Hádegisæfing 18. júní

Mættir í sól og blíðu: Sveinbjörn, Dagur, Guðni, Kalli, Fjölnir, Ása, Huld og Sigrún. Fórum í Hljómskálagarð til að taka 6*hálffullan Jónas (hann var svo fullur í gær að hann gat ekki meir) sem eru um 400m sprettir með léttu skokki á milli. Sérstaka athygli vakti að Ása, fulltrúi Glamúrs, stóð sig ótrúlega vel og von er til að tímar falli á þeim bæ á næstu dögum. Einnig kom að máli við aðalritara útlendingur, sem ekki hefur af eðlilegum orsökum náð fullkomnu valdi á blæbrigðum íslensks máls, og spurðist fyrir um orðið "vanfær". Er hér tilvitnun því til frekari skýringar. Sjá nánar Er ekki nema sjálfsagt að leiðbeina og hjálpa nýbúum og öðrum innflytjendum um svoleiðis útskýringar í framtíðinni. Það er þó hinsvegar ljóst að ef einhver var vanfær á Jónasi í dag, telst það vera aðalritari, en það stafar af getuleysi en ekki þungun.
Alls 8,6-K
Kveðja,
Sigrún

Hádegisæfing 15. júní

Mættir: Gnarr, Dagur, Guðni, Oddgeir, Kalli, Sigrún. Óli og Sveinbjörn á eigin vegum. Farin var Kaplaskjólsleið og Hofsvallagata, Kapla á tempói en hitt rólegt. Vert er að geta þess að meðlimir FI SKOKK eru beðnir um að halda sig við eina keppninsgrein, þ.e. hlaup en vera ekki að reyna við aðrar íþróttagreinar, sérstaklega ekki gamlir. Menn geta bara dottið og meitt sig, eyðilagt keppnisgögn (hjól eða þ.h.) og eða fipað andstæðinga sína.
Alls 9,3-K og 8,6-K
Kveðja,
Sigrún

Sahara eyðimerkurmaraþonið

Hér er linkur í áhugaverða lýsingu Ágústar Kvaran á þessu maraþoni. Ágúst hljóp þetta fyrr á þessu ári.

Hádegisæfing 12. júní

Ef ekki er ástæða til hvíldar er nauðsynlegt að hraða sinni för...
Mættir: Kalli, Guðni, Sigurgeir, Fjölnir, Dagur, og Sigrún. Jói, Bryndís og Óli í sérprógrammi, Suðurgötu og fleiru. Hinir fóru Valhúsahæð með tempóhring sem ég veit ekki lengdina á. Þegar svona langt er hlaupið þarf að hraða sér bæði út, heim og á milli. Kemur á óvart! Fantafín tempóæfing í sól og blíðu þótt gert væri smá grín að aðal af og til.
Alls sléttir 10-K
Kveðja,
Sigrún
Ath. Jói skorar á okkur að hlaupa upp á Akranes í næsta hádegi.

Hádegi 11. júní 2009

Guðni, Huld og Kalli fóru hringinn í kringum Reykjavík millistríðsáranna, Snorrabraut, Sæbraut, Geirsgata, Framnesvegur, Hringbraut. Jói og Óli voru sér.

GI

Hádegisæfing 10. júní

Mættir í kolkrabbann: Kalli, Fjölnir (1st timer), Dagur, Guðni, Huld (í tennisdragt), Oddgeir og Sigrún. Tókum hina ógurlegu 4 arma krabbans og menn skilja nú betur hví enginn óskar eftir þessum æfingum reglulega. Sveinbjörn, Ingunn og Jói voru í sérverkefnum. Sól skein í heiði (og í sinni, stundum) og 8 km kláraðir í viðbjóðinn. Það eru bara hinir alhuguðustu sem munu óska eftir þessu í framtíðinni.
Kveðja,
Sigrún

Hádegisæfing 9. júní

Mættir: Dagur, Guðni, Huld og Sigrún. Ingunn og Jói voru á sérleið en Sá síðarnefndi hljóp flugvallarhring. Við hin fórum í boði "andans" um nýjar slóðir í góðu veðri. Ég get ekki skýrt frá hvaða leið var farin því andinn yfirtók æfinguna. Á morgun verður hinsvegar leitað í smiðju kolkrabbans, enda sjómannadagurinn rétt nýbúinn.
Alls 7,5-K
Kveðja,
Sigrún

Hádegisæfing 8. júní

Mættir nokkrir vitleysingar og nokkrir eðlilegir: (e) Jói og Sveinbjörn sem og 2 dömur frá hótelum. (v) Dagur (loser, lætur HB vinna sig í þríþraut), Gnarr (kom fram sem rotþró), Sigurgeir (svaf), Ása, Huld, Kalli (með froskinn í hælnum), Óli (venjuleg leið), Oddgeir og Sigrún. Aðal fór bakara-kafara tempó en hinir fóru Kapla eða blaðburð á tempói. Veður var með eindæmum gott og ýmsir sprækir. Það vakti sérstaka athygli að Glamúr og Gnarr hafa verið iðnir við ljósabekkina undanfarið og ættu þeir aðeins að róa sig í þeim efnum. Eftir æfingu fór Glamúrinn síðan í allsherjar innkaupaferð fyrir FI SKOKK til N.Y. í boði Senu.
Alls 8,7-9,5-K
Kveðja,
Sigrún

Hádegisæfing með sjósundi 5. júní

Hittumst við Huld við kirkjugarðsenda og tókum upphitun út í Nauthólsvík. Skiluðum þar sjósundsgræjunum og héldum áfram vestureftir, hvar við tókum 3*2000 metra (sprett/tempókafla), með 1,5 mín. á milli. Aðalritari fékk smá afslátt af síðasta og skipti honum upp í 2*1000, v. örmögnunar. Huld tók svo einn 1000m til en aðal skokkaði til móts við væntanlega hlaupara frá HL. Þar reyndist enginn svo við flýttum okkur bara í sjóinn, sem mældist heilar 9,6°C. Þar hittum við Guðmundu og Önnu Dís, sem einnig höfðu hlaupið um Elliðaárdal. Syntum við út að bauju sem er í fyrsta sinn sem okkur Huld tekst það. Anna Dís fór lengra, enda harðgerðari en við. Síðan fréttist af Oddinum en hann tók flugvöllinn á tempói.
Góða helgi,
Sigrún

Hádgisæfing 4. júní

Mætt í dag í frábæru veðri: Sigurgeir (believe it or not), Ása, Huld, Jens og Sigrún að ógleymdri Tátu. Fórum rétta Hofsvallagötu á hvíldartempói sem enginn þurfti á að halda nema aðalritarinn og kannski Táta. Minnstu munaði að aðal væri hjóluð niður af hjólreiðamanni en stórslysi var þó forðað þótt tæpt væri. Á morgun er fyrirhugað sjósund og eru lysthafendur eindregið hvattir til að mæta á HL kl. 12.08 með viðeigandi búnað.
Alls 8,7-K
Kveðja,
Sigrún

Hádegisæfing 3. júní

Mættir: Ársæll (Suðurgata), Jói á eigin vegum en við hin á Dags vegum. Dagur þurfti að flýta sér inn á fund og því var ákveðið að taka Hofsvallagötuna (alla leið) á tempói og fara hana á undir 40 mín. þ.e. alla 8, 7 kílómetrana. Lagt var af stað og hljóp hver sem hann gat alla leið. Gaman væri að fá í "comments" tímana hjá viðkomandi, til gamans (eða ekki).
Fínasta tempóæfing í sól og blíðu.
Alls 8,7-K
Kveðja,
Sigrún

Born to Run

Myndband á jútúb með vísun í bók sem sviptir hulunni af því hvers vegna við erum alltaf meidd.

Áhugavert.

Kveðja, Dagur

Hádegi 2. júní 2009

Guðni og Huld fóru Hofsvallagötuna. 3km á tempó 4:03, 4:12, 4:01. Góð æfing. Aðrir sem sást til: Ingunn á hlaupum, Jói á göngu, Sveinbjörn í gufu og Ársæll í mat. Aðrir komnir í sumarfrí, eða hvað?

GI

Er alvöru lið á þínum vinnustað?

Ég auglýsi eftir útsjónarsömum konum og körlum í fanta formi með óþreytandi sigurvilja til að taka þátt í 24 stunda keppni á Laugarvatni í ágúst.

Sjá www.lidsheild.is

Áhugasamir láti vita hér að neðan í comment.

Kveðja,
Dagur

p.s.
Aumingjar geta sleppt því að sýna áhuga

Hádegisæfing 29. maí

Mæting: Sigurgeir, Dagur, Fjölnir, Huld, Guðni, Anna Dís og Kalli. Vegna veðurs, ca. 15-18 m/sek, var ákv. að fara í skjólið í kirkjugarðinum. Það endaði að sjálfsögðu með 3 sprettum + bónus sprettur. Eftir sprettina fengu allir að stjórna æfingunni í 2 min og úr varð þokkaleg BootCamp æfing með sprettum, armbeygjum, magaæfingum og furðulegri skrefa-æfingu ala Guðni!

Total 8,5 km.

Sigurgeir

Hádegisæfing 27. maí

Mættir í blíðskaparveðri: Dagur, Kalli, Sigurgeir, Fjölnir, 'Oli (um ormagöng), Bryndís og Sigrún og Jói (sér). Fórum Kaplaskjólið með lengingu og mættum Fjölni á bakaleið en Óli kom hinsvegar á brjáluðu tempói og náði okkur hjá flugbrautarenda. Dagur er að undirbúa sig fyrir innlimum í Búddisma og hlustar á pistla þess efnis á leið til vinnu. Sigurgeir er enn að reyna að ná Sigrúnu í kílómetrum. Fjölnir er hinsvegar að jafna sig eftir veikindi og er hér ein limra að því tilefni:

Lesið lítinn Fjölnispistil
lasinn hann varð, fékk ristil.
Marinn á baki
gagnslaus á laki
linur, með herðakistil.

Alls 9,3-K

Kveðja,

Sigrún

Hádegisæfing 26. maí

Mættir: Jói (sér), Dagur, Guðni (special appearance), Bryndís og Sigrún. Farin var öfug hálf Hofsvallagata og til baka. Brakandi blíða. Skrýtið að sumir innan hópsins reyna ekki að klóra í bakkann hvað vegalengdir áhrærir og ætla að tapa sinni keppni á kongunglegan hátt.
Alls 8,9-K
Kveðja,
Sigrún

Hádegisæfing 25. maí

Mættir: Dagur, Guðni, Sigurgeir, Jón Gunnar, Már, Hössi, Kalli og Jói. Gnarrinn þurfti að taka út refsingu fyrir að hlaupa ekki neitt um helgina! Aðal fær dæmda á sig 20 km í refsingu fyrir að mæta ekki og þarf að taka það af heildar km. í maí ;o)

Kv. Sigurgeir

Rútuhlaupið 23. maí

Nokkrir félagar hlaupaklúbbsins tóku á laugardag þátt í "Rútuhlaupinu" þar sem hlaupið var frá Nesjavallaleið og til byggða (endað í Laugum). Hófum hlaupið á því að leggja stein í vörðu, sem orðin er nokkuð myndarleg. Á að giska 70 manns hófu hlaupið, margir valinkunnir hlauparar þar á meðal. Nokkuð þungbúið var í fyrstu, rigningarsuddi en hægviðri. Síðar létti til og að endingu var komin sól og blíða (síðustu 10). Rútan stoppaði á 5 km fresti og reiddi fram drykki. Það var því hægðarleikur að plata sig aftur og aftur til að hlaupa milli drykkjarstöðva og hugsa sér að maður væri alltaf bara að hlaupa 5 km. Skemmtileg stemning var í hópnum, vísur og brandarar flugu og léttu lund. Það var ekki fyrr en síðustu 7 sem aðalritari kenndi þreytu en þá var svo stutt eftir að að tók því engan veginn. Að vísu reyndist leiðin 31 km sem gerði það að verkum að síðasti km var frekar þreyttur. Á myndunum má sjá FI SKOKKARANA Huld, Bryndísi, Jens, Sigrúnu og svo þau Sigrúnu (nöfnu) og Úlfar. Mjög fínn dagur sem endaði í grilli í Laugum! Skildi reyndar ekki hvernig allir gátu hámað í sig pylsu og kók, en það er önnur saga. :)
Kveðja,
aðalritari

Hádegisæfing 22. maí

Mættir í frábæru hlaupaveðri: Hössi (new king), Dagur (dethroned), Kalli, Már, Óli, Anna Dís, Ása og Sigrún. Jói var á eigin vegum og í armbeygjum. Hinir fóru hefðbundinn miðbæjarsýningarrúnt með einum Hössatempó km (3:50) og hálfum Jónasi.

Alls. 8,3-K

Kveðja,

Sigrún

Hádegisæfing 20. maí 09

Guðni og Kalli Hofs og Jói annað.

Meðalblóðflögumagn hefur líklega aldrei verið meira á æfingu en í dag. Þá erum við heldur ekki of léttir til að gefa blóð, þó að menn gætu haldið annað.

GI

Notað Garmin hlaupaúr

Vitið þið um einhvern sem vill selja?
Kíkið á þennan hlekk
Kv. SBN

Hádegisæfing 19. maí

Mættum 5 frækin í dag: Bryndís, Huld, Oddgeir, Dagur og Sigrún. Fórum rólegt (hm..) recovery hlaup um miðbæ í bongóblíðu. Ákveðið hefur verið, vegna fjölda áskorana, að stofna stuðningshóp hafnaðra blóðgjafa (SHB), sökum tíðra hafnana meðal félagsmanna okkar af hendi Blóðbankans. Tveir hópar eru í boði: þeirra sem hafnað er sökum vanþyngdar og þeirra sem hafnað er sökum ónothæfra blóðflagna. Vinsamlega skráið ykkur í "comments" fyrir neðan og tilgreinið hvorum hópnum þið tilheyrið.
Alls 8-K
Kveðja,
Sigrún

A.S. Minni hérmeð á Rútuhlaupið á laugardag.

Hádegisæfing 18. maí -Animal Farm

Frábær mæting í dag: Ársæll á eigin hring og Jói líka. Restin: Kalli, Hössi, Már, Erlendur, Sigurgeir, Oddgeir, Gnarr, Dagur, Óli, Huld og Sigrún fóru tempóhlaup, ýmist frá Hofsvallagötu eða Kaplaskjól langt/stutt. Rosalega sól var í boði og skörtuðu þær stöllur Huld og Sigrún sérstökum búnaði að því tilefni, með dýramynstri. Var gerður nokkuð góður rómur að þessum herlegheitum nema einum aðila mislíkaði þetta og sagði þær "gærulegar" með búnaðinn. Allir söfnuðust síðan saman við kafara og skokkað heim á hótel. Tvær glennur urðu á vegi hópsins á heimleið, en það voru þær sjósundsdrottningar Anna Dís og Guðmunda, sem lágu hálfnaktar í vegarkantinum og biðu þess að verða uppgötvaðar. Þær náðu þó á engan hátt að skyggja á fegurð zebrasystranna, það er ljóst.
Allt 8,7-9,3-K
Kveðja,
Sigrún

Fullkomnun hjá Nike

Ágætu klúbbmeð-limir.

"You can make love standing up in a puddle of massage oil and you won't fall down."

Fullkomnun hefur verið náð, athugið meðfylgjandi vefsíðu:
http://www.theonion.com/content/news/nike_introduces_new_intercourse?utm_source=a-section

Með kveðju,
Bjútíið

Hádegisæfing 14. maí

Mætt í dag: Jói á sérleið, Ársæll á rangri Suðurgötu og Huld, Jón Gnarr og Sigrún á réttri Hofsvallagötu í hr (hífandi roki). Gnarrinn var bara sprækur þrátt fyrir mikið heilsuleysi undanfarið og hresstist við að hitta flugfreyjurnar. Eftir æfingu kom Jói að máli við okkur og bað okkur um að skella okkur inn í Blóðbankabílinn, sem var á bílaplaninu. Skipti þá engum togum að eftir grandvarlega rannsókn á okkur stöllum í lokuðu viðtalsherbergi var annarri okkar alfarið hafnað sem blóðgjafa. Ástæðan: Jú, sú hin sama var of létt! Hinni var hinsvegar tekið opnum örmum, enda fer þar annálaður offitusjúklingur og bjórsvelgur, sem öllum mun vera ljóst, og þykir aflögufær um 1 blóðpott eða svo.

Alls 8,7-K

Kveðja,

Sigrún

Hádegisæfing 13. maí

Hvern langar ekki að njóta skjóls í kirkjugarði og gera spretti í leiðinni? Þetta gerðu þau Dagur, Huld og Sigrún í dag í rokinu, en nánast logn í garðinum. Gerðum 6* brekkuspretti, nokkuð góða. Eftirá voru gerðar armbeygjur (sællar minningar) og Pilates magaæfingar m.m. Jói var á séræfingu, utan garðs og kvartaði undan dræmum nafnbirtingum hans á síðunni. Á þessum leiðu mistökum er hérmeð beðist velvirðingar.
Alls 7-K
Kveðja,
Sigrún

Mainz-Marathon í Þýskalandi

Sunnudaginn 10. maí tóku tveir meðlimir skokkklúbbsins þátt í Mainz-Marathoni í Þýskalandi; Bryndís Magnúsdóttir keppti í hálfmaraþoni og Jens Bjarnason í maraþoni. Með í för voru einnig Úlfar félagi okkar, eiginmaður Bryndísar, og Baldur Oddsson, fyrrum klúbbmeðlimur og þátttakandi í víðavanghlaupi ASCA fyrir okkar hönd. Úlfar hljóp heilt maraþon en Baldur hljóp ekki en var engu að síður ómissandi hluti af liðinu.
Hugmyndin að þátttöku í þessu hlaupi varð til einhvern sunnudagsmorguninn í vetur þegar við vorum að hlaupa í myrkri og kulda hér heima. Skráning í stórt hlaup erlendis hjálpaði okkur við að setja æfingamarkmið og halda okkur við æfingar í svartasta skammdeginu. Ástæður þess að Mainz varð fyrir valinu voru m.a heppileg tímasetning, gott orðspor hlaupsins og falleg staðsetning við bakka Rínar, auk þess sem hægt var að velja milli heils og hálfs maraþons.

Þegar kom að skráningu í janúar kom í ljós að löngu var uppselt í hlaupið. Eftir bréfaskriftir við skipuleggjendur var okkur boðið að taka þátt, okkur að kostnaðarlausu, og vorum við því í raun einhvers konar VIP þátttakendur. Þetta var mjög höfðinglegt af skipulegjendum sem eru borgaryfirvöld í Mainz.
Hópurinn hittist á Frankfurt flugvelli föstudaginn fyrir hlaup. Bryndís, Úlfar og Baldur komu fljúgandi frá Íslandi en Jens kom til Frankfurt á svipuðum tíma frá Yakutiu í Austur-Síberíu, nokkuð þreyttur en bar sig vel.
Við borðuðum á mjög góðum pastastað á föstudagskvöldinu. Kolvetnin runnu ljúft niður, ekki síst hjá Jens sem (að eigin sögn) hafði lítið borðað annað en hrossakjöt alla vikuna. Laugardeginum var eytt í bíltúr um Rínardalinn. Ef undan er skilin vínsmökkun í Rudesheim am Rhein var hegðun liðsins almennt góð.

Sunnudagurinn rann upp með fallegu veðri. Spáð hafði verið rigningu en reyndin varð önnur. Það var reyndar skýjað í startinu en fljótlega birti til og skein sólin á okkur mestan tímann. Hitinn fór upp í 20 gráður en við vorum sammála um að það hefði ekki truflað okkur svo mjög, okkur leið öllum vel í hlaupinu. Bryndís stóð sig best og var í raun hársbreidd að vinna sinn aldursflokk, lenti í þriðja sæti á 1:54:34, Jens kláraði heilt á 3:45:37 og Úlfar kom í mark á 3:55:47.

Baldur var á leið til Spánar og kvaddi okkur fljótlega að hlaupi loknu. Við hin skáluðum í kampavíni og héldum upp á daginn með veislumáltíð um kvöldið, fullkominn endir á frábærri hlaupaferð.

Jens Bjarnason

Næstu hlaup

Langar að vekja athygli ykkar á nokkrum hlaupum á næstunni:

06.06.2009 - Úlfljótsvatnshlaupið
30.05.2009 - Mývatnsmaraþon
23.05.2009 - Rútuhlaupið
21.05.2009 - Olíshlaup Fjölnis
21.05.2009 - Smárahlaup Breiðabliks
16.05.2009 - Eyvindarstaðahlaupið
17.05.2009 - Kópavogsþríþraut
16.05.2009 - Neshlaupið

Kv.
SBN

Hádegisæfing 12. maí

Mættir í hávaðaroki: Oddgeir, Dagur, Huld og Sigrún. Fórum öfuga Hofsvallagötu þar sem Dagur lýsti heimspeki "Trekkara", en hann er mikill og einlægur aðdáandi Star Trek. Aðeins of framúrstefnulegt fyrir okkur, þessi jarðbundnu. Ath. Þess má geta að gæti verið að Dagur hafi orðið fyrir alvarlegum sykurskorti á laugardag. Þá hjólaði hann við 3ja mann um 100 km (sem hann kallar blítt álag/blödt pålæg (dansk)), og við þann gerning festist hann í útópískri heimsmyndarskynvillu, sem gjarnan einkennir Star Trek myndirnar. Vert er að fara blíðum höndum um Stóra Dana á næstu dögum.

Alls 8,7-K

Kveðja,

Sigrún

"Daginn eftir Icelandair hlaupið"

Neðangreindir aðilar mættu galvaskir í strekkingsvindi á köflum til að þreyta þetta skemmtilega hlaup. Ath. að ekki sést á þessum tölum en kvenkeppendur voru hafðir með Icelandair ennisbönd, til aðgreiningar frá karlkeppendunum, enda enginn annar sjáanlegur munur þar á.
27:35 Dagur
29:48 Guðni
30:10 Oddgeir
30:58 Karl
31:04 Huld
32:57 Sigrún
34:34 Anna Dís
Góða helgi,
Sigrún (í umboði Dags, tímavarðar)

Tímar fyrri ára.

15. Icelandairhlaupið 7. maí

Hlaupið í gær tókst með ágætum, 544 luku keppni með glæsibrag. Heldur hvasst var í veðri en það hafði ekki áhrif á þátttökumet gærdagsins. Þótt engar þátttökumedalíur væru í þetta sinn var gerður góður rómur að ennisböndum, súpu og brauði, sælgætispokum og orkudrykkjum. Sigurvegarar komu ekki á óvart en það voru þau Þorbergur Ingi (23:30) og Arndís Ýr (25:58)sem sigruðu. Nánar má sjá úrslit hér:

Stjórn IAC þakkar öllum sem lögðu hönd á plóginn í gær kærlega fyrir vinnu við undirbúning og framkvæmd hlaupsins.

Kveðja,

IAC

Hádegisæfing 6.maí

Sól og blíða á æfingu dagsins þar sem tekin var test-yfirferð í Icelandairbrautinni fyrir morgundaginn. Búið er að mæla og ótrúlegt en satt þá reyndist brautin enn 7km. Sáum þó ekki merkingu á 4km, en erum þess nokkuð viss að hún er mitt á milli 3. og 5. km. Einnig var nokkur léttir að uppgötva, eftir samtal við borgarstarfsmann, að verið er að leggja lokahönd á að steypa kantstein hægra megin í brautinni við startið. Mættir voru: Kalli, Sveinbjörn, Dagur, Anna Dís og Sigrún.

Alls 7K

Kveðja,

Sigrún

Veðurhorfur til kl. 18 á morgun
Vaxandi norðaustanátt, 8-13 m/s síðdegis. Dálítil rigning eða súld, en slydda til fjalla. Þykknar upp S- og SV-lands eftir hádegi, en úrkomulítið. Norðan 10-18 og rigning eða slydda með köflum á morgun, einkum norðaustantil, en bjartviðri á S- og SV-landi. Hiti 0 til 12 stig, hlýjast S-lands.
Spá gerð 06.05.2009 kl. 12:33

Hádegisæfing 5. maí

Mættir í góðu veðri: Dagur, Oddgeir, Sigurgeir og Sigrún. Fórum frekar rólega Hofsvallagötu með smá lengingu um Sörlaskjól. Þau gleðitíðindi bárust aðalritara rétt áðan að Björgvini og frú hefðu fæðst tvíburar í nótt, 12 og 13 merkur. Drengur og stúlka (vinnuheiti Snúður og Snælda) og heilsast öllum vel en eru þreyttir. Óskum við FI skokkarar þeim hérmeð innilega til hamingju!

Alls 9,4-K

Kveðja,

Sigrún

Hádegi 4. maí 09

Guðni, Huld, Kalli, Óli fóru ýmsar vegalengdir í roki og rigningu.

Hagtölur mánaðarins

Eftirfarandi hagtölur fyrir aprílmánuð hafa loks verið reiknaðar og yfirfarnar. Niðurstaðan er sú að hér er engin kreppa í gangi!

Hljóp alls 200,5 km í mánuðinum sem reyndar er heldur minna en síðast og minna en áætlað var. Hér ber þó að hafa í huga að ég tók tvö stutt hlaupahlé, hið fyrra í fjóra daga, hitt í þrjá. Ég virðist einfaldlega þurfa að taka mér meiri hvíld en flestir aðrir eftir erfiðar æfingar. Spurning um að fara að fylgjast betur með hvíldarpúlsinum svo maður sé örugglega að fá næga hvíld. Sem sagt:

Alls 200,5 km á 17 hlaupadögum.
Lengsta hlaup var 32km.
Eitt langt hlaup í hverri viku og a.m.k. ein gæðaæfing þess utan.

Planið er að fara heilt maraþon í Mainz á sunnudaginn eftir viku. Tel mig nokkuð kláran í það ef ekkert óvænt kemur upp á. Ég óttast mest að það verði óþægilega heitt. Kemur í ljós.

Kveðja, Jens

Hádegisæfing 30. apríl

Mætt: Guðni (keppir fyrir Skeggjastaði), Sigurgeir, Huld og Sigrún. Fórum rólega Hofsvallagötu í fullkomnu hlaupaveðri, súld og hægviðri (heitir örugglega eitthvað annað hjá GI) og spjölluðum um markmið maímánaðar. Guðni: (ætlar að eiga afmæli, 50 ára), Sigurgeir (ætlar ekki að keppa aftur í sama hlaupi og Dagur, vill ekki niðurlægja þjálfarann-aftur!), Huld (ætlar að reyna við 300 km í mánuðinum) og Sigrún (ætlar ekki að láta Sigurgeir ná sér í hlaupamagni). Að öðru leyti var allt rólegt og í góðum vinskap.
Alls 8,7 (nema GI sem hljóp líka í morgun 10,8K)
Kveðja,
Sigrún

Sjósund 29. apríl

Mættum 3 píur; tveir Valsarar og einn Þróttari til að skokka í Nauthólsvík og fara í sjóinn. Vindur nokkuð mikill og slagveður. Reyndum að taka mynd en of mikið rok reyndist vera til að það heppnaðist. Skelltum okkur þá jafnhendis út í sjóinn, sem var vægast sagt mjög ÚFINN. Sjóhiti var þó hagstæður (7° en á móti komu 22 m/s í vindi). Allmargir karlkynsáhorfendur voru á svæðinu og vöktum við loks verðskuldaða athygli, enda árennilegar með afbrigðum. Fyrr höfðum við hitt þá félaga Guðna, Dag, Óla og Kalla en þeir kusu allir að fara "Kolkrabbann" í stað þess að striplast með okkur. Órtúlega klaufalegt!
Kveðja,
Sigrún

Hádegisálíming 28. apríl

Í dag fór fram árleg hádegisálíming skokkklúbbsins. Einn félagsmaður (Hippo) var löglega afsakaður til verksins þar sem hann stundar samanburðarrannsóknir á mæligetu og burðarþoli tveggja baðvoga. Niðurstaðan sýnir 400g halla, félagsviktinni í óhag. Þess verður því krafist í framtíðinni, að karlkyns skokkfélagar beri sig (ekki saman) fyrir viktun og þannig næst að rúnna af 400g, sem ellegar mældust í þvengbrók eða viðlíka umbúnaði, þegar gengið er til viktunar.

Þökkum féagsmönnum kærlega veitta aðstoð í hádeginu, margar hendur ... o.s. frv.
Kveðja,
Aðalritari

Hádegisæfing 27. apríl

Mættir í afbragðsfínu veðri: Jón Gunnar Geirdal, Sigurgeir, Dagur, Kalli, Bryndís, Huld, Bjöggi, Ása og Sigrún. Fórum Hofsvallagötuhringinn með lengingu á sæmilegu recovery fyrir þá sem voru í hálfu um helgina. Heyrst hefur að Fjölnir (sem æfði 7,5 km á viku fyrir hlaupið), sé enn að gleðjast yfir árangri sínum á einu af öldurhúsum Hafnarfjarðar. Síðast fréttist til hans dansandi stríðsdans í Vikingaþorpinu. (Heitir það það ekki annars?) Setning dagsins er þó tvímælalaust: "Hvern andskotann ertu að horfa á?" Svar: "Nú, rassinn á þér". Þarf ekki að taka fram hvaða rass er átt við í þessu samhengi.

Alls 9,6-K
Kveðja,
Sigrún

Aðalritari vill minna á að nk. miðvikudagshádegi fer fram mánaðarlegt sjósund félagsmanna og velunnara þeirra. Ekki gleyma skóm, handklæði og skýlu.

Úrslit í vormaraþoni

Á laugardag hlupu nokkrir félasmenn hálft- og heilt maraþon í vormaraþoni FM, sem fram fór í kjöraðstæðum. Úrslit urðu þessi:

Hálft

01:25:33 Höskuldur Ólafsson

01:36:52 Huld Konráðsdóttir

01:41:36 Sigurgeir Már Halldórsson (Hljóp sitt fyrsta hálfmaraþon)

01:42:15 Dagur Egonsson

01:43:42 Fjölnir Þór Árnason (Hljóp sitt fyrsta hálfmaraþon)

Heilt

03:01:43 Baldur Haraldsson (2. í heildarúrslitum)

Frábær árangur, Hössi í bætingu og Cargo-bræður stóðu sig firnavel að ógleymdum Baldri, sem náði öðru sæti í maraþoninu. Glæsilegt öll, til hamingju!

Stjórn IAC

Nálgast má heildarúrslit hér

Hádegisæfing 24. apríl

Mættir í dag: Anna Dís, Bjöggi, Kalli, Guðni, Óli, Oddgeir, Sigurgeir, Gyrðir (Dagur, keppir undir merkjum Skallagrímsættarinnar) og Sigrún. Fórum rólegan miðbæjarrúnt þar sem nokkrir úr hópnum ætla í vormaraþon (brr..) FM á morgun. Ræsing í hálfu er kl. 10.30.
Góða helgi og ekki gleyma að kjósa á morgun.
Kveðja,
Sigrún
Þessir hafa skráð sig:

Víðavangshlaup Í.R.

Í gær, sumardaginn fyrsta, þreyttu nokkrir af félagsmönnum og áhangendur, víðavangshlaup Í.R. sem fram fór í miðbæ Reykjavíkur. Góðar aðstæður voru til hlaups, þurrt og lítilsháttar gola.

Úrslit má sjá hér:

24 18:51 Höskuldur Ólafsson 1965

52 20:14 Oddgeir Arnarson 1970

79 21:09 Huld Konráðsdóttir 1963 1. í flokki

126 22:24 Baldur Úlfar Haraldsson 1965

131 22:29 Hólmfríður Ása Guðmundsdóttir 1976

189 23:48 Bryndís Magnúsdóttir 1950 3. í flokki

Sumarkveðja,

Stjórn IAC

Bostonmaraþon 20. apríl

Það var með nokkurri eftirvæntingu að tveir meðlimir skokkklúbbsins héldu til Boston til að gera faglega úttekt á 113. Bostonmaraþoninu. Eftir góða 12K morgunæfingu (12.08) að ísl. tíma héldum við stöllur á slóðir brautarinnar og hlupum hluta leiðarinnar í fínu veðri, nokkuð köldu og vindasömu þó. (45° Fahrenheit). Áður höfðum við barið stjörnurnar augum í sjónvarpinu, kvenna elítustart og karlana. Veðjað var á Goucher og Hall sem sigurvegara og miklar líkur bentu til að svo yrði. Á tilsettum tíma stilltum við okkur svo upp á Boylston miðri, passlega langt frá markinu. Með lagni þrengdum við okkur í framlínu, að íslenskum sið. Spennan jókst. Mannfjöldinn var þónokkur að horfa á. Fyrstir komu hjólastólakeppendur í mark. Fögnuður! Ekki löngu síðar komu fyrstu konur. Gæsahúð...hjartsláttur og tár. Þrjár voru í endaspretti. Goucher hafði rykkt og freistast til að taka forystu en hélt ekki og Tune og Kosgei byrja æðisgenginn endasprett. Tune (sigurvegarinn í fyrra) frá Eþíópíu var aðeins á undan þar til eitt skref var eftir í markið. Þá stal Kosgei (Kenýa) sigrinum og vann á einni sekúndu: 2:32:16. Tune örmagnaðist og var flutt á spítala og Goucher grét, átti aldrei séns (munaði 9 sek.). Karlarnir koma stuttu seinna. Þar var sigurinn öruggur. Mergat (Eþíópía) nærri mínútu á undan næsta á 2:08:42, síðan Rono og þá Hall. Ekki leiðinlegt að standa 3 metrum frá keppendum og fylgjast með þessu "live". Blindir komu í mark, fótalausir, Boston Billy og allir hinir en enginn Íslendingur að því er best verður séð. Kannski verður breyting á því að ári.

Þökkum þeim sem hlýddu,

kveðja-aðal og pacer-inn (SBN/HUK)

Baðvog

Mikil gleði braust út hjá karlpening skokkklúbbsins fyrir æfingu í dag þegar langþráð baðbog var formlega afhent yfir-þjálfara og síðan sundlaugarverði og velunnara FI-SKOKK. Baðvogin er einföld í notkun og verður staðsett í karlaklefa þar sem hennar er orðin brýn þörf. Í tilefni dagsins voru teknar myndir og boðið upp á bland í poka að æfingu lokinni.

Formaðurinn

Icelandairhlaup 15 ára 7. maí

Ágætu félagar.

Allir sem vettlingi geta valdið eru beðnir um að aðstoða við hlaupið á hlaupadag og skrá þátttöku sína fyrir neðan í "comments". Hlauparar klúbbsins og áhangendur velkomnir. Margar hendur vinna létt verk!

Bestu kveðjur,

stjórn IAC

Hádegisæfing 16. apríl

Í dag voru gerðir hinir margfrægu 800m sprettir eftir ströndinni og veðrið var algjörlega fullkomið til þess arna. Mæting var góð; Hössi var á eigin vegum, Jói líka og Hippóinn var á Suðurgötuleið (að ég hygg) en aðrir tóku spretti. Þetta voru: Guðninn, Dagurinn, Ólinn, Oddurinn, Huldin, Bryndísin, Kallinn og Sigrúnin. Upphitun var 1,5k sem og niðurskokk en sprettir 6*800. Snilldin! Hvað eru mörg -in í þessari færslu kindin mín?
Kveðja,
Sigrún
(Sigurgeir-bíddu ert þú ekki að æfa fyrir stórt hlaup, og Fjölnir líka????)

Baðvikt

Eftir miklar þreifingar og harðvítugar deilur var ákveðið (þó eftir nokkuð málþóf við innri endurskoðun) að heimila fjárveitingu að ákveðinni upphæð til kaupa á baðvikt fyrir karlaklefa FI skokk. Er það viss léttir því eftir dularfullt hvarf gömlu viktarinnar stefndi í sögulegt hámark hjá nokkrum félagsmönnum, sem nú verður ráðin bót á.
Kveðja,
Sigrún

Hádegisæfing 15. apríl

Mættir í súperfínu veðri: Guðni (fagri blakkur), Sigurgeir (kunningi fræga fólksins), Huld (ofurskutla) , Sigrún (jakkaeyðir), Jói Wenger, Sveinbjörn (í kostnaðaraðhaldi) og Ársæll (í átaki).
Fórum frekar þægilega Hofsvallagötu til að spara kraftana fyrir 800's á morgun. Það kom að máli við mig iðkandi eftir hlaup og sagðist vera í átaki, ætlaði að missa 10% vikt á 16 vikum, byrjar á morgun. Á meðan þetta átak stendur yfir mun þessi ágæti maður verða kallaður Hippo en svarar einnig Ársælsnafninu. Það er því eins gott að Sigurgeir nái að knýja fram kaup á vikt fyrir baðklefa karla.
Alls 8,7k
Kveðja,
Sigrún

Heiðmerkurtvíþraut 19. apríl

Nánar hér

Kveðja,
IAC

Hádegisæfing 8. apríl

Ég hef alltaf haft gott lag á fermingar- og kórdrengjum og þessvegna tók ég 3 slíka með mér í kirkjugarðinn í dag. Þetta voru þeir; Sigurgeir (sópran), Fjölnir (alt) og Oddgeir (tenór) og í sameiningu kláruðum við 5*graveyard hill í brakandi blíðu og sælu. Skemmst er frá því að segja að eftir æfinguna festist aðalritari í jakkanum sínum og þurfti að klippa hann utan af sér og henda. Sorgleg endalok Icelandair jakkans það.
Alls 6,7k hjá drengjum
Kveðja,
Sigrún

Hádegisæfing 7. apríl

Mættir voru: Bjútí, Dagur, Sigrún og Huld kom á sprettinum. Ákváðum að taka 70*100 rólega án hvíldar og það kom bara vel út í frábæru veðri. Ástæðan: Dagur er stífur, Bjöggi er ekki búinn að ná honum upp(sko Bjögganum), Huld má ekki svitna í nýja bleika Barbí-dressið og Sigrún var eitthvað hölt og skökk, þannig að við geymdum erfiðu æfinguna. Jói var á eigin skokkæfingu og var í stuði. Eftir æfinguna var ljóst að Huld er tvímælalaust tískudrottning FI skokkara en hún klæddist Fuchsia-bleikum langermabol úr dry fit, utanyfir svart aðsniðið vesti með bryddingum. Að neðan kvartbuxur úr samsvarandi línu og á fótum glænýir ASICS Nimbus, hvítir með fuchsiaskreytingu á hliðum. Með þessu er vorlína hópsins lögð, héreftir eru það hnébuxur og skærlituð föt og markmannshanskar bannaðir.

Alls 7, 23k

Kveðja,

Sigrún

Hádegisæfing 3. apríl

Fríður flokkur var mættur í dag í fjarveru þjálfara: Sveinbjörn, Kalli, Guðni, Óli, Sigurgeir, Fjölnir, Huld, Bryndís og Sigrún og Jói fjallageit var á kraftgöngu. Fórum fínan sýningarrúnt um miðbæinn í góðu veðri.
Góða helgi! :=)
Alls 8k
Kveðja,
Sigrún

Hádegisæfing 2.apríl

Mættir í dag: Sveinbjörn (sem valdi kirkjugarðinn), Dagur, Oddurinn, Náttriðillinn (uss, hann sagði þetta sjálfur, ekki ég) og Sigrún. Jói var í kraftgöngu. Skokkuðum útí kirkjugarð og tókum fantagóða æfingu eða 6*brekkuna (ca 300m) og létt skokk niður á milli. Augljóst var að Gnarrinn hefur lítið sem ekkert æft, hann var bara smá fyrstur en ekki langfyrstur. Einnig vakti athygli að Sveinbjörn er með stillingu, sem gott er að grípa til þegar mikið liggur við, en það er "accelerated speed control" takki sem ræsir varahreyfil. Gott að hafa þennan fídus. Skemmst er frá því að segja að aðal kjúlli hópsins sá sér ekki fært að mæta í dag, þurfti að fara í fermingarfræðslu og þaðan beint í klippingu.
Frábær æfing í logni en rokið blés utan kirkjugarðs.
Kveðja,
Sigrún

Hádegisæfing 1. apríl

Mættir í dag í smá súld: Dagur, Guðni, Sigurgeir, Fjölnir, Hössi, Bryndís og Sigrún. Einnig sást til Ingunnar. Fórum Hofsvallagötu á þægilegu tempói en Sigurgeir vildi bæta fyrir æfingaleysi sitt með lengingu sem er gott, sérstakalega þegar 1. apríl er, þá nota kvikindin tækifærið og gefa í svo lengingin breytist í laaaangt tempóhlaup. Fórnarlambið hljóp því apríl, eins og það heitir, og kastaði sér niður við kafara, þar sem hann loks náði í hælana á strákunum. Þetta eru vinir í raun, það held ég. Á morgun er í boði að taka 24*200 (án hvíldar) eða að taka þátt í Háskólahlaupi kl. 15.00, þar sem FI skokkarar eru boðsgestir.
Alls 8,76k hjá öllum nema Geira smart
Kveðja,
Sigrún

Magnaður mars !

Þá er enn einn mánuðurinn að baki og í valnum liggja 218,3 km. Missti úr þrjá hlaupadaga (þar af tvo sunnudaga) sem heggur verulega í heildarmagnið. Hef samt náð að auka vegalengdirnar og stefni ótrauður á að hlaupa heilt maraþon í Mainz í Þýskalandi í maí. Gangi það eftir verða þó engin persónuleg met slegin, það er ljóst. Sem fyrr hef ég lagt aðaláhersluna á vegalengdir en hef þó tekið eina gæðaæfingu (tempo hlaup eða spretti) í hverri viku. Ég sakna þess mikið að geta ekki hlaupið með ykkur í hádeginu, það er oft erfitt að fara einn út í kuldann eftir langan vinnudag.

Í mánuðinum voru þetta alls 218,3 km á 15 hlaupadögum. Lengsta hlaup var 30,2 km. Þess má geta að ég náði að "hala inn stig" í fimm löndum utan heimalandsins í mánuðinum: Portúgal, Ítalíu, Bretlandi, Rússlandi og Lettlandi.

Hvernig gekk ykkur hinum?

Kveðja, Jens

Flóahlaup Samhygðar sl.laugardag

Úrslit í hlaupinu sem fram fór 28. mars má finna hér, þar kepptu 2 f'élagsmenn, Dagur og Baldur og viðhengi (Höskuldur) í 10 kílómetra hlaupi á fínum tíma. Ekki hafa mér þó borist til eyrna sögur af kökuáti þeirra félaga! Úrslit
Kveðja,
IAC

Sjósund á föstudegi 27. mars

Mættir til sjósunds voru: Sigurgeir (klöppum fyrir því), Fjölnir, Geirdalinn, Huld, Guðmunda, Anna Dís og Sigrún en á eigin vegum Chuck-arinn úr innri endurskoðun (internal duckwatching). Skokkuðum mössuð í drasl út í Nauthólsvík, sviptum okkur spjörum og skelltum okkur í sjóinn, með mismiklum skrækjum. Sumir kölluðu á foreldra sína, aðrir bara syntu. Sátum svo í alsælunni í pottinum góða stund til að worka á taninu. Skrýtin tilviljun að aðaltöffari hópsins sá sér ekki fært að mæta og fylgisveinn hans komst heldur ekki, enda var hann á aðalfundi astmaveikra, en þar er hann gjaldkeri og formaður. Því miður strákar, þið dettið út úr lúppunni ef þetta heldur svona áfram! En hinir strákar, þið eruð bara geðveikir. Ýkt kúl á því og allt.

Kveðja,

Sigrún

Hádegisæfing 26.mars

Mættum í góðri trú (haldandi að þjálfari hefði svalað fýsnum sínum í 5*800m í gær) en svo var ekki. Hverjum hefði dottið í hug að við værum leidd í sakleysi beint inn í tempóhlaup. Hlupum inn Fox og tilbaka (strákar um 5K og aðal 4,5K). Skokk á eftir og slúttað með einum skógarspretti með forgjöf. Þetta undirgengu: Dagur, Guðni, Oddgeir, Sigurgeir og Sigrún en Óli slóst síðan í för, en hann hafði áður farið fjallabaksleið um ormagöng, að vanda. Þetta samræmist hinni nýju hlaupakenningu "tempo is the new recovery". Alltaf eitthvað sníðúgt á Íslandi!
Alls 7,7K
Kveðja,
Sigrún

Sjósund 27. mars

Ágætu skokkfélagar.

Á morgun förum við í sjóinn. Takið með ykkur sundföt, vaðskó og handklæði. Létt skokk frá hóteli og tilbaka. Allir velkomnir. Síðast vorum við fimm, hvað gerist nú?

Kveðja,

Stjórn IAC

Hádegisæfing 25. mars

Mættir voru: Hössi, Dagur, Huld, Sigrún og Sveinbjörn (að hluta til á sérleið). Fórum Hofsvallagötu á frekar þægilegu tempói nema Dagur, sem fór 5*800 á 90-100% hraða, með skokki á milli. Enginn er maður með mönnum nema sá sem vinnur eftir prósentukerfinu. Hlaupa á 90% hraða, borða 70% súkkulaði, hvíla 100% o.s.frv. Það tilkynnist hérmeð að hið mánaðarlega sjósund FI fer fram á föstudag, 27. mars, í hádeginu. Menn eru hvattir til að klæðast skóm eða ullarsokkumog taka með sér handklæði og sundföt, eða klæðast þeim undir hlaupagallanum. Síðan er vert að geta kökuhlaups Flóamanna, sem fram fer á laugardag en innifalið í skráningargjaldinu er hið víðfræga og glæsilega hlaðborð þeirra Flóamanna sem enginn verður svikinn af eftir hlaupið. Eru menn hvattir til þátttöku í þessu skemmtilega hlaupi og skrá sig hér fyrir neðan í comments, til að sameinast um bílferðir.
Flóahlaup UMF Samhygðar

Alls 8,7K
Kveðja,
Sigrún (100% teygja)

Hádegi 24. mars 2008

Í forföllum þjálfara var undirritaður settur þjálfari. Hlaut sú setning góðar undirtektir þeirra sem mættir voru sem voru auk hans, Huld, Kalli, Óli, Sigurgeir og Sveinbjörn. Auk þeirra sáust Jói, Sirrý og Björg.

Æfingin var framhald af æfingu frá síðustu viku, þ.e. 5*800. Glöggir lesendur ættu að geta getið sér til um hvað verði gert í næstu viku. Hinir mæta bara eins og lömb til slátrunar.

GI

Hádegisæfing 23. mars

Mætt voru til leiks auk Jóa á sérleið: Dagur, Guðni, Höskuldur, Sveinbjörn og Huld. Sveinbjörn fór Suðurgötu en rest Hofsvallagötu. Þetta var svokallað 70% hlaup, þ.e. rólegt, og þurfti fólk svolítið að róa hvert annað. Umræður um kökuát félagsmanna og kökuhlaup í Flóanum voru aðallega notaðar til þess. Af því tilefni birtist hér kökuuppskrift (með 70% súkkulaði!):

Súkkulaðihrákaka
Botn
100g möndlur
100g kókosmjöl
200g döðlur
2-3 msk hreint kakóduft
½ msk hreint vanilluduft eða vanillusykur
Setjið allt í matvinnsluvél og blandið vel saman.
Gott að byrja á að setja döðlurnar í volgt vatn til að mýkja þær og setja þær sér í blandarann. Blanda möndlurnar og allt hitt síðan saman og setja það svo saman við döðlurnar.
Súkkulaðikrem ef vill (má líka bræða 70% súkkulaði ofan á!!)
½ dl kaldpressuð kókosolía
1 dl hreint kakóduft
1/2 dl agavesýróp
Setjið kókosolíukrukkuna í skál með heitu vatni svo hún verði í fljótandi. Setjið síðan fljótandi kókosolíu, kakóduft og agavesýróp í skál og hrærið saman. Hellið síðan yfir kökuna og setjið í frysti í 1-2 klst. Ber sett ofan á ef vill.

Subway mótaröðin 20. mars

Fyrsta hlaup Subway mótaraðarinnar var haldið í dag. Mættir voru: Fjölnir Subwayfíkill, Sigurgeir, fv. rekstrarstjóri Subway, Dagur tempóbrjálæðingur, Huld bátaberi og Sigrún eldhnöttur. Oddgeir og Jói voru á eigin vegum en sá fyrrnefndi fór í öfugri röð á Subway staðina en missti af okkur samt. Alltaf aðeins á skjön við veruleikann drengurinn sá. Ljóst var að um ægilegt tempóhlaup yrði að ræða og byrjuðum við á Borgartúni, svo Lækjargötu og þá Subway við umferðamiðstöð, þar sem pantaðir vóru bátar á línuna. Eftir það rólegt heim á hótel með kafbátinn undir höndum, til að halda hita. Sjaldan eða aldrei hefur jafn mikið effort verið lagt í að fá sér einn sveittan. Ja, svei mér þá.

Alls 8,4K

Góða helgi,

Sigrún

Hádegisæfing 19. mars

Mættir í frábæru veðri: Sigurgeir, Dagur, Sigrún nafna, Huld (kom á spretti), Oddgeir (líka), Sveinbjörn, Sigrún og Jói í kraftgöngu. Óli fór um ormagöng eins og síðast. Töluverð linkind ríkir í herbúðunum þessa daganaog því var tekið rólegt hlaup frá hóteli í Kópavog-Fox og Naut tilbaka í þessu líka fína veðri. Hugur nokkurra stefnir á hálfmaraþon í apríllok, aðrir eru á krossgötum. Á morgun fer hinsvegar fram 1. hluti Subway mótaraðarinnar þar sem kafbátastaðirnir verða þræddir einn af öðrum og keyptur einn sveittur á þeim síðasta. Munið að hafa pening í brók á morgunaf því tilefni. Einnig má nefna að hið mánaðarlega sjósund sýningarsamtakanna "Hlauparar gegn selspiki" fer fram þann 27. mars, á hádegisæfingu, og eru allir hvattir til þátttöku. Nánar um það síðar. Góður búnaður eru skór eða ullarsokkar og vettlingar, ef vill, ásamt handklæðaræmu til þerringar eftirá.

Alls 8K

Lifið heil,

Sigrún

Hádegisæfing 18. mars

Mæting: Sveinbjörn, Jói (ekki á séræfingu), JGnarr, Fjölnir, Huld og Sigurgeir (dulbúinn sem Kalli). Sveinbjörn fór sínar leiðir. Restin fór Hofsvallagötu. Huld aka Dvergurinn tók að sér að héra Geiturnar þrjár! Það var tempó frá HLL að kafara.
Total 8,7 km @ 41:02

Það er ekki oft sem það vantar Guðna, Dag og Aðal á sömu æfinguna. Skv. þeim upplýsingum sem við höfum þá er Dagur veikur eða næstum því veikur, Guðni að lesa sig til á hlaup.com og Aðal liggur enn þá í brekkunni við Fylkisvöll eftir Powerade!

Kv. Sigurgeir

Hádegisæfing 17. mars

F.Y.I. Yasso is back, alive and kicking. Í dag mættu til æfinga: Kalli (sem var 12 mánuði að klára 6 mánaða uppgjörið og hefur ekki sést lengi), Dagur, sem var fárveikur og lagði ekki í neitt erfitt, Guðni, sem er búinn að opinbera (sig) og Sigrún , sem er dauðfegin að keppnistímabilinu sé lokið svo hægt sé að fara að æfa eitthvað. Ingunn var á eigin vegum og Óli á sérleið, um ormagöng, að því er virtist. Guðni fékk þann eftirsótta heiður að stjórna æfingu dagsins og gerði það bara býsna vel. Hlupum frá hóteli nýja veg í Nauthólsvík og þaðan út á Ægisíðu, tókum 4*800m spretti (Yasso's), með ca. 200m hvíld á milli. Dagur var fljótur að gleyma veikindunum og var samferða Guðna en Kalli, sem hljóp með gervilið í hné, var sem eldhnöttur sem og Sigrún, sem var býsna spræk miðað við að Yasso er ekki besti vinur hennar. Veður var fagurt og milt en fannhvítir fjallanna tindar benda þó til að vorið sé ekki alveg komið enn.

Alls milli 8-9K (mælir datt út)

Kveðja,

Sigrún

Strákar-ekki mæta svona krumpaðir alltaf...

Hádegisæfing 16. mars

Á ofurfallegum degi mættu á réttum tíma: Ása viðhengi, Sigurgeir, Fjölnir, Guðni, Huld, Sigrún og Jói á sérleið. Á vitlausum tíma: Dagur. Farin var róleg Hofsvallagata en Dagur fór stutt Kaplaskjól á "heart rate pace" -140 sem er það nýjasta fyrir þá sem eiga allt.
Alls 8,7K í sól og snjó.
Kveðja,
Sigrún

Freaky Friday the 13th

Tilvitnun dagsins:"Já, loksins. Það var kominn tími til að þið færuð að hreyfa ykkur!"*

Mætt á pinnan: Dagur ásamt 3 keppendum gærdagsins þeim; Guðna, Fjölni og Sigrúnu. Jói var á eigin vegum að vanda. Fórum óhefðbundið föstudagshlaup með viðkomu á Sólvallagötu, framhjá Ánanaustum, höfnin, þar fórum við svokallaða Járnbraut fram og tilbaka, framhjá Slippnum (strákarnir þurfa að komast í slipp fljótlega), Austurstræti, þar sem við urðum fyrir aðsúgi ræsisrottna, (*), Bankastræti (sem er eini bankinn sem hrundi ekki), Skólavörðustígur með Rocky, Egilsgata , Valsheimilin og heim á hótel. Miklar og örar framfarir hafa átt sér stað upp á síðkastið í hlaupaheiminum. Hér eru nokkrar þeirra:

Fast is the new slow

Tempo is the new recovery

Hills are the new flats

And last but not least-Silver is the new gold

Þakka þeim sem hlýddu,

Góðar stundir í kvöld! Alls 9,05K

Aðalritari

Ath. Það sást til Huldar í sparihlaupaBostonjúniforminu sínu með tilheyrandi taglsveiflum og ekki fór á milli mála að hún var í félagsskap karlkyns ofurhlaupara. Þetta er náttúrulega ámælisverð hegðun félagsmanns, að hlaupa yfir æfingasvæði hópsins og þar að auki með viðhaldi. Fussumsvei!

My Brush with Greatness

Var staddur í bænum Acoteias í Portúgal sl. sunnudag. Ég ákvað að taka daginn snemma, var kominn út kl. 7:30 og nú skyldi hlaupið langt. Ég fann nokkra Breta sem voru í sömu hugleiðingum og slóst í hóp þeirra. Eftir stutta kynningu og spjall um veðrið barst talið að hlaupum - no surprise there - og gerði ég mér fljótt grein fyrir því að ég kom ekki að tómum kofanum hjá einum viðmælanda minna.

"Yes, a few", svaraði hann þegar ég spurði hvort hann hefði hlaupið heilt maraþon. Eðlileg næsta spurning var hvaða tíma hann ætti og ekki stóð á svarinu. "Two - O - Nine". Einmitt, 2:09. Þarna var á ferðinni Mike Gratton sem m.a. hefur unnið London maraþonið.

Rétt sem snöggvast fannst mér ég standa ótrúlega nærri frægð og frama áður en hinn ískaldi sannleikur rann upp fyrir mér; ég væri bara miðaldra kall sem væri að rembast við að hlaupa og hefði hitt kurteisan Breta sem var svo vinsamlegur að hægja á sér til að ég hefði félagsskap.

Í framhaldinu fór ég til Ítalíu til að rífast við framleiðendur flugvélasæta sem eru ekki að standa sig í stykkinu. Ég mun hlífa ykkur við þeirri sögu.

Kveðja, -jb

Hádegisæfing 10. mars

Mættir voru: Sveinbjörn og Bjöggi á Suðurgötuleið, á Hofsvallagötu á "um og yfir 5" vóru: Guðni, Dagur, Fjölnir, Sigurgeir, Huld og Sigrún (geitin, innsk. höf.). Rólegt og rómó í dag þrátt fyrir að kvalari hópsins sé í endurkomu, svalari en nokkru sinni. Allavega sló felmtursþögn á flokkinn þegar fyrirliðinn með fagurlimuðum fótum fetaði sig framhjá fimmmenningunum (hvað eru mörg eff í því?). Heyrst hefur að sumir telji sig ekki geta unnið aðra á fimmtudag, aðrir ætla sér sæti rétt á undan föðursystur Fjölnis, enn aðrir ætli að hrista vini sína af sér og einhverjir óttast vinslit geitar og dvergs. Svo eru einhverjir, skynsamir, sem eru bara í hægðum sínum að hvíla fyrir átökin, enda þurfa þeir bestu sáralítiðað æfa. í mesta lagi 2x í mánuði og málið er dautt. Ef einhver er aflögufær með dulargervi myndi aðalritari þiggja það til handargagns á ögurstundu.
Alls 8,7K
Kveðja,
S.geit (lesist: skeit)

Hádegisæfing 9. mars

Kalt og sól, strekkingur á stöku stað. Hefðbundin Hofsvallagata á rólegum nótum. Mættir vóru fulltrúar sætiskeppenda í P.Aid + Sveinbjörn í skógi+ Jói á sérleið með Müllersæfingum í bland, eða; Hössi, Gnarr, Guðni, Huld og Sigrún (raðað í sætis- og virðingarröð án tillits til kynjakvóta). Heyrst hefur að nk. fimmtudag muni frasavélin fara mikinn á slefinu, hlaupadólgur muni beita drápskattareðli sínu í rafstöðvarbrekkunni, dagfarsprúður sláni muni sigra sinn flokk auðveldlega og að dvergur muni leiða taugabúnt til góðs í síðasta f. hlaupinu. Ekki þarf nema eitt kraftaverk að koma til svo að allir framantaldir gangi úr húsi á föstudagskvöld með verðlaunapening og eða grip undir höndum. Nú og svo má líka láta sér nægja að verða dreginn út með 12*12oz. af Burn eða Powerade orkudrykkjum. Sumir setja markið ekki endilega hærra en svo. Nema ef vera skyldi fótboltamark.

Alls 8,7K

Kveðja,

Sigrún

Hádegisæfing 6. mars

Mættum fá í dag en góð: Jói á séræfingu, Guðni, Hössi, Bryndís og Sigrún á sýningarrúnti niður í bæ, hefðbundinn. Þar glampaði sól og fögur fjallasýn gladdi hal og drós. Aðalritari biðst innilega forláts á þeirri hrappallegu yfirsjón sinni að hafa í skýringartexta gærdagsins látið hjá líða að nefna nafn staðgengils þjálfara, sjálfan Guðna Ingólfsson, matgæðing, bókmenntaáhugamann og hlaupara m.m. og er það einlæg ósk undirritaðrar að þetta atvik verði ekki til að rjúfa þau annars góðu tengsl og stuðningshópa sem byggst hafa upp á undanförnum misserum, í kringum hlaupaæfingar. Ljóst er að engum var betur treystandi í gær til að stjórna æfingu dagsins.
Góða helgi,
Alls 8,15K
Kv. Sigrún

Hádegisæfing 5. mars

Frábært veður í dag, þjálfarafrí og allt. Mættir voru: Guðni, Gnarr, Sveinbjörn (Suðurgata), Jói (sérhlaup og armbeygjur), Óli, Huld og Sigrún og var farið rólegt Hofsvallagötuhlaup í glampandi sól og blíðu en köldu veðri. Greinilegt var á öllu að strákarnir þola illa við án okkar því gleðin var ósvikin er þeir sáu orginalinn og kópíuna mæta á svæðið í "matching" hlaupafötum.
Alls 8,7 K
Kveðja,
Sigrún

Hlaupafréttir

Geri ráð fyrir að þetta sé ástæðan fyrir því að stelpurnar hafa ekki látið sjá sig síðustu daga - sama vandamálið -> http://mbl.is/mm/folk/frettir/2009/03/04/brjostin_vekja_athygli/

Hádegi 4. mars 2009

Kvaðratrótardagurinn (3/3/09) fór fram hjá mér í gær. Ófyrirgefanlegt. Kemur ekki fyrir aftur. Búinn að setja reminder á 4.4.2016

Í dag mættu Guðni og Geirdal. Báðir eru að berjast fyrir verðlaunasæti í Powerade, en síðasta keppni vetrarins fer fram eftir viku. Því var einboðið að taka kolkrabbann. Frábært veður og færið bærilegt miðað við árstíma. Flestir sprettir þannig að annar var á undan og hinn á eftir. Rólegt á morgun.

Guðni

Hádegi 3. mars 2009

Fimm mættir í dag. Sveinbjörn með tempóæfingu en Óli og Guðni á léttu tölti með honum Skógræktarhring. Jói og Ingunn á séræfingu fyrir árshátíðina.



6,6k



GI

Febrúar

Nýjar febrúartölur úr Suðvesturkjördæmi: Alls 14 hlaupadagar og samtals 184 km. Lengsta hlaup var 26k. Legg ennþá aðaláherslu á vegalengdir en hef náð að taka gæðaæfingu í hverri viku. Komið endilega með ykkar tölur. Kveðja, Jens

Hádegisæfing 2. mars

Mættir í dag til tækjavarðar: Bjútí, Dagur liðugi, Guðni sprettur (áður G. kjaftur), Sigrún hin, Huld sú sama, Sveinbjörn sér, Jói kraft og Sigrún aðal. Fórum hið klassíska tempóhlaup mánudaganna, þó með þeirri undantekningu að Sveinbjörn og Bjöggi fóru Suðurgötuna. Stelpur fóru Hofsvallagötu að kafara,með mismiklu efforti en Day & Night samsteypan fór Kaplaskjólið með tvisti og blaðburðardreng. Veður var fagurt og þrátt fyrir smá vind og snjó á braut var æfingin hin skemmtilegasta. Einhverjir voru með bölmóð og sögðust ekki mæta á morgun því "maður nennti ekki að æfa með svona liði sem hefði svona auðveldar æfingar", eða eitthvað svoleiðis og aðrir voru með fóbíurnar sínar uppi á borðum. Mánudagar leggjast greinilega misvel í fólk en af því að aðalritari brá sér af bæ til Akureyrar um nýliðna helgi kom þessi kætingskveðskapur upp í hugann og vonandi kætir hann fleiri. Þó ekki væri nema í smástund.
Alls tæpir 9,7K ca. hjá lávarðadeild en 8,7K hjá sýningarstúlkunum.
Kveðja,
Sigrún

Hádegisæfing 27. febrúar

Mættir: Sveinbjörn, Dagur og Sigurgeir.
Sveinbjörn fór Suðurgötu, Dagur og undirritaður Hofsvallargötu. Átti að vera rólegt fös.hlaup sem endaði reyndar með að við fórum avg. 4:45 sem er kannski rólegt hjá sumum en ekki öllum ;o)

Total 8,72 km

Kv. Sigurgeir

Hádegisæfing 25. febrúar - Sjósund - Hitastig 4°C

Ekki verður annað hægt að segja en að það hafi verið kjöraðstæður til sjósunds í dag. Þeir sem nutu veðurblíðu og sunds vóru: Dagur og Björgvin frá karlalandsliðinu og Huld, Anna Dís og Sigrún úr kvennalandsliðinu. Skokkuðum með okkar handklæði og aukabúnað (skór eru nauðsyn eða a.m.k. sjóbaðssokkar úr Europris) til Nauthólsvíkur þar sem fjöldi sjósundsiðkenda var við leik. Eftir baðið gengum við til heitrar kerlaugar og nutum góðrar samveru. Síðan var skokkað heim á hótel og allir gengu glaðir til sinna verka. Sveinbjörn var við séræfingar en var svo elskulegur að festa hópinn á mynd, fyrir og eftir. Ath. á eftir myndinni vantar Sigrúnu en hún sást ekki v. kulda því filman hjá Sveppa var ekki nema 200 ASA. Ástæða þykir að nefna við aðra félaga hópsins að ekki er til betri vellíðan en einmitt eftir sjósund, líkt og svifið sé á dúnmjúku ullarteppi inn í algleymið. Ekki er hægt að fara fram á meira í þessu samhengi. Allir eru því hvattir og skoraðir á hólm í næsta sjósund, í lok marsmánaðar.
Góðar stundir.
Aðalritari í alsælu

Hádegisæfing 24. febrúar

Rólegur og fámennur þriðjudagur. Mætt voru Björgvin, Sveinbjörn, Sigurgeir og Huld. Ekki voru fleiri í augsýn en ef aðrir hafa mætt eru viðkomandi vinsamlegast beðnir að vekja athygli á því nú þegar. Ákveðið var að nýta fjarveru helstu kvalara hópsins og fara Suðurgötuhring á spjallhraða, líklega um 7,5 km. Minni á mánaðarlegt sjósund á morgun. Búningar eru leyfðir en sundföt e.t.v. heppilegasti búnaðurinn.

Kv. Huld

Hádegisæfing 23. febrúar

Mættir í fínasta vorveðri voru: Höskuldur, Dagur, Guðni, Sigurgeir, Björgvin, Huld, Jói á sérleið, Sveinbjörn að hluta til líka og Sigrún. Einnig sást til Ingunnar er hún gekk til baðklefa til að búast til séræfinga. Ég veit ekki hvort áhrifa konudagsins gætti ennþá hjá hópnum en aðalritari hafði fastlega gert ráð fyrir kolkrabbanum í dag í stað kellingalegrar tempóæfingar, sem varð ofaná. Sveinbjörn fór Suðurgötu ásamt markmanninum að austan en Sigrún fór Kaplaskjól stutt á meðan Huld fór langt og strákarnir fóru ýmsa króka; Meistaravelli, blaðburð m.m. og enduðu allir hjá kafara. Huld var á maraþonpace, enda augljóst að enginn vandi er að halda svona tempói í 3 tíma og rúmar 12 mínútur. Strákarnir voru á morðóða blóðhundahraðanum en aðalritari á sínum hraða í samstarfi við Hjartaheill. Skokkað var létt heim á hótel og rætt að fyrirhugað sjósund á miðvikudag virðist eitthvað í uppnámi, Dagur er að fara í saumó, Kalli í ljós, Sigurgeir er með öskupokauppboð í Cargo, Guðni þorir ekki, Bjöggi má það ekki, Hössi heldur að hann verði slappur, Óli er að fara að taka ljósbleika beltið, þannig að allt útlit er fyrir því að einungis strandvarðarskvísurnar með gula taglið mæti og beri merki hópsins. Eftir æfingu fóru strákarnir beint á vikt, enda opinber bolludagur í dag.
Alls um 9,6 hjá lengri
Kveðja,
Sigrún

Einföld áætlun til árangurs í þjálfun

Höskuldur bendir á þessa góðu grein af hlaup.is sem vert er að gefa gaum.
Kveðja.
Aðalritari

Freaky Friday 20. feb.

"Þangað leitar klárinn sem hann er kvaldastur" og þessvegna mætti aðalritari ásamt hlaupafélögum sínum á sína 9. æfingu í röð en hinir vóru: Dagur, Guðni, Hössi, Sigurgeir, Sveinbjörn og Jói , sem voru að mestu í sérprógrammi. Ætlunin var að Guðni sýndi okkur nýjar slóðir í vesturbæ og leysti hann verkefnið með sóma, en fæst okkar höfðu komið í þessar götur, allavega ekki allsgáð. Fórum vestureftir frá hóteli, framhjá Þjóðarbókhlöðu, Reynimel (vestan Hofsvallagötu), Álagranda, Lágholtsveg og fleira, síðan Seljaveg, miðbæ, ***ritskoðað og heim. Á leiðinni gerðist sá óvænti og um margt hroðalegi atburður að við urðum í tvígang fórnarlömb óviðurkvæmilegs athæfis ungs manns sem í barnaskap sínum beraði bakhluta sinn (afar illa skeindan) út um afturglugga fólksbíls og særði með því móti blygðunarkennd, a.m.k. einhverra úr hópnum. Óhroðinn var á því menningarstigi að ekki var annað hægt en að gefa athæfinu falleinkunn og krefjast skeiningar af lögreglu. Ráðaleysi félagsmanna var þó algert í slíku erindi og jafnvel í seinna skiptið, þega full tök voru á því að hripa niður bílnúmer, hljóp hópurinn fram á viðbjóðinn án aðgerða. Sumir innan hóps fóru jafnvel fram á jafnrétti í þessum efnum en svona heimskulegar aðferðir við að vekja á sér athygli eru auðvitað einungis bundnar við karlkynið, því kvenlíkaminn, eins og allir vita, er einungis útbúinn fagurlega skreyttum demöntum sem gleðja geð guma í hvívetna og henta því vitaskuld ekki í svona uppákomum.
Góða helgi,
Alls 8,885K I see you baby...
Kveðja,
Sigrún

Hádegisæfing 19. febrúar

Mættir í dag: Jói og Óli fóru sér, Björgvin, Sveinbjörn, Gnarr, Sigurgeir, Guðni, Dagur, Huld og Sigrún. Meiningin var að taka rólega æfingu, vegna fjölda áskorana, og leit út fyrir að það myndi rætast ágætlega. Hinsvegar náði Dagur að hræða minnstu sálirnar (aðalritara og hr. Bernaise) þegar hann dró línu og sagði kunnuglega:"Jæja, hér er línan-þið þekkið þetta..." Sæll, gat manni brugðið aðeins meira? Þetta reyndist hinsvegar vera vinnustaðahrekkur og héldum við áfram göngu okkar til góðs í samvinnu við Hjartaheill í gegnum skóg inn í Fossvog og þaðan tilbaka í Öskjuhlíð og heim. Sjaldan hefur jafnrólega verið farið yfir og í dag en á morgun, fríkaða Frjádaginn verður eitthvað aðeins spýtt í lófana. Strákarnir fóru síðan á fund vigtunarráðgjafa eftir hlaupið en nokkrum var ráðlagt að leita á náðir hafnarvogar Reykjavíkuborgar.

Alls 7,10K

Kveðja,

Sigrún

No Whining Wednesday 18. feb.

Loforð um rólegan dag rann strax út í sandinn er brúðguminn mætti galvaskur á höfuðstöðvarnar. Þá var ljóst að ekki yrði neinum kápan úr því klæðinu. Fórnarlömb dgsins voru því: Jón Gnarr, Geiri Bernaise, Fjölnir, Erlendur, Björgvin, Guðni, Dagur, Höskuldur, Huld og Sigrún. Á eigin vegum voru Jói og Ingunn. Gengið var til góðs í upphitun inn í skóg og að lokum staðnæmst við upphaf blá stígs við rásmark. Fórum 3 svoleiðis hringi í interval starti þarsem maður átti að ná eins mörgum og frekast væri unnt, ellegar lúta í gras. Þetta gekk vel framan af en tvær blöðrur sprungu þó á síðasta hring, enda óvanar hringavitleysu. Gubbað var víðast hvar á leiðinni. Eftir þetta sá maður sæng og kodda í hillingum en allt kom fyrir ekki, þjálfarinn var hálfber sökum vanbúnaðar og vildi þessvegna hlaupa meira hratt. Fórum því sem leið lá upp ASCA brekku á Sigrúnar-hraða (virtist nú henta fleirum) og að steini þar sem "simulatorinn" var tekinn í botni. Þetta var gert til þess að Gnarrinn gæti með sýnidæmi kennt þjálfaranum á aðferðina "how to reach speed upphill and maintain it". Þetta reyndist brúðgumanum létt verk og er hann því ótvíræður brekkubani þótt erfitt sé að viðurkenna það. Eftir þetta var nú gott að á um stund og en jafnhendis var allt sett í botn á nýjan leik á síðasta kafla steypta stígsins, neðan Öskjuhlíðar, þarsem Fjölnir fór fyrir hópnum í hraðaaukningu.
Aðalritari vill því nota tækifærið og þakka fyrir 3 gæðaæfingar í röð í vikunni.
Lifið heil.
Alls 7,4K
Þetta lag passar best við æfingu dagsins. Draumurinn um rólegan dag er úti, það er ljóst.

Hádegisæfing 17. febrúar

Mættir á pinnan kl. 12:08 í rigningarsudda og hvassviðri: Sveinbjörn, Höskuldur, Dagur, Guðni *****, Óli prik og Sigrún. Fórum skv. dagsskipan yfirliðsforingja rakleiðis inn í kirkjugarð til að taka æfinguna "dauðir rísa", eða "dead men walking" við gríðarlegan fögnuð viðstaddra. Ekki mundi einn undirliðsforingjanna hvort síðast hefðu verið teknir 5 eða 6 brekkusprettir (u.þ.b. 300m hver) en aðalritari upplýsti fúslega að þeir hefðu verið 6. Niðurskokk er ca. 400m milli spretta og var þetta gert í beit og stóðu herrarnir sig bara vel, svona séð aftanfrá. Skokkuðum svo heim á hótel í gegnum skóg þarsem allur snór er nánast horfinn og iðagræn grenitré gleðja augað. Talsvert drullusvað skemmir þó aðeins fyrir m.tilliti til stíls að neðan. Miðað við það veður sem var í upphafi æfingar var gott veður á æfingunni, hvernig sem á því stendur. Höskuldur með eitt stig kvartaði þó undan því að sprettbrautin væri aðeins of stutt en ég myndi frekar segja að hann væri aðeins of lappalangur, ætti að gera eitthvað í því. Guðni skýrði frá því að skv. mælingu í blóðbankanum í gær hefði hvíldarpúls hans mælst 47 og hefði starfsfólki bankans orðið um og ó og innt hann eftir því hvort hann væri annaðhvort blóðsuga eða hlaupari. Þarna er því greinilega um stökkafbrigði tegundarinnar Homo Extinctus að ræða, sem vart er lengur finnanleg í byggðu bóli manna, sérstaklega ekki á norðurslóðum.

Alls rúmir 7K

Kveðja,

Sigrún

Hádegisæfing 16. febrúar

Mættir í dag í vorveðri: Jói speedwalker, Sveinbjörn og Björgvin sem fóru Suðurgötuna, Hössi, Dagur, Guðni, Geiri smart, Huld og Sigrún sem fóru Kaplaskjólið langt en þeir tveir fyrstnefndu tóku blaðburðarhring aukreitis. Gott veður og autt utan strekkings á köflum. Niðurstaða Powerade úrslita hefur leitt í ljós að allmargir FI meðlimir (líka áhangendur) eru í og við verðlaunasæti í sínum flokkum, nokkrir alveg öruggir en aðrir sjóðheitir. Greinilega vel staðið að uppbyggingar og þjálfunarmálum hjá þessu félagi og mættu fleiri taka sér slíkt til fyrirmyndar. Ef einhverjir hafa gleymt því hvert megininntak persónulegrar nálgunar í þjálfun er má heyra það hér. Þetta hefur skilað hópnum mælanlegum hámarksárangri svo ekki verður um villst.

Langt ca 9,8 en styttra 9,5K
Kveðja,
Sigrún

Fjölnir ath. þér er alveg óhætt að mæta í Powerade, það er líka flokkur fyrir Subway-fíkla.

26.02.2009 - Inni-Þríþraut í Laugum

Inniþríþraut í Laugum verður haldin fimmtudaginn 26. febrúar
Kl. 20:45 - Konur
Kl. 21:15 - Karlar
Sund: 400 m í innilaug Laugardalslaugar.
Hjól: 10 km á spinninghjóli.
Hlaup: 2,5 km á hlaupabretti, enginn halli.
Skráning er á staðnum frá kl. 19:30 eða í tölvupósti: remisp50@hotmail.com
Þátttökugjald aðeins 1000 kr.Aðgangur í Laugum er innifalinn.
Mæting í veitingasal Lauga.
Upplýsingar í síma: 840-8652 (Rémi) / 894-6365 (Jens).

Hádegisæfing föstudaginn 13.

Alþjóðlegi babe-dagurinn var í dag og þrjár pæjur og einn dólgur mættu: Þetta voru Huld, Anna Dís og Sigrún, allar í "post-Powerade" ásamt "der Trainer", sem sá til þess að allt færi siðsamlega fram. Farin var róleg Suðurgata í pollagöllum og klofstígvélum og ekki skemmdi tvöfalda spólvörnin á skónum fyrir. Ræddum við næsta sjósund, sem fer fram síðasta opnunardag mánaðarins, eða 25. feb. Þá er gott að vera búinn að fara í selshaminn a.m.k. 1 sinni og koma með aukaskópar til að nota þegar gengið er til sjávar. (ekki sveita) Sérstaka kátínu vakti að 4 af þeim sem pöntuðu múffur og höfðu enda greitt þær að fullu á reikninginn létu ekki sjá sig, en afhending fór fram í portinu hjá flugskýlunum. Strákar, kíkið á þennan tengil til að fá að vita næsta skref.
Alls 7,6K
Annars bara allt rólegt á vestur vígstöðvum og líka á Gaza.
Góða helgi,
Sigrún

Hádegisæfing 12. febrúar

Mættir voru Dagur, Óli, Björgvin (The Pink Plaster)

Björgvin fór út að skítaröri og tilbaka (5,8k) á meðan Óla var boðið uppá 10k tímatökuhlaup á 44mín tempói (4:24 m/km). Farið var hratt af stað undan vindi, uppí vindinn hægði aðeins á en markmiðinu var náð, lokatími 44:06. Góður árangur hjá piltinum. Endaði í 10,68k.

Kveðja, Dagur

p.s.
Vetrarhlaupið fór fram í kvöld. Jón Gunnar gekk til góðs og þurfti að horfa í hnakkann á Hössa, Guðni kom léttfættur í mark, Huld stuttu síðar. Sigurgeir nokkuð á undan föðursystir hans Fjölnis, Sigrún á mögnuðum endasprett og Anna Dís tindilfætt í kjölfarið.

Hádegisæfing - 11. febrúar

Mættir : Dagur, Sveinbjörn, Sigfús, Jói (á eigin vegum með bólgna hásin)

Farið var Suðurgötuna í köldu veðri. Gott hefði verið að hafa með sér múffu á hlaupunum til að halda hita í kroppnum. Beðið er eftir múffusendingu ritarans með eftirvæntingu.
Sjá hér mismunandi múffur og hvernig þær eru notaðar.

Kveðja,
Dagur

Hvar er ritarinn?

Þín er sárt saknað.
Kveðja,
Aðdáendur

Hádegisæfing 6. feb.

Mættum fríður flokkur í dag í frosti : Birna og Björg Stefanía úr flugdeild sem voru á sérleið, Ingunn á eigin vegum og restin: Kalli, Dagur, Guðni, Sigrún og Fjölnir sem fór á skjön við okkur en sameinaðist á bakaleið. Farin var Kapla short og strákar Kapla long með tvisti og blaðburði og var m.p. leiðar tempóhlaup, alveg óvænt. Allir strákarnir ætla að fá sér múffu v. fyrsta tækifæri, að sögn.
Allt um 9,4 og 9,7
Kveðja,
Sigrún

Hádegisæfing 5. feb.

Mættir á meistaraflokkssæfingu í dag: S.geir, J. Gnarr, D'gur, HUK og SBN. Í nánast alkuli

(-273,15°C ) fórum við Kaplaskjólið short með Sörlaskjóli sem tvisti og á heimleið Ægisíðu og hefbundið heim á hótel. Fallegt veður en Kári beit í vit og hlaupið var á þægilegu strákatempói. Umræðuefni dagsins var á mjög háu plani enda ekki nema von, allt fyrir ofan mitti var gaddfreðið og því einungis neðanbeltisumræða í gangi. Miklar vangaveltur voru um hina svokölluðu "múffu", notagildi, efnissamsetningu og hreyfanleika. Ætla þeir Geiri Smart og Hnakkinn að taka test á tækinu um helgina, þ.e. saman, og munu gera grein fyrir þeirri reynslu sinni eftir helgi. Má reikna með því að meðferðin jafnist á við gott pungspark, hið minnsta.

Alls um 9,4k

Kveðja,

Sigrún

Ath. Fjölnir komst ekki en hann stóð mótmælavakt við höfuðstövar Subway með "helvítis fokking fokk" skiltið sitt og mótmælti 6% hækkun á bát mánaðarins.

Hádegisæfing 4. feb.

Í -9°C mættum við Guðni, Kalli og ég, en því miður missti Bryndís af okkur en fór sér. Hinir fóru rólegt og rómantískt vetrarhlaup frá hóteli, skógrækt, LSH (áður Borgarspítali), Efstaleiti, Kringlumýrabraut og gegnum suðurhlíðar inn í Öskjuhlíð og þaðan heim á hótel. Skítkalt en ekki amalegt með jafn myndarlega stráka sér við hlið, þótt annar sé hálfberrassaður og hinn hettuklæddur sem raðmorðingi. Drepið var á helstu þáttum samfélagsins, s.s. hækkun matarverðs, gámagramsi sem leið til sparnaðar og síðast en ekki síst greiðslustöðvun Baugs, því heyrst hefur að krafa Davíðs Oddssonar fyrir því að víkja úr Seðlabanka sé sú að Baugur verði lýstur gjaldþrota fyrst. "Allt he kurls have not come to the grave" í þeim efnum, eins og maðurinn sagði á útl"ensku". Túlki það hver á sinn hátt.

Alls tæpir 7k

Kveðja,

Sigrún

Hádegisæfing 3. febrúar

Mættir í blíðviðri afmælisbarnsins Sveinbjarnar allsherjarendurskoðanda vóru: Hann sjálfur, Jói á sérleið, Dagur, Guðni, Síams, Huld, Óli og Sigrún. Fengum það verkefni að fara Suðurgötuna en einhver vantrú og efi sveif yfir vötnum. Þegar komið var áleiðis á vesturleið syðri var ljóst að um "fartlek" væri að ræða og var fórnarlömbunum stillt upp eftir hlaupastíl, asnalegastir fyrstir og svo koll af kolli. Skiptumst á að halda uppi "okkar" hraða á völdum köflum og hinir áttu að fylgja með, svona allt að því. Endað inni í skógi í landsfrægu "interval starti" þar sem meiningin var að bestir næðu lélegustu. Þrengsl á braut og ranglega reiknað interval hindraði hinsvegar að þetta yrði að veruleika og allflestir urðu að gera sér þrönga halarófu að góðu útúr skógi. Mikil hvít birta var inni í skóginum , v. snjós og blindaði aðalritara á köflum, en það breytti engu um framvindu hlaupsins svo þess er ekki getið nánar hér. Skemmst er frá því að segja að gefið hefur verið út að á morgun, vælulausa miðvikudaginn, verði farið dúnmjúkum höndum um félagsmenn og rómantík mun ráða ríkjum eða rækjum, eftir hvernig á það er litið. Síamstvíburarnir Fjölnir og Sigurgeir eru samt eindregið hvattir til að mæta og taka út sinn lögbundna hvíldardag, enda séu þeir komnir að fótum fram af ofþreytu og ofkeyrslu undanfarinna æfinga. Þeir vildu samt koma á framfæri að þetta er uppáhaldslagið þeirra um þessar mundir.
Alls 9 k
Kveðja,
Sigrún

Mánudagur 2. febrúar

Myndin er af síamstvíburasystrunum Fjölni og Sigurgeiri.

Mánudagar eru dagar fagurra fyrirheita eins og sást á æfingu dagsins. Mættir voru: Jói, Sveinbjörn og Ingunn á sérleiðum. Dagur, Guðni, Kalli, Sigurgeir, Fjölnir, Erlendur, Huld og Sigrún. Farið vestur í bæ og tekið tempóhlaup að kafara. Hofs fóru Huld, Fjölnir, Erlendur og Sigrún en lengri útgáfuna, sumir með blaðburðarhring og fl.: Dagur, Guðni, Kalli og Sigurgeir, sem er kominn í meistaraflokk. Sigurgeir vill endilega fá sem flesta FI meðlimi í liðið sitt á hlaupadagbókinni og hvetur alla til að skrá sig í liðið. Gaman er að sjá að þær Cargo-systur eru nú farnar að æfa fyrir opnum tjöldum, en það auðveldar allt aðgengi og eftirlit með þeim stöllum.

Alls 8,6 Hofs en 9,3 og uppúr á Kapla

Kveðja,

Sigrún

Janúar

Var að taka saman hversu mikið ég hljóp í síðasta mánuði. Mér telst til að þetta séu 16 hlaupadagar og alls 186 km. Lengsta hlaup var 20k. Ekki mikið um spretti eða gæðaæfingar en markmiðum um vegalengd náð. Hvernig gekk ykkur hinum?
Kveðja, Jens