Freaky Friday 11.11.'11

Mættir á HL: Erla, Dagur, og Poweradearnir -Sigurgeir, Huld og Sigrún. Erla sendi inn formlega beiðni um að einu sinni væri farin skemmtileg leið og þáttastjórnandi varð frómlega við þeirri beiðni og fór með meðreiðarsveina sína um miðbæinn í frábæru veðri.
Alls um 7k
SBN

Hádegi 10. nóv

Undanfarar voru þau Erla, Svienbjörn og Þórdís. Eftirbátar þeir Dagur og Guðni. Allt á rólegu nótunum 7-8k.

GI

Hádegisæfing 9. nóv.

Mættir á sameinaða æfingu hjá Frjálsa og IAC: Gunnur, Hekla, Sigrún Kolsöe og Guðni en frá IAC voru Anna Dís (sem tók myndina), Huld, Sigurgeir, Dagur og Sigrún. Skokkað var inn í skóginn og farið að steini í kirkjugarði sem merktur er K (alveg augljóst hvar hann er). Þar lagði fráfarandi formaður línurnar með aðstoð fulltrúa frá Frjálsa; VOD dagsins voru 4 brekkusprettir upp að lífrænu úrgangstunnunni og skokk niður. Bónussprettur var í boði nýliðanna frá Frjálsa við mikinn fögnuð. Léttur úði var á vettvangi og kátt í mönnum og konum þótt síamstvíburunum hefði þótt nóg um innskot Baldurs og Konna í návist nýliðunarkvennanna. Augljóst er á athæfi þeirra kumpána að þeir hyggja á nýja landvinninga í þeim geira en Geiri smart lét sér þetta allt í léttu rúmi liggja, enda lætur hann ekki stjórnast af slíkum sýndarveruleika.

Alls milli 6-7k en gæði nokkuð góð.

Góðar stundir,

SBN f.h. sameinaðra

Framkvæmdaáætlun

F.v. aðalritari komst inn í aðgerðapakka nýrrar stjórnar og fann sig knúinn til að birta áætlun þeirra kumpána. Svona ætla þeir að gera þetta í vetur, skilst mér:
Smellið hér, alveg óhindrað:
SBN (hacker)

Hádegisæfing 7.11

Mættir, í frábæru veðri: Ívar, Dagur, Guðni, Óli, Erla, Anna Dís, Huld og Sigrún (fulltrúi).

Farnar voru Suðurgata, Hofs, Kaplaskjól, með perranum, allt eftir smekk og áhuga. Dagur sagði skemmtisögu úr nýafstaðinni hlaupakeppni, hverja hann sigraði með miklum yfirburðum sl. laugardag. Innri endurskoðun var ekki á æfingunni en hann var bundinn yfir einhverju misræmi sem fannst við úrvinnslu gagna eftir Park Run hlaupaseríuna á laugardag, hvar hann vermdi annað sætið, sannanlega (það náðist á mynd). Tískuhornið var á sínum stað en þar fóru fyrrverandi formaður og núverandi meintur gjaldkeri klúbbsins fyrir hópnum í litasamsetningu og báru af í þeim efnum. Fyrrverandi aðalritari kýs að nefna þessa mynd Guerillas in the mist. Dæmi svo hver fyrir sig.

Góðar stundir,

SBN

Park run 05.11.'11 (5K)

Dagur winner!

Sveinbjörn kemur í mark. Hann varð annar.

Tveir félagsmenn öttu kappi við klukkuna í þessu vikulega hlaupi sem á rætur sínar í Bretlandi en er að breiðast út um heiminn. F.v. aðalritari, sem bágt á með að vera ekki staddur í iðunni, var staddur á vettvangi glæps að þessu sinni og hvatti félagsmenn ásamt hlaupastöllu sinni og þjálfara, Huld. Skipti engum togum en þeir tveir félagsmenn, sem fyrir okkar hönd öttu kappi, vermdu fyrsta og annað sætið í hinu stórskemmtilega Park run hlaupi, sem átti sér stað í Elliðaárdalnum í morgun, í kjöraðstæðum.

Hlekkur fyrir upplýsingar um Park run

Góðar hlaupastundir, :)

SBN

Hádegi 3. nóv

Mættir á sameiginlega æfingu FISKOKK og Frjálsa 12 hlauparar, 7 konur og 5 karlar. Hótelsystur fóru sér, Pétur og Erla týndust á leiðinni en Dagur, Gauja, Guðni, Gunnur, Hekla, Huld, Sigurgeir og Sveinbjörn fóru inn í Kópavog þaðan í skógræktina. Þaðan var tekið forgjafarhlaup austur Fossvog og svo til baka í vestur og safnað saman eftir brekkuna rétt austan við Nauthól. Þeir öflugustu tóku 2k sprett. Vegalengd frá 7k.

GI

Park Run-Hvað er það?

Alla laugardaga:

Smellið hér:

SBN

Hádegi 2. nóv

Parakeppni vestur á Eiðistorg. Kepptu þar Dagur og Sigrún á móti Guðna og Huld, sem vissu reyndar ekki að þau væru í keppni, frekar en fyrri daginn. 8,2k

GI

Halloween hádegi

Hlaupaskýrsla:

Hlaupinn ríkishringur í kringum flugvöllinn. Þeir sem mættu voru (í röð eftir km fjölda og innkomutíma) Dagur og Ívar, Sigurgeir, Erla og Huld, Sigrún og Guðni, Sveinbjörn.

Sturtuskýrsla:

Einum karlhlaupara varð það á að fara í sturtuna hans Sveinbjörns, enda hafði honum ekki verið kynntur starfsaldurstengdur forgangur manna í sturtur. Kemur vonandi ekki fyrir aftur.

GI

Hádegisæfing 24. okt

Mættir: Sveinbjörn, Jón Örn, Óli, Sigurgeir, Þórdís, Huld, Anna Dís, Erla, Bryndís og Margrét (nýliði).

Flestir fóru Suðurgötu og restin fór Hofs og nokkrir bættu perranum við.

Það er gaman að sjá að nýja stjórnin er strax farin að safna nýliðum í klúbbinn. Í dag mætti Margrét á sína fyrstu æfingu hjá okkur. Hún á að baki glæsilegan feril með Keflavík og landsliðinu í körfu, hérna er myndband af henni að sýna nokkra takta.

http://www.leikbrot.is/2011/01/16/paraskotkeppni-kki-margret-og-falur/

Kveðja,
Sigurgeir

Hádegisæfing 18. október

Mættir: Síams, Erla, Dagur, Sveinbjörn, Ársæll, Sigurgeir og Þórdís sem var mjög seint á ferð.

Farið var róleg Hofs í brakandi blíðu.

Kv. Sigurgeir

Vantar þig ástæðu til að fara ekki út að hlaupa?

Nokkrar góðar...

Hádegisæfing 17. október

Mætt: Erla, Þórdís, Dagur og Ívar.

Bland í poka í dag. Erla og Þórdís fóru Hofsvallagötu (með lengingu fyrir Valsheimili), Dagur Kaplaskjól og Ívar Suðurgötu.

Eins og þeir sem sóttu aðalfund félagsins sl. laugardagskvöld, þá hlutu tillögur þáverandi formanns til lagabreytinga fremur dræmar undirtektir fundarmanna og sá hann sig á endanum knúin til að segja embætti sínu lausu (enda útséð með að hann næði endurkjöri). Á sama tíma lýsti hann því yfir að hann myndi áfram vinna óeigingjarnt starf í þágu klúbbsins og hefur m.a. tekið að sér starf skúrara í Spa-inu okkar, eins og sjá má á myndinni hér að ofan. Látið ykkur því ekki bregða ef þið sjáið vaskann skúrara á vappi í klefunum næstu mánuðina.

Samtals 7-10 k.

Ívar.

NÝ stjórn

Ágætu félagar.

Á aðalfundi í gær var kjörin ný stjórn. Úr stjórn ganga: Dagur, Fjölnir, Sigurgeir, Ársæll og Sigrún. Í stjórn sitja: Ívar, Jón Örn og Oddgeir ásamt Ásæli sem kjörinn var skoðunarmaður reikinga. Fráfarandi stjórn óskar nýrri stjórn velfarnaðar í starfi hlaupaklúbbsinns.

Kveðja,
f.h. fráfarandi stjórnar-SBN

Fyrirársháðtíðarhlaup

Mættir: Dagur, Ársæll, Sigurgeir, Fjölnir, Bryndís, Oddgeir, Þórdís, Anna Dís og Sigrún.

Fórum rólega Suðurgötu en Cargokings með Degi og Oddgeiri fóru Lynghagalengingu og komu svo í bakið á okkur við Hjallastefnuleikskólann. Fínt veður en kannski aðeins of mikið rok.
Góð stemning fyrir kvöldið. Munið-krafist verður algerrar snyrti- og prúðmennsku í kvöld.
Alls milli 7 og 8K
Kveðja,
aðalritari

09.10.'11 Chicago Marathon

Til þess að standast samanburðarrannsókn hef ég ákveðið að birta söguna og hér er hún, óritskoðuð:

Við stöllur Huld og Sigrún hlupum semsé maraþon í Chicago þann 9. október, á afmælisdegi Sigurgeirs Más. Hvorug okkar man hversvegna við ákváðum að gera þetta og hvorug okkar kannast við að hafa stungið upp á verkefninu. Samt gerðum við þetta sjálfviljugar, næstum.

Við æfðum í tæpa 4 mánuði.

Við stunduðum heitjóga og bekkpressur, framan af.

Við borðuðum hafragraut með Chia fræjum og bláberjum, flesta morgna.

Við drukkum rauðrófusafa og borðuðum banana.

Við notuðum Magnesíumduft, skv. ráðleggingum fagmanns.

Við létum eins og fífl og hlógum, mest að okkur og smávegis að öðrum.

Við blótuðum margoft, hroðalega.

Við hlupum 60-80 km á viku, stundum minna, stundum meira.

Við villtumst í löngu hlaupunum og keyptum skartgripi í leiðinni.

Við sniðgengum samhlaupara okkar, nema á ruslæfingum (djók).

Við heimsóttum 3R til BOS og fórum í samhlaup um Charles River.

Við kviðum verkefninu ekki mjög.

Við létum Oddgeir fljúga með okkur til BOS á leið okkar til CHI og sváfum báðar hjá honum við töluverða undrun annarra, ekki okkar.

Við nutum aðdáunar eldri manns í BOS sem sagði:"Hey you, awesome people, please take me home and feed me." Þetta var ekki flækingur.

Við gistum á fínu hóteli í CHI á Magnificent Mile og borðuðum brauð, pasta og karbólóduðum eins og andskotinn sjálfur, með tilheyrandi útlitsbreytingum.

Við mættum í keppnishólfin okkar kl. 07:18 en hólfin lokuðu kl. 07:20 (startað 07:30).

Við áttum von á hita en ekki 30°C á keppnisdag.

Við áttum von á fótakrömpum en ekki svona miklum.

Við rifum í okkur gel á leiðinni, eins og fíklar.

Við létum sprauta á okkur vatni.

Við kláruðum hlaupið með stæl, þó ekki American.

Við fundum hvora aðra eftir hlaup, við töluverðan fögnuð á vettvangi glæps.

Við lágum í grasinu eftir hlaup og hlógum að hinum sem skjögruðu og drukkum frían bjór.

Við veltum fyrir okkur hvort við myndum brenna í sólinni þrátt fyrir sólarvörn 30.

Við gengum aftur heim á hótel (eins og í N.Y.), 4 mílur.

Við hittum Marilyn Monroe sem leyfði okkur að hanga í pilsfaldi sínum.

Við fengum okkur Starbucks kaffi og gátum vart staðið upp eftir það.

Við fáruðumst yfir því að engin umfjöllun væri um hlaupið í sjónvarpinu en önnur okkar fattaði ekki að það væri slökkt á sjónvarpinu.

Við fréttum að 35 ára slökkviliðsmaður hefði látist í brautinni.

Við drukkum ískaldan Samuel Adams, Octoberfest, á hótelherberginu.

Við fórum í sturtu og fögnuðum svo á kampavínsbar þar sem við fengum vonda þjónustu en gott prosecco.

Við borðuðum á góðum sushistað og kneyfuðum Sapporo og blönduðum geði við infædda sem þekktu Bjork og voru wannabees.

Við fórum snemma heim að sofa.

Við komumst ekki með áætlaðri vél Jet Blue frá CHI til BOS og biðum þeirrar næstu með örlítinn kvíðboga í brjósti.

Við fengum far með næstu vél en útilokuðum að ná FI-631, BOS-KEF.

Við fengum forgang sem alþjóðlegir maraþonhlauparar þegar við hlupum frá borði og hlupum alla leið frá terminal C til E á nýju heimsmeti.

Við lentum 20:50 í BOS og vorum komnar inn í Icelandair vélina kl. 21:10, kófsveittar í dry-fit maraþonjökkunum okkar.

Við sáum og reyndum að terminalahlaup er e.t.v. vanmetin keppnisgrein.

Við flugum heim og komum glaðar í faðm ástvina sem vart héldu vatni af einskærri hrifningu.

Við birtum ykkur myndirnar og hvetjum ykkur til að reyna þetta líka með einhverjum sem ykkur þykir skemmtilegur og jafnvel vænt um. Best væri samt ef þeim hinum sama þætti vænt um ykkur líka.

F.h. Síamssystra (SBN)

Hádegisæfing 12. október

Mættir : Dagur, Ívar, Ársæll, Arndís

Ársæll tókst á við rokið og rigninguna á Suðurgötuhringnum á meðan restin hörfaði inní skóginn. 7k steinláu á frískum degi.

Hádegisæfing 10. okt

Mættir: Ársæll, Jón Örn, Dagur, Ívar, Anna Dís, Sveinbjörn, Bjútí, Óli og Sigurgeir.

Það var bland í poka við allra hæfi í dag. Menn og konur fóru Suður-, Hofs-, Kapla eða Meistaravelli.

Kveðja,
Sigurgeir

Chicago Maraþon 2012

Síams eru komnar í mark

Huld á 3:27:26 og Sigrún á 3:47:11

Glæsilegir tímar.

Hádegisæfing 7. október

Mættir: Jón Örn, Dagur, Fjölnir, Bjúti, Ársæll og Sigurgeir.

Jón Örn fór sér, hann er að skipurleggja endurkomu í úrvalsdeildina. Bláa Fylkingin og Fjölnir fór í Miðbæinn eins og lög gera ráð fyrir á föstudögum. Nokkrir bættu við einum Jónasi svona til að brjóta upp föstudaginn.

Eins og svo oft áður hittum við nokkra róna á leið okkar um miðbæinn og hófst þá mikil umræða um hvað er róni. Er það maður sem hefur misst stjórn á drykkju sinni og misst allt eða er það maður sem hefur gaman af útivist.

Hérna er smá útskýring yfir hvaðan orðið róni kemur: http://visindavefur.hi.is/svar.php?id=3777

Að lokum er svo kannski við hæfi að hlusta á eitt lag um drykkfelldann mann sem kannski var róni, hver veit...
http://www.youtube.com/watch?v=R_t-Xci82ds

Góða helgi og farið varlega í drykkjunni um helgina :o)

Kv. Sigurgeir

Hádegisæfing - 6. október

Mættir : Dagur, Oddgeir, Guðni, Þórdís og Hekla

Rólegur túr í bæinn með lengingum. Farið að kólna og tímabært að taka fram vettlinga og húfu.

Síams halda til Chicago í dag og munu hlaupa maraþonið þar á sunnudag. Við fylgjumst með af eftirvæntingu. Undirbúningur þeirra systra hefur verið mjög markviss og má búast við góðum árangri.

Kveðja,

Dagur

Icelandair Cargo auglýsingaherferðin

Ekkert er Cargobræðrum óviðkomandi. Þessar elskur sáu sig knúna til að flikka upp á annars rytjulegan klæðnað Síamssystra fyrir Chicago hlaupið sem yfirvofandi er og leggja þeim til þessa sláandi fínu hlaupaboli. Ekki er að sökum að spyrja með útlitið fyrir hlaupið, það getur ekki orðið annað en gott. Brosbolir sáu svo um að silfurmerkja herlegheitin við mikinn fögnuð viðstaddra. Hafi þeir bræður þökk fyrir svo óeigingjarnt og þakklátt útspil til handa Síamssystrum.

Bestu kveðjur,

SBN og HUK

Hádegi 4. okt 2011

Í hádeginu í dag varð sögulegur samruni þegar meðlimir Frjálsa Skokkklúbbsins voru mættir til að hlaupa 12:08 á sama tíma og Dagur og Erla. Í stuttu máli þá yfirtók sá Frjálsi æfinguna og fulltrúar gamla Skokkklúbbsins létu sér það gott heita. Hlaupið var inn að Skógrækt, upp hjá Landspítalanum Háskólasjúkrahúsi í Fossvogi, í Öskjuhlíðinni og heim. Á leiðinni tókst formanninum þó að véla skokkara hins Frjálsa inn í gamla klúbbinn og teljast þær Hekla og Gunnur (sjá mynd, sem reyndar var ekki tekin á æfingunni) nú fullgildir félagar.

Jón Örn var sér.

Guðni frjálsi

Þriggjamannanefndin á séræfingu í BOS 02.10.'11

Á sunnudagsmorgun hittust þessir meðlimir skokkklúbbsins og tóku þátt í samhlaupi með bökkum Charles River og MIT svæðisins í BOS, sem er heimavöllur 3R, í blíðskaparveðri. Mjög kært er með þessum einstaklingum og láta þær einskis tækifæris ófreistað í að brenna sínum sjálfupphlaðandi hitaeiningum víðsvegar að um heiminn. Raki og síðbúið sumarveður umlék þátttakendur sem nutu leiðsagnar 3R sem sýndi S1 og 2 sínar heimaslóðir, háskólasvæðið, íþróttaaðstöðuna og sitt nánasta nærumhverfi. Góður rómur var gerður að uppákomu þessari og kátína réð för. 3 stjörnur af 3 mögulegum!
Alls 17K
Kveðja,
aðalritari

Árshátíðin 2011 verður 14. október

Ágætu félagar.
Nú er það fastákveðið sem auglýst var að árshátíðin okkar verður haldin þann 14. október í húsakynnum Huldar Konráðsdóttur og fjölskyldu, Stigahlíð 52. Félagsmenn og makar eru hjartanlega velkomnir og hvattir til þess að mæta. Húsið opnar kl. 19:00 og klæðnaður er frjáls. Gott er hinsvegar að hafa í huga að snyrtimennska, hófsemi og prúðmennska eru eiginleikar sem sem flestir ættu að hafa að leiðarljósi þessa kvöldstund, sem og alla daga. Að venju verður aðalfundi skotið inn í annars skemmtilega dagskrá þar sem félagsmenn og makar gera sér glaðan dag með mat og drykk við hæfi. Skráning í gleðina fer fram hér í "comments", fyrir þriðjudaginn 11. október. Fjölmennum í stuði-
SBN f.h. stjórnar

Hádegisæfing 27. september

Mættir: Anna Dís, Guðni, Óli, Ívar, Huld og Sigrún. Björgvin kom í vísitasjón til þess að leggja línurnar en var að öðru leyti áhorfandi. Hlupum saman út í kirkjugarð til upphitunar en skötuhjúin Guðni og Anna Dís vildu vera ein þannig að við hin forðuðum okkur út á Ægisíðu í spretti skv. plani hjá tvíburunum. Eitthvað er þjálfarinn orðinn þreyttur á undirmanni sínum og gengu blammeringar á víxl á milli svo Ívar og Óli áttu fótum sínum fjör að launa. Annars var um stórskemmtilega æfingu að ræða, upphitun -4*400m +2*800m sprettir-4*400m, en þó ekki "all out", með ca. 2 mín hvíld á milli. Meira svona all out of luck eða nei annars, five miles out. Annars styttist í brottför S1 og 2 og verða eflaust margir fegnir að losna við þær, a.m.k. um stund.
10K hjá sérleyfishöfum
Kveðja nokkuð góð, SBN

Nýr félagsmaður

Nýr ofurhlaupari bættist í hóp iðkenda í dag er Kári Steinn Karlsson gekk til liðs við hlaupahópinn. Hann hefur verið ráðinn til starfa hjá ITS, Rekstrardeild. Ljóst er að með tilkomu hans mun getu- og fríðleiksstuðull okkar hækka svo um munar, enda er drengurinn nýbúinn að slá Íslandsmet í heilu maraþoni og náði um leið þeim einstaka árangri að ná ólympíulágmarkinu fyrir næstu leika í Lundúnum. Við bjóðum Kára Stein hjartanlega velkominn og óskum honum innilega til hamingju með framúrskarandi árangur.
Kveðja,
stjórn IAC
Frétt af MBL

Hádegisæfing 26. september

Mættir í eftirrignigu dagsins: Ársæll, Sveinbjörn, Bjöggi 4X4, Dagur og Sigrún. Fyrstu 3 fóru Suðurgötu en stjórnarhjúin Hofsvallagötu í smáúða. Mál dagsins var hvort gott væri að eiga bíl/bíla og hvort væri betra að eiga metan eða rafbíl? Ekki voru hjúin alveg á einu máli en ljóst er þó að bensínverð er komið fram úr öllu hófi sem og matvælaverð sem og....já við stoppum hér og rjúfum útsendinguna með óskalagi:
Óskalag
Kv. SBN

Árshátíð 14. okt.

Ágætu félagar.
Árshátíð klúbbsins ásamt aðalfundi verður að öllu óbreyttu haldin þ. 14. okt. nk. ef viðeigandi húsnæði finnst. Iðkendur og makar eru hjartanlega velkomnir.
Nánar auglýst síðar. Partí

Stjórn IAC

Freaky Friday 23. september

Mættir: Cargosystur og Síams ásamt Sveinbirni og Önnu Dís. Boðið var upp á bæjarferð með tvisti inn í skuggasund gömlu hótel Borgar, hvaðan menn áttu ýmist minningar um gubb, piss eða eitthvað annað þaðan af verra frá ungdómsárunum. Nutum við leiðsagnar Önnu Dísar, leiðsögumanns, sem sýndi okkur styttuna af Óþekkta skrifstofumanninum,verk eftir Magnús Tómasson sem innri endurskoðun tók út á viðeigandi hátt og fann strax mikinn samhljóm með. ..."Óþekkti skrifstofumaðurinn hans sem sjá má í porti við Lækjargötu þar sem neðri hlutinn er maður en efri hlutinn steinn". Eins og glöggt sést á myndinni er mikill samhljómur með félögunum á myndinni.
Alls um 7-8k
Góða helgi og bæ!
SBN

Ath.:verið er að spyrða saman 2 pör í parakeppni Powerade, Cargo bros. vs. Síams sys. en sökum þess að framkvæmdastjóri vetrarhlaupanna er mjög reglufastur og ekki hrifinn af neinu afbrigðilegu er þessum nýju pörum í hópnum bannað að keppa sem pörum, þrátt fyrir að hafa sannanlega til þess gild vígslu- og búsetuvottorð.

Afhending á Craft fötunum

Ágætu félagar.
Stefnt er að afhendingu Craft fatnaðarins í lok næstu viku, eða þegar allar vörur hafa borist frá birgja. Nánari leiðbeiningar varðandi greiðslu og fyrirkomulag afhendingar munu berast eftir helgi.
Bestu kveðjur,
stjórn IAC
SBN

CRAFT 2011

Ágætu félagar.

Starfsmönnum Icelandair hlaupsins, sem eru jafnframt félagsmenn, gefst kostur á að fá niðurgreiddan Craft hlaupafatnað sem valinn hefur verið. Um er að ræða renndan, langerma bol og síðar hlaupabuxur. Hægt er að máta fatnaðinn hjá Daníel Smára í Afreksvörum í Glæsibæ. Þeir sem ekki hafa pantað stærðir eru beðnir um að senda póst á sbn.crew@icelandair.is fyrir föstudaginn 23. september. Vinsamlegast tilgreinið hvort þið hyggist panta bæði buxur og bol, eða annaðhvort. Takið einnig fram hvort um karl- eða kvenstærð er að ræða. Kostnaður hvers meðlims er u.þ.b. kr. 4000.- pr. stk. en skokkklúbburinn greiðir mismuninn. Hjálagðar eru myndir af fatnaðinum en iðkendum er frjálst að velja aðra liti af bol, sem skoða má í verslun Afreksvara.

Með þökk fyrir aðstoðina í Icelandairhlaupinu,
SBN f.h. stjórnar

The day after run

Í dag fór fram eftirhlaup Icelandair hlaupsins í gær og mættu nokkrir galvaskir hlauparar á vettvang til að spreyta sig á brautinni. Nokkuð hvasst var og slagveðursrigning en þó milt. Þátttakendur eru vinsamlegast beðnir um að skrá tímana sína að neðan í "comments".
Bestu kv. SBN

Falin myndavél

Þetta myndskeið náðist í gær er IT menn Icelandair voru að reyna að vinna úr gögnum hlaupsins. Of mikil tækni þarna á ferð.


Kveðja,
SBN

Afhending gagna í gær

Í gær fór fram afhending gagna á Natura hótelinu fyrir Icelandairhlaupið. Stjórnarmenn og meðlimir klúbbsins skiptu með sér vöktum og afhentu keppnisnúmer og nælur, samviskusamlega. Þetta mæltist vel fyrir hjá hlaupurunum sem t.d. komu brosandi og ánægðir í faðm ástríkra síamstvíburanna sem leystu keppendur út með hnyttnum ummælum og ættfræðiupprifjunum. Þetta form á afhendingu er eflaust það sem koma skal hjá klúbbnum.
Kveðja,
stjórn IAC

Hádegisæfing 14. september

Mættir: Þórdís, Dagur og Sigurgeir.

Þórdís fór aðeins fyrr af stað þar sem hún treysti ekki rólega tempóinu hjá Der Führer. Við fórum flugvallahringinn til að skoða aðstæður fyrir morgundaginn.

Við mættum að sjálfsögðu Síams 1&2 sem halda áfram að æfa án okkar en ég verð að segja að þær fór núna alveg yfir strikið og ég veit bara ekki hvernig á að bregðast við svona löguðu. Við mættum þeim á hlaupum með öðrum karlmanni sem er ekki meðlimur FISKOKK...

Hérna má svo sjá topp 10 hlaup hjá Síams: Smellið hér
Kveðja,
Sigurgeir

Icelandair hlaupið

Ágætu félagar.

Starfsmenn hlaupsins á fimmtudaginn, þann 15. september eru vinsamlegast beðnir um að mæta tímanlega að höfuðstöðvum Icelandair, eða um kl. 16:00, til undirbúningsvinnu fyrir hlaupið. Allir starfsmenn hlaups klæðast skærlitum öryggisvestum sem afhent verða fyrir framan hótel en þar verður einnig úthlutað verkefnum. Starfsmenn eru síðan vinsamlegast beðnir um að skila vestunum aftur til framkvæmdastjóra hlaups, Sigurgeirs Más, eftir hlaup.



Með góðri hlaupakveðju og þökk,

stjórn IAC

Hádegisæfing 13. sept

Mættir: Dagur, Ársæll, Sveinbjörn, Fjölnir, Guðni (nýliði og kandídat sem næsti framkvæmdastjóri Icelandair hlaupsins), Þórdís, Erla og Huld.
Ársæll hefur tekið við af B. Bronco sem kvennaljómi félagsins og hann stakk snemma af stað í Hofsvallagötuhring með Þ og E en Huld mætti of seint á startpinna og þurfti að gera sér að góðu að hlaupa með okkur hinum. Við fórum Suðurgötu en D og F hlupu 4x800m spretti via Lynghagann. Pikkuðum Sveinka upp á ströndinni og hann nelgdi síðustu tvo sprettina með okkur.
Lentum svo í fanginu á lögreglu og bodygard-sveit er heim á hótel var komið sem skýrist af heimsókn sendinefndar kínverska þingsins til Íslands. Þrátt fyrir mjög stranga gæslu og afbrigðilegar teyjur formanns á plani, sluppum við í gegn að lokum.

Kveðja,
Fjölnir

Taumlaus gleði síamstvíburanna

Gleði S1 og S2 var fölskvalaus í dag á löngu æfingu vikunnar en þá brutu þær leiðakerfið upp og skelltu sér út að álveri og síðan fjallabaksleið til baka. Ekki er það ásetningsbrot af þeirra hálfu að sniðganga æfingar FI skokks þessa dagana heldur er einungis um sérsniðið æfingaplan að ræða, þar sem náin samskipti við vini og vandamenn eru stranglega bönnuð, fram að keppnisdegi í Chicago. Þetta skilja allir sannir og hreinræktaðir íþróttamenn.
LOL,
SBN

Fyndnar fjölskyldumyndir 10.09.'11

Misjafnt hafast mennirnir að. Sumir eiga afmæli og bregða undir sig betri fætinum, aðrir fá hlaup í afmælisgjöf. Þetta henti einmitt einn félagsmann úr FI skokki í gær er hann tók við 21,1 km hlaups gjöf frá eiginkonu sinni er fram fór í Vestmannaeyjum, Pompei norðursins, í fyrsta sinn. Eiginkonan ákvað að vera svolítið stórtæk í ár og gefa eiginmanninum lengstu gjöfina en hægt var að kaupa 5km, 10km og 21,1km til gjafa. Hlaupið fór fram í blíðskaparveðri að hætti eyjarskeggja og mátti sjá fleiri valinkunna hlaupara á svæðinu. Brautin var einstaklega erfið, snarbrattar brekkur og svínslega niðurhallandi slakkar hvert sem augað eygði. Afmælisdrengurinn leysti út sína gjöf með mestu prýði og ánægju og setti enn eitt PB-ið á árinu og varð 4. yfir heildina í sinni vegalengd. (úrslitin hafa ekki verið birt ennþá v. skemmda á sæstreng). Til öryggis hafði eiginkonan þó ræst út eina sjúkrabílinn á eynni, ef ske kynni að eiginmanninum dytti í hug að ráða henni bana fyrir höfðingskapinn. Allt fór þó á besta veg og afmælisdrengurinn gekk alsæll frá verkefninu með þeim orðum að betri afmælisdag hefði hann jafnvel aldrei upplifað.
HeildarúrslitKveðja úr verinu (tölvu)
SBN

Hádegisæfing 9. september

Mættir: Óli, Sveinbjörn og Sigurgeir.

Þrátt fyrir að það sé föstudagur og við eigum að fara í miðbæinn skv. lögum FISKOKK var ákveðið að fara smá rúnt í Fossvogsdalnum. Eins og svo aftur áður þá rákumst við á Síams 1&2 á æfingu án okkar! Eftir að hafa fylgst aðeins með þeim úr fjarlægð þá er ég farinn að skilja af hverju þær vilja ekki æfa með okkur, þær eru að æfa sérstakan Pheobe hlaupastíl sem þær ætla að prófa í Chicago.

Góða helgi.

Kv. Sigurgeir

Icelandairhlaupið 15. sept. 2011

Ég minni þá félagsmenn, sem skráðu sig til vinnu við Icelandairhlaupið, á að hlaupið fer fram á breyttum tíma, það verður ræst klukkan 18:00 og því er gott að sem flestir skili sér á vettvang kl. 16:00, sé þess kostur.

Bestu kveðjur,
stórn IAC

Skráðir til vinnu

Reykjanesmaraþon

Um helgina fór fram hlaup í Reykjanesbæ.
Þrír félagsmenn kepptu fyrir okkar hönd: Heildarúrslit

10K
33 00:51:00 Björg Alexandersdóttir 1975

39 00:52:11 Gísla Rún Kristjánsdóttir 1981

10K
44 00:53:03 JONATHAN CUTRESS 1960

21,1K
15 01:48:09 Tómas Beck 1980

Innilega til hamingju með árangurinn, enda nokkrir á PB!
Stjórn IAC

Fyrstur kemur fyrstur fær

Hvernig nær BB, aka Bjöggi bjútí í allar skvísurnar úr FI skokki? Jú, hann mætir korteri fyrr á æfingu og hözzlar allar gellurnar sem streyma inn í lobbíið og skokkar með þeim léttan Ólympíuhring. Ironman hvað? Huzzleman.org
Sökkerzzzzzzzzzzzzzz
N.N.

Fossvogshlaup Víkings

Í gær fór fram Fossvogshlaup Víkings í vindstreng frá Irene.
Tveir félagsmanna þreyttu hlaupið: (talan á undan sýnir röð af heild)

5K 5 18:25 Oddgeir Arnarson 1970 (PB)

10K 17 41:51 Viktor J. Vigfússon 1967

10K 27 44:12 Ivar Kristinsson 1974 (PB að því að talið er)

Til hamingju með þetta, aldeilis frábært!
Kveðja,
SBN f.h. IAC

Hádegisæfing 2. september

Mættir: Bjössi Bronco, Þórdís, RRR, Síams 1 & 2, Oddgeir, Fjölnir, Dagur, Óli og Sigurgeir.

Ég á ekki til orð yfir þann sirkus sem átti sér stað í dag. Þetta er alveg með ólíkindum hvernig Bjössi Bronco aka Bjúti hagaði sér í dag og stal ÖLLU kvennfólkinu á sér-æfingu. Síams 1&2 tóku meira að segja tempó frá Fossvoginum vestur í bæ til að ná æfingu með BB.

Restin af karlpeningnum fór skemmtilegan rúnt um Fossvogsdalinn kvennmannslausir og ræddu það hvernig konunar í FISKOKK leika sér að tilfinningum okkar og líta bara á okkur sem einhverja kjötbita sem er gaman að horfa á fáklædda þegar þeim hentar.

Góða helgi :o)

Kv. Sigurgeir

Steindi Jr. vs Kári Steinn

Þetta setur hlutina í ákveðið samhengi, nú auk þess að hafa einnig allnokkuð skemmtanagildi.
Au revoir
Le Beuf

Er það SATT sem menn segja um landann?

Mættir í höfuðstöðvarnar: Þórdís, Dagur og Ívar (sér)ásamt Huld og Sigrúnu (vegna fjölda áskorana)í blíðskaparveðri. Þórdís fylgdi okkur áleiðis og fór Suðurgötuna og einnig 5 brekkur í skógi en Dagur var svo frá sér numinn af birtinu flugfreyjanna að hann knúði fram fínasta tempóhlaup vestur í bæ og heim á hótel. Spurningin er bara hvar hinir umkvörtunaraðilarnir hafi verið meðan þetta fór fram?
Alls um 10K
Kveðja,
SBN

Maraþon "saga" 3R

Veit þið eruð öll svo spennt yfir að heyra smá sögu og hvað þá maraþon sögu. Lagt var af stað í mitt fimmta maraþon, þriðja RM þannig að bæði vegalengdin og leiðin kom ekki á óvart! Veðrið eins og þið vitið var eins og best verður á kosið og lítið um það að segja. Lagði af stað frekar stressuð enda búin að setja mér ansi háleit markmið, þ.e. klára á 3:45 en minn besti tími var 4:08 sem ég þreytti núna í Maí sl. Ég vissi að þetta yrði strembið en var ákveðin í að reyna eins og ég gat að halda mig við planið. Ástæðan fyrir því að ég setti mér þetta markmið var ekki af því ég er spennt endilega fyrir því að qualifya fyrir Boston, heldur af því ég bý í Boston og langar að hlaupa það hlaup meðan ég bý þar. Ég lofaði sjálfri mér því að prufa fyrst að reyna að qualifya áður en ég myndi reyna aðrar leiðir til að tryggja mér Bib númer!

Stressið fór svona af fljótlega og planið var að fyrstu 5K áttu að vera mun rólegri en restin og hélt ég því heilmikið aftur af mér fyrstu 5K. Eftir 5K gaf ég svolítið í og eftir nákvæmlega hálft maraþon var ég akkúrat á goal (ekki golf!) pace-i. Eins hélt ég mig nákvæmlega við að labba allar drykkjastöðvar og taka gel við aðra hverja drykkjastöð.

Það var ferlega gaman að hitta Ársæl niður við Sundahöfn og hann var sæll á ferð enda á fínu róli, kvaddi hann við Kirkjusand þar sem leiðir skyldu og var mjög kát að heyra að hann fylgdi fyrirmælunum mínum, þ.e. gefa bara í, enda lítið eftir :)

Eftir ca 25 km fann ég að ég var örlítið farin að hægja á mér, hugsaði mikið að hlaupa eftir hjartanu sem ég þá gerði og það virkaði bara nokkuð vel. Eftir ca 30K var hraðinn aðeins farin að minnka og dugði þá ekki til að hugsa um að hlaupa eftir hjartanu, skrokkurinn var bara orðinn þreyttur þótt pumpan í fínu standi!, Hér hægðist aðeins á mér og ég var mjög meðvituð um það, var samt að reyna en hafði hér töluverðar áhyggjur ef ég myndi pressa of þá myndi ég lenda á vegg svo ég var þokkalega sátt við mig þótt ég væri aðeins að hægja á mér. Vissi að 12K væri löng vegalengd ef ég færi að pressa of mikið og vildi frekar ná að halda mig við að hlaupa alla leið en lenda í vandræðum, skynsemin sem sagt í fyrirrúmi. Eftir ca 35K eða þegar maður er kominn að Gróttu þurfti ég aðeins að berjast við kollinn sem vildi helst labba en ég gaf það ekki eftir enda með slæma reynslu af slíku, og hélt því áfram, komst yfir það þegar ég stoppaði á næstu drykkjarstöð en þá leyfði ég mér að labba meðan ég sötraði á vatni og orku, tók viljandi 3 glös til að næla mér í smá auka labbi tíma¨! hérna var ég aðeins farin að semja við sjálfan mig en vaknaði til lífsins þegar ég sá 4 konur koma fram hjá mér en það var ekki búið að vera mikið um þær svona síðasta legginn....ákvað að nú myndi ég taka mig taki, kíla á þetta enda þá bara um 5K eftir. Nýtt plan, halda í þessar skvísur....ég þurfti að gefa svolítið í til að ná þeim því þessar viðræður höfðu tekið mig nokkrar sek, náði þeim svo og tjáði þeim að ég ætlaði mér að halda í við þær alla leið, bara svo þær vissu nú hvað þessi kona sem varla vildi tjá sig væri að gera þarna, já ég var eiginlega orðin of þreytt til að tala þannig að ég ákvað bara að einbeita mér að því að láta þær ekki fram hjá mér fara, það var alveg nóg að hugsa um þessa stundina. Heyrði í þeim nokkrum sinnum góla, engann æsing stelpur, við ætlum að klára þetta með stæl, ákvað bara að hlýða en var farin að gefa svolítið í.... Þær voru sem sé svaka hressar og blöðruðu og blöðruðu og styttu stundirnar alveg svakalega og gerðu þetta mun bærilegra og bara alls ekki svo slæmt. Ég viðurkenni alveg að ég var orðin þreytt enda aldrei hlaupið eins hratt svona lengi. Ég kom þjótandi í mark á tímanum 3:52:28 sem var 7 mín hægar en upphaflega planið var, en ég var alsæl, ánægð með árangurinn enda 16 mín bæting síðan í maí, ekki annað hægt og ánægð að hafa sett mér svona háleitt markmið, hefði líklega aldreið náð þessum tíma hefði ég sett mér markmið að klára undir 4 tímum! Þrátt fyrir flotta bætingu þá náði ég ekki markmiðinu, þ.e. að qualifya fyrir Boston en þá tekur bara við nýtt markmið, að finna mér leið til þess að tryggja mér Bib númer í næsta Boston maraþoni, apríl 2012.

Ef einhver lumar á góðum ráðum í þeim efnum, þá eru þau vel þegin :)


Kveðja
3R

Turn to stone

Eitthvað virðist bera á afbrýði karlmanna í klúbbnum um þessar mundir í garð Síamssamsteypunnar og er ýjað að því fjálglega að þær telji sig yfir aðra klúbbmeðlima hafnar hvað æfingatíma áhrærir. Þetta er slík reginfirra og misskilningur og leiðréttist hér með. Síamstvíburarnir tóku sprettæfingu skv. plani í dag í brautinni okkar og þá var hvergi hægt að greina karllæg gen eða annað sem minnti á meðlimi FI skokks. Tvíburarnir eru steinrunnir yfir yfirlýsingum þessum og steini lostnar og hvetja þá sem telja sig syndlausa að kasta fyrsta steininum.

Og til að undirstrika sorg tvíburanna yfir ummmælum þessum birtist hér ljóð Steins Steinarrs:

Það vex eitt blóm fyrir vestan
Það vex eitt blóm fyrir vestan,
og vornóttin mild og góð
kemur á ljósum klæðum
og kveður því vögguljóð.

Ég ann þessu eina blómi,
sem aldrei ég fékk að sjá,
og þangað horfir minn hugur
í hljóðri og einmana þrá.

Og því geng ég fár og fölur
með framandi jörð við il.
Það vex eitt blóm fyrir vestan
og veit ekki, að ég er til.

Kveðja góð,
SBN

Hádegisæfing 24. ágúst

Mættir: Óli, Dagur, Þórdís, Baldur, Eiríkur, Erla bikardrottning (mynd) og Sigurgeir.

Það var gaman að sjá að það voru þrír nýliðar í dag og ætla allir að mæta aftur og fara stunda hlaup af krafti í vetur!

Eiríkur og Baldur fór dælustöð, Erla og Þórdís fóru Flugvallahring og rest fór Hofs. Til að reyna halda hópinn sem lengst og byggja upp þann ungmennafélagsanda sem hefur ríkt hjá FISKOKK, þá fórum við öfugan hring. Þegar við erum komin að Kafara þá mætum við SÍAMS 1&2!!! Þær telja sig vera yfir okkur hafin og geta greinilega ekki æft með okkur lengur, enda báðar með PB á laugardaginn! En við þurfum ekki að örvænta þar sem töluverð endurnýjun hefur orðið á kvennfólki í hópnum og höfum við fulla trú á Þórdísi, Arndísi og Erlu.

Einnig hefur borið á því að betri helmingur The Cargo Kings hefur verið að mæta einn á æfingar og lýsum við því eftir Fjölni. Þeir sem vita um ferðir hans er beðin um að minna hann á að það eru æfingar kl. 12:08 alla virka daga frá Hótel Reykjavík Natura.

Kveðja,
Betri helmingur The Cargo Kings

Verðlaun í aldursflokkum í RM 2011

Vert er að geta þess að Bryndís Magnúsdóttir varð fyrst í 10K á laugardaginn í sínum aldursflokki, 60-69 ára, eins og sjá má hér.

Einnig verður ekki litið framhjá afreki Huldar Konráðsdóttur, en hún varð 3. í sínum aldursflokki, 40-49 ára, í hálfmaraþoni, eins og sést hér.

Síðast en ekki síst ber að geta þess að okkar nýi ofurfélagsmaður, Arndís Ýr Hafþórsdóttir, sigraði sinn aldursflokk, 19-39 ára glæsilega, eins og sjá má hér. Reyndar ber einnig að geta þess að þessi hnáta var einnig fyrst kvenna í 10K hlaupinu, og skyldi engan undra. Frábær árangur!

Við óskum þeim innilega til hamingju með árangurinn, sem vissulega er eftirtektarverður og glæsilegur í senn.

SBN f.h. stjórnar IAC

Úrslit úr RM á laugardag

Reykjavíkurmaraþon Íslandsbanka fór fram á laugardaginn í sérdeilis góðu veðri, hægum andvara og sól. Margir félagsmenn öttu kappi við klukkuna að þessu sinni og er árangurinn eftirfarandi:
Heildarúrslit Runpix.com
RM Úrslit (talan á undan sýnir röð af heild)

10K
27 39:20 ( 39:15) Oddgeir Arnarson 1970 IS108
30 39:30 ( 39:26) Arndís Ýr Hafþórsdóttir 1988 IS112 Fjölnir 10
56 40:49 ( 40:44) Viktor Jens Vigfússon 1967 IS107
99 42:52 ( 42:44) Sigurgeir Már Halldórsson 1974 IS109
602 50:53 ( 50:35) Sveinbjörn Valgeir Egilsson 1954 IS109
777 52:44 ( 52:34) Bryndís Magnúsdóttir 1950 IS111
1219 56:25 ( 54:12) Dagur Björn Egonsson 1964 IS110

21,1K Hálfmaraþon101
101 1:33:20 ( 43:27/1:33:15) Huld Konráðsdóttir 1963 IS105
292 1:43:38 ( 49:04/1:43:27) Sigrún Birna Norðfjörð 1966 IS108
446 1:48:21 ( 52:05/1:48:01) Sigfús Kárason 1966 IS112
509 1:50:09 ( 51:44/1:49:32) Sigrún Björg Ingvadóttir 1971 IS101
582 1:51:35 ( 52:02/1:51:07) Björg Alexandersdóttir 1975 IS260
657 1:53:19 ( 54:06/1:53:05) Jakobína Guðmundsdóttir 1964 IS108
693 1:54:01 ( 53:56/1:53:20) Ársæll Harðarson 1956 ISSko
709 1:54:20 ( 54:13/1:53:44) Ásta Hallgrímsdóttir 1971 IS107
816 1:57:00 ( 55:38/1:55:41) Gísla Rún Kristjánsdóttir 1981 IS111
1199 2:08:34 (1:00:26/2:08:08) Helgi S Þorsteinsson 1956 IS101

42,2K Maraþon

60 3:21:02 (46:48/1:33:01/1:37:58/2:19:59/2:55:29/3:20:48) Ólafur Briem 1962
25 3:53:16(54:23/1:47:54/1:53:49/3:52:28)Rúna Rut Ragnarsdóttir 1976 IS105
311 4:04:02(51:59/1:48:28/1:54:49/2:49:45/3:34:00/4:03:53)Tómas Beck 1980

Ljóst er að margir hlupu sitt PB hlaup þennan dag og mikil gleði og kátína skein úr hverju andliti, bæði fyrir og eftir hlaup. Félagsmenn eru hvattir til að koma með viðbætur í "comments" hér að neðan eða senda póst á sbn.crew@icelandair.is telji þeir sig hlunnfarna í úrslitum eða í umfjöllun.
Glæsilegt! Til hamingju öll með þennan frábæra dag.
SBN f.h. stjórnar IAC

Hádegisæfing 22. ágúst

Mættir: Ársæll, Þórdís, Sveinbjörn, Ívar, Dagur og Sigurgeir.

Hópurinn skiptist í tvennt og fór helmingurinn Hofs á meðan hinir fóru Kapla-langt. Allir voru með bros á vör eftir árangurinn í RM á laugardaginn og greinilegt að mörg PB féllu hjá félagsmönnum um helgina.

Kveðja,
Sigurgeir

Hver er stúlkan sem hrifsaði gullið af íbúum Gnúpverjahrepps og Árborgar í fyrra?

RM 2011

Góð þátttaka félagsmanna í hreint frábæru veðri. Persónuleg met féllu í hrönnum.
Nánari upplýsingar fylgja síðar. Myndir sýnir Huld og SBN að afloknu hálfmaraþoni, báðar á PR. Sjá tímann hjá SBN hér.

Nýr félagsmaður

Daginn fyrir RM mættu tveir á æfingu. Formaðurinn og nýr félagsmaður, Arndís Ýr Hafþórsdóttir. Arndís er margföld afrekskona í hlaupum og kemur til með að styrkja kvennalið klúbbsins svo um munar. Arndís starfar hjá Fjárvakri og bjóðum við hana velkomna í hópinn.

Fórum léttan Suðurgötuna á rúmum 32mín.

Gangi ykkur vel á morgun.

Icelandairhlaupið 2011-starfsmenn vantar

Heilir og sælir, ágætu félagar.

Eins og flestum er kunnugt var Icelandairhlaupinu okkar frestað í vor vegna framkvæmda við hótelið. Hlaupið er hinsvegar á dagskrá núna 15. september og undirbúningur þess í fullri vinnslu. Eins og áður vantar okkur margar hendur og starfskrafta til að vinna við hlaupið á hlaupadag, í allskyns störf. Félagsmenn eru hvattir til að skrá sig í "comments" hér að neðan og þeir félagsmenn sem starfa við hlaupið fá niðurgreiðslu í hlaupafatnaði frá Craft, sem verið er að semja um, langerma treyju og síðar buxur. Sú breyting hefur orðið á ræsingu hlaups að það hefst nú kl. 18:00 sem þýðir að starfsmenn mæta um kl. 16:00 niður á höfuðstöðvar félagsins. Nánari upplýsingar síðar.

Með von um góð viðbrögð,
stjórn IAC

Hood To Coast Relay

Skemmtilegt hlaup:

http://www.hoodtocoast.com/movie.html

Helgarfléttan

Í gær tóku Síamssystur langa æfingu inn í RM kerfinu (brautinni f. RM) og mættu þar galvöskum karatedrengnum honum Óla sem var á siglingu í austurátt, í síðasta langa fyrir heila(aðgerðina) á laugardaginn. Hægt var að greina örlítinn söknuð beggja megin borðsins enda hafa þessir fornvinir varla sést svo mánuðum skiptir eða síðan Stokkhólmsheilkennið rann sitt skeið og Chicago Town pizzurnar tóku yfir. Ljóst er þó að menn stunda sínar æfingar í hljóði og einrúmi í meira mæli en áður.
Kveðja,
aðalritari

Hádegisæfing 9. ágúst

Mættir : Sveinbjörn, Ársæll, Ívar, Dagur, RRR, Ólafur Briem á sérleið

Sprettir í boði Sveinbjarnar. 6x400m meðfram ströndinni, 4 út, 2 heim.

Allir tóku vel á því. Krökt af hlaupurum á stígnum.

Æfingin endaði með sundferð í Nauthólsvík.

Fréttir af félögum

Jökulsárhlaupið 6. ágúst
13,2km Gerður Jóelsdóttir 1:39:53 76. sæti

Barðsneshlaupið 30. júlí
27km Ívar S. Kristinsson 3:18:20 22. sæti

Fleiri?

Hádegisæfing 8. ágúst

Mættir : Sveinbjörn, Ársæll, Ívar, Dagur

Farin var Hofsvallagata og Meistaravellir. Ársæll æfir af kappi fyrir hálft í Reykjavíkurmaraþoni og fundu Ívar og Dagur fyrir því enda náðu þeir þeim félögum Ársæli og Sveinbirni ekki fyrir kafara þrátt fyrir sub 4:30 tempó.

Sveinbjörn vildi kalla þessa æfingu 'The Gay After Run' enda sólin hátt á lofti og allir hýrir.

Æfingin endaði með sundferð í Nauthólsvík.

Hlauparar í lyftu

Verð að leyfa öllum að sjá hvernig félagar í hlaupaklúbbnum ferðast á milli hæða eftir æfingu, nota stigan nei af og frá ????

Þær eru smá hristar en tala sýnu máli ??

kveðja, best regards,
Jóhann Úlfarsson

Hádegisæfing 4. ágúst

Mættir: Þórdís, Ársæll, Sveinbjörn, Óli, Dagur, Ívar og Sigurgeir.

Í dag var Hofs í boði þar sem sumir tóku það rólega á meðan aðrir tóku 4 x 800m spretti. Óli lét svo að sjálfsögðu sjá sig í klefanum eftir æfingu eins og svo oft áður, engin veit hvað hann gerði í dag!

Kveðja,
Sigurgeir

Hádegisæfing 2. ágúst

Mættir: Sveinbjörn, Séra Jón, 3R, Dagur, Hjörvar og Sigurgeir.

Sumir tóku það rólega og fóru sér á meðan aðrir tóku þátt í æfingu dagsins.

Í dag var tempó í boði og af því tilefni fór Formaðurinn með okkur Framnesveginn, svo við gætum tekið 5k á tempó! Flestir ætluðu rólegt svona fyrsta hlaup eftir sumarfrí en það var sko ekki í boði!!!

Vonandi fara flestir að skila sér á æfingar eftir sumarfrí :o)

Kveðja,
Sigurgeir

Toronto calling

Til að sýna smá lit sem aðalritari klúbbsins kemur hér smá tilkynning:
Oddgeir og Sigrún fóru út að hlaupa í Toronto árdegis og tóku svo létta lyftingaræfingu í kjölfarið, bara svona ef þið skylduð hafa haldið að við værum dauð eða týnd eða eitthvað!
Ok?
BÆ.
8,3K :)

Fer þessum sumarfríum ekki að ljúka ?

Það er ansi einmanalegt við múrinn þessa daga en í dag, fimmtudaginn 28.júlí var mætt í hollum og því allir sóló en 3R fór einn recovery Perlurúnt, endurskoðandinn fór galvaskur kringum flugvöllinn og á hraðferð var annar hluti síams að drukkna í mjög svo flóknu prógrami ;)
Hlökkum öll til að fá ykkur "heim" úr fríinu og taka nokkra góða takta áður en hið árlega RM skellur á.

Samtals 4,8 - ? Km
Kveðja frá 3R

Fimmtudagur 21.júlí

Það var fámennt en góðmennt í dag :-)
Ein á ferð var lagt af stað frá múrnum kl. 12:08. Hugmyndaflugið alveg að drepa mann svo ég fór bara einn heilalausann hefðbundinn réttsælis flugvallahring. Var í blússandi fíling á fínu pace-i, verst það sá mig enginn!!

Samtals fínir 7,4K


Kveðja
3R

RM skráning

Var að reyna að skrá mig í RM. Eini valkosturinn sem mér var boðið upp á var skráning í Latabæjarhlaupið. Hafa aðrir lent í einhverju þessu líku?
Kveðja, Jens

Mánudagur 18.júlí

Mættir voru við múrinn Jón Örn, Sveinbjörn og Rúnan
Öll vorum við á sama máli með að taka rólegann mini flugvallahring. Við rúlluðum þetta vel og létum veðrið leika við okkur.

Samtals 6,5K

Kveðja
3R

Föstudagur 15.júlí

Mættir voru við múrinn, Bjöggi, Dagur og Rúnan.
Farinn var bæjarrúntur, hvort hefðbundinn eða óhefbundinn er ég ekki viss en strákarnir sáu um skipulagningu á leið meðan daman sá um að halda pace-i en planið var drauma MP pace fyrir Rúnuna, nánar til tekið 5:20. Farið var niður að Sæbraut fram hjá Hörpunni fögru og framhjá bæjarins bestu þar sem Rúnan tók eitt laglegt fall og þar þurfti aðeins að staldra við....en til að gera langa sögu stutta þá skiluðu sér allir heim að múr, samtals 6,8K.

Keðja
3R

Hádegisæfing frá Natura Spa múrnum

Mættir: Dagur, 3R og Sigrún auk Icelandair Hotels meðlims Ingu Rutar Karlsdóttur. Fórum Hofsvallagötu og þaðan 3* 1000m tempókafla með 500m skokki á milli út að kirkjugarði en þaðan skokk heim og sameinuðumst Ingu við HR. Frábært hlaupaveður og allt að gerast!

IGS meðlimur Björn Kjartan Sigurþórsson er nýr í skokkklúbbi. Við bjóðum alla nýja og gamla unnendur góðrar hreyfingar hjartanlega velkomna. ;)

Alls 9,5K
Kveðja góð,
SBN

Leynilegt skjal

Ákveðið hefur verið að birta hér leynileg gögn sem geymd hafa verið í innsigluðu umslagi síðan 27. maí, degi áður en STO maraþonið fór fram. (man einhver eftir því?).

Upplýsingar þessar endurspegla á engan hátt skoðanir annnarra stjórnarmanna og er aðalritari einn ábyrgur fyrir þessum tölum, enda hafi hann einn fullt umboð til gagnavinnslu af þessu tagi.

ETA fyrir STO (estimated time of arrival)
Dagur 3:18
Schweitz:3:24
Óli 3:25
Schweitz:3:24
OAR: 3:26
Ívar: 3:35
SMH:3:40
FÞÁ: 3:45
JÖB: 3:48

Rauntími í STO
Dagur 3:39:09
Óli 3:27:32
Schweitz 3:28:15
OAR 3:29:17
Ívar 3:37:23
SMH 3:33:37
FÞÁ 3:42:41
JÖB 3:51:06

Svo er ég enn að velta fyrir mér maraþonsögunni, kemur hún eða ekki frá einhverjum keppenda. Var Geiri smart ekki búinn að lofa?
Kveðja góð,
aðalritari

Ármannshlaupið

Rúna Rut Ragnarsdóttir 108. sæti á 47:26, 13. sæti í flokki

Hádegisæfing 13. júlí

Mættir : Dagur

Skógræktin á léttu brokki.

Hádegisæfing 12. júlí

Mættir : Dagur, Guðni og Gerður?

Dagur og Guðni, fórum Skógræktina og ræddum væntanlegt comeback Guðna, hverja þyrfti að hirta og hverjum hann þyrfti ekki að hafa neinar áhyggjur af. Dagskráin sagði tempó æfing og héldum við góðu tempó, byrjuðum rólega á 5:45 og bættum síðan í þannig að síðasti km var á 5:20.

Kveðja,
Dagur

ASCA Athletics 20. ágúst

Dear delegates,

the ASCA event 'Athletics 20-08-2011, BA - London' reached the deadline end of July and only two guest teams are inserted, missing players .... !?

Please inform your teamcaptains and in case of interest, act soon !!

A possible cancellation due lack of interest is in the space!

b/rgds,
Erich

Einhverjir áhugasamir...

Klemenz og Jakob í hálfum járnkarli

Þeir Klemenz Sæmundsson og Jakob Schweitz Þorsteinsson sem æfa þríþraut undir merkjum Þríþrautadeildar UMFN annars vegar og 3SH hins vegar stóðu sig með ágætum á íslandsmeistaramótinu í hálfum járnkarli um helgina.

Í hálfum járnkarli er synt 1,9km, hjólað 90km og að lokum hlaupið hálft maraþon.

Sjá úrslitin.

Hádegisæfing 8. júlí

Mættir á Hótel Natura: Dagur, Bryndís og Sigurgeir.

Bryndís rétt missti af okkur og fór skógræktarhring. Dagur og Sigurgeir fóru miðbæ eins og lög gera ráð fyrir á föstudögum!

Nú fer að styttast í Reykjavíkur maraþon og margir farnir að huga að undirbúningi fyrir það hlaupið ef ekki nú þegar byrjaðir. Það hefur verið ákveðið að setja upp æfingaplan í hádeginu sem hentar öllu.

Mánudagur: Rólegt
Þriðjudagur: Tempó
Miðvikudagur: Rólegt
Fimmtudagur: Sprettir
Föstudagur: Miðbær
Laugardagur/Sunnudagur: Frjálst

Þetta er að sjálfsögðu frjálst og engin skylda að fara erfiða æfingu á þriðjudegi eða fimmtudegi ef einhver vill það ekki. Það verður bara skrifað um það hérna á síðunni og allir félagsmenn geta gert grín að viðkomandi ef hann/hún tók ekki þátt æfingu dagsins :o)

Kveðja,
Sigurgeir

Hádegisæfing 7. júlí 2011

Shallalalala ævintýri eeeeen gerast.
Í dag voru mættir hlauparar sem ekki hafa sést í langa tíð og jafnvel hlauparar sem hafa bara aldrei sést. Það var náttúrulega ævintýralega gott veður (miðað við sumarið hingað til). Formaðurinn, Vansæll, 3R og Bjössi Bronco voru mætt á pinna og hlaupu eins og vindurinn (því það var einginn vindur) áleiðis í bæjarrúnt en sveigðum af leið neðarlega í Lönguhlíð (v/ þoku við sjóinn) tókum Kringlumýrarbrautina áleiðis niður í Bullhillscreek. Hvar karlpeningurinn fækkaði allverulega fötum og "deyf" sér í sjóinn. (Sögnin að dýfa beygist sterkt í kenninmyndum á eftirfarandi hátt ef einhver skyldi vera að pæla í því, Dýfa, deyf, dufum, dofið) 3R hafið vit á að forða sér heim á hótel áður en þessi ófögnuður hóf buslugang sinn þarna í óþökk sela á svæðinu. (Það var í alvöru selur þarna að horfa á okkur). Vart mátti á milli sjá hvor var hærri í fituprósentunni selurinn eða við. Að sundferð lokinni var "hlupið" heim og aðstaðan á Hotel Natura gjörnýtt. Landsliðs tók með sér eina drottningu úr Distribution deildinni að nafni Birta (hér eftir kölluð Brightness)og fóru þær Suðurgötuhring í þokunni þar. Oddný úr hópadeild var líka mætt og fór ótroðnar slóðir, þ.e. ég veit ekki hvert hún fór.
Mikið djöfull var þetta æðislegt.
Þið eruð frábær,
nú tek ég bláu pilluna
Kv. Bronco-inn

Ráðgjöf og kynningu á utanvegaskóm frá ASICS

Ágæti viðtakandi.

Ég vildi vekja athygli á rágjöf og kynningu á utanvegaskóm frá ASICS sem haldin verður í sal ÍSÍ í Laugardalnum á morgun fimmtudaginn 7. júlí kl. 20:00.

Gunnar Páll Jóakimsson, þjálfari og höfundur Hlaupahandbókarinnar, flytur fyrirlestur um Laugavegshlaupið og nauðsynlegan undirbúning.

Kynningin er á vegum Hlaupaskór.is í samstarfi við ASIC umboðið en í lok kynningar verður hægt að fá skó, sokka og orkugel og -duft á góðum afslætti auk þess sem sýnishorn verða af öðrum vörum sem hægt verður að panta.

Heldurðu að þú gætir komið þessu á framfæri við þinn hlaupahóp?

Kynning á utanvegaskóm.
Staður: ÍSÍ - Engjavegi 6, Laugardal
Dags.: 7. júlí
Tími: 20:00
Afsláttur: 10-20%

Nánari upplýsingar á Hlaupaskór.is og á Facebook síðu Hlaupaskór.is


Með bestu kveðjum,
Vignir Már
Hlaupaskór.is
S. 869-2388

Hádegisæfing 6. júlí

Mættir á Hótel Natura: Huld og Sigurgeir.

Fórum rólega Hofs sem var samt ekkert svo rosalega rólegt. Huld heilsaði öllum sem við mættum og sagði þekkja allt þetta fólk, er ekki alveg viss með það!

Kv. Sigurgeir

Hádegisæfing 5. júlí

Mættir : Vansæll, Tóta tirelicker, Strúturinn og Þunnhærði þjálfarinn

Hofs eða Framnes í rugl veðri. Frábær æfing frá Natura Spa.

Samningar hafa náðst ...

Samningar hafa náðst við Natura Spa að Icelandair Hotels Reykjavik Natura um aðgang að sturtuaðstöðu fyrir meðlimi klúbbsins. Þökk sé klúbbmeðlimum sem starfa á hótelinu. Samningur þessi gildir frá deginum í dag.

Hafði samband við formanninn beint varðandi frekari upplýsingar.

Hádegisæfing 4. júlí

Mættir : Ársæll, Þórdís, Anna Dís, Oddný, Bryndís og undirritaður

Ársæll fór með kellurnar inní Fossvog en formaðurinn fór aleinn Eiðistorgið.

Sumarkveðjur,
Dagur

Hádegisæfing 30. júní

Mættir: Ársæll, Þórdís, Sveinbjörn og The Cargo Kings.

Ársæll og Þórdís fóru Hofs, lögðu af stað aðeins á undan! Sveinbjörn var á sprettæfingu. The Cargo Kings tóku rólega Suðurgötu.

Kveðja,
Sigurgeir

Hádegisæfing 29. júní

Ekki var fyrir fjölmenninu að fara á æfingu dagsins frekar en síðustu vikurnar. Dagur og Fjölnir fóru Hofsvallagötu á vaxandi tempó.
Stokkhólmssveitin virðist vera úrbrædd eftir langt og strangt tímabil en vonandi fer nú að sjást til fleiri á æfingum enda ekki seinna að vænna að fara að æfa af viti fyrir RM 2011.

Kveðja, Fjölnir

Hlaup í hádeginu

Ágætu félagsmenn.
Við minnum á að alla virka daga kl. 12:08 fara fram hlaupaæfingar frá Valsheimilinu að Hlíðarenda og svo verður áfram. Þar er búninga- og sturtuaðstaða og eru allir félagsmenn og velunnarar velkomnir á æfingar þangað.

Hlaupakveðjur,
stjórn IAC

Reykjavíkurmaraþon 20. ágúst

Ágætu félagsmenn.



Senn líður að Reykjavíkurmaraþoni sem fram fer 20. ágúst.

Styrkurinn frá FISKOKK að þessu sinni verður sú upphæð sem það kostar að skrá sig á tímabilinu 2. apríl til 30. júní. Þeir sem skrá sig fyrir 1. júlí fá því 100% endurgreiðslu á gjaldinu en þeir sem skrá sig eftir það þurfa að borga mismuninn. Skráning

Dæmi:
Ef ég skrái mig í dag þá borga ég 4000 kr. og fæ endurgreiddar 4000 kr. frá FISKOKK.

Ef ég skrái mig t.d. 5. júlí í 10 km þá fæ ég endurgreiddar 4000 kr. en það kostar 5000 kr., þannig að ég borga sjálfur 1000 kr.


Hver og einn þarf síðan að skrá sig í hlaupið og senda kvittun og bankaupplýsingar með upplýsingum um hlaupavegalengd á Fjölni Þ. Árnason- fjolnir.arnason@icelandair.is.



Verðskrá RM. Með bestu hlaupakveðju,

Stjórn IAC

Miðnæturhlaup 23.6

Nokkrir félagsmenn tóku þátt í hlaupinu svo vitað sé:

5K
Byssutími Flögutími
88 af heild (3. í fl.) Jonathan James Cutress 00:24:59 00:24:55


10K
Byssutími Flögutími
116 af heild (5. í fl.)Huld Konráðsdóttir 00:43:45 00:43:38
186 af heild (10. í fl.)Sigrún Birna Norðfjörð 00:46:35 00:46:24

Ef vitað er um fleiri endilega setjið inn í comments hér að neðan.
Kv. aðalritari

Cleavage of the year

Einn aðeins að missa sig í fyrirsætuheiminum eftir Dressman samninginn....
Kv. SBN

Hádegisæfing 21. júní

Mættir: Sveinbjörn (Suður), Dagur, Óli, Huld og Sigrún fóru Kaplaskjól í frábæru veðri og tani (hjá sumum). Á bakaleið var stoppað í Nauthólsvík og strákarnir þurftu svosem ekki mikla hvatningu til að fleygja sér í sjóinn (ekki á færeysku samt). Samskokk heim í herbúðir Vals, sem virðast okkar FI skokkara síðasta (skálka)skjól þessa dagana. Frábært veður og allir í góðum gír! Ársæll, sem hélt að hann væri einn var á sérleið og var í banastuði.
Yfir og út,
aðalritari
Ath. "Strákarnir okkar" (ykkar) vilja koma því á framfæri við aðstandendur klúbbmeðlima að einn af STO er áberandi best giftur (öfund) því viðkomandi á eiginkonu sem styður hann í hvívetna með ráðum og dáð og snýr jafnvel baki í fótboltaleik (ef henni er gert að fylgja manni sínum þangað) báða hálfleikina og leikur sér glöð og hljóðlát með símann sinn. Þetta kallar maður alvöru klappstýru!!!!!

Það eru skýringar á öllu

Strákarnir hafa verið svo uppteknir eftir Stokkhólm í fyrirsætustörfum og við kynningar á sænskum varningi að þeir hafa eðlilega ekki séð sér fært að mæta á pinna. Þeim er hérmeð (næstum) fyrirgefið fyrir þessa hroðalegu misbresti og ágalla í sínu fari.
Kveðja nokkuð góð,
aðalritari

Hádegisæfing 15. júní

Mættir: Dagur, Ívar, Óli og Sigurgeir.

Já loksins mætti hluti af Stokkhólmförunum á æfingu, það hefur ekki farið mikið fyrir hlaupum hjá okkur síðustu daga!

Við fórum rólega Suðurgötu í brakandi blíðu :o)

Kv. Sigurgeir

Daujur?

Heil og sæl
Langaði nú bara að kasta kveðju á ykkur og kanna hvort það væru ekki örugglega allir á lífi þarna heima! Get ekki sagt að það líti út fyrir það en vildi bara tékka ;)

Héðan frá BOS er bara fínt að frétta. Æfingarnar ganga ágætlega, þar til annað kemur í ljós. Hlakka til að hlaupa með ykkur í sumar en ég mun láta sjá mig í júlí og fram að RM þ.e. ef klúbburinn er enn til staðar ;)

Bið að heilsa í bili
Kv
RRR

Hádegisæfing 9. júní

Mættar og fullar eftirvæntingar með að hitta á maraþonhlauparana: Huld og Sigrún. Bjöggi var á sínum stað með AC/DC. Enginn annar var svæðinu og ekki sást tangur né tetur af neinum. Það er náttúrulega alveg óásættanlegt þegar sumarfrí og annað þ.h. eru látin skemma fyrir æfingasókn.
Kv. SBN

One time hit

Það er leiðinlegt frá því að segja að strákarnir okkar eru bara gufaðir upp eftir Stokkhólm. Engin hlaup, ekkert blogg bara Dressman og ekkert helv.. kjaftæði!
Kommon, ...hvar eruð þið?
Kv. aðalritari

Viðrun maraþonara

Fòrum ì dag Hofsvallagötu til þess að vita hvort Oddurinn kynni að hlaupa eða hvort hann væri búinn að tapa þvì. Hann var ennþà með'etta. Kv. SBN