æfing í dag 6. apríl

Sæl

Ég kemst ekki dag sökum anna í vinnunni (er aðeins á eftir áætlun) en prógram dagsins hljóðar svo:

A 3x2x500 Hvíld 90 sek/500 skokk
B 4x2x500 Hvíld 90 sek/500 skokk
C 5x2x500 Hvíld 90 sek/500 skokk

Fólk velur sér leiðir A, B eða C eftir aldri og fyrri störfum.

Best að taka þetta á Klambratúninu (Miklatúninu) horn í horn á malbikaða stígnum. Sprettirnir skulu hlaupnir þannig að þið takið 500 m sprett í aðra áttina, hvílið í 90 sek og takið svo sprett til baka. Þannig er hvert sett. Hvíldin á milli setta er svo að skokka til baka 500 m eftir stígnum.

Þannig að ef sett 1 byrjar á horni Miklubrautar og Lönguhlíðar þá er hlaupið þaðan og niður að horni Rauðarárstígs og Flókagötu. Þar er svo hvílt í 90 sek og hlaupið svo til baka upp að horni Miklubrautar og Lönguhlíðar. Svo er skokkað niður að horni Rauðarárstígs og Flókagötu og þá er sett 1 búið. Sett 2 byrjar svo á horni Rauðarárstígs og Flókagötu.

Sveinbjörn, ekki borða of mikið í fimmtudagshádeginu af kræsingunum þar :)

Næsta fimmtudag er svo Skírdagur og frí og fimmudagurinn þar á eftir er sumardagurinn fyrsti og þá er víðavangshlaup ÍR (5 km) og þar taka náttúrulega sem flestir þátt.

Bjössi

Fimmtudagsæfing 30. mars

Sæl, þar sem ég er enn fyrir austan fer æfing dagsins beint á síðuna.
Tökum tempóhlaup í dag sem samanstendur af 3x(1000 m hlaup, 500m skokk og 500m sprettur) 2mín í hvíld áður en farið er í næsta 1000. Best væri að nota km merkingarnar á göngustígnum meðfram sjónum.
Reynið eftir fremsta megni að hafa 500m sprettina aðeins hraðari en tempóið í 1000 metrunum. Ef það þýðir of mikla þreytu eftir 500 metrana, takiði frekar lengri hvíld (en 2 mín) en þó aldrei meira en 3 mín.
Gangi ykkur vel,

kv.
Stefán Már

WARR 2006

Verður haldið í Amsterdam dagana 20.-23. septmeber. Það væri nú ekki úr vegi að prófa eitthvað nýtt. Hvað segið þið?

Sjá nánari upplýsingar á síðunni þeirra.

Kveðja,
Dagur

Fimmtudagurinn í dag

Sæl

Smá misskilningur hjá mér og Stebba. Þegar ég hringdi í hann til að skamma hann fyrir að vera ekki búinn að setja inn æfingu fyrir daginn í dag þá kom í ljós að hann verður aðra viku til í útlegðinni fyrir Austan og verður þá búinn að vera 17 daga frá mönnum. Þannig að ég set upp æfinguna í dag. Ég er samt ekki viss um að ég komist þó svo að ég muni gera mitt besta til að gera það.

Þess vegna fáið þið æfinguna svona fyrir fram beint í æð og þar sem það er skítakuldi og vindur í dag þá förum við í skóginn í Öskjuhlíðinni og þar er hringur sem við höfum stundum tekið (vísbending1: Oft verið teknir 500 m sprettir á neðri hluta hans. Vísbending2: við komum aðeins út á malarveginn þegar við komum út af efri hluta hringsins og hlaupum örlítið niður eftir malarveginum og svo inn á stíginn aftur aðeins neðar). Þennan hring skal taka 4-5 sinnum eftir áhuga-, þjálfunar-, og þreytustigi hvers og eins. Hvíldin er að skokka í 2 mín eftir hringnum og byrja svo þar sem þið eruð komin (og þar sem þetta er hringur þá endiði náttúrulega þar sem þið byrjuðuð í hvert sinn).

Ef ég sé ykkur ekki, gangi ykkur vel

Bjössi

Frjálsíþróttamót fyrirtækja og stofnana - Verður Icelandair með?

Þann 1. apríl nk. heldur ÍR frjálsíþróttamót í Laugardalshöllinni fyrir starfsmenn fyrirtækja og stofnana.

Keppt verður í 5x60m boðhlaupi, 60m, 200m og 1500m hlaupi, langstökki og kúluvarpi.

Hver keppandi má keppa í einni einstaklingsgrein og boðhlaupi.

Í einstaklingsgreinum er bæði keppt í karla og kvennaflokki.

Í boðhlaupinu er blandað lið, 3 konur + 2 karlar eða 3 karlar + 2 konur, öðruvísi telja liðin ekki til stiga.

Látið mig vita ef þið viljið taka þátt og þá í hvaða greinum.

Kveðja,
Dagur (dagur@icelandair.is)

Æfingin síðasta fimmtudag

Já ég var búinn að lofa að birta æfinguna. Þetta voru brekkur í kirkjugarðinum. Svona tæplega 250 m brekka eða svo og gátu menn valið um 5 mismundi tegundir.

A) 6xbrekkan
B) 2x4xbrekkan
C) 8xbrekkan
D) 2x5xbrekkan
E) 10xbrekkan

Hvíldin var að skokka niður aftur nema í settahvíld þá er gengið niður. Að loknum brekkusprettum voru svo teknir stílsprettir á flötu undirlagi (eða aðeins niðurhallandi - má vera undan vindi) þar sem hugsað var um að hlaupa hratt með góðum stíl en ekki samt að negla á fullu.

A) 4x100 m
B og C) 3x100 m
D og E) 2x100 m

Bjössi

Myndir frá Osló

Ég var að leita að myndum frá London og rakst þá á þessar myndir frá Osló.

Ein góð af Sigurbirni og önnur spaugileg af undirrituðum. Úlfar og Jens alltaf flottir.

Sigurvegarar í kvennaflokki.

Dagur

Fimmtudagurinn 16. mars

Sæl

Æfing á morgun að venju. Þeir sem ætla mæta skrái sig í kommentunum hér að neðan. Ef enginn skráir sig, þá birti ég æfinguna um hádegi á morgun. Ef menn skrá sig, þá mæti ég galvaskur og birti æfinguna að henni lokinni.

Bjössi

Styttist í keppni

Þá styttist verulega í keppnina hjá okkur á laugardag í London. Mæli með að flestir taki því nokkuð rólega næstu daga fram að keppni. Ekkert er þó heilagt í því, þeir sem vilja keppa í Powerade annað kvöld (fimmtudag) geri svo en helst ekki alveg á fullu.
Mæta svo með góða skapið og jákvæðni á föstudag.
Þau ykkar sem viljið fá nánari leiðbeiningar eða ræða málin endilega hringið í mig í síma 825-1607.

Kveðja,
Stefán Már

Æfing á morgun

Sæl

Ég mæti á æfingu á morgun ef menn melda sig á hana í kommentunum hér að neðan. Við tökum eitthvað hraðara og léttara (þ.e.a.s. það verður vonandi léttleiki í æfingunni) enda þarf að fara að keyra upp fyrir ASCA. Ég set æfinguna inn á morgun þegar ég verð búinn að taka betur stöðuna á veðrinu og færðinni.

Bjössi

Styttist í Asca - æfing í dag

Sæl, ég mun mæta á æfingu á eftir. Nú fer að styttast í keppni hjá okkur þannig að ég hvet alla sérstaklega til að mæta. Tökum svolítið lengri spretti heldur en voru í síðust viku en að sama skapi eru þeir færri, hvíldir þær sömu. Æfing dagsins er sumsé 4 x tjarnarhringur (1100m) með 2 mín í hvíld.
Sjáumst á eftir
kv.
Stefán Már

Vetrarútsölunni lýkur í næstu viku 4. mars

Sérstakar þakkir fyrir góðar undirtektir á útsölunni okkar en núna stórlækkum við verð síðustu vikuna.

Leppin fæðurbótarefni 40-60% Prótein, Boost,Recovery og Training Formúlu,Kreatín og gel.
Skór 25-70% afsláttur

Sérstakur afsláttur af léttum æfinga og keppnisskkóm bara þessa viku New Balance 901 og 835 karla og kvenna upplagðir fyrir vormarþonið. Aðeins kr.7.990.-

Púls og vegalengdamælar 30% afsláttur
Fatnaður 30-80% afsláttur
Ljós/höfuðljós 50% afsláttur
Drykkjarbelti 30% afsláttur
Gaddaskór 60% afsláttur
Vítamín 30% afsláttur
Sýnishornar fatnaður á aðeins kr.990.-
Lágmarksafsláttur 25% afsláttur af öllum vörum.

Með bestu kveðju
Afreksvörur
Daníel Smári Guðmundsson

Æfing í dag

Þar sem engin/n hefur skráð sig á æfingu í dag mun ég ekki leggja land undir fót.

Það sem ég hafði hugsað mér að gera væri 8x500 (horn í horn á miklatúni með svona 2 mín á milli. Einnig geta menn tekið 10x1 mín hratt með 1,5-2 mín skokki á milli.

Bjössi

Öldungamót og æfing á fimmtudag

Það var ansi gaman að sjá þá Sveinbjörn og Dag taka þátt í öldungamótinu innanhúss í 800 m hlaupi á sunnudag. Því miður hefur Fjölnir ekki staðið sig í því að birta úrslitin þannig að tímana þeirra sé ég ekki. Einnig veit ég ekki heldur hvort Dagur keppti í 3000 daginn eftir (en sú grein hentar honum án efa betur) en ég sé tíma skráðan á Sveinbjörn í 400, 61,58 sek sem er alveg fantagóður tími og sannfærir mig enn frekar að styttri vegalengdirnar 800-3000 henta Sveinbirni betur heldur en 10 km hlaupin og maraþonin. Svo er spurning hvort Huld eða einhverjir fleiri félagar hafa keppt á mánudeginum. Það væri gaman að heyra af því.

Ég ætla svo að koma á æfingu á fimmtudaginn ef einhver ætlar að mæta. Ég bið því menn að "skrá sig á æfingu" með því að kommenta á það hér að neðan (láta vita ef þeir ætla að koma) . Ef enginn skráir sig þá kem ég náttúrulega ekki.

Bjössi

Útsala hjá Afreksvörum

Nú er komið að því, vetrarútsalan er komin í gang og við ætlum svo sannarlega að rýma almennilega til fyrir vorvörunni.

Púls og vegalengdamælar 30% afsláttur
Fatnaður 25-70% afsláttur
Fæðubótarefni 25-60% afsláttur
Sokkar frá kr. 290.-´
Skóinnlegg á 990 eða 75% afsláttur
Drykkjarbelti 30% afsláttur
Skór 25% afsláttur
Gaddaskór 40% afsláttur

Sértilboð:
Stafgöngustafir kr. 1.990.-
Skór frá 3.990.-

Lágmarksafsláttur 25% afsláttur af öllum vörum.
Við bjóðum hlaupara að vera fyrstir til að tryggja sér frábær verð á afreksvörum áður en útsalan er kynnt frekar.

Með bestu kveðju
Afreksvörur
Daníel Smári Guðmundsson

Powerade

Minni á poweradehlaupið í kvöld. Veður og aðstæður virðast ætla að verða hinar bestu. Hvet sem flesta til að mæta og fara 10 km.

Sjáumst í næstu viku

Bjössi

Úrtaka

Ég hvet ykkur til að taka þátt í úrtökumótinu í dag. Ég verð ekki þar og ekki heldur Stefán. Í næstu viku er svo Powerade svo að það verður ekki æfing þá en 16. febrúar hittumst við næst.

Bjössi

ASCA Úrtökumót

Úrtökumót fyrir ASCA verður á fimmtudaginn 2. febrúar. Hlaupið verður ræst kl.17:30 og verður hlaupinn hringur um Öskjuhlíðina eins og undanfarin ár. Konur hlaupa 3 hringi (u.þ.b. 5 km) og karlar 5 hringi (u.þ.b. 9 km) sem er nálægt vegalengdunum sem hlaupnar eru í ASCA keppninni. Tími verður mældur og eftir hlaup er boðið upp á orkudrykk og farið í heita pottinn í sundlauginni að Hótel Loftleiðum.

Allir eru hvattir til að taka þátt í keppninni. Úrslitin í úrtökumótinu ráða miklu um það hvernig lið okkar verður skipað í London. Alls er um 13 sæti að ræða, 8 karla og 5 konur. Ef einhverjir hafa áhuga á að vera í liðinu en komast alls ekki í úrtökumótið geta þeir haft samband við formanninn, dagur@icelandair.is, sími 5050-359.

Úrslitin 2005
Stefán Már Ágústsson (gestur) 28:21/5:30/5:38/5:46/5:52/5:35
Dagur Egonsson 28:31/5:29/5:40/5:47/5:51/5:44
Ágúst Jóel Magnússon 30:29/5:55/6:13/6:14/6:14/5:53
Eymundur Þórarinsson 31:01/6:12/6:29/6:19/6:00/6:01
Guðni Ingólfsson 31:37/6:10/6:23/6:22/6:18/6:24
Sveinbjörn Valgeir Egilsson 32:35/6:17/6:32/6:32/6:35/6:39

Sigurbjörg Eðvarðsdóttir (gestur) 18:35/6:17/6:13/6:05
Huld Konráðsdóttir 19:07/6:18/6:24/6:25
Anna Dís Sveinbjörnsdóttir 19:19/6:21/6:32/6:26
Anna María Kristmundsdóttir 20:55/6:41/7:06/7:08

Æfing í dag

Sæl,
Lengri sprettir verða allsráðandi á æfingu í dag. Munum taka góða upphitun niður í bæ (að tjörninni) og taka 4 x tjarnarhringi með 2 mín á milli. Vonast til að sjá sem flesta og hlakka til.
Slagorð dagsins er: Upp með súrefnið !!!!

Kv. Stefán Már

MÍ öldunga innanhúss

Fer fram í Laugardalshöllinni 12.-13. febrúar nk.

Nánari upplýsingar á http://www.fri.is/img/Meistaramot_oldunga_inni06.doc

Hvað segið þið um að fjölmenna?

Dagur