Þriðjudagsæfing 30. nóv

Mættir: Dagur, Ívar, Huld, Fjölnir, Sveinbjörn, Jón Örn og Þórdís. Allir nema Þórdís, sem kom of seint og fær S í kladdann, hlupu vestur í bæ þar sem hluti hópsins tók snögga handbremsubeyju til vinstri við Suðurgötu meðan hinir héldu í humátt á eftir Þjálfa sem negldi svo niður Hofsvallagötu. Ef einhver vogaði sér að halda að tempóið væri þegar byrjað þegar komið var á Ægissíðuna þá var það alrangt því þar hófst actually æfingin. Þar tilkynnti Þjálfi að nú yrði tekið tempó þar sem menn myndu skiptast á að leiða hópinn. Það skipti engum togum að sett var í botn og fljótlega lágu 3km í einum rykk(4:10, 4:11 og 3:58). Þá var tekin smá kæling á mannskapinn sem var orðinn bandvitlaus af æsingi. Þegar menn höfðu aftur náð áttum var sett í botn á ný frá Kafara og 1 km í viðbót á 3:59 þar sem Þjálfi öskraði menn áfram síðustu metrana. Síðust 300m voru svo í rólegu niðurskokki :-)
Flott æfing og mikið stuð

P.S. Lýst er eftir bifreiðinni S2. Þeir sem kynnu að hafa upplýsingar um hvar hana er að finna vinsamlegast hafið samband við formann stjórnar IAC

Kv, Fjölnir

Mánudagur 29. nóv

Mættir: Ársæll, Ívar, Jói, Sveinbjörn, Þórdís, Jón Örn, Dagur, Jón Gunnar og Sigurgeir.

Allir fóru sér nema Ívar, Dagur, Sigurgeir og JGG sem tóku Kapla-langt í rólegheitum sökum hálku! Þetta er samt orðin spurning hver fer sér þegar við erum 4 á móti 5 :o)

Mikil umræða kom um nýtt nafn á JGG sem hefur látið húðflúðra á sig risa fugl í fögrum litum. Nokkur nöfn eru í skoðun: Fönix aka Ryksugan, Þrösturinn, N1 Jón, Fuglinn Felix.

Það var ákveðið að breyta aðeins æfingarplaninu þessa vikuna og lítur það svona út.
Þriðjudagur - Eltingaleikur
Miðvikudagur - Frjálst
Fimmtudagur - Kolkrabbinn og skora ég á Siams 1 & 2 + viðhengið (Oddgeir) að mæta :o)
Föstudagur - Hlaup í 101 fyrir þá sem eru ekki byrjaðir að drekka fyrir jólabolluna.

Kv. Sigurgeir

Föstudagsæfing 26. nóvember

Tókum "hommann" á þetta í dag, fórum öfugan bæjarhring sem telst algjör nýbreytni hjá hópnum. Í sérhópi voru Jói og Sveinbjörn en á venjulegri æfingu voru Dagur, Jón Örn, Oddgeir, Bryndís og Sigrún. Fórum afar þægilegan bæjarhring, alveg öfugan og er ég ekki frá því að hann sé bara skemmtilegri. Kalt var í veðri en sól og yndislegt hlaupaveður. Athygli vekur stopul mæting nokkurra félagsmanna, t.d. Cargosystra, en þeir eru sjálfsagt að éta á einhverri búllunni í stað þess að sinna musterinu og svo er skrýtið með Björgvin hvað hann er upptekinn í Valsheimilinu alltaf. Hann mætti ekki en gallinn sem hann æfir í niðri í Val lá hinsvegar á gólfinu við skrifborðið hans áðan, sbr. mynd.
Góða helgi,
Sigrún

Hádegisæfing - 25. nóvember

Mættir : Björgvin, Ársæll, Gerður, Enn einn Fönix Jón, og Dagur

Ársæll Suðurgata, Gerður dælustöð, Jón og undirritaður týndum Björgvin upp við Valsheimilið og fórum við eltingaleik Suðurgata-Hofsvallagata. Hofsvallagötu piltar náðu góðu 4k tempó hlaupi með fínu splitti 4:09, 4:16, 4:05, 4:15 og Suðurgötu drengurinn tók líka á því þegar rándýrin nálguðust.

Eftir æfingu vakti athygli mína hópur klúbbmeðlima sem safnast hafði saman á bílaplaninu fyrir fram HLL. Hvað voru þeir að gera? Hvert voru þeir að fara? Hvaðan komu þeir? Þessar spurningar ásamt fleirum leituðu á menn eftir æfingu dagsins.

Kveðja,
Dagur

Hádegisæfing 24. nóv.

Mættir: Jói, sér og Þórdís á Suðurgötu (held ég)en Dagur, Óli, Oddgeir, Jón Örn og Sigrún fóru Hofsvallagötu nema þeir 2 fyrstnefndu fóru tempólengingu vestureftir. Nokkur hálka var á stíg og kalt en fallegt veður og stillt. Mikil faðmlög skullu á í lok æfingar en þar fóru Ingunn Cargo systir og Mr. Sommersby mikinn í faðmlagi dagsins, ja sei sei.
Alls um 9K hjá ÓB og DE en 8,1K hjá rest.
Kveðja,
aðal
P.S. Þeir sem ekki treysta sér í alvöru jólabjór þessa dagana geta smakkað formannsdrykkinn vinsæla sem mun verða sérinnfluttur fyrir jólabollu Cargo systra.

Þ-hrikalegur þriðjudagur 23. nóv.

Djöfulsins rosa mæting, ha? Það má ekki spyrjast út að æfingarnar okkar séu orðnar svo léttar að það geti bara hvaða fáviti sem er mætt á þær...Kræst!
Þarna voru hótelskvísurnar Sigurborg og Ágústa á eigin vegum. Johnny Eagle á Suðurgötu í andlegum undirbúningi fyrir undirbúningstímabilið og Joe í skógarferð. Aðrir voru: Gísli (fulltrúi annarrar Cargosysturinnar, þeirrar yngri), Þórdís landsliðs, Ívar sem hljóp í var fyrir Fjölni, Fjölnir, sem hafði kjark til þess að mæta á eigin æfingu ólíkt sumum, Sveinki sprettur, Bjöggi bigmassa, D. Sommersby, Huld Higdon og Sigrún limruþrjótur. Skokkuðum létt í gegnum skóg með Dag Sommersby í fararbroddi, með eldglampa í augunum sem veit ekki endilega á gott. Að þessu sinni átti að leiða hópinn í brekkuna handan við HL, við Perlu í landi Leynimýrar, sem áður hét. Tókum 4 spretti í brekkunni með léttu skokki á milli (hver sprettur um 330m ca.). Þegar þarna var komið sögu kom Ólafur nokkur Briem í hægðum sínum og spurði hvort við værum í gönguhópi? Frekar svona áberandi innkoma hjá honum og ekki í fyrsta sinn sem hann er gómaður við vafasama iðju í skógarþykkninu. Eftir það var farið þéttingshratt í gegnum skóg og þaðan létt skokk að stíg sem liggur í gegnum skóg, að gamla virkinu í átt að HL, hvar teknir voru forgjafarsprettir. Kom þá fram hin skemmtilega setning "Ég er spretthlaupari, en ekki langhlaupari" sem hafði ríkt sannleiksgildi og þarfnast ekki endurskoðunar, allra síst af endurskoðanda (engl. duckwatcher).
Fínasta æfing í frosti og hálku og þeim sem hugðust vera áfram í hvíld er nú ljóst að dagar víns og rósa eru liðnir, í bili.
Alls 6,3K
Kveðja,
aðalritari
P.S. Sigurgeir, ef þú ætlar að nota unglinga til að hlaupa fyrir þig á næstunni verðurðu nú að passa þig á því að þeir séu ekki betri en þú!

Hádegisæfing - 22. nóvember

Mættir : Ívar, Ólafur, Sveinbjörn, Jón Örn, Þórdís, Ársæll, Björgvin og Dagur

Allir á sérleið nema Ívar og undirritaður, fórum Meistarann, teygðum túrinn uppí 10k og hittum Ólaf á síðustu kílómetrunum. Jón Örn undirbýr sig á fullu þessa dagana fyrir undirbúninginn að undirbúningstímabilinu fyrir undirbúninginn að Stockholm Marathon uppá eigin spýtur, en eins og allir vita er gott að vera vel undirbúinn fyrir hann.

Á morgun mæta Cargo Kings dýrvitlausir á gæðaæfingu samkvæmt pöntun.

Góðar stundir,
Stuttklippti þjálfarinn

Limruhornið

G.I.

Hann Guðni er nærri því gleymdur
við skráargerð kannski best geymdur
það er samt hans galli
að detta, sé halli
á fjöllum, ef í hlaupi er teymdur.

Bak eða brjósk, eða bæði
hann brýtur, ef myndast gott næði
samt er hann fljótur
ef virkar hans fótur
og brynjar sig gegn heymæði.


Ekki er laust við að hópurinn sakn‘ans
er drengurinn farinn til fjandans?
Kond‘aftur Gráni
fóturinn skáni
og eflist þá geð mannsandans.

Biðlisti-here are the results from the Swedish jury

Confirmation of registration
Article No. Quantity Price Sum
Registration to Reservlista Stockholm Marathon 2011, Waiting list. yes please 1 0.00 SEK 0.00 SEK
Total Price 0.00 SEK
Inc. Vat 0.00 SEK
First name: Oddgeir
Last name: Arnarson
Email: oar@icelandair.is
Race Class: Waiting list. yes please

Ársuppgjörið 2010

Gaman er að spá í hvaða markmið hver og einn setti sér fyrir hlaupaárið. Sumir ná sínu markmiði, aðrir hafa enn smá tíma (til 31. des.)og einstaka fara framúr sínum áætlunum, t.d. ef vera skyldi að hafa óvart lent í maraþonprógrammi. Endilega setjið inn töluna sem þið ætluðuð að hlaupa og hver talan er miðað við 19. nóvember, í dag. Athugið-engar hraðatakmarkanir eru í gildi við þessa gagnaöflun.
Góða helgi,
Sigrún

Föstudagsæfing í sumarveðri 19. nóvember

Þrenns lags æfingar voru í boði:
Sér: Jói
Landsliðs: Laufey og Þórdís (7K flugvallar)
Meistaraflokks: Dagur, Fjölnir, Sigurgeir, Sveinbjörn, Jón Örn og Sigrún (maraþonfulltrúi og tengiliður félagsmanna við Stokkhólm).
Meistaraflokkurinn fór bæjarrúnt með viðkomu hjá Jónasi þar sem þeir sem vildu gátu tekið 1 Jónas. Samskokk heim á hótel. Aðalritari var inntur eftir því hvort hann væri ekki búinn að skrá O-ið í Stokkhólm en eitthvað láðist að biðja um það heimafyrir en gerð verður bót á þessu í dag, síðasta dag skráningar, enda hefur O-ið sýnt viss einkenni Stokkhólmsheilkennisins. Það er von aðalritara að útbreiðsla faraldursins sé nú í rénun en hann hyggst fylgja liðinu á keppnisstað og skaffa drykki, nudd og sálræna hvatningu sem hann hefur numið í herbúðum FI-Skokks. "Þú lítur vel út og þú rúllar vel" eru setningar sem munu heyrast í Stokkhólmi, jafnvel þótt aðalritara finnist það ekki í raun. Íslandi allt!
Gleðileg jól og bæ.
Alls 8K
Sigrún

FYI

Brautin í Stokkhólmi.
http://www.stockholmmarathon.se/start/content_popup.cfm?Sec_ID=438
Kv. aðal

Notið endurskinsmerki!

Mbl.is

Maraþonfarar athugið!

Gott er að stunda fjölbreytta þjálfun fyrir maraþonhlaup og æskilegt er að gæta hófs í mat og drykk vilji menn öðlast hið klassíska og alltumfaðmandi maraþonútlit, sem svo mjög er í tísku um þessar mundir. Sniðugt er að brjóta upp æfingarnar með allskyns teygjum og hoppi eins og hjálagt upplýsingamyndband glögglega sýnir. Þess má geta að þessi er að byrja sína þjálfun þannig að þið þurfið ekki að óttast að enda svona.
Kveðja, le freak
Aerobic

Hádegisæfing 17. nóv.

Mættir: Þórdís landsliðs, Dagur neon, Óli kung-fu, Oddgeir carbon-fiber, Huld maraþondrottning og Sigrún kraftaverka (sbr. "það verður kraftaverk ef hún verður klukkutíma á eftir henni)". Fórum rólega Hofsvallagötu Síams en strákarnir fóru tempólengingu vestureftir. Hart er þjarmað að O-man um að skrá sig í Stokkhólmsheilkennið og virðist sem hann sé allur að mýkjast í þá átt. Einnig sást til JÖB hvar hann gekk glaðbeittur frá matsal hótels, en hann er einmitt með heilkennið. Mjög sérstakt veður var, logn, glerhált og þokumistur sem lá yfir í annars sólskini og fallegu veðri.
Alls um 8K og yfir
Kveðja,
Sigrún

Þriðjudagsæfing

Mættir: Bjútí, Jón Örn, Jói, Sveinbjörn, Þórdís og The Cargo Kings.

Eins og allir vita þá er þriðjudagur í dag og skv. plani eru brekkusprettir í boði. The Cargo Kings tóku þessu að sjálfsögðu alvarlega og ákv. að bjóða upp á brekkuspretti í kirkjugarðinum. Það var eins og einhver hefði prumpað illilega því hópurinn tvístraðist í allar áttir og engin þorði með The Cargo Kings í brekkuspretti! Sem sagt allir sér nema The Cargo Kings sem tóku 6 spretti samviskusamlega og í fjórða spretti var brautarmetið slegið :o)

Athygli vakti að D.Sommersby og Hérinn (meidddur) voru ekki á æfingu en samt sem áður voru sturturnar þeirra í fullri notkun eftir æfingu. Hafa menn talað um þarna hafi átt sér stað ákveðin kynslóðarskipti innan klúbbsins. Gönguklúbburinn hefur brugðist mjög skjótt við þessum kynslóðarskiptum og hefur nú til umfjöllunar umsóknir þeirra í klúbbinn.

Einnig hefur vakið athygli okkar að Síams hafa lítið sést á hlaupum eftir þátttöku í samsokki í NYC :o) Vonumst við eftir því að sjá þessa gleðigjafa fljótlega á æfingu með okkur í hádeginu.

Að lokum viljum við benda áhugasömum á að það eru aðeins 962 sæti laus í Stokkhólm maraþonið.

Kveðja,
The Cargo Kings

Track indoor

Kvöldæfingin var með Community Running og þar sem hitastigið hér í Boston getur farið ansi langt undir frostmark þá var ákveðið að frá og með byrjun Nóvember yrðu æfingarnar indoor á track. Þetta var fyrsta æfingin mín inni en vegna ferðalaga sl. 2 vikur hef ég ekki getað mætt ;( Ég var að vanda alltof vel klædd og í þokkabót í einhverjum eróbikk buxum, ekki mjög promising!
Æfing dagsins var upphitun utandyra í yndislegu veðri og svo hófst ballið. 2 sett af 1200m, 600m, 600m - 1200@5K pace og 600@3K pace. Skipt var upp í 2 hópa eftir fyrstu 1200,valið stóð á milli að vera lélegust í fyrsta hópnum eða best í seinni hópnum, valdi að vera í seinnihópnum, veit hvað þið eruð að hugsa, en stundum er bara gaman að fá að vera fyrstur! Dagur og Huld, þið þekki það ;) Æfingin gekk vel, en ég var svona næstum því dauð á eftir. Það sem hélt mér gangandi voru fréttirnar af einni sem hljóp maraþon fyrir nokkrum vikum. Hennar besti tími var 4.15 (eins og minn) og stefndi hún á undir 4 tímum en ef allt gengi upp þá 3.45 sem durgar til að qualifya fyrir Boston. Hón tók þetta á 3:43 og þegar hún sagði mér það, þá leið mér eins og ég hefði náð þessum tíma sjálf, ánægjan mín var svo svakaleg að hálfa væri nóg, hún heldur eflaust að ég sé á mörkum þess að vera hálf geðveik en það sem hún veit ekki er að ég er að stefna nákvæmlega á það sama. Ég veit þá allavega að þetta er hægt og úr því hún gat það, þá get ég það!

Samtals góðir 9,6K

Happy running from Runa Runner

Powerade Vetrarhlaup - Nóvember

Fjölmargir klúbbmeðlimir tóku þátt í öðru vetrarhlaupi þessa vetrar:

43:10 Viktor Vigfússon
43:43 Oddgeir Arnarson
44:14 Sigurgeir Már Halldórsson
45:45 Sigurður Óli Gestsson
46:02 Ívar S. Kristinsson
46:02 Fjölnir Þór Árnason
48:43 Jens Bjarnason
50:29 Rúna Rut Ragnarsdóttir
52:38 Anna Dís Sveinbjörnsdóttir

Stockholm !

Jo vist, nu er det snart slut med tilmeldinger...

Se her hvem har allreda tilmelt.

On the cover of the Rolling Stone

Það er nú ekki ofsögum sagt af ferðum Síamstvíburanna til stóra eplisins (Jonagold). Ekki voru þær fyrr komnar á expo-ið þegar blaða- og umboðsmenn flykktust að þeim og vildu ólmir taka þá tali. Sumir vildu fara í post-race ísbað með þeim, aðrir vildu snerta en enn aðrir vildu taka myndir af tvíburunum með þeim allra bestu í NY. Loks féllust Síams á að stilla sér upp með einu átrúnaðargoði sínu, gegn ríflegri þóknun. Hér getur að líta afrakstur þeirrar vinnu og mun þetta verða forsíða RW í desember.
Kveðja,
S2

Fríkaður Frjádagur 12. nóv.

Það sem var fríkað við þennan frjádag var það að óðum fækkar í hópi þeirra sem stunda hlaupaæfingar frá HL, þ.e.a.s. þeirra sem EKKI hafa farið heilt maraþon. Þetta stendur samt allt til bóta því Stokkhólmsheilkennið hefur gert vart við sig innan hópsins og mér skilst að skráningu ljúki um helgina. Annars fórum við hin í rólegt miðbæjarhlaup í nokkrum vindi og kulda en Jói fór sér í Öskjuhlíð og Bjútíið var á buffbúllunni (Valsheimilinu) að buffa.
Alls tæpir 8K
Hjálagt er fögnunarmyndband Síams eftir hlaupið í NY
Kveðja,
Sigrún

The Incredible Hulk

Undanfarna mánuði hefur Björgvin Harri stundað ákafar líkamsæfingar í Valsheimilinu á meðan við hin höfum traðkað malbikið og árangur hefur ekki látið á sér standa.

Tricep, bicep og vinir þeirra allir mættir á svæðið.

Hádegisæfing - 10. nóvember

Mættir : Bjútí Valsari, Dagur og Óli Nikk á sprintfartspel leið útá Eiðistorg, ásamt RRR (í heimsókn frá Boston og ætlar í Vetrarhlaupið á morgun), Sigurborgu og Ágústu Valdísi sem fóru Suðurgötuna.

Fríður hópur á fallegum degi.

Powerade Vetrarhlaupið á morgun.

Kveðja,
Dagur

ING NY MARATHON-Uncut version

Huld on the rocks, shaken but not stirred!



Ice ice baby!



Eftirhlaups fögnuður


Beðið eftir starti


Fyrir framan Public Library um kl. 05:15


Ferð Síams 1 og 2 gekk vel til NY og á Radisson SAS hótelinu lofaði „Olga“ okkur því að herbergið okkar væri hljóðlátt. Það reyndist staðsett fyrir ofan diskótek hótelsins svo ekki þarf að fjölyrða um svefn þá nóttina. Fengum okkur fluttar á degi 2. (daginn fyrir hlaupið) í annað herbergi með töluverðum tilfæringum. Eftir nokkurra klukkutíma óstöðvandi ungabarnsgrát í næsta herbergi sáum við að þetta myndi sennilega ekki ganga upp var ákveðið að fá annað herbergi á yfirfullu hótelinu. Fengum loks ágætt herbergi, hátt uppi, með „queen size“ rúmi sem tvíburarnir sáu fram á að geta hvílt sig í. Herbergið var ágætlega búið, með tvískiptu „stinningarkerfi“í rúminu og loftjónandi ofnæmisrakatæki á kantinum. Tvíburarnir gátu því stinnt sinn helminginn hvoran af rúminu, skyldi linkun vera að ná yfirhöndinni. Þegar kom að svefni fyrir hlaupið var slökkt kl. 21:00 og menn keyrðir í bælið. Um 3 um nóttina var vöknun með hafragraut, kaffi og óteljandi klósettferðum og svo var arkað út á Public Library til að taka rútuna yfir á Staten Island í svarta myrkri (05:15) hvar við tók tæplega fjögurra tíma bið í „þorpunum“ í skítakulda og roki. Lítið var um sæti en meira af „port a potty“ eða „pot pourri“ eins og við kölluðum það. Þarna ægði saman öllu kolruglaða liðinu sem hugðist hlaupa NY maraþonið og kuldinn var nokkuð bítandi. Síðan þegar um klukkutími var í start þurftu Síams að taka upp „Apartheid“ og hverfa hvor í sinn bás til að bíða startsins. Loks fór hlaupið af stað og við vorum ákveðnar í að njóta stundarinnar. Ekki er unnt með orðum að lýsa stemningunni á götunum en hún var svo mögnuð að Forest Gump og Reynir Pétur hefðu ekki geta verið glaðari en við. Sólheimaglottsáhrifin voru allsráðandi! Svo liðu mílurnar hver af annarri og við hlupum í gegnum hvert hverfið á fætur öðru í sól en nokkuð stífum hliðarvindi, á köflum. Þarna ægði saman allskonar fólki, gyðingum, þeldökkum, feitum, mjóum og hávaðasömum áhorfendum sem öskruðu eins og enginn væri morgundagurinn. Reyndar voru gyðingarnir með stillt á „silent“ en það kom ekki að sök. Öðru hverju mátti heyra „go-Deloitte“ sem gladdi Síamshjörtun. S1 fór nokkuð létt yfir leiðina en trúði S2 fyrir smá hnignunareinkennum á ca. 38.K. Einnig voru síðustu "yardarnir" frekar óspennandi. Þegar S2 kom að mílu 21 var ljóst að mikill fótakrampi (áður óþekktur) var að ná yfirhöndinni á báðum fótum og þá hugsaði S2 til baka og áttaði sig á hvað var að gerast. Jú, um morguninn (nóttina) þegar tvíburarnir tóku vítamínin sín hafði S2 tekið torkennilega töflu sem lá á náttborðinu og merkt var „Viagra“. Fótakramparnir voru því vegna áhrifa stinningarlyfja og var nánast um „rigor mortis“ ástand að ræða, í báðum fótum, enda hámarksþéttni töflunnar í blóði um 7-8 tímum eftir inntöku. Á einhvern undraverðan hátt tókst S2 þó að skrölta áfram síðustu mílurnar, með smá gönguköflum, og komast brosandi í fo... markið. Tilfinningin var einstök, yfirþyrmandi og ósvikin. Meðfylgjandi eru nokkrar myndir af okkur og við erum sammála um að þetta var minnst stressandi hlaup sem við höfum báðar tekið þátt í með hámarks glöðnunaráhrifum, fyrir, á meðan og á eftir. S1 beið svo eftir S2 við UPS fatabússinn og var fögnun allsráðandi. Bjórbanninu var síðan aflétt skömmu síðar þegar við höfðum heilsað upp á Oddgeir, sem var á kantinum og nokkra Íslendinga sem voru í hlaupinu. Fengum okkur síðan smá hressingu og óísótónískan drykk á veitingastað, íklæddar álteppunum og þurftum í lokin að labba heim hótel, sem var ekki mjög stutt leið. Á hótelinu beið okkar það skemmtilega verkefni að fara í ísbað en hærri skaðræðisvein hafa sennilega ekki heyrst frá neinu herbergi þennan daginn og ég læt það liggja á milli hluta hver átti öskur dagsins. Semsé, fullkominn dagur í besta hugsanlega félagsskap. Getum ekki beðið eftir næsta!
S1 & S2

Hádegis-tískuslys 9. nóvember 2010

Sælir nú góðir hálsar (sagði kórstjórinn).
Í blíðunni í dag voru mættir, ljósameistarinn hinn eini sanni og the notorious I.N.R.I, en þeir fóru báðir sér. Þá voru mættir Der Führer, The Karate Kid, Bjútí og Cargo-systur a.k.a. Cargo-Kings (að eigin sögn). Einnig var Ívar mættur, en hér með er auglýsi ég eftir almennilegu nickname á kauða því það bara gengur ekki að menn fái að vera svona lengi í klúbbnum án þess að vera teknir fyrir. Sem fulltrúi fljóða var nýliðinn Dísa Skvísa mætt og fór sér en felldi engann klúbbmeðlim að þessu sinni heldur sást til hennar skriðtækla nokkur gamalmenni sem voru á heilsubótargöngu í blíðviðrinu. Anyhew, Bjútí og Cargo-systur voru í vel syncronizeraðir í klæðaburði og glæsilegir á velli þar sem þeir hlupu taktföstum og vel "coreograferuðum" skrefum sem leið lá um Meistaravelli. Staðalbúnaður dagsins var, hvítir hlaupaskór, svartar Nike síðar hlaupabuxur, nýji ljósblái(með vott af túrkis) FISKOKK hlaupajakkinn. Það eina sem aðskildi þessa glæstu þremenninga var buffið. Að öðru leiti en því var ekki hægt að þekkja þá í sundur. Því miður er ekki hægt að segja það sama um þá félaga Foringjann og Ívar, sem voru látnir hlaupa aðeins á undan og ekki með vel stíliseruðum þremenningunum. Þeir voru klæddir alveg út og suður, engin settering, enginn staðall, og að auki var foringinn í svo gulum jakka að nokkrir japanskir túristar rugluðust á honum og sólinni "út á pinna" og lögðust í sólbað á bílaplaninu. Eru menn vinsamlegast beðnir um að gæta sín í þessum efnum hér eftir, hringja sig saman kvöldið fyrir hlaup og ákveða samstæðan búning fyrir hádegishlaupið dagin eftir. Maður getur rétt ímyndað sér hvernig saklausu fólki líður sem mætir hópnum á förnum vegi og menn eru bara klæddir alveg út og suður...engin settering....ekkert...! Ég bara hálf kvíði fyrir því þegar það fara að hrannast inn hérna kvartanirnar vegna þessa skorts á "gay-ness" sem sumir klúbbmeðlimir urðu uppvísir að í dag. Sko, það er eitt að fara út að hlaupa í sokkabuxum, en annað að fara út að hlaupa í sokkabuxum "with style"...yeahh baby :-)
Í Guðs friði börnin mín.
Bjútí

New York Maraþon

Við áttum þrjá glæsilega fulltrúa í þessu hlaup. Sjá úrslit allra íslendinganna hér, þar á meðal okkar tíma.

"Forréttindahlaup" 5. nóv

Mættir í dag: Björgvin, Ársæll, Jói, Dag Sommerby, Jón Örn, Óli sænski, Fjölnir auk þess sem nýr meðlimur Þórdís kom skemmtilega á óvart og mætti annan daginn í röð.
Aðalæfing dagsins var hefðbundið miðbæjarhlaup þar sem mönnum var tíðrætt um forréttindi og hvort og hversu rétt sé að segja að foréttindi séu sjálfsköpuð eða áunnin. Frábært veður í dag og einhver hefði eflaust sagt að það væru forréttindi að fá að hlaupa úti í þessu veðri og útsýni, hversu rétt sem það er svo að segja það.
Í Íslensku Orðabókinni stendur; forréttindi h ft. aðstaða sem e-r nýtur umfram aðra; einkaréttur: það eru f. mín.
Minni alla á samskokk á morgun laugardaginn 6. nóvember en þá býður Vesturbæjarhópurinn (Hlaupasamtök Lýðveldisins) hlaupurum í samskokk frá Vesturbæjarlauginni. Lagt verður af stað frá Vesturbæjarlaug kl. 09:30.

Góða helgi, Fjölnir

P.S. Sigurgeir bað mig um að skila þessu:
"Den 5 november var 15 841 löpare anmälda till ASICS Stockholm Marathon 2011. Samma datum i fjol var 14 893 löpare anmälda.

20 000 anmälningar accepteras till ASICS Stockholm Marathon 2011.
Även vid 2010 års Stockholm Marathon accepterades 20 000 anmälningar. Loppet var då fulltecknat den 17 november 2009.

Information om antal anmälda uppdateras varje dag."

Hádegisæfing - 4. nóvember

Mættir : Dagur, Oddgeir, Sigurgeir, Sveinbjörn og Þórdís (nýr meðlimur)

Sveinbjörn og Þórdís fóru Suðurgötuna á meðan restin fór Hofsvallagötuna. Bjart og gott veður en kalt. Meðlimir áttu erfitt að fóta sig í snjónum og náði Þórdís að fella Sveinbjörn með sniðglímu á lofti á einum hálkublettinum.

Þórdís Ævarsdóttir starfar í Dreifikerfum hjá Icelandair (sama deild og Bjútí).
Þórdís á að baki glæstan feril með landsliðinu í handbolta og er mjög liðtækur hlaupari. Meðal annars hljóp hún síðasta Icelandair hlaup (2010) á 39:02.

Limruhornið

Björgvinslimra

Hann Björgvin er kallaður bjútí
svakalegt brein og kjútí
þó er það skrýtið
hvað greyið veit lítið
um hvað ber að varast, uppí.

Hópurinn hraðstækkar óðum
meðan höfðinginn lyftir lóðum
Bjöggi- „hvað er í gangi“?
þótt mikið þig langi
að troðfylla húsið af fljóðum.

Með fimm börn á framfæri sínu
og fleti í stofunn‘á dýnu
til að vald‘ekki tjóni
er best að hann prjóni
smokk, fyrir nýja haustlínu.

Með haustkveðju,
aðal

Hádegisæfing 3. nóvember

Heyrt í baðklefa karla: "Ursäkta, men vad tränar ni för? Mig, jag träner för Stockholm Marathon. Det krävs styrka, uthållighet och skönhet."

Já, menn eru farnir að æfa grimmt fyrir Stokkhólm og ekki veitir af. Í brunakulda mættu þeir Ársæll á eigin vegum, Síams 1 og 2 á sérleið í síðasta hlaupi fyrir NY, og Dagur, Fjölnir, Óli og Geiri smart á Kaplaskjólsleið (held ég). Ljóst er að veturinn er kominn og eru síamssystur fegnar að vera að ljúka sínu maraþonprógrammi en ekki að hefja það.

Skemmtilegt er frá því að segja að Cargo systur mættu í sérstökum gjafabolum (fyrir þá sem eru með barn á brjósti)frá Stokkhólmsmaraþoninu með logoinu: "Jeg tränar for svenske mænd som drikker te och Baileys". Skemmtilegt. :)

Annars bara bæ,
SBN

Hádegisæfing - 2. nóvember

Mættir : Dagur, Ívar, Oddgeir, Sveinbjörn, Ársæll, Jói, Björgvin, Jón Örn

Dagur, Ívar og Oddgeir fóru kolkrabbann í boði Ívar sem tók dýrið haustaki og sleppti ekki fyrr en það gafst upp. Drengurinn sá í fanta formi.
Sveinbjörn tók rækjuna (fyrstu þrír af fjórum).

Ársæll, Hofsvallagata á eigin vegum
Jói, á eigin vegum á Öskjuhlíðarhólnum
Jón Örn, 'fór yfir og tilbaka'
Björgvin, tók styrktaræfingar á grindarbotni og kvið samkvæmt prógrammi

"Hefði verið gaman að hafa fleiri með í kolkrabbanum"
"30% af tölunni á viktinni er huglæg"

Kveðja,
Dagur