ASCA Cross Country Event Dublin

Eftirfarandi barst frá Beggu, ASCA fulltrúa STAFF. Merkið við í dagbókina strax í dag.


"Dear Delegates,

Aer Lingus invites you to Dublin on 7-9 May to compete in the ASCA Cross Country event. The hotel details are on the ASCA calendar and the package details will be posted in a few days.

I am finalising the Bridge event, full details in a few days.

Best Regards,
Jim Mc Evoy,

Aer Lingus Delegate."

Æfingar fyrir karla yfir 40

Ekki það að það séu einhverjir svona gamlir að æfa hjá okkur en...XXX
Aðal

Til upprifjunar

Til að fyrirbyggja misskilning: BB Smellið hér:
Þarna var bjútíið ekki orðinn tvíburafaðir og þ.a.l. ekki með nema lítinn hluta þeirrar ábyrgðar sem á honum hvílir í dag.
SBN

Hádegisæfing 2. febrúar

Smá kuldi í dag en annars ljómandi fínt veður. Mættir: Forstart-Bjöggi, Anna Dís og Oddný (caught at the scene of the crime), Sveinbjörn og Jói sér en Dagur, Sigurgeir Vínarfari, Oddgeir, Bryndís og Sigrún fóru Hofsvallagötu en strákarnir lengingar á kapla og blaðburðar, með látum. Þó vill formaður koma því á framfæri að Oddgeir fær "dnf" í kladdann að þessu sinni, þrátt fyrir lipurlega framgöngu í byrjun. Annars allt tíðindalítið af vestur vigstöðvum.
Alls milli 8,6 og 9,3K
Lifið heil. :)
Sigrún
Ath. Lýst er eftir nokkrum félagsmönnum og eru þeir beðnir um að gefa sig fram við næstu strandstöð landssíma Íslands strax: (ekkert hefur spurst til um ferðir þeirra síðustu misseri)
Karl Thode Karlsson
Guðni Ingólfsson
Sigurður Anton

Hádegisæfing 1. febrúar

Fáir mættir í dag: Jón Örn (á eigin vegum), Bjöggi og Sveinbjörn fóru Suðurgötuna og Dagur og Sigrún Hofsvallagötu þar sem dregnir voru upp úr hattinum 2*1K tempókaflar (á 4:16 ca) og 2K á um og yfir 5, fyrir og eftir. Náðum Sveppa og Bjögga hjá Nauthóli, enda höfðu þeir þá gleymt sér og voru komnir í Avon gönguna, til góðs. Frábært veður var, alveg logn og milt en launhált. Einnig sást til Ingunnar sem og tveggja heiðurskvenna, í forstarti, sem ég kann því miður ekki deili á.
Alls frá 7-8,6K
Kveðja,
Sigrún
Orð dagsins: (tileinkuð Bjútí-inu en gagnleg öllum)
perfer et obdura; dolor hic tibi proderit olim
Be patient and tough; some day this pain will be useful to you.

Auglýsing

Meistaramót öldunga í frjálsum.
Smellið hér
Allir öldungar (35 ára og eldri) eru hvattir til að mæta.
Kveðja,
stjórn IAC

Formúla fyrir hlaupaár

Formúlan fyrir hlaupaár er:



Ég hef engann tíma til að fara út í nákvæmar skýringar á því hvernig á að nota formúluna og læt ykkur um að finna út úr því. Allavega er x = bmi stuðullinn á mismunandi æviskeiðum og n = næringarupptaka á helstu byggingarefnum líkamans yfir sama tímabil. Út úr þessu fæst það sem ég kýs að kalla Q-Score sem er sá fjöldi hlaupaára sem viðkomandi á eftir af sinni farsælu ævi.

Það merkilega við þessa formúlu að hún lýsir einnig hlutfallinu milli skreflengdar fullorðins Navi og lengd handleggs frá handarkrika að rótum þumalfingurs. Hvernig á þessu stendur veit enginn...

Freaky Friday 29. janúar

Mættir á pinnann: Bjöggi bjútí, Ása Jónasarmódel, Huld prototype, Óli 3rd floor, Dagur á sama gólfi kominn frá BOS úr stofufangelsinu, Oddgeir (sem kann ekki umferðarreglurnar)og aðalritari (stundum á topp 10, allavega í smástund) og Jói, sem fór sér, enda nýbúinn að eiga afmæli og að safna fjallstindum. Fórum nokkuð hefðbundinn miðbæjarsýningarrúnt (eftir nokkrar þæfingar)og sól skein í heiði og á fjöll og dali. Heit umræða myndaðist um hlaup(a)ár, þ.e. hversu mikið hver og einn mætti hlaupa á ári ef miðað er við 30-40km "avg." viku hlaupara. Nokkrar hugmyndir komu upp um skilgreiningu hugtaksins og hvað það ætti að heita. Samkvæmt einhverjum gúrú að nafni Galloway er best að hlaupa um 150km á mánuði annars er maður að "taka af sér". Aðalritari, sem ekki fellur inn í þessa idealformúlu þessa dagana vill eindregið hvetja IT menn til að skila fullprófaðri, raunhæfri formúlu til útreiknings á þessu fyrir hinn venjulega félagsmann á gólfinu. Annars verður kenning þessi dauð og ómerk og virt að vettugi.
Góða helgi-
Alls 8K
Sigrún

Setning dagsins er í spurningaformi: "Þarf maður að vera vitlaus ef maður þekkir ekki J.D. Salinger og hefur ekki áhuga á bókum en hefur verið í skóla og þekkir samt Galloway?"
Svarið við þessu fæst í næsta þætti þegar "Nurse Piggy says: You have to be quick, Dr. Bob, the patient is sinking". ("What is he thinking? That is the question?")

Hlaupaskór hafa breytt líkamsbeitingu

Af vef mbl.is

Hádegisæfing 28. janúar

Mættir: Bryndís, Jói og Sigurgeir.

Það voru tvær leiðir í boði í dag, sér og Hofsvallagata. Þegar við komum að póstkassanum var formaðurinn mættur á svæðið til að merkja við hverjir voru mættir. Það sem stendur upp úr í dag er að formaðurinn var á bíl og hefur undirritaður aldrei séð hann á bíl áður!

Kv. Sigurgeir

Nýtt á hlaupadagbókinni-www.hlaup.com

Samskokk
Check it out!
Kveðja,
Sigrún

Hádegisæfing 27. janúar

Fín mæting í dag í sumarveðri: Jón Örn, Sigurborg og Ólafur fóru sér (um 7-8K) en Bjöggi, Fjölnir, Rúna Rut og aðalritari fóru Hofsvallagötu (8,7K). Yndislegt sumarveður var, milt og hlýtt. Strákarnir okkar eru strákarnir okkar (allavega mínir) en Bakkabræður (eins og þeir voru í gamla daga í þjóðsögunum) voru langtum trúverðugri en þeir sem við þekkjum undir sama nafni í dag. Það er nokkuð ljóst.

Ath. Fréttst hefur að DE stundi brettahlaup í Boston og velta menn því fyrir sér hvort hann hafi ekki útivistarleyfi í USA. Maður spyr sig?
Kveðja,
Sigrún

Stuttmynd um Laugaveginn 2009

Áhugavert og hvetjandi:
Smellið hér:
Kveðja,
aðalritari

Ólöglegir sterar í fæðubótarefnum

Heilbrigðismál:
Mast.is
Kveðja,
aðalritari

Hádegi 22. jan 2010

Mættir voru: Ingunn (sér), Jón Örn (sér), Briem (seint og sér) og svo Dagur, Erlendur, Guðni, Huld og Jón Gunnar (saman).

Saman hópurinn hljóp um vesturbæ og Þingholt. M.a. annar hlaupið fram hjá núverandi og fyrrverandi bústað Erlendar. Vonir stóðu til að hópnum yrði boðið í vöflur en ekki varð úr því. Ýmsar sjaldfarnar götur hlaupnar. Endað á einni Crossfit æfingu í boði Erlendar (fyrst hann klikkaði á vöflunum).

Samtals 8,4 á 43:47

GI

Hádegisæfing 21. janúar

Mættir: Dagur, Guðni, Tómas (fyrsta skipti á æfingu), Sveinbjörn og Jói

Vegna veðurs var farið í Öskjuhlíðina og teknir 5 x sprettir á Bláa hringnum. Frá starti inní skóginum upp og niður brekkuna þar sem spretturinn endaði og síðan joggað tilbaka að startinu. Fín æfing og var gaman að sjá félaga Tómas á sinni fyrstu æfingu. Vonandi eigum við eftir að sjá meira af honum í framtíðinni.

Dagur, formaður

Félagsmaður sigurvegari í 5k hlaupi

Í morgun sannaðist það að morgunstund gefur gull í mund. Eldsnemma (7:30) í morgun var haldið 5k hlaup við Laugardalinn, 'Læknar á rás fyrir Grensás'. Á meðan aðrir sneru sér á hina hliðina við gnauðið í vindinum tók félagsmaður Jakobína Guðmundsdóttir þátt í hlaupinu og kom fyrst í mark kvenna. Jakobína æfir dags daglega með Árbæjarskokki.

Góður árangur þar.

Dagur, formaður

Orðabók FI SKOKK-fyrir fólkið á gólfinu

"Það þarf nú að fara að koma upp orðabók þar sem kenninöfn hlaupafélaga eru þýdd á okkar annars ylhýru tungu. RRR, Gnarrr, bjútí, Aðal og meas. einhver sem kallar sig Stjórn IAC".

Af gefnu tilefni:

Aðal= aðalritari FI-skokk/geitin, eða bara eitthvað sem hentar (Sigrún Birna Norðfjörð), öðru nafni IAC (Icelandair Athletics Club)
Bjútí= Björgvin Harri Bjarnason (alias Bjöggi bjútí, eða B.B.)
Drottningin= Bryndís Magnúsdóttir (búin að keppa í ASCA öll árin að ég tel)
Cargosystur/bræður= Sigurgeir Már Halldórsson (Glamúr)og Fjölnir Þ. Árnason
Doris Day&Night=Dagur Björn Marcher Egonsson (Der Führer/harðstjórinn, sköllótti þjálfarinn(erlendis) og Guðni Ingólfsson (Hardcore dept.)
Gnarr, Gnarinn= Jón Gunnar Geirdal, stundum Geirdallurinn.
Hérinn, Síams, Prototýpan og fl.= Huld Konráðsdóttir (fyrirmynd aðal).
Hössi/Roadrunner/Höskuldur hugumprúði= Höskuldur Ólafsson, áhangandi og eitt af flaggskipum FI skokk.
JB (JayBee)= Jens Bjarnason, margreyndur hlaupari.
Karate Kid/Briemarinn= Ólafur Briem, 3rd floor.
Johnny Eagle= Jón Örn, skemmtileg "comment" einkenna viðkomandi.
Jóhann Úlfarsson= Joe Boxer, The Mad Rocker og fl. Einn af stofnendum klúbbsins.
Oddgear/Oddurinn/O-man= Oddgeir Arnarson.
Sveppi/Sveppurinn/Duckwatcher-inn (endurskoðandi), Chuckar-inn= Sveinbjörn Egilsson, innri endurskoðun.
RRR (Triple R)= Rúna Rut Ragnarsdóttir, nýliði á siglingu.
Victory City= Sigurborg frá Icehotels.

Vonandi varpar þetta einhverju ljósi á persónur og leikendur í farsa FI skokk, öðru nafni IAC. Endilega komið með ábendingar, því eflaust gleymi ég einhverjum óviljandi.

Bestu kveðjur,
aðal (SBN)

Hádegisæfing 20. janúar

Ógó margir í dag: Dagur (hardcore), Guðni (í kærastahorninu), Huld (on the sideline), Óli (as himself), Sigurborg (victory city), Rúna Rut (Triple R), Ólafur (Doppelgänger 3D), Jói (frumherji), Sigurgeir (hælisleitandi), Fjölnir (FH-ingur), Sveinbjörn (Chuck-arinn m. leyfi höf.), Oddgeir ("magn er ekki sama og gæði"), Bryndís (frá Suezskurðum.org), Jón Örn (from Eagleville), Ingunn (huldumey úr skógi)og loks aðalritarinn (á topp 10). Úff...(Dagur bað mig sko sérstaklega að uppnefna alla í dag, ekki halda að ég hafi gaman af þessu!) Fórum í einni slummu *Bíp*-Hofsvallagötu hvar þeir 4 fyrsttöldu tóku tempólengingar "in bítvín" en nýliðarnir, sem nota bene, eru í stórsókn, fóru flugvallarhringinn, sem ber að hrósa sérstaklega fyrir. Mr. Eagle var á eigin vegum, enda kann hann ekki við þegar aðalritari lýsir æfingum með orðunum "rólegt recovery" þegar allt annað er uppi á teningnum. Þið hafið heyrt um áfallastreitu og viðbrogð við henni, jú, t.d. er það aðalritara mikið áfall að sjá hve blómlega er staðið að innleiðingu kvenkyns nýliða í FI-skokk hópnum og minnist ekki sérstaklega að hafa fengið slíka drottningarmeðferð í árdaga. Til að sporna við þessu augljósa óréttlæti hefur hann gert annarra orð að sínum, eða: "when the going gets tough, the tough goes shopping" enda skellti hann sér í Intersport og keypti sér lyftingasett...þannig að....
Alls 8,7-9,3K
'A presto'-
aðalritari ;)

Hádegisæfing - 19. janúar

Mættir : Sigurgeir Gys, Fjölnir, Ása, Rúna Rut ásamt Jóa og Óla sem voru á eigin vegum.

Æfing dagsins leiddi okkur að 'K'inu inní kirkjugarði. Teknir voru 5 hringir + 1 bónussprettur. Skemmt er frá því að segja að Ása hleypti lífi í keppni milli manna. Sigurgeir gerði sitt ýtrasta til að halda í við spúsu sína og tókst það fyrstu fjóra. Í fimmta spretti heyrðust viðvörunarhróp og hvatningarköll frá Fjölni, síðan angistarstunur frá Sigurgeir þar sem Ása þeystist fram úr honum og kom í mark á undan. Blóðbragð var bragð dagsins enda ekki lagt upp með annað. Í bónussprettnum kom RRR (ætlar Laugarveginn í sumar) verulega á óvart og fylgdi formanninnum upp í miðja brekku á feikna hraða, hún á bersýnilega mikið inni. Sigurgeir rak lestina í síðasta sprett, gjörsamlega búinn. Fjölnir var skynsamur allan tímann og skilaði sínu.
Á leiðinni tilbaka var tekinn léttur sprettur gegnum hlíðina þar sem Óli birtist allt í einu át off nóver.

Kveðja, Dagur (formaður)

Hádegisæfing 18. janúar

Mættir: Guðni, Sigurgeir, Björgvin, Oddgeir, Jón Örn, Dagur, Anna Dís og Oddný

Kellurnar fóru saman á meðan tuddarnir þjösnuðust á klakanum Suðurgötu, Hofs og Lynghaga. Farið var yfir stöðuna eftir Vetrarhlaupið og spáð í spilin varðandi væntanlegt ASCA lið. Guðni lagði til að við héldum úrtökumót fyrir ASCA hvort sem verður af keppninni eða ekki, bara svona til að setja standardinn. Nýr félagsmaður Viktor Vigfússon ITS, hljóp á góðum tíma - hraðar en sumir.
Sigurgeir var stóryrtur að venju, gerði gys að magninu hjá Fjölni, sagði að magn væri ekki sama og gæði og tók Oddgeir undir það. Sigurgeir sagði einnig að Fjölnir yrði alltaf 5 mín á eftir sér... sjáum til hvernig það fer.
Enginn í þessum hópnum hafði hug á að fara Laugarveginn svo vitað var, en Sigurgeir ætlar með frúnni í Óshlíðina, spurning hvort ekki verði stemmning. Einnig var rætt um Frjálsa Laugarvegshlaupið sem reyndar hefur fallið niður tvö síðastliðin ár af óviðráðanlegum ástæðum. Að lokum var mönnum tíðrætt um parathon og það hvernig og með hvaða skilyrðum ætti að para þátttakendur saman - margvíslegar skemmtilegar hugmyndir komu fram.

Kveðja, Dagur (formaður)

Læknahlaupið 2010- 5km

"Á rás fyrir Grensás". Hvetjum alla til að taka þátt!
Skráning og upplýsingar
Kveðja,
IAC

Langhlauparar ársins 2009

Sjá frétt á hlaup.is
Kveðja,
IAC

Eftir Powerade æfing 15. jan.

Mættir: Huld og Bjöggi (úr fullorðins) en úr áhangendagrúppu voru Óli (sér), Dagur (admin.) Oddgeir, Jón Örn og Sigrún. Fórum rólegan "recovery" bæjarhring því hrista þurfti þreytuna úr mannskapnum. Aðalritari, sem ekki hefur verið keppnisglaður síðustu misseri, fékk enn eitt rothöggið er veik von vaknaði í brjósti hans um að geta kannski orðið aðstoðarmaður á plani (ekki starfsmaður)í Powerade seríunni. Öllum framadraumum hans sem aðstoðarmanns var sópað upp í vindinn þegar "aðallinn í myndinn kom inn og sagði": það þarf að vera 5 ár á plani áður en maður getur orðið gjaldgengur fyrir úthlutun á Kraftgalla" (starfsmenn klæðast honum við hlaupið, sérstaklega í aftakaveðrum). Þarmeð var ljóst að aðal yrði að fara að keppa aftur ellegar að kaupa sér Kraftgalla sjálfur ætli hann sér að tolla í "starfsmaður á plani" tískunni 2010.
Alls um 8K
Góða helgi,
Sigrún

Hádegisæfing 14. janúar

Mætt í dag á 10km tempóæfingu: Guðni, Dagur og Sigrún. Fórum 5km út með ströndinni á Ægisíðu með snúningi á Nesvegi og þaðan sömu leið tilbaka. Sigrún fór 10km og negldi þar niður (stoppaði)en drengirnir lengdu um 700m í gegnum skóg til að geta orðið samferða aðal síðustu metrana sem þeim mistókst vegna hröðunaráhrifa. Smá mótvindur tafði á bakaleið en hlaupið var engu að síður skemmtilegt, svona skömmu síðar.
Alls 10-10,7 km
Óskalag dagsins er tileinkað þeim sem mættu ekki og þeim sem keppa í kvöld:
Kveðja,
Sigrún

Framkvæmdaáætlun 2010

Mars, þátttaka í ASCA í Dublin (Ólafur Briem og Sigrún)

6. maí, Icelandair-hlaupið (framkvæmdastjóri Sigurgeir)

Maí, Þrjár fjallgöngur, síðasta gangan verður yfir Esjuna í Kjós þar sem Ársæll býður til veislu á ættaróðali sínu (Jói og Sveinbjörn)
5.-25. maí, Hjólað í vinnuna 2010 (Guðni og Dagur)

14.-15. ágúst, Hjólaferð Landmannalaugar-Þórsmörk (Sigurður Anton)

21. ágúst, Reykjavíkurmaraþon, klúbburinn stefnir á að fjölmenna

25. september, WARR London (Jens og Bryndís)

15. október, Aðalfundur og árshátíð

Þess utan eru að sjálfsögðu æfingar alla virka daga í hádeginu frá HLL klukkan 12:08 og aragrúi annarra atburða sem klúbburinn hvetur til þátttöku í.
____________________________
f.h. stjórnar IAC
Dagur Egonsson

Hádegisæfing 13. janúar

...allt vaðandi í "Guggum" í dag, svo margar að ég man ekki helminginn af þeim..
Úff, en allavega af þeim sem ég man mættu þessir: Guðni, Dagur, Jói, Jón Örn, Ársæll, Bjöggi, Sigurbjörg, Rúna Rut með fylgdarsvein (Árni...getur það passað?),(editor's note: Ólafur Loftsson) Huld og Sigrún og svo mættum við tveimur Guðrúnum á útleið. Fórum rangsæla Hofsvallagötu í svakalega fínu vorveðri en hópurinn tvístraðist fljótlega og ekki er ljóst hvert megnið af hlaupurunum fór en Jón Örn fór Suðurgötuna og Jói gerði slatta af armbeygjum eftir æfingu. Mikilvægar læknisfræðilegar upplýsingar komu fram á leiðinni eftir Ægisíðu og fara þær hér á eftir:
1. Stundum er Oddgeir blár og kaldur að reyna að ná sambandi með skottinu (sbr. Avatar), en ég er þess fullviss að þessi tilvitnun er ranghermd þótt hún hafi e.t.v. eitthvað sannleiksgildi.
2. Ef gerð er nýrnaígræðsla (transplant)er gamla nýrað látið vera og eru menn þá með 3 nýru þangað til það óhreyfða hrörnar/visnar og verður óstarfhæft af náttúrulegum völdum. Við þessa staðreynd setur nokkurn ugg að FI skokkurum sem sjá þetta fyrir sér sem allegoríu/myndlíkingu hvar nýr meðlimur birtist í hlaupaklúbbnum sem hægt og rólega bolar hinum gamla meðlim út sem visnar og deyr af náttúrulegum orsökum sökum hinnar fersku yfirtöku nýja meðlims. Enginn sem mætti í dag hefur hugsað sér að upplifa þetta og hyggjast menn nú æfa sem aldrei fyrr.

Alls um 8,7 km en aðrir með aðeins minna
Minni á Powerade annað kvöld fyrir fullorðna.
Kveðja,
Sigrún
Óskalag dagsins Bjöggi, this one is for you.

Hádegisæfing 12. janúar

Fín mæting í dag á rólega æfingu: Óli (ormagöng), Sveinbjörn (líka), Jói, Dagur, Bjöggi og Sigrún fóru fínan skógartúr með viðkomu í skógrækt í Fox og þaðan upp áleiðis að Perlu með exiti inn í Öskjuhlíð, hvar 3*3 krossfit æfingar voru teknar við upphífingastöð K. Thode Karlssonar. Yndislegt vor/haustveður var í boði almættisins í dag og ótrúlega falleg fjallasýn í panorama útsýni. Það virðist sem svo að sumir FI skokkfélaga hafi ánetjast röngum hluta af æfingaprógrammi klúbbsins, þ.e. lestri bloggsíðunnar en þeir hinir sömu eru eindregið hvattir til að láta til sín taka á hlaupastígunum í bland við lesturinn. Að vera eða að vera ekki á æfingu, þar er efinn.
Alls um 7km
Kveðja,
aðal ofurbloggari

Hádegisæfing 11. janúar

Í góða veðrinu í dag mættu þeir sem fá kraft úr Kókómjólk....
Það voru: Jón Örn (Suðurgata), Sveinbjörn (líka), Jói (vildi ekki stytta og fór um 7km), Óli (einn af nýju Lobbyistunum, þ.e. hannn hangir í hótellobbýum og gerir armbeygjur), Dagur formaður, Guðni, Sigurgeir, Huld og Sigrún héldu vestur í bæ hvar Óli tók lengingu með Guðna og Dagur fór enn lengra en H, S og S fóru Hofsvallagötu. Núna þegar dag tekur að lengja og sól hækkar á lofti er upplagt að skrá sig á póstlista formanns og fá tilboð frá einkaklúbbnum um helgar. Tilboðin gilda ýmist á laugardags- eða sunnudagsmorgnum og spanna millilöng hlaup og eða fjallaklifur. Ræsing er nokkuð snemmbúin en þátttaka sýnir að hlaupaleiðirnar eru fyrir alla. Fjöldi þátttakenda í vetur hefur spannað allt frá 0 upp í 3 mest sem best sýnir þá gríðarlegu grósku sem á sér stað innan skokkklúbbsins.
Í dag 7-7,8-8,7-9 km.
Sólarkveðja,
Sigrún aðalritari

Freaky Friday 8. janúar

Mættum í dag full eftirvæntingar um að sjá alla HR-ingana....well, við mættum eftirtalin: Sigurborg (sér), Sveinbjörn, Andrés, Ársæll og Oddný fóru Fossvoginn, og Jói sem fór Grensásveginn og Jón Gunnar Geirdal, Bryndís og Sigrún fóru hefðbundinn bæjarrúnt með sýningarívafi í mildu og frostlausu veðri. Það sem var helst "freaky" við þennan frjádag var það að allir hlupu þá leið sem þeir vildu í dag, svona nánast.
Af því tilefni er þetta óskalag:
Alls 7,4K

Orð dagsins:
Þó að feli skúrir skin,
skugga aukist valdið,
meðan einn ég á mér vin
áfram get ég haldið.
- Gunnlaugur P. Sigurbjörnsson

Góða helgi,
Sigrún B. aðalritari

Hádegisæfing 7. janúar

Það sást greinilega í dag hverjir drekka Egils Kristal...
Mættir voru í glampandi sól: Bjöggi á 180 bpm, Guðni sem gleymdi sér, Dagur sem hefur ofurtrú á klósettpappír, Óli sem er hlunnfarinn í nesti miðað við smáfugla og undirrituð sem er á vinstri beygju á stefnu. Fórum Valsleið vestur í bæ hvar aðalritari hélt að hann slyppi létt með venjulegri Hofsvallagötu en svo reyndist ekki vera því rakleitt skyldi halda upp á Akranes. Restin af leiðinni er í þokumóðu en þó brá fyrir Brunnstíg, höfninni með viðkomu í skipi, Laugavegi, Vitastíg en síðan um ormagöng á Eiríksgötu, Valsheimili, Öskjuhlíðarstokkur (Yura-brekkan ef menn voru í Val), þó ekki með mann á bakinu, eins og var til siðs, hjáleið og niður 3. kolkrabbaarminn á hótel. Ofurfallegt veður og vor í lofti (var það ekki annars?)en launhált á stöku stað.
Alls hlaupnir 8,5 km
Kveðja,
Sigrún
Hér má líta myndband sem ku vera lýsandi fyrir stemninguna sem ríkir í baðklefa FI Skokk eftir æfingar. Þarna má greina þjálfara, vanan meðlim og nýliða sem augljóslega er ekki vel áttaður um stéttaskiptinguna innan hópsins.

Kosning á langhlaupara ársins 2009

Hvet alla til að lesa þetta og kjósa:
Smella hér:
Kveðja,
Sigrún

No whining Wednesday 6th of January

...eða þannig. Það mátti allavega ekki væla neitt á miðvikudögum á undangengnu misseri og ég held að það bann sé enn í fullu gildi. Þessir mættu á æfingu dagsins, óvitandi um örlög sín: Jón Örn, Guðni, Dagur, Sigurgeir, Huld, Rúna Rut , Bjöggi og Sigrún. Sigurborg frá hótelum fór sér, enda skynsöm snót. Eitthvað los var á hópnum í upphafi æfingar og það var ekki fyrr en stefnan var tekin á Fossvog úr Nauthólsvík er aðalritari, óvitandi síns vits að vanda, áttaði sig illu heilli á því að nú skyldi þráfaldlegri beiðni hans um töku kolkrabbans sinnt. Greina mátti nokkra tilhlökkun í hópnum við rætur fyrsta arms krabbans og sóttu menn misgóðar minningar í langtímaminnið, ef slíkt var til staðar. Það verður þó að teljast þjálfaranum til tekna að hann ætlaði okkur ekki nema 3 arma í þetta sinn en sá 4. bíður betri færðar, væntanlega. Sumir meðlima voru að prófa þessa æfingu í 1. sinn og verður að hrósa þeim sérstaklega fyrir það. Viðtöl voru síðan tekin við þátttakendur eftir slembiúrtaki eftirá og hér eru tvö bestu svörin. Spurt var: "Hvernig fannst þér kolkrabbinn"?
Svar A: "Þetta var frábært, gaman"! (Þetta verður að teljast besta svarið en er hinsvegar rangt svar)-RRR
Svar B: "Ég er að deyja, ég sé ekki tilgang með því að lifa lengur". BB (Þetta er svarið sem telst til fyrirmyndar og það svar sem rannsakandi var að slægjast eftir)

Allir komust þó á réttu róli til mannheima og vóru alsælir með útiveru dagsins, "seize the day" eða "carpe diem" eins og Horace hefði viljað hafa það, hefði hann verið á æfingunni, altso.
Alls 7,3K
Kveðja,
aðalritari

Hádegisæfing 5. janúar

Mættir: Guðni, Dagur, Óli, Hössi, Huld, Rúna Rut og Sigrún.
Meiningin var að taka kolkrabbann í dag þannig að þeir sem ekki mættu sökum þess geta ekki glaðst og talið sig sloppna því æfingin fór ekki fram, henni var frestað þangað til frost nær a.m.k. -8 gráðum á °C. Í stað þess fór fríður flokkur Hofsvallagötuna í sól og blíðu (brrr)en hardcore hópurinn fór í lengingu.
Alls styttra 8K en lengra 8,6K
Ég vil benda áhugasömum á að Laugavegsskráningin hefst í dag og þá gildir að vera fljótur að ákveða sig. :)
Góðar stundir,
Sigrún

Nýársæfing 4. janúar

Mættir á fyrstu æfingu 2010: Ársæll í forstarti, Dagur með engilinn, Fjölnir á PB-inu, Sigurgeir venjulegur, Bjöggi líka á PB-inu og Sigrún með glampann. Fórum Hofsvallagötu eftir Valsslóðum í brunakulda en Dagur, Sigurgeir og Fjölnir tóku ca. 2 lengingar aukreitis. Eitthvað var um markmiðasetningar og voru nokkur hinna uppgefnu markmiða afar verðug fyrir árið 2010 og jafnvel raunhæf. Dagur naut hinsvegar aðstoðar engils við að ná sínu markmiði á síðasta ári (að fara undir 40mín í 10K)og þar að auki ruglaði hann "virtual partnerinn" sinn svo þetta reyndist frekar létt verk. Af því tilefni fær hann óskalag dagsins sem hljómar ef smellt er hér:
Alls 8,7-9K
Góðar stundir,
aðalritari

Gamlárshlaup ÍR-úrslit

Nokkrir félagar og áhangendur tóku þátt í þessu hlaupi og stóðu sig með prýði:
Heildarúrslit:

Karlar:
38:30 Höskuldur Ólafsson (2. í flokki)
39:38 Dagur Björn Egonsson (4. í flokki)
41:25 Jón Gunnar Geirdal Ægisson (34. í flokki)
45:05 Fjölnir Þór Árnason (25. í flokki)
47:10 Jens Bjarnason (27. í flokki)
49:39 Helgi Marcher Egonsson (47. í flokki)
53:12 Björgvin Harri Bjarnason (171. í flokki)
54:09 Sveinbjörn Valgeir Egilsson (19. í flokki)
56:20 Tómas Beck (212. í flokki)

Konur:
41:10 Sigurbjörg Eðvarðsdóttir (1. í flokki)
51:09 Rúna Rut Ragnarsdóttir (32. í flokki)
59:00 Helga Árnadóttir (86. í flokki)

(Ef einhverjir telja sig hlunnfarna má koma með ábendingar í "comment" hér að neðan)
Gleðilegt ár og sjáumst hress á æfingu.
IAC

Hádegisæfing 29. desember

Nokkrir mættu í dag: Rúna Rut, Dagur, Jói (sér), Óli (sér), Huld og Sigrún. Nokkuð kalt var í veðri og snjófjúk á stöku stað en ákveðið var að fara rangsælan Flugleiðahring, eftir nýja veginum, alls tæpa 7 km. Margir eru nokkuð keppnislatir á þessum árstíma, ekki allir þó, og þá er um að gera að skella sér í nýárssjósund og endurstilla keppnisfókusinn fyrir 2010. Nýárssjósundið fer fram í Nauthólsvík 1. janúar og stefnt er að metþátttöku.
Kveðja,
Sigrún

Hádegisæfing 28. desember

Mætt í dag í fyrsta snjóhlaup ársins: Sveinbjörn (sér), Óli (sér) en Dagur, Huld og Sigrún saman. Tókum hefðbundna Hofsvallagötu í loðnu færi í rólegheitum. Dagur hefur sett smá kynningu á hlaup.is undir hlaupahópa um skokkklúbb Flugleiða. Þetta er hugsað til þess að kynna starfsemi klúbbsins og bjóða þá sem hafa áhuga á að mæta velkomna. Gríðarlegur árangur náðist í dag á æfingu dagsins en þá mættu 3 af fastahlaupurum á æfingu (fyrir utan sérleiðarfólk) og telst okkur til að fleiri hafi mætt en vildu. Hvort þetta er jákvætt eða neikvætt er huglægt mat túlkenda. Heit umræða myndaðist innan hópsins um jólakveðjur, þ.e. hvenær er tilhlýðilegt að bjóða gleðileg jól, gleðilegt ár og þessháttar. Ekki telst við hæfi að bjóða gleðilegt ár t.d. fyrir áramót, nema ef sá sem kveðjunni kastar hyggist ekki sjá viðkomandi fyrr en að áramótum liðnum. Það sama á við um jólakveðjur. Ekki þykir við hæfi að bjóða gleðileg jól fyrir jól, þegar jólin eru ekki komin. Þetta er verðugt rannsóknarefni fyrir málfarsráðunaut skokkklúbbsins. Síðan er vafaatriði með dagana milli jóla og nýárs, hvað ber að segja þá? "Gleðilega hátíð", kannski. Eða ekki? Setning dagsins var þó klárlega frá hótelgestum sem biðu í snjómuggu fyrir utan hótel við upphaf æfingar:"Are you going running NOW?", og svo síðar í samtalinu: "You look like a an ultra-marathoner". Glöggir lesendur verða svo að reyna að finna út við hvern þessi skemmtilega athugasemd á. Sá hinn sami mun allavega lifa eitthvað á henni framyfir áramót.
Alls 8,6 km
Kveðja góð,
Sigrún

Gamlárshlaup Í.R.

Ágætu félagar, velunnarar og áhangendur.
Minnum á þetta skemmtilega hlaup þar sem gamla árið er kvatt með 10 km hlaupi. Hvetjum alla til að mæta!
Forskráning hafin á hlaup.is
Kveðja,
IAC

Þorláksmessuæfing 23. desember

Í forstarti: Jón Örn. Á pinna: Dagur, Sigurgeir, Gnarr (í skötuskóm (skate)), Oddgeir, Huld og Sigrún. Fórum Hofsvallagötu í strekkingi en Dagur og O-ið fóru lengingu Kapla/blaðburðarstubb. Andi skötunnar sveif yfir vötnum en var meira innan frá hjá aðalritara, sem át heiftarlega yfir sig af ammoníaksleginni og floti í gærkveld. Þeir sem hyggja á skötuát í dag munið að enginn er maður með mönnum nema að borða a.m.k. 3 diska.
Lifið heil og gleðileg jól!
Alls frá 8,7-9,3 km.
Sigrún

Hádegisæfing 22.des

Fín mæting: Sigrún, Rúna, Huld, Sveinbjörn, Jói, Dagur, Kalli, Oddgeir, Fjölnir og Óli. Greinilegt að margir voru spenntir fyrir Cross-fit æfingu í boði Kalla nema Óli og undirritaður sem stálust á sérleiðir um ormagöng. Hinir létu vel af sér eftir æfingu og telja sig nú hafa mikið forskot á þá sem ekki tóku á því á hrikalegri styrktaræfingu.

Jólakveðja, Fjölnir

Hádegisæfing - 21. desember

Á meðan formaður hörfaði vegna fámennis inní ylvolgt mötuneytið var það Jói sem tókst á við norðangarrann aleinn. Engar fréttir hafa borist af því hvert hann fór eða hvort hann kom nokkurntíma tilbaka.

Talandi um sjósund að vetri og finnskt icehole swimming, hér er hvernig Kanadamenn stunda þessa íþrótt.

Kveðja,
Dagur, formaður

Frjáls föstudagur 17. desember

Frost og fallegt gluggaveður og fámennt en góðmennt. Mættir: Ársæll í forstarti, Jón Gunnar Geirdal, Sigurgeir, Jói og Sigrún. Fórum í bæjarrúnt, slepptum Sæbraut og tókum Laugaveginn í staðinn og þaðan gegnum miðbæinn, Alþingi, Hljómskálagarður, BSÍ, Valur og heim á hótel. Róleg og afslöppuð æfing sem Jói sá þó ástæðu til að rífa sig frá. Hann hljóp fremstur, því hann talar ekki og hleypur (að eigin sögn)þannig að við ákváðum að taka því ekki persónulega. Þess má geta að á þriðjudag verður æfing í boði Kalla cross-fit. Allir eru því hvattir til að mæta í næstu viku, a.m.k. 3 fyrstu dagana í vikunni. ;)

Athugið: Ef drukkinn er Jólakaldi (bjór) og Viagra brutt með verður til ástand sem kallast stinningskaldi, en það var einn úr hlaupahópnum sem skýrði okkur frá þessu í gær, enda hefur hann einstaklega góða reynslu af slíkri iðju.
Góða helgi,
Sigrún

Jólaæfing 17. des. kl. 17:08

Á jólaæfingu IAC mæta þeir sem vilja ganga í augun á þjálfaranum, en að þessu sinni voru það þau: Anna María Kristmundsdóttir (long time, never since...eins og snillingur einn sagði), Huld (in her final countdown for schooldaze), Sveinbjörn á kantinum (fann engin ormagöng v/myrkurs), Óli (með bindi(s)skyldu), Jói (á samfelldri sigurgöngu), Rúna Rut (sem er að byrja að átta sig á hvað við erum miklir vitleysingar), Jens (sem gerir út fjölda lyklabarna í 200, Kóp.), Dagur (der Führer, á mjúkum nótum samt), Oddgeir (hanskatýnir, bara fattaði það ekki), Bryndís (höfuðljósasérfræðingur), Fjölnir (financial dir.) og loks Sigrún (allsherjarfáviti, sem er alveg að smella í vitleysisgírinn, enn og aftur). Þetta furðulega "combo" hljóp létt frá hóteli og vestureftir með strönd, Suðurgötu, Tjarnargötu (skemmtilegustu endasprettsgötu í heimi), hvar tekinn var einn "dead-ari", gegnum hátíðlegan "downtown-inn", upp Skóló með Rocky, Eiríksgata og um Valsheimili og heim. Róleg jólastemning sveif yfir vötnum, utan einnar líkamsárásar, sem hundur Jens sá um að framkvæma, þótt ótrúlegt megi virðast. Féll einn þekktur hlaupari þar við fót og vonum við að ekki hafi hlotist skaði af. Eftir hlaup sem var u.þ.b. 8,7km var skammtaður 8 mín. tími til steypibaðs og tekinn einn gufubjór í kjölfarið á hótelbar. Kynnt voru drög að framkvæmdaáætlun næsta árs og er það ljóst að þar ræður ríkjum mikil frjósemi í hugsun og allri útfærslu og mörg spennandi verkefni eru í farvatninu. Rjúfa þurti þó útsendingu aðeins of snemma vegna þess að formaður þurfti að hjóla á brott, í annað póstnúmer, og skella sér í bíó í framhaldi af því.
Skemmtileg æfing í frábærum félagsskap. Því miður var fríður flokkur ekki festur á filmu en ég votta það að hann var óvenjufríður þetta árið!
Góðar stundir,
Sigrún

Hádegisæfing 16. desember

Fín mæting í dag: Jói, Jón Örn, Sveinbjörn, Dagur, Oddgeir, Fjölnir, Bjöggi, Rúna Rut og Sigrún. Svo við séum ekkert að flækja þetta "recovery" hlaup neitt frekar þá lýsir BB þessu svona: "
Fórum rólegan og skemmtilegan hring frá HLL í boði formanns. HLL-Fossvogur-Borgarspítali-Suðurver-Framheimilið-Kringlan-Öskjuhlíð-HLL.
Æðislegt veður, stillt og fallegt".
Alls 7,5km
Kveðja,
Sigrún
Ath: Sérstaka athygli vakti SE en hann birtist ítrekað aftur og aftur, þegar síst skyldi, en hvarf þess á milli niður í ormagöng.

Jólaæfing IAC næsta fimmtudag 17. des.

Ágætu félagar.
Skokkklúbbur Icelandair heldur sína árlegu jólaæfingu á fimmtudag 17. desember. Allir félagar eru hvattir til að mæta og taka þátt í skemmtilegri æfingu sem endar í heita potti sundlaugar hótels Loftleiða að vanda, þar sem boðið verður upp á drykk. Velunnarar og áhangendur klúbbsins eru einnig velkomnir. Mæting er við inngang hótels og verður lagt af stað kl. 17:08. Athugið að æfingin er við allra hæfi.
Kveðja,
Stjórn IAC.

Hádegisæfing 15. desember

Ótrúlega góð mæting í dag í fallegu veðri (nokkrir á stuttbrók v. tilmæla): Óli Briem á ráspól, Dagur, Guðni, Hössi, Sigurgeir, Fjölnir, Bjöggi, Kalli (Spiderman), Bryndís, Huld og Sigrún. (vonandi gleymi ég ekki neinum...) Einn félagsmaður ( fv.heimsmeistari) kom og tók létt spjall og kynningu fyrir æfingu en það var heiðursmaðurinn Jón Baldursson. Hann glímir nú við álagsmeiðsli en hyggur á aukna æfingasókn fljótlega. Við hin hlýddum kalli þjálfara (eins gott fyrir okkur, jækz!) og hlupum léttilega inn í Fossvogsdal, hvar náttúrufegurð og veðursæld er óviðjafnanleg. Æfingin gekk út á það að hlaupa tempóhlaup til baka úr dalnum, þekkta leið upp að kirkjugarðsinngangi, milli 2,5km-3km leið, í pörum eftir getustigi. Skemmst er frá því að segja að aðal gekk fúslega inn í fyrsta holl, enda má hann muna sinn fífil fegurri þegar t.a.m. Geiri Smart var hans (aðalritarans) fylgisveinn, en það er önnur saga. Hlaupið var í svokölluðu "interval start (i)" og lengdist bæði vegalengd og tíminn sem hlauparar fengu til ráðstöfunar eftir flokkun. Allir áttu að hlaupa að sama endapunkti og að passa að reyna að ná einhverjum og að vera ekki náð af einhverjum. Skemmst er frá því að segja að nokkrir hlauparar riðluðust í flokki, þ.e. færðust niður (mig minnir GI og SMH) en einn færðist upp (samt var hlaupið ógilt vegna ólöglegs fótabúnaðar) en það var crossfittarinn Karl nokkur Thode, sem með einstöku og líkamlegu yfirburðaatgerfi smaug framúr fyrsta holli með BM og SBN innanborðs.
Flestir komu þó óskaddaðir í mark og rauk hitaský upp af mannskapnum, sökum áreynslu.
Alls mældust þessar vegalengdir milli 8,4K-7,7K.
Athugið: einn félagsmaður hefur verið að villa á sér heimildir með bæði dulbúningum og kennitöluflakki í vetrarraðhlaupinu og er sá hinn sami beðinn að láta af þeim ósköpum enda tefur það alla úrvinnslu hlaups. Þetta eru bein tilmæli frá formanni klúbbs.
Góðar stundir,
Sigrún

Hádegisæfing 14. desember

Mættir í dag í afbragðsveðri: Johnny Eagle frá Financial Awareness, Sveinbjorn frá okkur, (þessir fóru báðir um ormagöng), Bjöggi IT, Dagur frá sama, Guðni CP, Oddgear f/o, Huld multitasker, SBN from the retired dept. Fórum hefðbundna Hofsvallagötu en GI og DE fóru í lengingu (v. fj. áskorana) og komu töluvert á undan sniglunum að kafara. Ljóst er að sumarið er komið eftir stuttan vetur og er mælst til að menn og málleysingjar (ef einhverjir eru) mæti í stuttbuxum á morgun.
Alls DE 10K, GI 9,3 ca. -aðrir með allt frá 9 niður í eitthvað pínulítið af k-áum.
Kveðja,
SBN

Powerade Vetrarhlaup - Desember úrslit

Hér eru tímarnir á okkar fólki:

39:51 Höskuldur Ólafsson (þriðji í aldursflokki)
44:33 Sigurgeir Már Halldórsson
45:04 Hólmfríður Ása Guðmundsdóttir (sigurvegari í aldursflokki)
46:44 Huld Konráðsdóttir (sigurvegari í aldursflokki)
46:50 Sigurður Óli Gestsson (bæting um eina og hálfa mínútu frá síðasta hlaupi)
49:18 Jens Bjarnason
51:35 Rúna Rut Ragnarsdóttir (bæting um tvær mínútur frá síðasta hlaupi)
53:54 Björgvin Harri Bjarnason (fyrsta vetrarhlaupið)
54:34 Tómas Beck
59:02 Sigurjón M. Ólafsson

Kveðja, Dagur formaður

Hádegishlaup 11. des 09

Mættir voru Guðni, Huld og Jón Örn. Sá síðastnefndi var látinn sæta refsingu fyrir að gleyma skónum í gær og fór Suðurgötuhringinn í blíðskaparveðri, SA 11m/s (upp í 22m/s í hviðum) og súld (Heimild: www.vedur.is). Hin tvö fóru í nærliggjandi kirkjugarð og hlupu 8,9k.

GI

Hádegisæfing 10. desember

Mættir : Guðni, Sveinbjörn, Dagur, Óli (á sérleið enda ekki í neinu formi að eigin sögn), Gerður+óþekkt starfskona úr Fjárvakri voru á sérleið með ströndinni, einnig sást til Jón Arnars en hann gleymdi skónum sínum heima og varð frá að hverfa.

Lagt var upp með 10k hlaupin spretti meðfram ströndinni fram og tilbaka (Guðni og Dagur), Sveinbjörn ákvað að taka 8k og var vendipunkturinn merktur með kaffimáli.
Lokatíminn á Guðna var 44:23 sem leggur sig á 4:26 meðalhraða. Sveinbjörn var á 5mín tempói út en hægði eitthvað á sér á bakaleiðinni.

Kveðja,
Dagur, formaður

Meðlimir á ferð og flugi

Eftirtektarsamir lesendur Fréttablaðsins í dag tóku eftir mynd af Skokkklúbbsmeðlim við óvenjulegar aðstæður. Hér er á ferðinni nagli sem leikur tveimur skjöldum, pempíast með strákunum í sokkabuxum í hádeginu og þeysist síðan um á vélfákum þess á milli.

Kveðja,
Dagur, formaður

Upphitunarmiðvikudagur

Mættir í pre-Powerade: Nú...bara Sigurgeir, allir hinir féllu á lyfjaprófi og keppa því ekki. Samt vóru þarna Oddgeir, Bjöggi, Dagur, Guðni, Sveinbjörn og undirrituð, sem þykir leitt að yfirtaka bloggið á ný, þó einungis af og til. Annars... fórum Suðurgötu en naglarnir fóru Hofs með lengingu og tempóköflum, þó ekki Geiri Smart en hann hyggst brjóta gróflega gegn eiginkonu sinni í vetrarraðhlaupi Powerade annað kvöld. Guðni ætlar þó að vera í markvörslu og sér til þess að enginn fari skaddaður frá borði og e.t.v. afhenda óvænta glaðninga. Heyrst hefur að hann muni klæðast jólasveinabúningi í stíl við hefðbundna jólatónlist úr bíl.
Allir eru hvattir til að mæta galvaskir í hlaupið sem hefst kl. 20:00 við Árbæjarlaug.
Alla 7,7-9,6 K
Kveðja,
Sigrún

Þokkalegur þriðjudagur 8. des - Hádegisæfing

Guten tag.
Mætt voru í dag Huld, Rúna, Dagur, Kalli, Bjöggi, Jón Örn og Alvar.
Nýliðarnir tveir síðastnefndu fór á eigin vegum 5 og 6 Km og eru klárlega að bæta sig með hverri æfingu. "Keep up the good work boys". Hin 5 (fræknu) fór Suðurgötuhring...réttsælis...rólega, eða svo var mér allavega sagt þ.e. að þetta hefði verið rólegt. Engu að síður mældust þetta 7,7 km á 42:30 ca. Allir glaðir og fínn spjallrúntur.
Bjútí

Mjúkur mánudagur 7. desember

Í yndislega fallegu veðri en launhálku mættum við höfuðlaus her: Jón Örn (sér) með huldumey sér til fulltingis, Sigurgeir, Bjöggi og undirrituð. Ákváðum að fara rólegan Hofsvallagötuhring, þar sem enginn af terroristum hópsins var á svæðinu. Sólin skein og skrafað var létt um fyrir- liggjandi verkefni, en einn innan hópsins hyggst láta stórlega til sín taka í Powerade á fimmtudaginn á meðan aðrir láta sér allt slíkt í léttu rúmi liggja. Vegna jólanna þá þarf Bjöggi líklega að stela jólarjúpunni, aðeins eina hefur hann veitt og Sigrún ætlar ekki að elda kalkún, ætlar að bera fyrir sig kunnáttuleysi og láta öðrum eftir verkefnið en Sigurgeir....já við látum fimmtudeginum eftir að skera úr um hvað hann gerir. ;)
Alls ofurrrólegir 8,7 K
Góðar stundir,
Sigrún

Bolludagshlaup-samt ekki feitabollu

Ekki sáu margir ástæðu til að hlunkast í hádegishlaup í dag, þó mátti greina 4 félagsmenn á ferli, ýmist sér eða í hópi. Jón Örn og Ingunn voru á eigin vegum, sem þó lágu ekki saman og einnig var púslið um horfna síamstvíburann fullkomnað í dag er Huld leiddi aðal Suðurgötuhring í boði ÖBÍ. Veður var milt en kuldalegt og rákust stöllurnar á keppnishlaup sem innihélt nokkra af góðkunningjum hlaupahópsins, nefnilega Jón Gunnar (ekki Gnarr heldur hinn) sprettgauk og Höskuld hinn hugumprúða, en báðir voru á fljúgandi siglingu. Við bíðum frétta af þessu hlaupi og úrslitum þess.
Alls hjá síams 7,3 K en hinir á huldu.
Kveðja,
Sigrún

Drykkjusiðir meðlima

Neðangreind mynd barst formanninum síðla kvölds í gær fimmtudagskvöld frá ónefndum félagsmanni. Hver tilgangurinn var er óljóst, en þrátt fyrir allt er ljóst að menn eru að hugsa um heilsuna og velja drykki sem innihalda grænmenti enda hvetur ESB til aukinnar neyslu á grænmeti hollustunnar vegna.

Kveðja,
Dagur, formaður

Tilkynning frá gestaþjálfara

Þar sem gestaþjálfari hefur ekki náð að sinna æfingum sem skyldi í vikunni og fyrirséð er að hann mæti ekki á síðustu tvær æfingar vikunnar er rétt að eftirfarandi komi fram.
Sérlegir aðstoðarþjálfarar Dagur og Guðni munu sjá til þess að æfingaáætlun verði framgengt og leggja línurnar. Á morgun, föstudag, er æsileg tempóæfing mögulega með Powerade Simulator.
Gestaþjálfari mun hér eftir tileinka sér aðferðir fjarþjálfunar en þær hafa gefist einkar vel og margir náð frábærum árangri með þeirri aðferð.

Kveðja, Fjölnir Fjarþjálfi

Hádegi 2. des 2009

Ólafur Lofts, Gerður og Rúna fóru frekar snemma út í óvissuna.

Dagur, Guðni, Huld og Höskuldur fóru eftir fyrirmælum gestaþjálfarans fjarverandi sem var:

"02.des, Moð á miðvikudegi
Vesturbær eða jafnvel Kópavogur/skógrækt, fer eftir veðri og stemmningu. Rólegt og hentar öllum."

Til að verða við sem mestu af skilaboðunum var hlaupið að Skógræktinni, þaðan inni í Kópavog, upp að Hamraborg og niður í Kópavoginn, þar yfir í vesturbæinn (Kópavogs auðvitað) og stystu leið heim. Byrjaði rólega en endaði hraðar enda voru menn að renna út á tíma.

Samtals 9,7k

GI
Aðstoðamaður Gestaþjálfara

Hádegislýðveldishlaup 1. des í fimbulfrosti

Komiði sæl og blessuð. (Jón Ársæll)
Mikið skelfing var fátt á æfingunni í dag. Það voru hinsvegar hörkutólin og ofurmennin, Alvar, Dagur og Bjútí sem mættu á "pinnan" kl. 12:08. Alvar kvaðst ætla ca. 5 kvikind á sínum hraða og var góðfúslega gefið leyfi til þess af yfirþjálfara. Dagur og Bjútí fóru að tilmælum gestaþjálfara og hlupu beina leið til Jóns Sigurðssonar í tilefni dagsins, en þaðan var haldið til Jónasar og teknir 4 "Jónasar" á seinna hundraðinu (verst hvað hálkan skemmdi fyrir manni í beygjunum :-). Að svo búnu var hlaupið heim á HLL. Fínn rúntur sem endaði í rétt um 8 Km á 40 og eitthvað mínútum.
Það verður að viðurkennast að nokkrir líkamshlutar sem lítt eru brúkaðir við útihlaup voru ansi kaldir er heim var komið, enda frostið ekki nema um -7°C.
Yfir og út.
Bjútí.

Hádegisæfing - 30.nóv

Mættir: Jói, Jón Örn, Dagur, Guðni, Sigurgeir og Fjölnir
Gestaþjálfari varð fyrir nokkrum vonbrigðum með mætingu í dag hvort sem um er að kenna að loksins lét veturinn sjá sig eða hvort Huld sé með svona mikið aðdráttarafl miðað við okkur hina (líklega). Það var allavega boðið upp á bráðskemmtilega æfingu við allra hæfi og var góður rómur gerður að frumraun gestaþjálfarans. J&J fóru sérleiðir en restin fór Hofsvallagötu. Helmingur hópsins hljóp aðeins fram úr sér og fóru perra-lengingu en annars fór allt vel fram.
Á morgun er svo boðið upp á fullveldishlaup og spretti.

Kveðja, Fjölnir

Drög að æfingaáætlun vikunnar

Aðalþjálfari hefur falið mér að vera gestaþjálfari vikuna 30.11 til 04.12 og hér hafið þið drög að æfingaáætlun fyrir næstu daga.

30.nóv, Hefðbundinn mánudagur

Róleg Hofsvallagata við allra hæfi, möguleiki á að stytta og lengja eftir smekk en engin læti!

01.des, Fullveldishlaup FISKOKK

Fullveldisdagurinn verður tekinn af krafti og því við hæfi að hlaupa rösklega niður á Austurvöll heiðra Jón Sig. og þaðan að Tjörn og taka nokkra Jónasarspretti.

02.des, Moð á miðvikudegi

Vesturbær eða jafnvel Kópavogur/skógrækt, fer eftir veðri og stemmningu. Rólegt og hentar öllum.

03.des, Torture Thursday

Tempóhlaup, mögulega með Powerade Simulator viðbót. Ekki fyrir viðkvæma en þó boðið upp á fleiri útfæslur ef menn treysta sér ekki.

04.des, Freaky Friday

Óhefðbundinn hringur í rólegheitum og kjaftagangi.

Gestaþjálfari áskilur sér rétt til að breyta dagskrá eftir veðri, vindum og stemmningu hverju sinni.

Kveðja, Fjölnir

Bæjarrúntur - föstudaginn 27. nóv

Shalom shalom.
Mættir í dag með móral dauðans eftir kalkúnaveisluna í gær, Fjölgeir (Sigurgeir og Fjölnir), Gnarr-inn og Bjútí. Eini maðurinn sem mætti í dag með hreina samvisku (því hann mætti í gær líka) var hinn alræmdi John Eagle, sem Bjútí veit núna alveg hvað heitir :-)
Þessi kvintet "beið við staurinn" á bílastæði HLL eftir Huld Hellweek og tautuðu út í loftið, "hvað eigum við að gera, hvert eigum við að hlaupa....etc." Það varð hópnum til bjargar að yfirþjálfari og formaður klúbbsins gekk í borgaralegum klæðum yfir bílastæðið í átt að mötuneytinu og sagði hópnum að fara rólegann bæjarrúnt (það stóð víst hér á síðunni). Að svo mæltu runnu 5 menningarnir af stað í hálku og snjó. Jón Örn (John Eagle) fylgdi hópnum framan af en fór síðan eigin leið og endaði í einhverjum 6 kvikindum. Hinir fóru hefðbundinn bæjarrúnt þó með því twisti að Gnarrin var sendur í 1 Jónas í refsingu, sem var reyndar ekki svo mikil refsing en hvað um það. Hópurinn fór 8 Km á 41:20.
P.s. allir þeir sem mættu í dag höfðu létst (ekki látist) frá því stigið var á vigt síðast, er það vel.
Í guðs friði,
Bjútí

Ægisíða – 26. nóvember

Samkeppni við Thanksgiving máltíð í mötuneyti var gestaþjálfara ekki í hag í hádeginu en þá kom skýrt í ljós hverjir eru alvöru og hverjir láta kalkún ganga fyrir hlaupaiðkun. Þótti því öruggara að tryggja einhverja mætingu og gestahlaupari kallaður til. Sibba mætti því HH til trausts og halds, auk hennar létu eftirtaldir sjá sig: Guðni, Jói, Alvar, Ólafur og Tómas. Lagt var af stað áleiðis vestur í bæ, Jói fór Hofsvallagötu, Guðni, Sibba og Huld fóru Meistaravelli, aðrir styttra. Sérlega ánægjulegt er að segja frá því að þetta var lengsta hlaup Jóa í 6 ár og hann hefur stefnt að því í nokkurn tíma að hlaupa Hofsvallagötuna. Því takmarki er nú náð, til hamingju Jói! Reyndu þau þrjú sem eftir voru að gera eltingaleik úr hlaupinu og þurfti Guðni að lengja tvívegis til að ná einhverri spennu í þann leik, fór þó svo að lokum að Guðni náði fyrstur að Kafara og er honum hér með óskað til hamingju með þann árangur.

Ekki er ljóst hvort gestaþjálfari kemst á æfingu á morgun en þeim sem mæta er frjálst að taka sýningarhlaup um miðbæinn að eigin vali.

Góðar stundir,

HH

Hádegisæfing 25. nóvember - Vesturbær-Nes

Já góðann og blessaðann.
Hössi mætti á sjálfrennireið af Toyota gerð á slaginu "Zwölf" við innganginn á Icelandair HO. Dagur, Ársæll og Bjútí sátu í vestur í bæ að sundlaug vesturbæjar. Þar voru mættir fyrir Óli Breim og nýr félagsmaður úr Fjárvakri sem búið var að kynna held ég og mér er alveg fyrirmunað að muna hvað heitir núna enda syfjaður með afbrigðum og ekkert of vel gefin "to begin with". Anyhow. Hópurinn fylgdist að fyrstu nokkurhundruð metrana en Ársæll tók svo nýliðann og fór með hann um stíga vesturbæjar og -ness en Bjútí elti "lordana" í hlaupaklúbbnum út að Lindargötu og fór þá vel þekktu leið til baka norðanmegin á nesinu, á Eiðistorg og svo heim í laug. Lordarnir "bættu við" á miðri leið frá Lindargötu og fóru auka hring vestur í Golfklúbb (þrátt fyrir fimbulkulda og rok)og svo Marathon-leiðina eftir ströndinni og svo heim í laug. Þessi hópar fóru ca. 5, 7 og 9 Km.
Þa'eldénú!
Kv. Bjútí

Myndir af nýjum félagsmönnum úr Icelandair Cargo

Sigurjón Ólafsson
Jón Baldursson

Nú þekkiði þá ef þið rekist á þá á förnum vegi og getið kastað á þá kveðju.

Æfing á morgun – 25. nóvember

Á morgun verður ekkert heitt vatn í höfuðstöðvum og næsta nágrenni þannig að þeir sem vilja endilega fara í sturtu eftir æfingu verða að snúa sér annað. Þá datt gestaþjálfara að sjálfsögðu í hug að tilvalið væri að þrífa sig í Nauthólsvík eftir gott sjóbað en sú tillaga var felld hið snarasta og fullyrt að þar væri örugglega ekkert heitt vatn heldur.

Því verður farið akandi frá hóteli að Vesturbæjarlaug kl.1200 og hlaupið þaðan. Tilvalið er að fara hring um Seltjarnarnes, t.d. Vesturbæjarlaug, Nesvegur, Suðurströnd, Lindarbraut, Norðurströnd, Eiðsgrandi, Hringbraut sem gera tæpa 7km. Þetta má hlaupa rólega, hratt eða þar á milli.

Æsingur – 24. nóvember

Á æfingu í dag tókst einhverjum að telja 13 manns. Alvar, Björgvin, Bryndís, Dagur, Fjölnir, Guðni, Hössi, Ingunn, Jói, Sigurgeir, Sveinbjörn og undirrituð. Glöggir lesendur átta sig nú á því að einn vantar til að ná tölunni 13. Sá sem verður fyrstur til að benda á þann sem vantar í upptalninguna fær verðlaun.

Dagskipanin var að hita upp að kafara og taka þaðan 500m spretti í vesturátt, 4-6 stykki eftir smekk, áhuga og þörfum hvers og eins. Stærsti hluti hópsins tók þátt í þessari dagskrá og fór svo að lokum að strákarnir vældu út einn til viðbótar, svo úr urðu 7 sprettir hjá hluta hópsins og endaði í æðisgengnum endaspretti. Þurfti gestaþjálfari að beita hörðu til að koma í veg fyrir áttunda sprettinn þvílík var þörfin fyrir spretti, greinilega uppsöfnuð.

Æskuslóðirnar – 23. nóvember

Mætt voru í björtu og köldu veðri Ása, Björgvin, Dagur, Alvar, Jón Örn, Jói og Sveinbjörn. Eftir að lagt var af stað reyttust skrautfjaðrirnar smám saman af hópnum uns eftir stóðu hin þrjú fyrstnefndu ásamt gestaþjálfaranum HH sem sjá má á myndinni hér fyrir neðan. Langþráð tækifæri til stjórnunar var nýtt til hins ýtrasta og æskuslóðir HH heimsóttar. Hlaupið var sem leið lá í Kópavog, yfir Borgarholt, fram hjá Kópavogskirkju og Kastalagerði hvar hin íturvaxna HH ólst að nokkru leyti upp í álfasteinunum en þar voru í uppvextinum lögð drög að íðilfögrum líkamsvexti hennar með steinaburði og öðrum æfingum. Þaðan var haldið stystu leið til baka og náði æfingin 8km. Alvar, nýr meðlimur klúbbsins, sýndi úr hverju hann er gerður og rifjaði upp gamla takta. Hljóp hann með okkur að Kringlumýrarbraut, sneri þar við og náði 5km. Jón Örn hætti við að fara í gufu en fór þess í stað að dælu. Jói og Sveinbjörn pössuðu hvor annan í séræfingum í kirkjugarði og skógi og gerðu þar hinar ýmsu æfingar, að sögn. Einnig sást til Baldurs á hlaupum. Heyrst hefur að fólk hafi verið að spara sig á æfingunni til þess að koma sterkt inn á morgun þegar sprettir verða á boðstólum. Það skal þó tekið fram að æfingin á morgun er við allra hæfi og allir geta tekið þátt, hver á sínum hraða.

Kveðja, HH

Sigurbjörn Árni með einkennilega lýsingu

http://dagskra.ruv.is/sjonvarpid/4498145/2009/11/16/7/

Veljið Barnasfæðing á baðherbergisgólfinu.

Næsta vika í boð Huld Hellweek

Bully-the-ginger-hlaup

Í tilefni af degi rauðhærðra (pick on the gingers) tíndi undirritaður á sig allar þær rauðu hlaupaspjarir sem hann átti auk rauðrar hárkollu og bjó sig undir fórn eineltis. Mætt: Huld, Dagur, Baldur Bláfugl, Sveinbjörn, Sigurgeir, Oddgeir og undirr. Björgvin og Jón Örn úr Fjárvakri mættu líka en fóru sérleið. Besta veður vikunnar, logn, léttskýjað og hiti +5. Baldur var á fundi á 3h. og losnaði óvænt í hádeginu. Hann mundi eftir hlaupakitti í skottinu í Skódanum, eitthvað sem hann hafði gleymt undir varadekkinu frá í sumar í Jökulsárhlaupinu. Svona eiga menn að bjarga sér.

Hlaupinn var Freaky Friday hringur. Sæbraut-Arnarhlóll. Arnarhóll er góður aftökustaður, ber hátt í landslaginu og þangað sést víða að. Þar var myndaður hringur um rauðkollinn og hann tuskaður dáldið til, þangað til hann lagði á flótta (með tilþrifum, á harða spretti) sem leið lá niður Arnarhólinn, út Austurstrætið, yfir Hallærisplanið, fram hjá Alþingi og í gegnum Ráðhúsið. Þar lauk þessum eltingaleik í góðri sátt. Síðan var tölt heim á leið.

Kveðja, Óli.

Freaky Red Day

Hlauparar minntir á að mæta í rauðu á morgun, helst að vera með rauðar kollur eða húfur til stuðnings rauðhærðum.
Kveðja, Óli

Þrautakóngur í Sóllandi

Mættir: Jói, Dagur, Sigurgeir, Ása, Rúna Rut, Kalli, Oddgeir og undirritaður. NA-kaldi, skýjað, +5 gráður.
Twin Peaks verkefni frestað. Í staðinn tekið Plan B, skógarþraut í Öskjuhlíð þar sem hlaupinn var einn stór hringur um Öskuhlíð sem mest í náttúrunni. Byrjun var hefðbundin þangað til komið var að Kirkjugarðssvæði. Hlaupið inn í Sólland Duftgarð og hitað upp fyrir tvo spretti með þrautakóng á meðan hlaupinn var kynningarhringur. Að honum loknum skiptu menn sér í tveggja manna hópa þar sem annar aðilinn gegndi hlutverki héra. Tekinn var sprettur og hérarnir leiddu hlaupið - einn hringur. Áð og svo haft hlutverkaskipti fyrir seinni hring. Eftir þetta var Sólland kvatt og haldið áfram austur og norður fyrir Öskjuhlíð og hringnum lokað með spagetti brokk-ólí í skóginum.
Tvennt minnisstætt: Kalli frumreyndi nýja byltingarkennda tegund af hlaupaskóm sem líkjast mest górillufótum, svartir ilskór. Nú vantar bara hárígræðlsu á bak og bringu. Svo hitt að Sigurgeir minnti á dag rauðhæðra á morgun "pick on reds day" Þannig verður hlaupið á morgun tileinkað rauðhærðum. Allir að mæta með rauðar kollur og í rauðum búningum á Freaky Friday.

Óli

Boðhlaup á Klambratúni

Mættir: Dagur, Bryndís, Sveinbjörn, Guðni, Jói, Jón Gunnar, Huld, Jón Örn, Baldur, Rúna Rut og undirritaður. Veður: Logn, léttskýjað og hiti við frostmark.
Hlaupið að Klambratúni og þegar þangað var komið var gerð stutt grein fyrir boðhlaupsverkefninu. Um var að ræða tvo hringi út frá miðju svæðisins, annarsvegar hægri hring, í átt að Miklubraut, út fyrir trjábeðið og með fram því samsíða Miklubraut og svo inn á aftur í sv-horni og til baka. Hinn hringurinn var rangsælis í austur og svo vinstri beygju hring, mun styttri og alltaf í sjónlínu frá miðju. Hringirnir voru svo prufukeyrðir á hægu brokki en svo kom að skiptingu í lið og þá fóru mál að vandast. Eftir nokkrar diskússjónir þá kom Dagur með nokkuð góða lausn (algóriþmi úr IT deildinni). Það var að hafa tvö 5 manna lið og til að sem flestir hefðu eitthvað fyrir stafni af því liðin voru svo fjölmenn, að taka báðar hlaupaleiðir í notkun strax í stað þess að afgreiða einn hring í einu. Þessi flækja gekk upp og það sem meira var, keppnin var nokkuð spennandi. Eins og í gamla daga var ekki valið í lið á jafnréttisgrundvelli heldur kosið og byrjað á þeim bestu (kallast einelti í dag). Án þess að fara nánar út í þetta þá reynist jafnt með liðum. Þau máttu ákveða sjálf skipan í keppnisröð og hringi og keflin (skóflur) gengu greiðlega milli keppenda á meðan á keppni stóð. Í restina varð gríðalegt einvígi á milli Sveinbjörns og Rúnu Rutar á lokasprettinum en Sveinbjörn (íslandsmethafi í spretti) rauf hljóðmúrinn á síðustu metrunum og innsiglaði sigur fyrir sitt lið. Nokkrar mínútur voru svo notaðar í lokin í sprikl. Myndaður var hringur og þurfti hver og einn að bjóða hinum upp á smá Jane Fonda áður en skokkað var heim á leið.

Heyrst hefur að Gestaþjálfari næstu viku verði Huld og gárungarnir farnir að tala um Huld HellWeek.

Með þökk fyrir góðan dag,
o-l-i-att-icelandair-punktur-is

Powerade Vetrarhlaup - Nóvember úrslit

Hér eru tímarnir á okkar fólki:

39:18 Höskuldur Ólafsson (þriðji í aldursflokki)
43:02 Oddgeir Arnarson
43:36 Baldur Haraldsson
43:58 Jón Gunnar Geirdal
44:32 Hólmfríður Ása Guðmundsdóttir (sigurvegari í aldursflokki)
44:34 Sigurgeir Már Halldórsson
45:45 Huld Konráðsdóttir (sigurvegari í aldursflokki)
46:20 Fjölnir Þór Árnason
47:20 Sigurður Óli Gestsson
48:28 Jens Bjarnason
53:31 Tómas Beck
53:36 Rúna Rut Ragnarsdóttir (tíunda í aldursflokki)
56:49 Sigurjón M. Ólafsson

Fjölmennur hópur og glæsilegir fulltrúar klúbbsins.

Kveðja, Dagur formaður

Píslarhlaup

Mættir: Jói og Sveinbjörn (sérsveit), Dagur, Guðni, Hössi, Huld, Alvar og undirritaður. Bjútí er með okkur í anda þar sem hann tekur armbeygjur í hundraðatali á hverjum degi og rappporterer reglulega. Veður: A-3, skýjað, skyggni ágætt, hiti 2 stig. Alvar fékk verkefni í Öskjuhlíð, hinir fóru í "Holy Crusade" á vit tilbeiðsluhúsa íslenskra trúfélaga. Verkefnið fólst í því að "safna" 7 kirkjum, berja á dyr á hverjum stað og fara með 10 armbeygjur í stað bæna. Tillagan sem lá fyrir var eftirfarandi: Landakot-Dóm-Frí-7dags-Hall-Há-Óháði. Þetta náðist með því að fara stystu leið á milli og kom í ljós að sennilega er hægt að ná 8 kirkjum í hádeginu með því að bæta við Fíladelfíu. Og þetta gerði sérsveitin óbeint. Hún varð snemma viðskila með því að sniðganga kaþólikkana en velja þess í stað Fíldadelfíu. Þannig náðu báðir hópar markmiðum dagsins, sameinuðust svo hjá Óháðum og tekið létt skokk heim.

Epilogue: Dagur kom með skemmtilega vídd á leiðinni, en það er að stökkva og príla yfir allar hindranir sem verða á veginum. Þetta gæti orðið skemmtilegt verkefni fyrir hlaupahópinn að vinna úr.

Óli.

Mánudagur 16. nóvember 2009

Verkefni: The Red Neck Run um Hálsatorg í Kópavogi. Mættir ásamt undirrituðum: Dagur, Jón Gunnar, Sigurgeir, Alvar, Sveinbjörn, Jói, Jón Örn og Huld. Jói og Alvar fóru sérleiðir en hin fóru suður í Kópavog. Sprettur var tekinn upp úr Fossvogsdal eftir svokallaðri Skeljabrekku, yfir Hamraborg og niður stíg meðfram Vogatungu niður í Kópavogsdal. Þar var áð og svo tekið rólegt tempó upp aftur, yfir Hálsatorgið með viðkomu á viðhafnarpallinum og stystu leið heim. Veðrið lék við okkur, léttskýjað, hægur vindur og höfuðborgarsvæðið skartaði sínu fegursta.
Óli

Gestaþjálfari næstu viku

Gestaþjálfari næstu viku verður Ólafur Briem (The Karate Kid).

Hann hefur sett saman eftirfarandi æfingaprógram sem hann mun fylgja eftir með harðri hendi.

Sjáumst á æfingum í næstu viku.

Kveðja,
Dagur, formaður

Freaky Friday

Það var svo sannarlega fríkaður frjádagur í dag og á hann mætti einvala lið: Óli, Dagur, Oddgeir, Bjöggi, Bryndís, Huld og Sigrún. Fórum óhefðbundinn miðbæjartúr með viðkomu í 3 bílastæðahúsum og enduðum í Öskjuhlíð og allt. Ljómandi gott veður var og rifjuð upp ýmis skemmtileg atvik frá Frankfurt og lögð drög að næsta ASCA móti í Dublin. Ljóst er á þessari stundu að mikil samkeppni verður um að komast í liðið en þó liggur fyrir að gata skemmtinefndar er greiðfær, hvort sem meðlimir hennar teljast hlaupafærir eða ekki. Ætlunin er að gefa út sönglagahefti af þessu tilefni fyrir þá sem eru áhugasamir um að syngja með og efnt hefur verið til nafnasamkeppni á dúóið með þeim ÓB og SBN. Áhugasamir vinsamlegast stingið upp á viðeigandi sviðsnafni í "comments" hér að neðan.
Alls 7,4 ca.
Góða helgi og gat ekki látið hjá líða að spila lag fallinns meistara og bendi á nýútkomna bók um ævi hans.
Sigrún

Skemmtiatriðið frá ÓB og SBN

Atriðið okkar Óla í Frankfurt náðist ekki á myndband af meðhlaupurum á meðan að á því stóð en kvikmyndagerðarmenn sem voru staddir á veitingastaðnum náðu þessu myndskeiði og sendu mér í morgun. Glögglega má greina, af viðbrögðum áhorfenda, að þarna var um mjög vandað og skemmtilegt atriði að ræða. Það skal tekið fram að þetta var heimsfrumsýning:
Smellið hér
Kveðja,
Sigrún

Hádegisæfing - 11. nóvember

Mættir : Oddgeir, Jói, Sveinbjörn, Jón Örn, Björgvin, Dagur, Rúna Rut, Sigurborg og þeir félagar Ólafur og Baldur frá Icelandair Hotels (prospects).

Til fróðleiks er hér upplýsingar um inngöngu í Hells Angels af wikipedia :
"To become a full member, the Prospect must be voted on by the rest of the full club members. Prior to votes being cast, a Prospect usually travels to every chapter in the sponsoring chapter's geographic jurisdiction and introduces himself to every Full-Patch. This process allows each voting member to become familiar with the subject and to ask any questions of concern prior to the vote. Successful admission usually requires more than a simple majority, and some clubs may reject a Prospect for a single dissenting vote. Some form of formal induction follows, wherein the Prospect affirms his loyalty to the club and its members. The final logo patch (top Hells Angels rocker) is then awarded at this initiation ceremony. The step of attaining full membership can be referred to as "being patched"."

Setning dagsins er fengin frá Jóni Erni eftir hlaup : "Hvaða sturtu má ég nota?"

Kveðja,
Dagur, Formaður

ASCA Cross Country Úrslitin frá upphafi

http://docs.google.com/leaf?id=0B3cTnuWiB8TsOTI3YTQ4YTItMTU2MS00YzZlLWJhOTQtNGM0MTAyNjkwNDE2&hl=en

Myndir frá ASCA Frankfurt

http://picasaweb.google.com/fiskokk/ASCACrossCountry2009KelsterbachFrankfurt?feat=directlink

Hádegisæfing - 10. nóvember

Mættir : Ólafur, Bryndís, Huld, Sveinbjörn, Jói og Dagur
Allur hópurinn fór bæjarrúntinn í vetrarblíðunni með styttingum.

Bryndísi lenti í því að reka tærnar í misjöfnu í gangstéttinni við Ráðhúsið og skall í götuna. Hún hruflaði sig á hendinni og allir urðu skelkaðir, en mín stökk á fætur aftur og hélt ótrauð áfram. Henni Bryndísi okkar er ekki fisjað saman - algjör nagli!

Við Alþingishúsið og fyrir framan Stjórnarráðið stóð Jói fyrir mótmælum, mótmælti meðan annars skattahækkunum og lýsti afstöðu sinni til sitjandi forsætisráðherra.

Á leiðinni rákumst við á orðið 'rýmingartími' og geta félagsmenn velt fyrir sér merkingu og tilgangi þessa orðs.

Ólafur Briem mun verða gestaþjálfari í næstu viku.

Kveðja,
Dagur, formaðurinn

Nýr félagsmaður

Jón Baldursson, Icelandair Cargo.

Jón æfir mikið þessa dagana og hljóp meðal annars, að eigin sögn, nýlega í 12 mínútur án þess að stoppa.

Hádegisæfing 9. nóv.

Mættir í dag: Jói sér, Fjölnir, Sigurgeir, Dagur, Gnarr, Sigrún, Huld og Ása ásamt Bjútí og Sveppa. Fórum Hofs og Kapla en Jói og BB voru á eigin leið.
Alls 8-9K
Kveðja,
Aðal

Eftirskrift

Það er e.t.v. við hæfi að skrifa nokkur lokaorð um ferðina til Frankfurt. Sem kunnugt er gekk hlaupið vel og brautin var ekta "cross-country" með laufhrúgum, hæðum og hólum og drullusvaði á viðeigandi stöðum. Einnig rigndi nokkuð, sérstaklega í fyrri hlutanum, þegar konurnar hlupu. Konur enduðu öruggt í 2. sæti og voru það Lufthansa vélmennin sem sigruðu og sungu á meðan "Wir sind die Roboten", með Kraftwerk. Okkar stúlkur þóttu hinsvegar bera af sökum fallegs limaburðar, frumlegra búninga og líflegrar framkomu. Þegar karlarnir spreyttu sig var að mestu hætt að rigna, en brautin var þeim mun gljúpari og þyngri. Einn af okkar frábæru liðsfélögum féll við fót á steinvölu og kom af þeim orsökum nokkuð skítugri en hinir í mark en kláraði engu að síður með miklum sóma. Karlaliðið endaði öruggt í 4. sæti þó þurft hafi að bíða til kvölds með að fá það staðfest. Það var hið fótfráa lið Iberia sem sigraði örugglega, enda flestir með spretthlaupsfætur úr Zöru á Spáni.

Eftir hlaup var hádegisverður að hætti heimamanna og sáu keppendur nú sína sæng útreidda með mat og drykk í huga. Það voru því ákveðin vonbrigði þegar í ljós kom að "chili con carne" súpan var nokkuð sérkennileg undir tönn og langþráður bjórinn, við nánari eftirgrennslan, reyndist vera "alkoholfrei" og "isotonisch" í þokkabót. Keppendur voru þó fegnir að hann var vottaður skv. Reinheitsgebot þeirra Þjóðverja. Það sem lýsti upp annars langdreginn hádegisverð var að sjálfsögðu þegar Huld Konráðsdóttir tók við verðlaunum fyrir 1. sæti kvenna "overall".

Milli hádegisverðar og kvölds liðu nokkrir klukkutímar sem voru nýttir til skoðunarferðar um borgina Frankfurt og skoðuðum m.a. meintan rómverskan vegg í fylgd eins Lufthansakeppanda, Thomas Pittack sem vildi ólmur slást í för með hinum skemmtilegu íslensku keppendum.

Eftir velheppnaðan bæjartúr, nokkra skyndibita og drykki, var haldið heim á Mercure hótel, þar sem heiðurshjónin Bryndís og Úlfar höfðu ásamt Huld undirbúið herbergispartý af miklum ágætum. Strax í kjölfarið héldum við á veitingastað hótels þar sem verðlaunakvöldverðurinn fór fram. Maturinn var góður en allt utanumhald afar langdregið og ekki til þess að hressa manskapinn og tók þá íslenska liðið til sinna ráða til að brjóta upp samkomuna. Þau Ólafur Briem og Sigrún Birna Norðfjörð fluttu írska slagarann "The Wild Rover" sem tileinkaður var Air Lingus, sem var fjarverandi sökum bágs efnahagsástands, og flutti Ólafur nokkur upphafsorð af því tilefni. Skemmst er frá því að segja að þetta atriði sló rækilega í gegn svo eftir var tekið og strax hefur verið lögð inn beiðni um að atriðið verði endurflutt í Dublin á komandi vori. Fleiri atriði eru þó til reiðu ef til þess kemur í fyllingu tímans.

Eftir þessa uppákomu leystis samkoman fljótlega upp og héldu hinir alhörðustu á nærliggjandi knæpu þar sem töluð var danska af miklum móð, af sumum a.m.k. Var það mál manna að þessi staður hefði verið "En hundeliderlig kneppekneipe" sem útleggst að sjálfsögðu sem hundleiðinleg kráarbúlla, ekki satt?

Samdóma álit allra íslensku keppendanna var að ferðin hafi verið frábær í alla staði og að nú sé liðinu ekkert að vanbúnaði við að hefja æfingar af fullum krafti fyrir næstu ferð í vor. Det glæder vi os alle sammen til, det kan man nok sige.

Virðingarfyllst,

Sigrún Birna Norðfjörð, ritari.

Myndir von Frankfurt

Race day 7th of nov.

Hlaupið gekk vel. Huld sigraði "overall" en kvennalið í 2. sæti. Úrslit liggja ekki alveg ljóst fyrir fyrr en eftir Awards dinner í kvöld en veður var vott, blaut og moldug braut en svaka stuð og allir kláruðu með töluverðum sóma. Karlar voru góðir en komust ekki í verðlaunasæti. Meira síðar, erum á leið í bæjartúr.
Kveðja,
Aðal

Stadan- FRA

Hingad komust allir heilu og höldnu i gaer; Ulfar, Bryndis, Huld, Oddgeir, Sigrun, Baldur, Dagur, Jonathan, Sigrun Tryggva og Oli. Attum notalega fjölskyldustund a veitingastad i reykmettudum herbergjum hvar vid snaeddum mismunandi gott snitzel ad haetti heimamanna og skelltum i okkur kartöflukrokettum eda frönskum med. Eftir baenastund og öndunaraefingar leggur hopurinn af stad i rutu a eftir a keppnissstad.
Meira sidar, ;)
Adal

Hádegisæfing 5. nóvember

Mættir í dag á aðstoðaraðstoðarþjálfaraæfingu þar sem aðstoðarþjálfari var augljóslega fenginn til aðstoðar við aðstoðarþjálfara, til að stýra æfingu. Þessir mættu: (kvk) Rúna Rut, Huld, Sigrún og (kk) Guðni (aðstoðarmaður), Fjölnir, Gnarr Utd., Dagur, Oddgeir og Jói á eigin vegum. Nokkrir möguleikar voru í boði: Suðurgata, Hofs, Kapla (með blaðburði) eða Akranes. Nokkrir tóku tempóæfingu, aðrir rólegri enda er ASCA keppnin á laugardag og hópurinn heldur utan í fyrramálið á vit ævintýra. Nokkur skörð hafa verið hoggin í hópinn en liðið heldur glaðbeitt utan og lofar frásögn netleiðis, eftir því sem þurfa þykir. Tekið á flugvellinum á morgun (tímamismunur skiljú?).

Alls á bilinu 6-7-8-9K
Góðar stundir,
Sigrún

Nýr félagsmaður

Sigurjón Ólafsson, Icelandair Cargo, hljóp RM 2009 10k á 54:21

Nýr félagsmaður

Jón Örn Brynjarsson er nýjasti félaginn, starfar hjá Fjárvakri og mætti á æfingu í hádeginu.

Dagur
Formaður

Keppnistreyjur - ASCA

Samkvæmt ýtrustu kröfum þarf keppnisliðið í ASCA að vera í löggildum keppnistreyjum þegar það stillir upp á ráslínunni í Frankfurt á laugardaginn.

Eitthvað vantar uppá lagerinn. Þess vegna ...

... þeir sem eru með nýjar keppnistreyjur í sínum fórum og eru ekki að fara, vinsamlega komið þeim hreinum og stífpressuðum til fararstjóra án tafar
.. eir sem eru að fara og eru með keppnistreyju látið farastjóra vita

Við þurfum að tryggja að við mætum með löglegt keppnislið, annars er betur heima setið.

Dagur
Formaður

Hádegisæfing 4. nóvember

GRÍÐARLEGA GÓÐ MÆTING Í DAG. Tzwölf laute (tólf manns) + 1 utanklúbbsmaður úr Fjárvakri sem mun verða "Sjanghæjaður" í Fiskokk "med det samme".
Dagskipun gestaþjálfarans í góða veðrinu var Kópavogur. Aðalega gert til að "sleikja upp" Sigurgeir síðan í gær. Allavegana, tólf manns hlupu af stað saman í hóp, tvær snótir úr LL hlupu með út að Fossvogsbrú en 10 héldu áfram yfir í hinn dulmagnaða vog kenndan við afkvæmi sela. Þeir sem ekki tóku þátt í skipulagðri æfingu gærdagsins var "refsað" og var þeim gert að hlaupa lóðbeint upp að Kársneskirkju á þéttum hraða og sameinast svo hinum hópnum aftur við sjávarsíðuna.
Í stuttu máli; Dagur, Óli, Sigurgeir, Fjölnir og Oddgeir tóku út refsinguna. Hinir hlupu með sjávarsíðunni og önduðu að sér ferskum sjávarilminum um leið og Sigrún sagði hópnum flugfreyjusögur. Sigrún, Guðni, Sveinbjörn, Bryndís og Bjútí fóru 4 Km fram - og 4 Km til baka. Fyrir þá sem eru slakir í samlagningu gerir það RÚMLEGA 8 Km á 45 mín. "Refsingjarnir" fóru 9,3 Km á ca 43 mín. Dugleg djöfuls yfirferð það.
Á morgun verður boðið upp á hefðbundnari æfingu en síðustu tvo daga, eingöngu til að hafa fastann punkt í tilverunni fyrir þá einhverfu klúbbmeðlimi sem þola illa breytingar :-)
Boðið verður upp á Suður- Hof- Meistaravelli- Keilugranda og Akranes, allt eftir styrk og áhuga.

Hér kemur pepplag "dauðans" fyrir þá sem þurfa smá pepp vegna harðsperra.
Njótið á all-nokkrum styrk.
http://www.youtube.com/watch?v=V8rZWw9HE7o

Auf wieder sehen.
Bjútí.

Séð og heyrt...

...úr höfuðstöðvunum í dag!
Kveðja,
aðalritari

Hádegisæfing 3. nóvember

Gestaþjálfari vikunnar vill lýsa yfir gríðarlegri ánægju með mætingu á svokallaða Bootcamp-æfingu eins og cargo-bræðurnir (Sigurfjöl og Geir) kölluðu hana. En þeir harðneituðu að mæta á þesslags æfingu og fóru í göngutúr með kvennaklúbbi vesturbæjar einhvern stuttan hring. Þessi æfing átti samt ekkert skylt við Boot-camp og var enginn sendur á sjúkrahús vegna ofreynslu eftir æfinguna. Gott veður, gott fólk og fullt af áhorfendum (í Perlunni). Hlaupinn var stígurinn undir Öskjuhlíðinni áleiðis að "fyrsta spretti" í Kolkrabbanum alræmda. Þar var mynduð lína/röð með 5-10 metra bili milli manna og hlaupið af stað á þægilegum hraða, aftasti maður tók þá sprett á ca. 90% fremst í röðina og koll af kolli uns Perlan blasti við. Þetta kom út á 3 spretti á mann og var vel tekið á því. Upp við Perlu voru tekin nokkur sett af armbeygjum, "Breiðdælingum", maga og framstigi. Eftir góð átök og mikið áhorf var hlaupin stysta leið heim og "Tito" rifjaður upp á grasinu. Nokkrir klúbbmeðlima hófu upp raust sína og sungu á meðan "the Tito suffering" leið hjá. Þetta vakti mikla lukku, samt aðllega hjá "Bangsamömmu" sem hló og flissaði eins og feimin fermingarstelpa að horfa á alsbera karlmenn. Í framhaldi af þessu skal tekið fram að mönnum og konum er frjálst að beita þeim aðferðum sem duga til að gleyma sársaukanum en eins og Rocky kallinn sagði hér um árið - NO PAIN NO GAIN. Morgundagurinn verður gríðar-skemmtilegur, en það skal tekið fram að hlaupin verður á þægilegum hraða einhver góður hringur og án allrar geðveiki.
Hetjur dagsins voru:
Huld hin harðskeytta, Bryndís berserkur, Bangsamamma Brútal, Guðni hinn geðveiki, Sveinbjörn "sérleið", Jói "brekkusprettur", Andrés ofurmaður og Bjöggi Bjútí.
Góðar stundir, Gestaþjálfarinn.

Mynd mánaðarins

Að horfa á myndband er góð skemmtun. Góða skemmtun!
Smellið hér:

Hádegisæfing 2. nóvember

Undirrituðum var úthlutað að óvörum "gestaþjálfarastaða" þessa vikuna þegar í búningsklefa var komið. Dagskipunin var því brekkusprettir í kirkjugarði Fossvogsprestakalls. Ársæll var mættur snemma fullur af orku og hljóp sem eldibrandur inn Fossvog með bros á vör, enda ekki furða því meistarinn sá ber titilinn "Afi" frá og með deginum í dag og vilja allir FISKOKK meðlimir óska honum innilega til hamingju með það. Jói ljósamaður fór á eigin vegum í brekkuspretti í kirkjugarðinum. Guðni, Dagur, Huld, Óli, Sveinbjörn, Bangsamamma (S. Birna)og Bjútí fóru líka í brekkuspretti í kirkjugarðinum. Bjútíið kynnti "nýja" brekku fyrir megninu af hópnum. Brekkan sú er bæði löng og brött og svo erfið að hún er þegar farin að valda vinslitum. Allavegana lýsti "Bangsamamman" því yfir að vinskap hennar og Bjútí væri lokið hér með. Það er því ljóst að með þessu áframhaldi verður Bjútí ekki vinamargur í vikulok.
Á morgun verður boðið upp á þrekæfingu og skemmtilegar sprettaæfingar (stuttir sprettir og sprengja) og mannskapurinn hvattur til að vera með vettlinga þar sem það er þægilegra þegar teknar eru armbeygjur. Einnig verður "Tito" rifjaður upp.
Kv. Bjútí