Bláskógaskokk - úrslit

Okkar fremsta hlaupadrottning tók þátt í Bláskógaskokki á laugardag í hífandi mótvindi að sögn kunnugra. Ekki var að spyrja að árangri frekar en fyrri daginn en drottningin sigraði kvennaflokkinn glæsilega. Þess má geta að leiðin er 16,09 km löng. (10 mílur)

1 1.17,38 Huld Konráðsdóttir 1963

Kveðja,
Sigrún

Úrslit

Jazzað í hádeginu

Mættir voru Bryndís, Huld, Óli, Guðni og gamalreyndur hlaupari en nýliði í hádegishópnum, Ársæll Harðarson.

Dagur hjólaði fram hjá og gaf góð ráð sem voru höfð að engu.

Tekinn hefðbundinn föstudagshádegisgóðveðurshringur, Sæbraut, miðbær, Tjörn. Ein jazzhljómsveit á Lækjartorgi og önnur á Austurvelli.

Samtals 8k. Sund verðu tekið þegar foringinn kemst með.

GI

Hádgisæfing 26. júní

Ef veðrið hefði verið betra í dag til æfinga hefði verið lokað vegna veðurs. Svo var ekki og því mættu galvösk: Dagur, Óli, Oddgeir, Guðni og Sigrún. Fórum greiðlega frá hóteli og Nauthólsvíkurstíg, upp suðurhlíðar og framhjá Kringlu niður á Sæbraut og þaðan upp Snorrabraut og heim. Eldsneytisverð var rætt og aðgerðir til sparnaðar á því. Sameina í bíla og þessháttar. Hafa fasta punkta og safna í bíla og spara. Sniðugt, en ég skil ekki alveg hvert framlag fyrrv. formanns og fyrrverandi yfirstrumps verður. Hann notar ekki bíl. Ætlar hann að reiða liðið úr Árbæ á hjólinu? Fær hann far hjá ríkjandi yfirstrumpi á mánudögum og reiðir Guðna á þriðjudögum? Er ekki að ná þessu.
Hlaup alls 8,6K á ca.42 mín.

Langar samt að benda áhugasömum á að á morgun verður boðið upp á sjósund á æfingu. Semsé stutt hlaup og sjór. Það ku styrkja ónæmiskerfið og efla heilastarfsemi þ.e.a.s. ef menn fá ekki hjartaáfall við verknaðinn. Þá er það talið frekar óhollt.

Kveðja,
Sigrún

Hádegisæfing 25. júní

Mættir: Dagur, Guðni, Óli og Sigurgeir.
Þjálfarinn ákv. að við færum total 8 km og færum í vesturátt framhjá ylströndinni. Eftir mikla útreikninga var niðurstaðan sú að 4 x 2 km væru 8 km þó að flestir voru ekki að skilja hvert Dagur var að fara með þetta. Hann var auðvita að reikna út tempó-hlaup! Það var sem sagt hitað upp í 2 km og svo voru næstu tveir teknir á tempó-inu hans Guðna, þ.e. úr síðast hlaupi sem var rétt undir 4 min. Svo voru teknir 2 km rólegt og svo aftur 2 km tempó sem endaði að ég held bara í 1 km og svo 1 km rólegt. Til að gera langa sögu stutta þá tóku Dagur, Guðni og Óli vel á því og eiga hrós skilið. Undirritaður tók það bara rólega en skilaði sér alla leið. Sigrún...nei ég var ekki á séræfingu! Þessi æfing var deildarskipt og ég var bara í neðri deild í þetta skiptið ;o)

Kv. Sigurgeir

Hádgisæfing 24. júní

Mættir í dag í frábæru veðri: Dagur, Oddgeir, Óli, Guðni (ríkjandi yfirstrumpur), Huld og Sigrún.
Fórum yfir hlaupið í gær og talað var um að "hlaupa á gleðinni", það skilaði bestum árangri. Hefðum geta sagt okkur það sjálf svosem. Oddgeir og Dagur fóru Hofsvallagötuna (þurfa að ráða ráðum sínum) en restin fór Suðurgötuna á þéttu recovery tempói. Ef menn hyggjast bæta sig svona mikið á næstunni er nauðsynlegt að sækja um formlegt leyfi til stjórnar með a.m.k. 3ja daga fyrirvara. Annars telst bætingin ógild eða tvísýn, hið minnsta.
Kveðja,
Sigrún

Úrslit í Miðnæturhlaupi

Nokkrir vaskir félagsmenn kepptu í gær í blíðskaparveðri. Árangur var með eindæmum góður og að öðrum ólöstuðum var Guðni maður dagsins í gær.

7 39:52 Guðni Ingólfsson 1967
1 42:23 Huld Konráðsdóttir 1963 (sigraði sinn flokk)
19 44:20 Jakob Schweitz Þorsteinsson 1961

Frábær árangur, til hamingju!

Ath. Guðni-þú ert beðinn að mæta í lyfjapróf eftir æfingu í dag. Komdu bara með sama box og síðast.

Miðnæturhlaup

Reykjavíkurmaraþon 23. ágúst 2008

Ágætu hlauparar.
Langar að benda þeim á sem ekki vita að skráningargjaldið í RM hækkar eftir því sem nær dregur hlaupi. Skráning klúbbmeðlima fer í gegnum skokkklúbbinn er nær dregur. Því er gott að fara að hugleiða hvaða vegalengd menn hyggjast hlaupa.
Nánar síðar.

RM

Bestu kveðjur,
Sigrún

Ath. Það er líka fín afsökun ef maður nennir ekki að segjast ekki hafa haft efni á því.

Hádegisæfing 18. júní

Loksins loksins..
Mætt í dag: Sveinbjörn (fór FL-hringinn), Óli (fór Kaplaskjólið) en Björgvin og Sigrún fóru Suðurgötuna.
Veður var gott en strekkingsvindur út en ýkt þægilegt heim. Bjöggi er allur að koma til, er ca. 3ja hora núna (var 10) og Sigrún er að losna við bakverkinn, enda langt síðan hún var á bakvakt.
Hvar eru aðaltöffararnir?..... Næsta hlaup er Miðnæturhlaupið

Kveðja,
Sigrún Birna

Bjarnar og birnuminning

Hádegisæfing - 13. júní

Mættir : Dagur, Sveinbjörn og Guðni

Freaky Friday með viðkomu á eftirtöldum stöðum:
Stórholti, Hverfisgötu,Vitastíg, Veghúsastíg, Fishersundi, Mjóstræti, Grjótagötu, m.m.

Miljandi veður og flottir strákar á hlaupunum. Hefði toppað túrinn ef einhverjar klúbbskvísur hefðu látið sjá sig.

Hádegisæfing - 12. júní

Mætt : Dagur, Sveinbjörn og Ágústa

Dagur fór ströndina inná Ægissíðu yfir Hagatorg og heim, hljóp uppi Veðurstofu menn sem sögðust kannsast við formanninn. Sveinbjörn byrjaði túrinn með Ágústu en leiðir skildu og fór hvort sína leið.

Hádegisæfing - 11. júní

Mætt: Dagur, Sigurgeir, Laufey og Sveinbjörn.
Laufey og Sveinbjörn fóru í skóginn og í kirkjugarðinn. Dagur og Sigurgeir fóru "beina" leið að Eiðistorgi og tilbaka í gegnum eitthvað hverfi í vesturbænum. Verð bara að viðurkenna að ég nenni ekki að læra hvað hverfin heita sem tilheyra KR! Allavega þá voru þetta fínir 8,9 km á 4:48 tempó í góðu veðri.

Heyrst hefur að Fjölnir sé á "séræfingum" og stefni á endurkomu í úrvalsdeild n.k. föstudag. Hvar eru Bjöggi Bjútí og Sigrún???

Kv. Sigurgeir

Hádegisæfing - 10. júní

Mættir : Dagur, Sveinbjörn, Sigurgeir, Oddgeir og Bryndís

Fórum öfugan Suðurgötuhring á rólegheita tempói. Frábært veður og góður félagsskapur.

WARR 2008

Kæru félagsmenn.
Langar að benda á þessa keppni í Ottawa í haust og kanna áhuga ykkar á henni. Væri sjálf til í að fara. Látið vita í "comments" ef áhugi er fyrir hendi. Veit að Óli Briem er heitur líka.
Kveðja,
Sigrún

Subject: WARR 2008

Update Hello All, Hope you are keeping well and looking forward to a superb WARR 2008 this coming September. Everything is well on track and with your continued support, dedication and hard work, I know we can expect a fabulous, well attended WARR extravaganza in Canada's capital this year. Ottawa is a beautiful city - it is a great area for touring and, of course, our yearly "family reunion" will have the same high standards that you have come to expect at WARR. I look forward to seeing everyone in Ottawa! As per the TC meeting in Sydney a reminder that there will not be a WARR mail out this year. All the relevant WARR information can be obtained from the WARR website, http://worldairlineroadrace.org/ WARR needs you, as the elected, designated contact and liaison between WARR and the airlines of the world, to get the information about WARR 2008 to your team, airline, airline publication, notice boards and any possible vantage point to spread the WARR word. Get extra posters and entry forms to your flying crew to handout at counters, airline offices, crew hotels, busses, etc. on their flights and lay overs. Ask staff at check in counters to help distribute entry forms and posters, the more people that know about WARR the better. Headquarters Hotel. The HQ hotel is just about sold out but, the official overflow hotel can accommodate the rest of the WARRiors. World Airline Road Race The Crowne Plaza, WARR's 2008 Headquarters' Hotel, has a hand full of rooms left, but not to worry. WARR 2008 participants can also find accommodation in WARR's official overflow hotel. The Marriot is located right across the street and is joined to the Crowne Plaza underground by a shopping tunnel. Located in this convenient underground complex are a couple of lunch counters, coffee shops, and a few other stores and shops making it convenient for guests in both the Crowne Plaza and the Marriot! http://marriott.com/yowmc?groupCode=warwara&app=resvlink Another reminder about your contact information. If your TC status have changed, or any changes to your contact information send it to me enabling WARR to keep in contact with you regarding happenings for WARR 2008. That's about it for now, Rgds Barry
var wv=new Bl(window.document, "FldA");
wv.TC(false);
DBe();
if(BPX)
wv.hide();
DWx(window);

Hádegisæfing - 9. júní

Mættir : Dagur, Sveinbjörn, Laufey, Ágústa og Sigurborg

Laugin lokuð en náðum að ljúga okkur inn fyrir velvilja starfsmanna gestamótttökunnar.

Dagur rauk af stað á tilsettum tíma og kláraði Hofsvallagötu hringinn á 36:30, 8,67@4:14. Sveinbjörn byrjaði með Laufeyju en skildi síðan við og tók nokkra 500m spretti. Laufey hitti síðan Ágústu og Sigurborgu og kláraði með þeim í skóginum. Þar villtust þeir og gagnaðist lítið að standa upp þrátt fyrir að skógurinn væri íslenskur.

Guðni á sjúkralista með innvortis mar á líffærum eftir að hafa gefið sjálfum sér olnbogaspot.

Hádegisæfing 5. júní

Af ótta við að vera "Reported missing" eða jafnvel "Wanted - dead or alive" hélt ég af stað á æfingu og hugðist freista þess að ná Ólympíulágmörkum hópsins og líta augum fáklæddan karlpeninginn. En nei, engin æfing - enginn hópur. Sveinbjörn lét reyndar sjá sig en vildi ekkert hafa saman við mig að sælda og hélt sína leið. Fer nú að efast um að allar þessar stórkostlegu æfingar sem tíundaðar eru hér á síðunni fari fram í raunveruleikanum. Tvíefldist engu að síður við þessa raun og hljóp Snorrabraut-Sæbraut-Laugar-Fossvogsdal, samtals 14km. 

Kveðja,

Huld

Hádegisæfing 4. júní

Héðan í frá æfir skokkhópurinn "fyrir" Ólympíuleikana. Mættir til þess voru Guðni, Dagur, Sigurgeir og Sigrún. Sveinbjörn var á eigin vegum.
Hlupum frá hóteli í hávaðaroki sem leið lá niður á Miklatún og þar tókum við 4 spretti, 2 á ská í gegn og 2 þvert á að Miklubraut með smá hvíld á milli. Fínt að byrja á þessu strax svo maður eigi þetta ekki eftir í restina. Allir náðu Ólympíulágmörkum í þessum sprettum, nema Sigrún en hún hljóp fyrir Hjartavernd. Kemur næst! Héldum síðan áleiðis upp Miklubraut og reyndi ég að skýla mér bakvið drengina, sem veita minna og minna skjól sökum hors. Verðið að snýta ykkur strákar... Yfirnjörður hópsins sagði sögur á leiðinni og kenndi önnur sagan okkur mikilvæga lexíu. Hún er sú að ekki er alltaf heillavænlegt að kaupa ódýrt bensín. Næstódýrasta bensínið er oft miklu dýrara en það dýra, sérstaklega ef ekki er rétt að farið.
Allt tæplega 8K og fínt veður

Ath. Ekkert hefur spurst til Fjölnis eftir ASCA keppnina en okkur til mikillar ánægju stundar hann nú séræfingar af miklum móð og hyggst taka þátt í Kvennahlaupinu um helgina (ætlar 3K)

Góðar stundir,
Sigrún

Fjölskyldumót á Flúðum 28. júní

Haldið verður fjölskyldumót á Flúðum 28. júní nk. þar sem íþróttir og leikir verða í gangi fyrir börn og fullorðna. Skokkklúbburinn kemur að skipulagningu þessa móts og okkur vantar starfsmenn til að aðstoða á mótsdag. Áhugasamir hafi samband við Sveinbjörn Egilsson (8407120). Þetta er tilvalinn staður til að fara með alla fjölskylduna á og eiga skemmtilegan dag. Tjaldstæði, sundlaug, leiksvæði o.fl.
Stjórn IAC

Hádegisæfing 3. júní

Rólegar stelpur, strákarnir fara úr aftur á næstu æfingu!

Það var með kvölum sem ég gekk inn í þennan skokkklúbb og kvalræðið eykst bara eftir því sem dvölin lengist. Mætti samt á æfingu dagsins ásamt: Guðna, Degi, Björgvini, Hössa, Bryndísi og Sveinbirni (sem var sóló). Hlupum gegnum Hlíðar niður að sjó og fórum Sæbraut (ótrúlegt að strákarnir voru akkúrat í strippfíling þá) og héldum gegnum miðbæinn, sem var fullur af letingjum að háma í sig ruslfæði. Dagur gerðist heldur feiminn þá og skellti sér aftur í brjóstahaldarann, enda var margt eldra fólk á hans aldri (stúdentar '74) sem hann vildi ekki bera sig fyrir. Guðni hélt þó sínu striki, enda köttaður í rusl að ofan (allavega að aftan, sá ekki húddið). Höskuldur er nú yfir svona vitleysu hafinn og hann Björgvin minn gerir ekki svona heldur. Þegar við komum framhjá Tjörninni veittist að okkur minniborgari með orðunum:"þið vinnið aldrei Ólympíuleikana". Ótrúlega neikvæður gaur! Sá hann ekki hvað við vorum geðveikt flott? Vó, mar...rólegur á sígarettunni bara.. Stefndum svo á Hljómskálagarðinn til að taka fullan Jónas sem við gerðum (sumir voru aðeins þreyttari en aðrir) og héldum svo heim á hótel í steikjandi hita. Spurning um að skella á allsberu hlaupi fljótlega ef þetta verður svona í sumar.

Mælirinn minn datt út en ég hygg að þetta hafi verið 8,6-7K

Kveðja,

Sigrún

Langar að benda strákunum á þetta

Hádegisæfing 2. júní

Vá hvað tíminn líður hratt... kominn júní og allt. Mættum í dag á mánudagsæfingu: Bjöggi Bjútí, karate Óli, Dagur vonar, Guðni nýklippti, Sigurgeir Axl (sbr. Axl Rose) og Sigrún í síðbuxum. Sveinbjörn og Ingunn voru á eigin vegum (í sitthvoru lagi) í skógi. Hlupum smá upphitun í skóginn og fljótlega vildi Dagur vonar fara á sprett. Sendi okkur ýmist upp bláa stíg eða þvert í gegn í eltingarleik. Munaði minnstu að BB hnyti um stein sem Dagur hafði vonað að mynda fella jötuninn, en allt kom fyrir ekki, hann stökk sem hind yfir hindrunina. Gerðum þetta nokkrum sinnum 4-5 og skokkuðum síðan í ágæta stund eftir það. Fórum síðan á sýningarsvæði við hótelið og tókum Tító æfingar af fagmennsku. Kom þá í ljós að varadekk og hliðarbaggar félagsmanna eru á undanhaldi. About time!
Alls 6K hlaup plús Tító
Góðar stundir,
Sigrún

Reported missing

A small-frame, fair-haired, female runner has disappeared from the club. If anyone knows the whereabouts of this particular person please contact the board. Was last seen on a yacht in Minneapolis, wearing dark sunglasses.
Regards,
IAC

Hádegisæfing 29. maí

Vegna fjölda áskorana hefur gereyðingarþríleikur skokkhópsins nú göngu sína á ný með sprettum í dag. Mættir voru: Dagur, Guðni, Óli, Hössi (loksins einn kurteis)og Sigrún.
Hituðum upp frá hóteli ca. 1.3K og tókum síðan 5x400 m spretti út að Ægisíðu með 45 sek. hvíld á milli. Tókum síðan 5x400m tilbaka á ný eftir 2 mín. hvíld (vá!) Strákunum var illa heitt og rifu sig úr öllu að ofan og blasti þá við misfögur sýn, annarsvegar tanaðir í drasl og hinsvegar endurskin dauðans. Vildi aðalritarinn í engu skyggja á þá taðskegglinga og ákvað að halda sínum tanktop á sem þó er ekki búinn sérstökum frontpatch. Æfingin var nokkuð góð, enda þjálfarinn að reyna að lokka Höskuld inn aftur eftir langa fjarveru. Athygli vakti einnig að þjálfarinn er farinn að beita sálfræði á félagsmenn og hrósar þeim sem minnst mega sín en heldur áfram að henda sandi og drullu í hina, sem enda þola það vel. Niðurskokk að hóteli og æfingin endaði í um 8,5K.
Kveðja,
Sigrún

Þetta heyrðist úr karlaklefanum eftir æfinguna!

Hádegisæfing 27. maí

Mættum í dag: Bryndís, Dagur, Guðni, Óli og Sigrún. Sveinbjörn var á eigin vegum.
Fórum í Fossvoginn og stoppuðum hjá Fossvogsskóla til að taka tempóhlaup tilbaka, að kirkjugarði. Byrjuðum ég og Bryndís og eftir 40 sek. fóru hýenurnar af stað. Markmiðið var að koma öll á sama tíma að boganum við kirkjugarðinn. Sama hvað hýenum kann að finnast um okkur þá var algert vanmat í gangi því þeir náðu okkur ekki, að sjálfsögðu. Skokkuðum síðan heim á hótel í súperfínu veðri. (vegalengd tempóhlaups ca 2,66).
Æfingin var hin besta og umræðan snerist um Leoncie og nýja myndbandið hennar. Ekki tókst að finna það að sinni en í staðinn er hér óskalag fyrir félagsmann, Óla Briem, fyrrverandi bæjarritara Kópavogsbæjar.
Alls 8K
Kveðja, Sigrún

Ást á pöbbnum

Tískuhorn Bjögga Bjútí

Með hækkandi sól er vert að huga að klæðaburði klúbbmeðlima. Stuttar buxur og níðþröngar er það sem landinn vill sjá. Þröngur bolur í stíl og hvítu sokkarnir, strákar, þeir eru komnir aftur.

Á myndinni klæðist Bjöggi Bjútí, nýjustu línunni frá Nike. Svörtum Lycra shorts Dri-Fit með stillanlegum mjaðmastreng og að ofan bol úr sama efni í rauðbleiku með svörtum frontpatch.

Hádegisæfing 26. maí

Mættir voru í dag: Laufey og Sveinbjörn (fóru í sérverkefni í skógi), Dagur, Guðni, Björgvin tískufrík og Sigrún. Fórum Hofsvallagötuhringinn og ætlunin að bæta met Björgvins frá því í síðustu viku (42 mín.) Lögðum af stað með vindinn í bakið og hlupum greiðlega. Strippað var við Ægisíðu, enda hiti í mönnum. Nokkur vindur var á síðasta kaflanum en það tafði ekki fyrir nýju meti: 41:40 og er útlit fyrir að hið nýja "lúkk" BH sé að skila honum hraðar í mark.

Alls 8,6 á ofangreindum tíma.

Kveðja,

Sigrún

Ath. myndefnið tengist ekki æfingu dagsins!

Upp komast svik...

...komið hefur í ljós að einn félagsmanna, steypireyðurinn, er kvenkyns. Hann hefur því siglt undir fölsku flaggi á æfingum og er hvattur til að snúa frá villu síns vegar og sýna sitt rétta andlit. Hér er sönnunin:
Steypireyður
Latneska heitið er:Balaenoptera musculus.
Hún er skíðishvalur. Hún er dökkgrá eða blágrá á litinn, spengileg og grannvaxin.
Hún getur orðið 25-33 m á lengd og 110-190 tonn að þyngd. Kýrin er heldur stærri en tarfurinn. Hún er farhvalur.
Á sumrin heldur hún sig á norðurslóðum, en á veturna heldur hún til suðlægari slóða. Aðalfæðan er krabbasvifdýr, áta. Steypireyðurin þarf að eta um 4000 kg á dag, en það er þó aðeins yfir sumartímann, því yfir veturinn etur hún lítið. Hljóðið sem steypireyðurin gefur frá sér liggur fyrir neðan heyrnarmörk okkar, en hljóðið getur ferðast þúsundir mílna neðansjávar.
Hún var alfriðuð fyrir veiðum árið 1960. Hún er stærsta dýr jarðarinnar.

Ef þú heyrir þetta hljóð veistu að þú hleypur með steypireyði

Björgvin/a - komdu út úr skápnum!

Hádegisæfing 22. maí

Fámennt en góðmennt á æfingu í dag: Björgvin, Dagur og Sigrún.
Hlupum inn í skóg, vegna vinds, og fórum bláa stíginn 5 sinnum. Skokkuðum heim á hótel þar sem sérleyfishafinn stjórnaði Tító æfingum af fingrum fram. Tókum alhliða styrktaræfingar fyrir maga , hendur, síðu, rass og fleira. Góður rómur var gerður að æfingunum og nauðsynlegt að gera þær reglulega að mati þátttakenda.
Hlaup alls 5,5K en með Tító hin fínasta æfing
Kveðja,
Sigrún

P.S. Þorðum ekki að kvarta neitt eftir að hafa séð The Crawl.

Kíkið á þessa mynd við tækifæri

Þreyttur eða ekki

Eftir að menn hafa skoðað þetta myndband vil ég ekki heyra minnst á það á æfingum að menn séu þreyttir eða æfingarnar séu erfiðar. Þetta toppar ekkert.

The Crawl

eða eins og Steypireiðurinn segir "Ælur eru merki um að upphitun sé lokið".

Kveðja, Dagur

When in Vegas...

.. do as Tony did

Dagur undir sjaldséðum kringumstæðum í Vegas búinn að eyða öllu.

Kv. Paparazzi

Hádegisæfing 20. maí

Mættir á gæðaæfingu í dag: Bryndís, Huld, Björgvin, Guðni (back at last), Dagur, Sigrún og ný yngismey, Laufey úr fraktinni. Hún þáði ekki gott boð um að koma með okkur en fór á eigin vegum 4K sem Dagur markaði með "lárviðarsveig". Við hin tókum "tröppuna" sem var nú endursýnd, vegna þráfaldlegra áskorana. Trappan er þannig: 1, 2, 3, 4, 3, 2, 1 mínúta í hraðaaukningu með 1 mín. skokki á milli. Þeir sem enn voru á lífi eftir þetta gerðu 1 mínútu þannig: 20 sek. hratt, 20 sek. hraðar og loks 20 sek. sprengja. Það er engum ofsögum sagt að nokkrir rufu hljóðmúrinn og hraðasti hraðinn var útnefndur "fínn maraþonhraði". Fyrir hvern? Blettatígur eða... Allavega er gott að fá Guðna aftur til að rífa upp standardinn á æfingum og fínt að sjá að sjálfseyðingarhvöt hans er í engu brugðið eftir 8 mánaða samningaþref við Flugfreyjufélagið!

Alls var æfingin 9,7 km sem er í lengra lagi með allavega 6K í hraðaaukningu.
Kveðja,
Sigrún.

Hádegisæfing 19. maí

Mættir í dag: Dagur (spilafíkill frá Vegas), Björgvin ( á "believe it or not" tempói), Sigurgeir (sem vonast til að vinna fitubollukeppnina í Cargo-landi) og Sigrún (fjárglæfrakvendi). Einnig voru Ingunn og Jói á eigin vegum.
Ákváðum að sannreyna hvort rétt væri að Björgvin hefði í síðustu viku hlaupið Hofsvallagötuhringinn einn á 42:33 sem mismikill trúnaður var lagður á innan hópsins. Niðurstaðan var sú að þetta er rétt því saman hlupum við þenna hring í dag á sléttum 42 mín.
Það verður að teljast nokkuð gott, sérstaklega ef öll lóð eru lögð á vogarskálarnar og málið skoðað af fullum þunga.
Frábært veður og sumar í lofti.
Kv. Sigrún

Úrslit í Kaupmannahafnarmaraþoni

Höskuldur Ólafsson hljóp í gær í Glitnismaraþoninu í Köben og stóð sig með prýði:
756 03:21:10 (nr. í mark og lokatími).

Til hamingju með þetta!

Nánar

Kaupmannahafnarmaraþon 18. maí

Live tracking (installation of Java required)
Go Hössi!

Hádegisæfing 16. maí

Mættum þrjú á fríkaðan föstudag: Huld, Björgvin og Sigrún. Fórum sýningarrúntinn í góðu og mildu veðri. Ræddum aðeins um hversu erfitt væri að losna við varadekk. Huld vissi alveg hvernig á að fara að því - "nú bara gera magaæfingar"! Skrýtið að hún gerði síðast magaæfingu þegar Grease var sýnt í bíó. Talk about experts! Anyways... áttum góðan sprett og hugur er að komast í Steypireyðinn fyrir æfingar fyrir hálfmaraþonið sitt. Go Tító!
Alls 8K (Huld hélt áfram)
Kveðja,
Sigrún

Hádegisæfing 15. maí

Mætti á æfingu í dag og hitti Sigurgeir sem varð frá að hverfa, vegna lokunar sundlaugarinnar. (better excuse next time...) Ákvað eftir örlitla umhugsun að taka brekkur eins og lög gera ráð fyrir á fimmtudegi. Hitaði upp 1K og lét mig síðan hafa það að taka ASCA-brekkuna 6 sinnum í beit (í huganum nennti ég bara í 4). Síðasta var nokkuð lúin en ég gaf mér tímamörk sem stóðust allar 6, eða 1:28-1:30 hver. Nokkuð margir karlkyns voru í bílum sínum að "chilla" í skóginum og setti þetta nokkuð óstuð á æfinguna sem annars var hin skemmtilegasta í frábæru veðri. Niðurskokk í skógi og heim að hóteli.
Alls 6,2K
Kveðja,
Sigrún

Hádegisæfing 14. maí

Í ógnvænlegri blíðunni í dag var alveg heiftarlega léleg mæting. 12:08 stóð ég einn við "staurinn" á "shortara" að skipan þjálfarans (eftir 1. mai) og hlýrabol. Ef veðrið hefði ekki verið svona gott hefði mér liðið kjánalega þarna einn, en það slapp fyrir horn. Anyways, birtast ekki þrjár drottningar frá Hótelunum, Ágústa and friends og hlupu með mér af stað. Þær fóru öfugan keppnishring en ég straujaði Hofsvallagötuna í blíðunni. Tíminn á því var 42:33. Vona að ég þurfi ekki að hlaupa mikið oftar einn því það er ekki eins mikið stuð og að hafa ykkur geðsjúklingana meðferðis. Reyndar birtist Óli Briem seint og um síðir og hljóp víst líka Hofsvallagötuna en náði okkur ekki fyrr en í sturtu...... Frábært útihlaup í frábæru veðri.
Kv. Steypireyðurinn.

Hádegisæfing - 13. maí

Mættir: Guðni, Sigurgeir og Laufey (nýr hlaupari úr fraktinni).
Guðni og Sigurgeir fóru Suðurgötuna á tempó-i sem var mitt á milli tempó hlaups og rólegt hlaup. Vorum ekki með klukku og gátum því ekki séð hraðann en við áætlum að þetta hafi verið ca. 4:45 á km. Laufey fór að dælustöðinni og tilbaka.

Kv. Sigurgeir

Æfingar

Hlé verður fram eftir sumri á æfingum á fimmtudagseftirmiðdögum.
Öllum FI-SKOKK klúbbmeðlimum er velkomið að hafa samband við Stefán Má Ágústsson þjálfara til að fá ráðgjöf eða æfingaprógramm á netfangi:
agustsson@gmail.com
Eftir sem áður verður hlaupið í hádeginu frá Hótel Loftleiðum eða kl. 12.07.
Góðar stundir,
Stjórn IAC

Day after run

Meðlimir FI SKOKK mættu í dag í rigningunni og hlupu keppnishringinn frá í gær í rigningu og pollum.
Tímarnir voru eftirfarandi:
Dagur 27:10
Guðni 28:25
Oddgeir 28:33
Sigurgeir 29:45
Huld 29:58
Björgvin 32:03
Sigrún 32:40
Höskuldur 32:45 (er í taperingu)

Einnig hlupu hringinn Sigurborg og Ásdís frá hótelum en voru undanþegnar tímatöku að sinni.

Tímar frá í fyrra: (úps!)
Dagur 26:14
Guðni 28:59
Huld 29:48
Ágúst 30:56
Sigrún 32:08
Sveinbjörn 33:01
Bryndís 33:31
Anna Dís 33:57

Kveðja, Sigrún
(Ath. hlaup á morgun frá Árbæjarlaug 07.15 á rólegu tempói, 20K)

Icelandair hlaupið

Vel heppnað Icelandair hlaup fór fram í gær með þátttökumeti eða 454 keppendum. Aðstæður voru hinar bestu, sól og hægviðri. Stjórn IAC vill koma á framfæri þakklæti til allra þeirra sem hönd lögðu á plóg og gerðu þetta mögulegt. Endurtökum leikinn að ári.

Stjórn IAC

Hádegisæfing 8. maí

Mættum í dag: Björgvin, Dagur, Óli, Huld og Sigrún.

Hlupum Flugleiðahringinn í blíðskaparverði. Svona til að kanna aðstæður. Á morgun verður "day after run" sömu leið með tímatöku. Allir meðlimir velkomnir og velunnarar. Sérstaka athygli æfingarinnar í dag vakti ferskleiki Björgvins, en hann er til alls líklegur á morgun.
Kveðja,
Sigrún

Fimmtudagurinn 8. maí -Icelandair hlaupið

Don´t mess with me

Venjuleg æfing í hádeginu kl. 12:08

Mæting kl. 17:00 til starfa í Icelandair hlaupi (líka þeir sem voru ekki boðaðir) í FI SKOKK jökkum. Vesti á staðnum. Ræsing kl. 19.00.

Ekki gleyma að óska Guðna til hamingju með daginn!

Stjórn IAC

Hádegisæfing 6. maí

Mættum í dag á megrunarlausa daginn: Guðni, Dagur, Sigurgeir, Björgvin, Sveinbjörn og Sigrún- allt annálaðar fitubollur. Einnig heyrðist af Fúsa froskagleypi og Dr. Foreigner, en þeir voru á eigin vegum. Æfingin var svona þvers og kruss og út um allt, gegnum suðurhlíðar, framhjá Kringlu, smá hraðabreyting á Klambratúni og endað í brekku við Valsheimili, sem undirrituð þurfti að taka í nefið nokkuð reglulega á Valssokkabandsárunum. Áttum við (að þrábeiðni Björgvins Windbrakers) að hlaupa á spretti upp helv.. brekkuna og áfram upp, alla leið að Perlunni og klukka helvítið. (Perluna sko, ekki þjálfarann) Skokkuðum síðan bláa stíg heim og var þetta hin skemmtilegasta æfing. Ákveðin "desperasjón" virðist þó vera í gangi meðal kk iðkenda. Mér hafa borist fjölmargar kvartanir vegna myndbirtingar og tíðra umfjallana vegna góðvinar hlaupahópsins, Höskuldar Ólafssonar, en menn tjalda nú öllu sem til er á æfingum til að missa ekki status og mæta afar klæðalitlir neðantil. Spurning hvort Danni selur þvengi fyrir sumarhlaupin. Pant ekki hlaupa fyrir framan þá!
Kveðja,
Sigrún

Hádegisæfing 5. maí

Mættir á æfingu í dag: Jói og Sveinbjörn (fóru saman), Fúsi og Erlendur (Loftleiðir), Dagur, Óli, Sigurgeir, Björgvin og Sigrún. Höskuldur bættist svo í hópinn hjá kafaranum (helköttaður).
Stefndum á Hofsvallagötuna og við Þjóðminjasafn skyldi hefjast tempóhlaup. 3 leiðir voru í boði; Suðurgata, Björns bakarí og Hofsvallagata. (ca. 3-4 km) Markmiðið var að ná og að vera ekki náð. Semsé ekki flókið. Menn hlupu eins og getan leyfði og söfnuðst síðan saman við kafarann, þaðan sem hlaupið var í hnapp heim á hótel, með 2 sprettum inní. Skyndilega breyttist róleg mánudagsæfing í æsilega þriðjudagsæfingu, enda þurfti að hreinsa "eiturefni" hratt og örugglega úr þeim félagsmönnum sem ekki kunna að ganga hægt um gleðinnar dyr. Lyfjapróf verða síðar á tímabilinu, án fyrirvara.
Kveðja,
Sigrún

Morgunæfing - 3. maí

Mættir: Dagur, Hössi, Guðni og Sigurgeir.
Fórum frá Árbæjarlauginni í Heiðmörkina. Ég veit ekki hvað þessi leið er kölluð en eitt veit ég að útsýnið yfir höfuðborgarsvæðið frá hæðsta punkti var alveg þess virði til að leggja þetta á sig. Þegar komið var að Árbæjarlaug aftur vorum við búnir að leggja 20 km að baki og hélt Hössi áfram 10 km til viðbótar.

Sigurgeir

Hádegisæfing - 2. maí

Mætt: Huld, Bryndís, Jói, Sigurgeir, Guðni, Björgvin, Dagur, Hjörvar, Óli.
Góð mæting í frábæru veðri. Eitthvað voru þó sumir ekki með klæðnaðinn á hreinu og mætti nokkrir í síðbuxum og einn nánast í kraftgalla. Eins og þjálfarinn fór yfir um daginn og aftur í gær þá er það regla FISKOKK að við æfum ekki í síðbuxum frá 1. maí til 1. október. Fórum í sýningarhlaup í miðbæinn með bland af Freaky Friday og fekk undirritaður smá refsingu fyrir drykkju síðustu daga en aðrir sluppu. Athygli vakti að Óli er kominn með sólgleraugu og þar með kominn í hóp þeirra svölu.

Sigurgeir

(á myndina vantar ljósmyndarann Dag)

1. maí hlaup

Nokkrir félagsmenn hlupu í 1. maí hlaupum í gær.

Í Hérahlaupi Breiðabliks: (5 KM)

Konur 50 - 59 ára
1. 23,04 Bryndís Magnúsdóttir 1950

Í 1. maí hlaupi Fjölnis og Olís:

10. í mark Oddgeir Arnarson 42:09 (PB)

5. kona í mark (2. í flokki) Sigrún Birna Norðfjörð 47:54

Einnig hljóp góðvinur hópsins Höskuldur Ólafsson og voru þeir Oddgeir í banastuði og leiddust í hlaupinu framan af. Í lokin þurfti Höskuldur heldur að hraða sér, átti að vera kominn heim í mat og kláraði á 41:26, (7. í mark og 3. í flokki) sem er hans besti tími til þessa. Frábært hjá strákunum í blíðskaparveðri.

Ekki er vitað um þátttöku fleiri félagsmanna í hlaupum gærdagsins en ef einhverjir vilja segja frá afrekum sínum er það velkomið.

Kveðja,

Sigrún

Hádegisæfing 29. apríl

Mættir á gæðaæfingu dagsins voru: Sigurborg og Ásdís (frá hótelunum), Dagur (frá herbúðunum), Björgvin (umboðsaðili Tito-æfingakerfisins á Íslandi), Huld (úr meistaraflokki), Höskuldur (tilvonandi Köben-fari) og Sigrún (frá bloggarar.is). Einnig var Ingunn léttklædd á hlaupum í skógi.
Lögðum upp frá HLL og hituðum upp í skógi. Vegna fjölda áskorana frá meðlimum hópsins voru teknir brekkusprettir í ASCA brekkunni og rólega niður malbiksmegin. Reyndir tóku 6 en nýir tóku 3, og þótti nóg um. Held samt að ekki hafi tekist að fæla þær burt í þessari atrennu, enda aðal svívirðingameistarinn ekki við! Vonandi koma þær aftur, enda eðal félagsskapur þar á ferð.

Tókum síðan nokkrar góðar Tito æfingar í grasinu undir stjórn umboðsaðilans.

Skemmtileg æfing í rokinu. :)
Kveðja,
Sigrún

Úrslitin í víðavangshlaupi Í.R.

Þó nokkrir félagar úr FI SKOKK þreyttu hlaupið sumardaginn fyrsta og er árangur þeirra hér að neðan:
Heildarúrslit

3 19:18 Dagur Björn Egonsson 1964 Icelandair
4 20:02 Guðni Ingólfsson 1967 Icelandair
29 20:25 Oddgeir Arnarson 1970 Icelandair
18 21:52 Jens Bjarnason 1960 Icelandair
4 22:58 Sigrún Birna Norðfjörð 1966 Icelandair
1 23:29 Bryndís Magnúsdóttir 1950 Icelandair
60 27:09 Jón Mímir Einvarðsson 1970 (keppir nú fyrir Múmíuna)

Einnig keppti góðvinur hlaupahópsins og aufúsugestur, Höskuldur Ólafsson:
9 20:40 Höskuldur Ólafsson 1965

Talan fyrir framan sýnir röð í flokki en tíminn er þar á eftir. Sveitakeppni Icelandair fór vel og var liðið í 9. sæti með Dag, Guðna og Oddgeir í forsvari.

Að öðrum ólöstuðum á Bryndís Magnúsdóttir einna mest hrós skilið en hún sigraði í sínum aldursflokki og átti það fyllilega skilið.

Kveðja,
Sigrún

Myndir úr ASCA hlaupinu

Smellið hér:

Veljið síðan Foto til vinstri á síðunni. Góða skemmtun!
SBN

Armstrong um Boston maraþon

Lesið það hér

Hádegisæfing 23. apríl

Mættum í dag í góðu veðri: Hössi, Dagur, Fjölnir, Sigrún og Erlendur. Einnig voru seniorarnir Jói og Sveinbjörn á eigin vegum og Ingunn var sér. Sérstaka athygli vöktu yngismeyjarnar Sigurborg og Ásdís frá hótelunum, en þær eru að fikra sig nær og nær hlaupahópnum og eru að sjálfsögðu velkomnar á æfingu með okkur í fyllingu tímans (strax ef vill). Fórum Hofsvallagötuna á rúmlega 5 tempói og hékk Erlendur (aðdáandi hljómsveitarinnar Foreigner) merkilega lengi í rassinum á okkur. Þegar vindurinn skall á okkur á Ægisíðu varð aðeins lengra á milli. Hössi er í lokafasa maraþonsundirbúnings og var búinn með 4 þegar hann hitti okkur, tálgaður að sjá(samt brúnn og sætur líka eftir Karabíska). Við hin vorum bara venjuleg, þó ekki Sigrún, hún hefur enn ekki náð fullum styrk eftir að sjá Lance Armstrong klára Boston maraþonið með stæl.
Fín æfing, alls 8,6K.

Hvetjum alla til að mæta í hádeginu á morgun í sumardagsins fyrsta hlaupið í kringum tjörnina. Byrjar klukkan 12.

Kveðja,
Sigrún

Skráning hér:

Hádegisæfing - 22. apríl

Mættir: Dagur, Jói, Björgvin, Guðni, Fjölnir, Sveinbjörn og Sigurgeir. Farið var í skóginn til að vernda okkur frá rokinu. Boðið var upp á "hub"-sprettir en þeir fara þannig fram að allir hlaupa í röð á eftir þjálfaranum og þegar hann segir hub þá aukum við hraðann þar til hann segir aftur hub. Ég veit ekki hvað allir þessir stígar heita sem við fórum en þeir voru þó nokkrir og suma hef ég aldrei farið áður! Dagur passaði að sjálfsögðu upp á það að við tækjum brekkuspretti og ber ég honum þakkir fyrir það. Ræddum sumarfatnað FISKOKK og þar kom fram að frá og með 1. maí er bannað hlaupa í síðbuxum. Samtals voru þetta 7 km.

Sigurgeir

Hádegisæfing í Boston 21. apríl

Æfingar eiga sér engin landamæri.  Þess vegna mættu Huld, Sigrún og gestahlauparinn Inga Dagmar (pikkuðum hana upp í flugvélinni í gær) á æfingu hér í Boston.  Hlupum þægilega 7K á 40 mín. um hlaupasvæðið hér í Boston.  Veður gott, fer hlýnandi og sólin skín.  Maraþonið er byrjað og við á leið út að borða á Poor House og svo að horfa á hlaupið.  Æðislegt fjör!

Kveðja,  ;)

Sigrún

Parísar maraþon 6. apríl

Einn félagi í FI SKOKK tók þátt í þessu hlaupi og stóð sig frábærlega vel. Til hamingju með þetta!

4944 Baldur Haraldsson ÍR Skokk 03:13:53

Nánar

Hádegisæfing 18. apríl

Mættum í dag í frábæru veðri: Bryndís, Oddgeir, Dagur, Björgvin og Sigrún. Sveinbjörn var einnig á hlaupum.
Fórum miðbæjarrúntinn í frábæru veðri og þægilegu taltempói. Á Austurvelli var gerður aðsúgur að hópnum og Dagur varð fyrir árás ástsjúkrar skólastúlku sem var við hóp ungmenna að dimmitera. Sá hún í honum föðurlega ímynd og heillaðist af teinréttum hlaupastílnum. Lét hún aðra í hópnum vera, enda yngri og ekki eins árennilegir. Komumst síðan klakklaust út úr þessu og héldum heim á hótel.

Fín æfing með sýningarelítunni. Alls 8K

Kveðja, Sigrún

Er þetta ekki eitthvað fyrir okkur?

Worldairlineroadrace

Hádegisæfing 17. apríl

Fimmtudagur og aðeins fólk með áhuga mætti: Oddný, Fjölnir og Sigrún. Ákváðum að fylgja eigin hvötum og fórum á gæðaæfingu (án harðstjórans). Hituðum upp í skógi og fórum í kirkjugarðinn. Söfnuðumst saman í brekku og tókum 4 brekkur á hraða og skokk restina af hringnum (eins og um daginn). Fínasta æfing og hlýtt en vindasamt. Erum að skríða saman eftir Róm.
Fín æfing og sýnir glöggt hversu agaður hópurinn er orðinn.
Kveðja,
Sigrún

Hádegisæfing 16. apríl

Hrun í mætingu í dag, aðeins hard core pönkarar. Mættir: Dagur, Bjöggi metall og Sigrún.
Fórum nokkra blá stíga í hífandi roki en hlýju veðri. Björgvin bryddaði upp á þeirri nýjung að hlaupa með þyngingar á höndum, enda maðurinn orðinn fisléttur og allur að tærast upp. Hætta á að maður fjúki ef maður fjárfestir ekki í slíkum búnaði.
Kv. Sigrún

When in Rome, do as the Romans do

Frábær árangur náðist í ASCA keppninni í Róm eins og kunnugt er en þar var kvennaliðið valið það alfallegasta á svæðinu. Liðið stillti sér hóvært upp fyrir myndatöku af því tilefni sem sjá má hér: Krýningin á fallegasta liðinu

Fleiri skemmtilegar uppákomur voru í ferðinni eins og vera ber og voru sumir færðir "upp eða niður" um nafn, eftir því sem við átti. Aðrir héldu sínum nöfnum, enda búnir að ávinna sér sess innan hópsins. Hér eru nokkur af nýju viðurnefnunum, en hver og einn verður að para þau við rétta aðila.
Karlar:
The mummy attacker
Karate kid
Bambino bros.
Marlboro man
JB. Gubb
Catch me if you can smelltu hér
Konur:
The corner cutter
The scene stealer

Það ætti að vera nokkuð ljóst hver er hvað en endilega hafið samband ef um vafaatriði er að ræða. Eins ef fleiri eða betri tillögur að nöfnum detta inn.
Kveðja,
aðalritarinn

London maraþon

Á sunnudag hljóp Huld Konráðs. FI-SKOKK félagi maraþon í London á 3.12.09 og bætti sig frá fyrri tíma um 17 sek. Til hamingju Huld!
Anna Dís

ASCA Róm

ASCA cross country var hlaupið í Róm við ágætar aðstæður í góðu veðri. Kvennaliðið lenti í öðru sæti og karlaliðið í þriðja sæti. Stefán Már þjálfari var í þriðja sæti í karlakeppninni. Liðið unir því sátt og glatt við ferðina og árangurinn.
Nánari upplýsingar um tíma og sæti verða settar hér á síðuna fyrir vikulok sem og myndir frá mótinu.
Minni keppendur á að skila umfram farseðlum til Sveinbjarnar Egilssonar. Það má líka skila þeim í umslag merkt Sveinbirni í afgreiðslu aðalskrifstofu. Keppnistreyjum má skila hreinum og fínum á sama stað. Þeir sem mæta á æfingu á fimmtudag geta skilað treyjum og farseðlum þá.
Góðar stundir,
Anna Dís

"Viltu leyfa mér að verða samferða..."

Í ljósi síðustu verðhækkana á eldsneyti er ekki í vegi að þátttakendur verði sambíla til Keflavíkur þar sem því verður við komið.

Endilega setjið inn ferðaáætlun í comment þannig að umræðan geti farið í gang...

Veðrið í Róm, smella hér

Hádegisæfing - 9. apríl

Mættir: Dagur, Björgvin, Óli og Sigurgeir.
Það var róleg æfing í dag skv. reglunum fyrir Róm n.k. laugardag. Fórum Suðurgötu-hringinn á rólegum hraða. Guðni hefði sagt að við fórum rangsælis hring en samt réttan hring, nánari upplýsingar gefur Guðni ;o) Ræddum aðeins Róm og hvort að afsakanir fyrir hlaup væru teknar gildar!

Sigurgeir

Hádegisæfing - 8. apríl

Mættir: Dagur, Óli, Jói, Sveinbjörn og Bryndís

Lagt var upp með 800m spretti á brautinni. Joggað út að minnismerkinu um veru breska hersins á Íslandi. Þaðan voru sprettirnir teknir með ströndinni rétt út fyrir kafarann (undan vindi niður slakkann) og síðan tilbaka eftir 60sek hvíld (uppí vindinn upp brekku).
Jói tók 6stk en stytti í 400m, Sveinbjörn tognaði í læri eftir 3 spretti, Bryndís tók 4 spretti og Dagur og Óli tóku 5 spretti (D: 3:01,3:08,2:52,3:01,2:42).
Góð æfing í dýrlegu veðri.

Rólegt á morgun og enn rólegra á fimmtudaginn fyrir þá sem enn eru á klakanum.

God bedring til þeirra sem liggja heima í aumingjaskap.

Herr Dagur

Hádegisæfing 7. apríl

Mættum í frábæru veðri: Guðni, Oddgeir, Jói, Sveinbjörn, Dagur, Oddgeir, Hjörvar, Sigrugeir og Sigrún. Fórum Hofsvallagötuna á ágætis tempói en Dagur og Oddgeir fóru Kaplaskjólið. Jói og Sveinbjörn fóru sér og Óli, sem lagði af stað á vitlausum tíma, náði okkur samt í restina, sem og Dagur og Oddgeir. Verið er að fínpússa liðsmenn fyrir ASCA næstu helgi og ýmis plön á lofti, aðallega hjá sumum.
Löng æfing (9,5K ca.)og fækkuðu menn fötum vegna góðviðris. Skemmst er þó frá því að segja að hlaupahjónin S og O lögðust í bælið um miðjan gærdag, með heiftarlega pest. Komum því ekki í bráð.
Kveðja,
Sigrún

Hádegisæfing 4. apríl

Rjómablíða og fallegt veður. Mættir á æfingu: Hjörvar, Dagur, Oddgeir, Sveinbjörn og Sigrún. Fórum bæjarrúntinn í yndislegu veðri og fallegu sjávarútsýni. Athygli vakti að Hjörvar og Sveinbjörn létu sig hafa það að fylgja okkur og eru allir að færast í aukana. Fórum þetta á mjög þægilegum hraða og létum sjá okkur á öllum réttu stöðunum, Höfða, miðbæ, ráðhús, Hljómskálagarð og.fl.
Fín æfing, 8K á 43 mín.

Kveðja,
Sigrún

Tito out of office 3/4

Reason: drug test. Will return Friday. For urgent matters contact The Trainer.
Sincerely-Tito

ASCA Osló 2004

Ég rakst á þessa mynd frá því í Osló. Myndarlegur hópur sem var bæði landi, þjóð og fyrirtæki til sóma með einstakri framkomu og snyrtilegum klæðaburði.

Hádegisæfing 2. apríl

Það var engu til um það logið í gær að hefndaraðgerðum yrði haldið uppi í dag vegna kæruleysis gærdagsins. Mættir í kirkjugarðsbúgí dagsins voru: Sveinbjörn, Fjölnir (sem ekki þorir að skrópa meir), Oddgeir, Óli (sem er hættur að pukrast í skóginum af því við sáum til hans), Dagur, Björgvin (sem planet "Pulse" er nefnt eftir) og Sigrún (sem nýtur sín betur þegar ekkert annað kvenkyns er á staðnum). Hituðum upp smástund og fórum inn í kirkjugarð. Söfnuðumst saman neðst í einni brekkunni (vegna fjölda áskorana frá aðalritara) og tókum fimm sinnum upp og skokk og samsöfnun niður í hring. Þetta var hin beittasta æfing og voru sumir nær því að vera liðnir frekar en lífs. Ekki allir þó. Skokkuðum síðan inn í skóg og tókum hýenuna í gegn til að hrista stífelsið úr. Niðurskokk að hóteli sem endaði í svaka spretti hjá Ó og D en sá fyrrnefndi skáskaut sér milli trjáa, sem voru augljóslega gróðursett á vitlausum stað.
Sprinterinn var smá tíma á súrefni eftir æfinguna, þó ekki nema um hálftíma. Hann er vanur að vera einn og hálfan!
Á morgun má búast við skemmtilegri æfingu þar sem tekið verður létt "recovery" og einnig mun rússneskur kúluvarpari og steratröll mæta og leiða okkur í allan sannleika um styrktaræfingar, svokallaðar Tito-æfingar.
Smellið hér til að sjá hvað Tito er:

Kveðja, Sigrún

Hádegisæfing 1. apríl

Mættir í fínu gluggaveðri: Huld, Anna Dís, Bryndís, Björgvin, Dagur, Sveinbjörn og Sigrún. Sjaldan eða aldrei hefur fríðleikastuðull meðlima hækkað jafn mikið og í kvennafansi æfingarinnar í dag. Ætluðum að fara 800m spretti en dræmar viðtökur breyttu því og farinn var skóræktarhringur í staðinn. Nokkuð hvasst var á leiðinni en sól. Nokkra furðu vekur slæleg mæting Cargo-bræðra, en fyrruppgefin markmið liðinna vikna gáfu vísbendingu um metnað, sem snarlega hefur fjarað út. Aðrir í hópnum mættu líka sýna meiri skuldbindingu í mætingu og hætta að láta vinnutengd mál trufla sig. Hlaupið í dag var á þægilegum kjaftahraða og sýndist mönnum að þjálfara væri misboðið slíkt metnaðarleysi, end hélt hann sig til hlés og var fáorður. Má nú búast við hinum verstu viðurlögum á morgun, og er það ekki 1. aprílgabb!
Alls ca. 7K

Kveðja,
Sigrún

Tímarnir úr Marsmaraþoni

11 01:27:42 Dagur Egonsson
17 01:36:08 Baldur Haraldsson

3 01:38:21 Huld Konráðsdóttir
13 01:52:16 Sigrún Norðfjörð

Pretty good!

Nánar:

Kveðja,
Aðalritarinn

Hádegisæfing 31.mars

Vorum mætt í dag nokkrir blástakkar: Guðni (sem skrópaði í marsmarþoninu), Björgvin (sem bugaðist á undirbúningstímabilinu), Jói (sem vill ekki vera á séræfingum), Sveinbjörn (sem gefur ekki kost á sér), Dagur (The Terminator), Oddgeir ( Couldn't care less-frístundaskokkari), Anna Dís (áfram The Boss) og Sigrún (Klæðskiptingur og hrákadallur). Fórum lögbundinn Hofsvallagötuhring og splittuðumst á leiðinni í 2 grúppur þar sem önnur fór Suðurgötuna. Einhver háskólaþrá þarna í gangi. Vindur var nokkur á leiðinni og dró það aðeins úr, ekki mikið þó. Var fegin á æfingu að mér var leitt fyrir sjónir að vanlíðan í hlaupi stafar ekki (aldrei) af líkamlegum kvölum, þarna er á ferð andlegt kvalræði. Létti mikið við þetta. Taldi skrokkinn í ólagi en er bara cool á því að vera með hausinn í rugli.

Góð "recovery" æfing, "back to life" einskonar og er ég strax farin að kanna næsta hálfmaraþon, svo ég geti komið og horft á hin fíflin, hlaupandi um í hommabuxum og hlýrabol!
Alls 8,6K á ca. 43 mín.

Kveðja,
Sigrún

ASCA Róm

Keppendur í ASCA í Róm eru beðnir um að senda kennitölu sína í pósti til: anna.dis@simnet.is sem fyrst vegna útgáfu farseðla.
Síða ASCA er: http://www.asca.cc/index.asp
Ef þið sjáið villur í nafnalista þar eða öðrum upplýsingum vinsamlega látið mig vita sem fyrst.
Anna Dís

Marsmaraþon 29. mars

Mættir voru: Huld, Dagur, Baldur og Sigrún.

Það var með nokkru óráði að ég lauk hálfu maraþoni í dag, ekki var mikil innistæða hjá mér fyrir slíku hlaupi. Hinir áttu meira erindi í erfiðið og stóðu sig öll með prýði. Fann verulega fyrir því að inneign í vegalengd var engin, enda lengsta hlaupið mitt nýlega 14K og hef ég ekki farið lengra en það þetta ár og allt árið á undan. Anyways.. kvöl er góð og þutu ýmsar svartnættishugsanir gegnum hugann þegar ég fór síðustu 7 á hugarorkunni, engin var orkan í fótunum. Datt þá í hug hvort ætti að segja: "Sársaukinn er eilífur, upplifunin er tímabundin" eða var það öfugt "sársaukinn er tímabundinn, upplifunin eilíf". Whatever.. skora á alla sem þjást af sjálfseyðingarhvöt að reyna þetta, .a.m.k. einu sinni.
Fór svo úr hlaupinu og hélt barnaafmæli:).

Kem með tímana okkar úr skokkhópnum þegar þeir detta inn.

Takk Helga Björns mín fyrir frábæra aðstoð á leiðinni!

Bestu kveðjur,
Sigrún

P.S. Hef ákveðið að sérhæfa mig í skemmtiskokki eftir þetta.

Hádegisæfing 28. mars

Mættir : Oddgeir, Dagur og Ingunn.
Ingunn fór í skóginn en Oddgeir og Dagur dúllubossuðust Sæbraut og gegnum miðbæinn, 8km @ 39 mín.

Hádegisæfing 27.mars

Mættir í dag í köldu veðri: Höskuldur, Dagur, Fjölnir, Mímir (síðasta hlaup) og Sigrún. Einnig sást til Óla Briem en hann liggur sterklega undir grun um að stunda óviðurkvæmilega iðju í Öskjuhlíðinni, hvað annað? Einnig var Ingunn að æfa.

Hópurinn hélt frá HLL og skokkaði um 4K inn í Fossvogsdal þar sem snúið var við og tempóhlaup tekið 3K tilbaka. Þar var startað með forgjöf, fallegastir fyrst og fór ljókkandi. Menn fengu tímaviðmið og fóru langt framúr þeim, enda harðar refsingar að veði. Til að særa ekki stolt ljóta fólksins, leyfði ég semsagt öllum strákunum að fara framúr mér á leiðinni því ekki er gott að vera bæði ljótur og lélegur. Var ekki laust við að ég kenndi mér meins í bakhluta eftir verknaðinn. Allt gert til að halda friðinn. Tímar voru fínir hjá öllum og hefur vart annað eins sést, nema í keppni. Niðurskokk að hóteli um 1,5K.

Alls 9K á meðalhraða 5.11 með öllu (pissustoppi og fleiru).

Kv. Sigrún

Ábending frá þjálfara: Ekki er heimilt að neyta áfengra drykkja eða stunda hvílubrögð héðan í frá og þartil eftir mót. Það slævir alla einbeitingu og sigurvilja. Heyrst hefur að sumir virði þetta bann að vettugi og er það brottrekstrarsök úr liðinu. Menn eru því beðnir um að halda aftur af sér í þessu samhengi.

Matur er mannsins megin

Spænskur kjúklingur (uppskrift).

Kveðja,
Sigrún

Hádegisæfing 26. mars

Hvar ertu nú?

Mættar voru í dag í köldu veðri og smá strekkingi 5 ferskar fjallageitur: Fjölnir, Sigurgeir, Höskuldur, Oddgeir og Sigrún. Ekkert bólaði hinsvegar á skipstjóranum og því spyrjum við: "Hvar ertu nú?"-Hefði nú ekki verið sniðugra fyrir þig að fá far í "Oldsmobílnum Ungverjans" í gær?
Anyways... hlupum Hofsvallagötuhringinn á ca. 5 tempói sem gera 8,6K á 43 mínútum. Ljóst er að enginn af þessum sem mættu verður kallaður drop-out að viðurnefni en hinsvegar eru tveir þrautreyndir í mikilli hættu í þeim efnum.

Kveðja, Sigrún

Kennitölur og eftirnöfn

Ágætu meðhlauparar!
Vegna farseðlaútgáfu fyrir Rómarferð þarf að skila inn kennitölu keppanda til STAFF, því STAFF greiðir miðann okkar. Allir keppendur eru því vinsamlega beðnir að senda mér póst með kennitölu og nafni þess dótturfyrirtækis Icelandair sem þeir starfa hjá.
Gott væri í leiðinni að fá fullt nafn maka ef hún/hann er með í för til að setja með í vinnslu á útgáfu farseðla.
Vinsamlega sendið upplýsingar á anna.dis@simnet.is
Bkv. Anna Dís

Týndur bikar

Heyrst hefur að ASCA farandbikar kvenna sé týndur. Hér að neðan er linkur í mynd sem náðist af kvennfólki sem grunað er um að bera ábyrgð á hvarfinu. Þeir sem geta gefið einhverjar upplýsingar sem leitt geta til þess að bikarinn finnist eru vinsamlega beðnir um að koma þeim á framfæri hér á síðunni.

https://blogger.googleusercontent.com/img/b/R29vZ2xl/AVvXsEiDSBTrMifJdbLW4mtbPZm7rneZP-znpV30XudIqZt-yVX_fh98agPPEpwSeXcTHULfK9IrdJKKoangX3pDl-nQbogvDusSYshn9p1KCFgfCuMy7zA0xeE3dVB730W5S1DKMwWS/s1600-h/DSC00055.JPG

Þriðjudagur 25. mars

Mætt: Dagur, Höskuldur, Guðni, Sveinbjörn, Sigurgeir, Björgvin, Bryndís, Óli og Anna Dís.
Svo mikið lá Degi á að halda tímaáætlun, enda framundan löng æfing, að hópurinn splittaðist. Ekkert hefur spurst til Óla og Bryndísar frá því rúmlega tólf á hádegi. Leiðin lá á fæti frá HL að Háskólanum meðfram Aðalbyggingunni, yfir Suðurgötu, framhjá Sögu og þaðan rakleiðis út að Hagkaupum á Nesinu. Hópurinn skiptist í rangsælis og réttsælis hring ca 2 K frá horninu þar sem Bónus er eða var og þar á undan fiskverkun. Nokkur umræða var um hvor hringurinn er léttari. Sveinbjörn og Björgvin óku að Hótel Sögu og tóku á sprett inn í æfinguna þaðan. Undirrituð fékk ferð til baka að HL með þessum höfðingjum í nýjum glæsilegum bíl Sveinbjarnar.
Anna Dís

2. í páskum -"hverfa/hvarf"

Mættum fersk við Árbæjarlaug kl. 08:00 og ákváðum að fara í Hvarf (semsagt hlaupa í því hverfi) og fara kringum Elliðavatn. Það voru: Guðni, Hössi, Dagur, Anna Dís og Sigrún. Veður var mjög gott, snjóföl yfir og stillt. Vorum á ágætis ferð eða ca. avg. 5.20 (+/-) og fórum 13.6K og tíminn var u.þ.b. 1.16 klst. ef ég tók rétt eftir. Kaloríubrennsla var nokkur og áttum við því fyllilega skilið að rífa í okkur páskaeggjaleifarnar eftir hlaup. Ræddum aðeins nafngiftir, hvort þær muni fylgja manni áfram, en ekkert er öruggt í þeim efnum og menn geta fengið nýtt viðurnefni fyrirvaralaust. Sérstaklega ef menn mæta ekki, þá er hætt við að menn verði kallaðir "drop-outer", "quitter" eða eitthvað enn verra. Stripperinn hefur ekki slegið lokatóninn í þeirri fúkyrðamelódíu.
Strákarnir virtust vera ánægðir með stíginn kringum vatnið en mér fannst hann heldur mjúkur fyrir minn smekk, er vön harðara viðnámi. Veit þó ekki með Önnu Dís. Fín æfing samt og rétt passaði því þegar ég kom heim var ég kölluð út, vegna fjölda áskorana, til að sækja fótboltabullur til Manchester. Ég er einmitt sérstaklega hrifin af þeim! ;)
Kv. Sigrún

Laugardagur

Mætt við Árbæjarlaug á slaginu 8.00 voru: Dagur, Höskuldur, Guðni og undirrituð. Hlaupaleiðin lá framhjá Elliðárvatni inn í Smáralind, eftir skítalæk að Kópavogshæli. Þaðan var tekinn stuttur hringur umhverfis hús Jens og svo haldið rakleiðis inn Fossvoginn og Elliðárdalinn að Árbæjarlaug. Þar skildu leiðir. Dagur og Höskuldur fóru létta 5K til viðbótar meðan við Guðni hættum eftir 19K á tempó 5.29. Höskuldur stefnir á Kaupmannahafnarmaraþon og er því á fjúgandi ferð.
Mál manna var nú gætum við með góðri samvisku hámað í okkur páskegg af öllum stærðum og gerðum.
Páskakveðja,
Anna Dís

Morgunæfing 20. mars

Tveir langfetar (Dagur, Höskuldur) mættu kl. 8:00 á 15km@5:07 æfingu frá Árbæjarlauginni. Farið var á slóðir Rauðavatns-Ásu, Grafarholt og Grafarvogur.

Aðrir sem haft var samband við með sms kvöldið áður reyndust allir með góðar afsakanir, 'busy', fullur, ekki í bænum.

Kveðja, Dagur

Hádegisæfing 19. mars

Hrun krónunnar virðist hafa alvarleg áhrif á mætingu skokkhópsins, en hrun var á mætingu í dag. Einungis þrír jaxlar mættu: Björgvin, Dagur og Sigrún. Athygli vakti að alveg stytti upp á meðan æfingin fór fram, enda stórstjörnur á ferð. Fórum á þægilegu (í alvöru) tempói bæjarrúnt: Snorrabraut, Sæbraut, hafnarsvæði, framhjá Búllunni, í gegnum miðbæinn með tilheyrandi matarfýlu, upp framhjá M.R. og Laufásveg í átt að HLL. (Gleymdi alveg að sýna þeim húsið þitt Óli, sorrí). Ræddum fjármál m.a. og hversu mikið peningar geta verið fyrir manni. Alveg sérstaklega þegar þeir eru ekki til.
Ætlum að sms-a á hópinn um páskana varðandi hlaup. Ef þið viljið vera með í grúppu látið þá Der Trainer vita.

Alls mjög frískandi 8 km í fínu veðri.
Kv. Sigrún

P.S. Björgvin tók ofsafenginn 60m endasprett og kom okkur alveg í opna skjöldu. Áttum ekki svar.

Hádegisæfing 18. mars

Áður fyrr biðu menn eftir Húsinu á Sléttunni eða Derrick en nú er beðið með óþreyju eftir gereyðingarþríleiknum: The Beach Terminator. Í dag var fyrsti þáttur seríunnar og í fallegu veðri mættu: Sigurgeir, Fjölnir, Dagur, Höskuldur, Óli, Björgvin, Bryndís, Sveinbjörn og Sigrún. Jói var einnig á hlaupum. Hlupum með öndina á hálsinum út með ströndinni í vesturátt í upphitun. Söfnuðumst saman og áttum að taka 2 frekar langa spretti (450 og 630 m) með smá hvíld á milli. Eftir það skokk út að "hvíta húsinu" á Ægisíðu og þar snúið við til að taka tempóhlaup tilbaka út að "kafara" í Nauthólsvík(tæpir 3 km). Eftir það skokkað heim á Hótel. Þetta var æfing sem tók vel á og menn áttu að finna smjörþefinn af keppninni sem framundan er.

Frábært veður og fransbrauð í fótum. :)

Kv. Sigrún

Brókargyrðing á löngum laugardegi

Hittumst í mínus 7 gráðum og logni við Árbæjarlaug kl. 7.15: Guðni, Sigrún, Pétur Helgason og Dagur (í skrípabúningi-dah!).

Fórum rólega af stað og hlupum um víðan völl, Elliðaárdal, Kleppsveg, Sæbraut, Laugarnestanga, Wall Street, Laugardal, og enduðum í Skeifunni, að sækja bíl Péturs.
Enduðum í 14 km á 1:14 með ca. avg. pace 5.15.

Kveðja,
Sigrún

Ath. hægt er að láta bæta sér á sms lista Dags með því að hafa samband.

Hádegisæfing 14.mars

Í dag var fallegt og milt veður, kjöraðstæður til sýninga. Því fórum við sýningarrúnt um bæinn. Mættir: The Queen (Huld), Der Trainer (Dagur), The Sprinter (Björgvin), The Comebacker -var ekki(Guðni), The Non-efforter (Oddgeir), The Wannabe (Sigurgeir), The Trailer (Fjölnir), The Lady (Bryndís), The Boss (Anna Dís) og The Stripper (Sigrún). Einnig hlupu aðrar leiðir Sveinbjörn og Ingunn, en ég læt vera að sinni að uppnefna þau.
Fórum á rösklegum hraða (að mér fannst) niður í bæ, Sæbraut, Ráðhús og Hljómskálagarð. Skrýtið hvað Dagur virðist þrá athygli bæjargesta (á hlaupum) sem hann kallar gjarnan "f. amateurs", hvað sem hann meinar með því. Tókum síðan einn hálffullan Jónas og sat Powerade þreytan aðeins í sumum. Ekki öllum. Drottningin var fersk með O og D. Skokkuðum síðan heim og alls mældist þessi leiðangur á 9. km og var hlaupið hið dásamlegasta.

Góða helgi!
Sigrún

Mental Note:

Powerade Vetrarhlaupið - Mars

Hér eru tímar okkar fólks frá því í gærkvöldi:

44:34 Oddgeir Arnarson
44:42 Guðni Ingólfsson
44:45 Sigurgeir Már Halldórsson
45:44 Huld Konráðsdóttir
47:17 Fjölnir Þór Árnason
47:44 Sigrún Birna Norðfjörð
48:52 Hólmfríður Ása Guðmundsdóttir

Age-Graded Calculator

En er von fyrir gamalt fólk.

Í nýjasta tölublaði Runners World á vefnum er birt reiknivél þar sem hægt er að reikna út stöðu sína gagnvart öðrum hlaupurum þar sem tekið er tillit til aldurs.

Ef við tökum úrslitin frá í gærkvöldi og setjum í samhengi við 'Age-Graded Time' kemur eftirfarandi í ljós:

42:15 Guðni Ingólfsson
42:47 Huld Konráðsdóttir
43:04 Oddgeir Arnarson
44:14 Sigurgeir Már Halldórsson
44:21 Fjölnir Þór Árnason
45:46 Sigrún Birna Norðfjörð
48:44 Hólmfríður Ása Guðmundsdóttir

Engin eftirmiðdagsæfing fimmtudag

Mættu í Powerade í staðinn!
Stjórn IAC

Hádegisæfing 12. mars

Í frábæru veðri mættum við til að taka rólega daginn, enda síðasta Powerade á morgun. Sveinbjörn fór á eigin vegum en Oddgeir, Hjörvar, Guðni, Dagur og Sigrún fóru skógræktarhringinn á frekar þægilegum hraða. Var haft á orði hversu diplómatísk vinnubrögð voru viðhöfð við val ASCA-hópsins og mikill hugur í mönnum um að standa sig við æfingar. Allir ASCA farar eru því eindregið hvattir til að sýna hvað í þeim býr í Powerade hlaupinu á morgun og fjölmenna. Þar gæti skilið á milli feigs og ófeigs.

Kveðja, Sigrún

Hádegisæfing 11. mars

Mættir í dag á frekar snarpa æfingu: Bryndís, Anna Dís, Fjölnir, Sigurgeir, Hjörvar, Dagur og Sigrún. Einnig voru Jói og Ingunn á eigin vegum, þó ekki saman.
Tekin var "tröppuæfing" (Die Treppe-auf Deutsch), sem er alþekkt frá útrýmingarbúðum SS. Hituðum upp frá hóteli og fórum stíg í Nauthólsvík út á Ægisíðu. Á þessari leið kynntumst við tröppunni. Hún fól í sér spretti -1, 2, 3, 4, 3, 2, 1 mínútu með 30 sek. hvíld á milli. Öskrað var á lýðinn með reglulegu millibili og reyndu menn að hlýða skipunum eftir megni. Skokkað heim og hinn hefðbundni lokasprettur tekinn niður brekkuna af Sigurgeiri og Degi. Alls ca. 8,5 (Dagur lengra).
Sehr schön! Veður dásamlegt.
Kv. Sigrún

Lengra um helgar

Er ekki málið að gyrða í brók og fara lengra um helgar?

Nánar hér:

Hádegisæfing 7. mars

"Freaky recovery Friday" í dag. Mættir voru í eftirkeppnihlaup í dag: Dagur, Fjölnir, Oddgeir, Bryndís og Sigrún. Fórum Suðurgötuhringinn á venjulegum hraða með viðkomu í Háskóla Íslands, mötuneyti. Héldum síðan áfram hefðbundna leið á átt að Loftleiðum. Veður var blítt og fagurt og fannhvítir fjallanna tindar. Leiðinlegt þótti mér þó að hlaupa í slettunum af undanförunum, kólnaði um loppurnar við það. Mál manna var að allir hefðu staðið sig með prýði í gær og að stjórnin ætti fyrir höndum erfitt verk með liðskipan karla. Niðurstöðu er að vænta eftir helgi. Hittum síðan Ingunni eftir æfinguna og hafði hún verið á hlaupum.

Kveðja,
Sigrún

Úrtökumótið kl. 17.15

Veðurguðirnir ætla að skemmta okkur í dag en enginn sagði að lífið yrði auðvelt, bara að það yrði skemmtilegt. Mættu í dag tímanlega í hið æsispennandi úrtökumót fyrir ASCA Cross Country hlaupið í Róm. Verður þú einn af Rómarförunum í ár?

Stjórn IAC

Hádegisæfing 5. mars

Í fallegu veðri mættum við á rólega æfingu:
Dagur (der trainer), Huld (special appearance), Anna Dís (heimsfari) og Sigrún (óbreytt) og fórum að kanna brautaraðstæður fyrir morgundaginn. Allt er á réttri leið, svolítil bleyta og slabb á köflum þó. Fórum 2 hringi og skokkuðum síðan aðeins í nágrenni Nauthólsvíkur. Alls 6,5 km.
Eftir æfingu sást til Björns Árna sem hafði skokkað 3 km en ætlar ekki að mæta á morgun. Ætlar að bíða með það þangað til hann verður eins "ungur" og Dagur.

Kv. Sigrún

ASCA - upplýsingar fyrir tilvonandi Rómarfara

Dear Team Captains, Please find enclosed the invitation for this year's ASCA Cross Country competition which will take place on Sat. 12th April in Rome.

http://www.asca.cc/04_Activities/01_Per_Sport_Type/CrossCountryRunning/2008_ROM/ASCA_12_aprile_08_ROM.pdfPlease pass this information onto your team mates. Don&#65533t forget to register your team via your delegate on the ASCA homepage:

http://www.asca.cc/05_Calender/D01_calender_list_teams.asp?IDE=168&sport=22&date=11.04.2008

Hope to meet all of you in Rome!
Best Regards,RalphRalph BehrensManager AthleticsLufthansa Sportverein Hamburg e.V.

Minni á úrtökumótið fimmtudag kl. 17.15

Ágætu félagar.
Mætum tímanlega í úrtökumótið fyrir ASCA Cross Country. Hringurinn í Öskjuhlíð er ca. 1,7 km. Karlar hlaupa 4 hringi og konur 2. Stefán Már verður á klukkunni. Verum klædd eftir veðri því brautin er ekki sem best.

Sjáumst,
Stjórn IAC

Hádegisæfing 4. mars

Mér datt í hug lag Sigurrósar "Viðrar vel til loftárása" þegar ég lagði ein af stað á æfingu í dag. Veður afleitt, rigning og rok og færi allslæmt. Ákvað þó að "testa" ASCA brautina og hitaði upp smá og tók síðan tvo keppnishringi á hraða og náði góðu skriði á seinni. Það verður að segjast að brautin er afleit, snjór og slabb og hlákan sér um að þetta er pollahlaup. Kom veðurbarin en sæl að HLL og tók 30 armbeygjur og 60 maga. Hafði áður hitt Sigurgeir en hann fór 3 ASCA hringi og var slæptur eftir veðrið. Þeir Cargo bræður eru nú rétt í þessu að leggja lokadrög að bestu hugsanlegu nálgun á ASCA hringinn á fimmtudaginn og munu gefa út fréttabréf þar að lútandi á næstunni.

Kv. Sigrún