurgeir, Sigrún en úr Frjálsa voru Gunnur le Bon og William the Conqueror, sem voru  á sérleið.  Þremenningarnir fóru Hofsvallagötu í ágætu veðri en síðan skall á með hagléli um miðjan tempókaflann (8 mín.).  Í niðurskokkinu heim að hóteli helltum við úr skálum reiði okkar varðandi niðurfellingu skulda, erlend lán, óráðsíu, skattþrep og fleira óréttlæti samfélagsins.  Höfum við því ákveðið að fimmtudagar verði samfélagslega reiðir dagar.
Fín æfing, 8,2k
Kveðja,
SBN

Miðvikudagur 15. feb

Mættir:  Gauja, Guðni, Jón Örn, Katrín og Villi.  Jón Örn tók æfingu skv. EDI prógrammi.  Aðrir fóru 7k hring inn í Skógrækt.

GI

Valentínusaræfing 14. febrúar

Strákarnir okkar, voru svo elskulegir að færa okkur Valentínusargjöf, eins og sönnum herramönnum sæmir, og gáfu okkur stelpunum 5 brekkur í K-inu í gjöf í kirkjugarðinum.  Mættir: Hlújárn, Cargo kóngar, Eagle, vondu stjúpurnar, gamle Ole og hluti Frjálsa, eða fegurðardísirnar, Gauja, Gunnur og Hekla.  Skokkuðum létt í garðinn og tókum brekkurnar hverja á fætur annarri við mikinn fögnuð.  Síðan var rætt um að æfa þyrfti skoska hreiminn vel fyrir Edinborg og velja þyrfti bjór og viskí fyrir fögnuðinn eftir hlaupið, það væri aðalatriði.
Ljóst er að Eagle-inn er í sókn því hann stóð sig vel í brekkunum.
Bæjjjjjjjjjjjjj
SBN
500 miles

Mánudagsæfing 13. feb.

Mánudagar eru dissdagar. Þá mæta félagsmenn og hrauna yfir fjarstadda fjölskyldumeðlimi sína. Á hinum æfingadögunum er þetta bannað og þessvegna er kjörið að mæta og blása út eftir helgarnar á mánudagsæfingar. Fullkominn trúnaður ríkir og raddleynd er í boði. Þeir sem mættu: Ívar (seinn), Jón Örn (sér),Sveinbjörn (sér), Huld, Sigurgeir og Sigrún sem fóru Hofsvallagötu í fínu veðri. Kveðja góð, SBN

Hádegisæfing 8. feb

Mættir: Oddgeir, Jón Örn og Sigurgeir.

Suðurgata og Hofs var í boði í dag og æfing dagsins var að reyna hlaupa skv. Edinborgar-plani, þ.e. eins rólega og áætlun segir til um. Það gekk ekki alveg upp hjá okkur!

Kv. Sigurgeir

Þriðjudagsæfing 7.feb.

Skv. Edinborgarsáttmála voru mættir:
Ívar, Sigurgeir, Fjölnir, Oddgeir, Huld, Jón Örn og Sigrún. Þjálfarinn var hinsvegar fjarri góðu gamni vegna slyss er hann varð fyrir á leið til vinnu. Hann hefur nú verið settur á sjúkralista og þjálfarastaðan hefur verið boðin út.  Sá sem gefur fyrrverandi aðalritara flestar rauðvínsflöskur hreppir stöðuna.
Tókum: Þriðjudagur - Brekkusprettir (90 sec), 10 wup+wdn, 4 brekkur í beit og bættum við einni bónusbrekku að beiðni Huldar við MIKINN fögnuð.
Kveðja,
SBN

Edinborg Maraþon 2012 - Vika 6.-12. febrúar

Mánudagur - Létt hlaup 30-45 mín
Þriðjudagur - Brekkusprettir (90 sec), 10 wup+wdn, 4 brettur í beit
Miðvikudagur - Létt hlaup 30-45 mín
Fimmtudagur - Powerade Vetrarhlaup, tíminn er notaður til að stilla pace'ið inní áætlunina framundan
Föstudagur - Létt hlaup 30-45 mín
Laugardagur - Langt 90 mín

Kveðja,
Dagur

Hádegisæfing skv. Edinborgarsáttmála 02.02.2012

Óskalagið
Mættir í slagviðri: Þórdís, Katrín, Sveinbjörn, Ársæll, Guðni, Dagur og vondu stjúpurnar.  Ívar Hlújárn var á Guðs vegum.
Fórum frá HL inn í Fox með léttri upphitun og síðan voru teknir 2* 6mín. tempókaflar með smá labbi á milli og niðurskokki 2k í restina. 
Séð og heyrt á æfingunni: "Djöfull hlakka ég til þegar ég verð orðinn ljótur og gamall og allir hætta að klípa mig (í rassinn)".
Alveg fínasta æfing.
Kveðja,
SBN
Ath. Myndin sýnir vondu stjúpurnar á góðum degi (Degi/deigi?)

Heia Heia

Hér er eitthvað fyrir þá sem fá ekki fulla útrás á hlaup.com eða vilja ekki vera með þar en skrá samt sína hreyfingu http://www.heiaheia.com/

GI

Hádegisjarðarför 31. janúar 2012

Kl. 12:11 lögðu 5 félagar (Formaðurinn, Ex, Brím, Vinningssneið og Innri)  í hlaupaklúbbnum af stað í jarðarför.  Fyrst var tekin blaut upphitun niður á kirkjugarðsbotn.  Þaðan voru síðan þreyttir 4 sprettir um 90 sekúndur hver upp á grafarbakka.  Að þessu loknu var blautað heim aftur í mislyndu veðri.  Blóm og kransar eru vinsamlega afþakkaðir, en þeir sem vilja minnast okkar er bent á að minningarhlaup eru haldin í hverju hádegi  á svipuðum tíma.

Þá sáust bæði Ofurdís og Snemmglaður vera að liðka skanka sína, en þau fóru víst hefðbundnari leiðir um vesturbæ Reykjavíkur.  Gjaldkerinn hafði greinilega mikið að gera og var mest í símanum þann tíma sem hann var meðal oss.  Hann leit nú samt út fyirr að hafa komist í sturtu og því að minnsta kosti nýþveginn.

 Formaðurinn.