2008.02.21 - Inniþríþraut í Laugum

Inniþríþraut í Laugum verður haldin fimmtudaginn 21. febrúar um kvöldið. Tímasetning er eftirfarandi:
Kl. 20:30 - Konur
Kl. 21:00 - Karlar
Greinar
Sund: 400 m í innilaug Laugardalslaugar.
Hjól: 10 km á spinninghjóli.
Hlaup: 2,5 km á hlaupabretti, enginn halli.
Skráning og þátttökugjaldSkráning á staðnum frá kl. 19:30 eða í tölvupósti: vallarbraut7@simnet.is
Þátttökugjald aðeins 1000 kr. Aðgangur í Laugum er innifalinn. Mæting í veitingasal Lauga.
Nánari upplýsingarUpplýsingar á www.triceland.net - eða í síma: 840-8652 (Rémi) / 661-0606 (Helga).

Hádegisæfing 19. febrúar

Mættir á gæðaæfingu: Stefán Viðar, Dagur, Guðni, Höskuldur, Fjölnir og Sigrún. Einnig sást Sveinbjörn mæta og hljóp sér.
Hituðum upp í skógi og söfnuðumst saman í pörum neðan við Perlu. Tókum 5 spretti þar í brekku sem byrjaði sem flöt. Áttum að taka 4 en Guðni var svo góður að knýja fram eina enn. Gerðum þetta í pörum og skokkuðum síðan um Öskjuhlíð til að lengja í æfingunni. Söfnuðumst saman inni í skógi og tókum sprett í gegnum skóginn að rústum með forgjafar starti. Sjaldan eða aldrei hafa meðlimir skokkhópsins komist nær því að skilja merkingu orða bresku drottningarinnar sem á sínum tíma talaði um "annus horribilis" svo mögnuð var æfingin. Ef einhver á í vandræðum með að skilja samlíkinguna verður sá hinn sami bara að mæta á næstu svona æfingu. :=)

Æðisleg æfing í góðu veðri sem þó fór kólnandi.
Kv. Sigrún

Powerade Vetrarhlaupið - Febrúar úrslit

Einungis þrír úr klúbbnum mættu að þessu sinni

46:51 Jens Bjarnason
47:23 Guðni Ingólfsson
49:19 Sigrún Birna Norðfjörð

Einnig hljóp Höskuldur Ólafsson á 43:32, hans fjórða hlaup í vetur og jafnframt besti tíminn.

Jens bætir sig enn frá 47:26 í janúar. Sigrún varð fyrst í sínum aldursflokki eins og endranær og hefur þegar tryggt sér sigurinn í aldursflokknum. Guðni var hér að hlaupa sitt 33. Vetrarhlaup og þrátt fyrir að tíminn sé ekki uppá marga fiska á hann mikið inni ennþá, Jens er skammt undan og það hlýtur að vera markmið að ná honum.

Kveðja, Dagur

Hádegisæfing 18. febrúar

Mættir í dag í afbragðsveðri:
Ingunn (fór í skóginn), Höskuldur, Már, Guðni, Dagur, Óli, Björgvin, Sigrún og Jói. Einnig mætti Sveinbjörn en ekki er ljóst hvert hann hljóp.
Guðni og Jói hittust á leiðinni og fóru saman Suðurgötuhringinn (Jói er semsagt hættur á séræfingum). Við hin fórum á meðaltempói Hofsvallagötu rangsæla og hentum Björgvini Suðurgötuna. Héldum áfram að Hofsvallagötu með hraðaaukningu í 1km (4.15 avg.). Yfirmaðurinn vildi meira og fór Kaplaskjólið en við hin 4 fórum okkar hring. Fljótlega hvarf Óli eins og blettatígur út í buskann en Már gaf líka í (sást þó betur, var í gulu). Prúða fólkið, Hössi og Sigrún héldu rólegu tempói tilbaka og fljótlega heyrðist hvinur í bak, en þar var kominn á blússandi siglingu yfirmaðurinn Dagur. Vorum samferða heim en í teygjum var fjallað um það að er Björgvin skynjaði Óla í bak gaf hann allt í botn, svo minnstu munaði að för kæmu í malbikið. Óli sá bara reyk og átti ekki séns. Það er því ljóst að ASCA liðar verða að gyrða í brók, ætli þeir að halda sínu sæti í liðinu. A.m.k. í karlaflokki.

Fín æfing en gæðin verða á morgun.

Kv. Sigrún

Upplýsingar um MÍ öldunga

Meistaramót Íslands innanhúss öldunga er næsta laugardag og sunnudag. Gæti verið gaman að taka þátt, sérstaklega fyrir ykkur sem hafið verið að prófa að hlaupa á brautinni inni. Þetta er mjög afslappað mót. Settur tímaseðill sem samt er bara til viðmiðunar því margir keppa í öllum greinum og þá hefst ein er annari lýkur. Ég reikna með að þið myndu þá hafa mestan hug á 800 sem er á laugardag eða 3000 sem er á sunnudag. Ef þið takið 800 er bara að færa löngu æfinguna yfir á sunnudag. Ég held að Hafsteinn sé eini í hópnum sem skráði sig á Norðurlandamótið inni sem er síðan hálfum mánuði seinna. ÍR sér um mótið og ef einhver er tilbúinn til að starfa við mótið þá er Remi sem sum ykkar þekkja mótsstjóri og tekur við starfsmönnum á þetta netfang: vallarbraut7@simnet.isHér eru frekari upplýsingar og á meðfylgjandi skjölum.1. Aldursflokkar: Konur: 30-34, 35-39, 40-44, 45-49, 50-54, 55-59, 60-64, 65-69, 70 ára og eldri Karlar: 35-39, 40-44, 45-49, 50-54, 55-59, 60-64, 65-69, 70 ára og eldri Miðað er við almanaksárið sem keppandi nær viðkomandi aldri. Þannig eru yngstu keppendur í kvennaflokki fæddir 1978 og í karlaflokki 1973.3. Skráningar: Skráningar fara fram á mótsstað báða dagana og hefst 30 mínútum áður en keppni hefst.Kveðja, Gunnar Páll

Hádegisæfing 15. febrúar

Í frábæru veðri beið ég vongóð eftir æfingafélögunum en þeir komu ekki. Rakst þó á Ingunni sem fór sér. Ætlaði mér að taka brekkuspretti í skóginum en ótrúlegt svell hindraði för. Hitaði upp í 5 mínútur á svellbunkunum og hugsaði um skemmtilegt Powerade hlaupið í gær. Ákvað síðan að taka nýja æfingu, 6X6 á sléttu. Fór á stíginn fyrir neðan Öskjuhlíð og tók töluverða hraðaaukningu (75%) milli 6 staura á stígnum. Sneri síðan við og skokkaði á fyrsta staur og gerði þetta 6 sinnum. Skokkaði síðan heim á hótel og hugsaði með mér að Björgvin hefði eflaust fílað þessa æfingu. Ákvað að þetta væri fín æfing fyrir mig því í gær endaði endaspretturinn minn nærri því inni í sendibíl við markið, svo mikill var hraðinn. Tvo karlmenn þurfti til að afstýra stórslysi.

Kveðja,
Sigrún

Hádegisæfing - 14. febrúar

Mættir : Dagur, Oddgeir, Fjölnir

Eins og lagt var upp með í gær var 10k á planinu. Keilugrandinn, undan vindi á Ægissíðunni. Tímarnir voru 4:52, 4:28, 4:26, 4:21, 4:29 (Fjölnir fór Hofsvallagötun), 4:23, 4:32, 4:50, 5:03 (stekkingsvindur við nýju Hringbrautinni) , 4:28 (glæsilegur endasprettur) = 45:50. Stígarnir auðir, enginn klakki og fínt færi. Fyrir aðra er skyldumæting í kvöld í Vetrarhlaupið.

Engin kvöldæfing í dag kl. 17.15

Félagsmenn athugið að æfing fellur niður í dag vegna Powerade vetrarhlaupsins.

Kveðja,
Stjórn IAC

Aleinn og yfirgefinn ...

Mætti einn í dag og fór ekki. Vafalaust eru margir að hvíla sig fyrir átökin í Vetrarhlaupinu á morgun. Sjáumst þá.

Annars geri ég ráð fyrir að taka 10k rösklega í hádeginu á morgun þar sem ég hleyp ekki Vetrarhlaupið, ef einhver vill koma með ...

Kveðja, Dagur

Hádegisæfing 12.febrúar

Operation "Trail of Blood".

Mættir til átaka: Guðni, Fjölnir, Sigurgeir, Höskuldur, Stefán, Dagur og Sigrún.
Lagt var upp með gæðaæfingu sem fólst í því að hita upp ca. 1 km í Öskjuhlíð (veit ekki hvort það telst rétt- eða rangsælis). Síðan var safnast saman við brekkuna sem nær alla leið upp að Perlu frá Öskjuhlíðarrótum, gegnt HLL.
Hlupum upp brekkuna (400 m) á hraða og þegar við komumst á "level" (ekki 42 samt) áttum við að lengja skrefin og klára upp að Perlu. Þetta reyndist þrautin þyngri vegna glerhálku og slæmra skilyrða. Skokkuðum síðan restina af hringnum og tókum alls 3 hringi. Eftirtektarvert var að Guðni tók góðan sprett í síðasta hring og skaut öðrum hlaupurum ref fyrir rass á síðustu metrunum. Ljóst er að reynsla og styrkur sameinast í þessum liðsmanni. Skokkuðum síðan niður og héldum heim og mikil mildi þótti að enginn braut sig í hálkunni.
Sigrún

Hádegisæfing 11. febrúar

Í umhleypingum mættum við og áttum von á "rassskellingu" að hætti hússins : Sigurgeir, Fjölnir, Guðni, Höskuldur, Dagur, Óli, Sigrún og einn nýr sem ég man ekki nafnið á (brá svo þegar ég heyrði PB-ið hans). Fórum réttan Hofsvallagötuhring á avg. 5.17 tempó. Biðum alltaf eftir að alvöru átök hæfust en Dagur virtist annars hugar, enda kom hann sokkalaus til byggða, eftir viku fjarveru. Skrýtið með Sigurgeir, ætli hann haldi að fituprósentan lækki ef maður tekur allt gull af sér? Býð eftir að fá tölulegar upplýsingar úr fitness keppni Cargo bræðra.
Æfingin var tíðindalítil en fín og grunar mig að á morgun munum við ekki fljóta sofandi að feigðarósi.
Alls 8,7 km í þungu og blautu færi.
Sigrún

Einn í heiminum

Ekki mikil stemmning síðustu tvo daga. Enginn í hádeginu í gær og þegar ljóst var að þjálfarinn myndi ekki koma í gærkvöldi hætti ég við. Einn í hádeginu í dag. Hægt var að velja um djúpan blautan snjó eða skafna hála og blauta stíga ásamt SA hvassviðri. Tók sitt lítið af hvoru, samtals 5k.

Guðni

Öskudagsferð um miðbæinn

Björgvin, Fjölnir og Guðni ásamt tveimur stúlkum sem reyndu að láta lítið fara fyrir sér og tóku séræfingu. Piltarnir hlupu vestur í bæ að Hofsvallagötu (smá freaky brá fyrir þegar komið var inn á Brávallagötu). Framhjá æskuslóðum Guðna og niðrí bæ í öskudagsstemmningu. Engin gaf okkur nammi enda vildi Elvis ekki taka lagið. Skólavörðustígurinn tekinn vegna fjölda áskorana og svo heim. Samtals 6,66k

Guðni

4 bláir taka 4 bláa

Fjórir bláklæddir, Björgvin, Fjölnir, Guðni og Hjörvar tóku gæðaæfingu undir stjórn Guðna. Farið var mjög rösklega 4 bláa hringi en sá blái er 850m hringur í Öskjuhlíðinni. Sprett var alla leið og hvílt á milli. Hitað upp og skokkað niður í hlíðinni. Samtals 7k.

Guðni

ASCA-fréttir og fleira

Ágætu skokkfélagar.
ASCA Cross Country 2008 verður á Ítalíu helgina 11.-13. apríl nk. Ákveðið hefur verið að senda bæði kvenna og karlalið til þátttöku og verður úrtökumót fyrir keppnina haldið í Öskjuhlíð þann 6. mars kl. 17.15. Svipað fyrirkomulag verður og undanfarin ár en nánari upplýsingar verða veittar er nær dregur.

Minnum á að í hádeginu á fimmtudögum fer Oddný (hópadeild) með byrjendur í létt skokk/göngu og eru áhugasamir hvattir til að hafa samband við hana eða mæta og njóta hollrar og góðrar útivistar.

Einnig er vert að geta æfinga á fimmtudögum kl. 17.15. Þá mætir Stefán þjálfari og býður meðlimum FI skokk upp á gæðaæfingar þar sem tekinn er fyrir hlaupastíll, tækni, hraði og fleira. Allir velkomnir.
Stjórn IAC

Hádegisæfing - 4. febrúar

Mættir : Dagur, Guðni, Oddgeir, Björgvin, Anna Dís og Jói.

Sól, kalt og gjóla. Stefnan tekin inní Fossvogsdal og skógræktina í skjól. Anna Dís ákvað fljótlega að hægja á og hlaupa Jóa uppi enda á leiðinni í heimsreisuna og óþarfi að tefla heilsunni í tvísýnu í þessum kulda. Aðrir tóku skógræktina og síðan inn Fossvogsdalinn. Við ríflega 4km var snúið við og þeir sem vildu voru með í stuttum eltingaleik upp skógræktarbrekkuna. Samtals ríflega 8km á rólegu tempói.

Í tilefni dagsins :Hvað eiga rjómabolla, hreindýraskinn og arineldur sameiginlegt?

Hádegisæfing - 1. febrúar

Mættir: Dagur, Fjölnir, Sigurgeir, Már, Björgvin, Anna Dís og Óli.
Það er föstudagur og eins og vanalega þá er farið Freaky Friday nema núna var það með smá krúsidúllum!
Eins og alltaf þegar sólin skín á föstudögum vildi Dagur fara í sýningarferð um bæinn. Stefnan var tekin á Sæbrautina og þegar þangað var komið sendi hann þá sem ekki æfðu gær auka 600m á meðan við hin sem æfðum samviskusamlega í gær stefndum á miðbæinn. Hópurinn sameinaðist við Geirsgötuna. Þá tók Anna Dís við og leiddi hópinn í gegnum bæinn þannig að allt look-aði vel ;o) Þegar við komum að tjörninni við Hljómskálagarðinn þá tók Dagur skyndikönnun á því hverjir hefðu hlaupið Jónas. Þá kom í ljós að aðeins undirritaður og Dagur höfðu reynslu af því. Þannig að Fjölnir fékk þá frábæru hugmynd að taka einn stóran Jónas sem flestir gerðu. Svo var skokkað rólega að HLL þar til ca. 150 m voru eftir þá "gabbaði" Dagur Björgvin í endasprett. Það verður að segjast eins og er að Björgvin er án efa ókrýndur meistari endaspretta hjá FISKOKK.

Sigurgeir

Lengra á laugardögum

Þeir sem ekki hafa fengið nóg af trampi á virkum dögum þá er ætlunin að bæta við lengri túrum á laugardagsmorgnum, snemma, 07:15 frá Árbæjarlaug. Förum rólega og byrjum stutt.

Þeir sem hafa áhuga á að vera með láti vita hér í comment með gsm-númeri. Ætlunin er að nota smáskilaboð til að vekja menn að morgni og athuga stöðuna.

Stefnt er að fyrsta hlaupi í fyrramálið 2. febrúar.

Kveðja,
Dagur

ASCA

Ágætu skokkfélagar!
ASCA cross country verður í boði Alitalia þann 12. apríl 2008.
Úrtökumót vegna keppninnar verður auglýst fljótlega.
Anna Dís

Norðurlandamót Öldunga innanhúss

Norðurlandamót Öldunga innanhúss fer fram annað hvert ár. Nú í ár á Íslandi í fyrsta sinn (í nýju frjálsíþróttahöllinni). Það er sem sagt keppt í hinum ýmsu eldri aldurflokkum og hlaupagreinar í millivegalengdum og langhlaupum eru 800, 1500 og 3000 metrum. Þess má geta að Hafsteinn Óskarsson varð Norðurlandameistari á síðasta móti (Sigurjón á síðan titil á utanhúsmótinu). Þið eigið fullt erindi á þetta mót og þið sem hafið prófað að hlaupa innanhúss vitið að þetta getur verið ansi gaman. En það þarf að skrá sig í dag og eru allar upplýsingar á fri.is. Hafsteinn keppir og ég veit að hann hefur rætt við nokkra í hópnum um að vera með en Sigurjón verður víst á skíðum en það eru margir fleiri sem eru volgir.

Norðurlandamót öldunga - Skráning til 1. febrúar

Norðurlandamót öldunga í frjálsum innanhúss verður haldið á Íslandi dagana 29.2. - 2.3.2008.
Mótið fer fram í nýju frjálsíþróttahöllinni í Laugardal.
Öldungaráð vekur athygli á umræddu móti og hvetur sem flesta til þátttöku.
Tæplega 200 erlendir keppendur hafa þegar skráð sig til þátttöku í mótinu.
Síðasti skráningardagur er föstudagurinn 1. febrúar 2008 og á að skila skráningum inn til
skrifstofu FRÍ á þar til gerðum eyðublöðum í síðasta lagi þann dag.
Nánari upplýsingar um mótið eru að finna hér vinstra megin á síðunni undir:
NM Veteran 2008 - Registration - Invitation letter
(prenta út skráningarblaðið á síðu 2, filla út og senda til FRÍ í þessari viku.
Skráningargjald skal leggja inn á reikning: 0111-26-556016, kt.560169-6719 (skýring: nafn viðkomandi)).

Keppnisgreinar í karla- og kvennaflokki eru:
60 metra hlaup
200 metra hlaup
400 metra hlaup
800 metra hlaup
1500 metra hlaup
3000 metra hlaup
60 metra grindahlaup
3000 metra ganga
Hástökk
Stangarstökk
Langstökk
Þrístökk
Kúluvarp
Lóðkast
4x200m boðhlaup

Kvöldæfing (Desert Storm) - 31. janúar

Mættir: Guðni, Jens, Sigurgeir og Stefán þjálfari.
Byrjuðum á þægilegri upphitum þar sem hlaupið var að göngubrúnni yfir Kringlumýrabrautina. Þaðan var haldið að Nauthólsvík þar sem tóku við 10 x 250 m sprettir á ströndinni. Í niðurskokkinu var tekin hringur í kirkjugarðinum og svo tilbaka að HLL. Æfingin endaði í 10 km.

Fyrir áhugasama þá var veðrið eftirfarandi á æfingunni: -9 gráður og 7 m/s. Mesti 10 mín vindur var 10 m/s og mesta hviða fór í 17 m/s. Vindkæling í -9 gráðum og 7 m/s er ca -24 gráður!

Sigurgeir

Hádegisæfing - 31. janúar.

Kalt veður í dag og smá rok sem góður félagsskapur bætti upp. Mættir voru: Björgvin Harri, Oddný, Oddgeir, Dagur og Sigrún.

Lögðum upp með að fara Fossvoginn en á vissum tímapunkti benti ákveðið "jæja" frá þjálfara til þess að nú tæki gæðaæfing við sem hún og gerði. Fórum 8x400m spretti með ca. 100 m hvíld á milli (skokk eða labb). Sérstaklega var til þess tekið hvað Björgvin hélt æfinguna vel út miðað við stærð og fyrri störf. Æfingin tók vel í í restina en menn réðu þó vel við sprettina, enda stuttir.

Síðasta spölinn að HLL "sprengdi" síðan Björgvin Harri af þvílíkum krafti að hvaða snjóruðningstæki sem er hefði fengið minnimáttarkennd. Hefur hann því hrifsað til sín titilinn um magnaðasta endasprettinn og á hann skuldlausan. :)

Skemmtilegasta æfing!
Sigrún

3 brýr og undirgöng

Hádegi 30 jan 08.
Mættir Bryndís, Guðni, Hössi, Ingunn og Jói. Undirritaður hafði fengið þá upphefð að vera beðinn að stjórna æfingunni í fjarveru Dags. Hin þrjú fræknu tóku æfingu sem ég taldi mig eiga höfundarrétt á og heitir 3 brýr og undirgöng. Brýrnar eru yfir Kringlumýrarbraut (fyrir í Fossvog), yfir Miklubraut (hjá Kringlu) og yfir Kringlumýrarbraut (hjá Klúbbnum). Undirgöngin hjá Hlíðarenda. Samtals 9,5k í flott veðri.

Guðni

Hádegisæfing 29.- janúar

Gæðaæfing tekin í dag og frábær mæting: Jói (séræfingar í skógi), Björgvin Harri, Óli, Dagur, Oddgeir, Guðni, Höskuldur, Már (Hérinn), Anna Dís og Sigrún.

Hituðum upp í skóginum og síðan tóku við brekkuhlaup og gátu menn valið 4-6 spretti í brekkunni (þeirri malbikuðu). Skokkuðum síðan niður gömlu brekkuna rólega á milli og þeir hörðustu fóru 6 en hinir 5 eða 4. Söfnuðumst síðan saman í niðurskokki og fórum niður fyrir Öskjuhlíð á stíg þar sem hópurinn hljóp saman í hnapp þar til ca. 400 m voru eftir og áttu menn að gefa í af eigin afli og skapsmunum og klára upp á topp í brekkunni. Fældist þá einn gæðingurinn og hljóp undan sér, út úr brautinni, og hefur síðan fengið viðurnefnið "Hérinn". Sýndist þá og sannaðist að kapp er best með forsjá og stundum er betra að fara hægar yfir en fara þó. :)

Allir fengu þó góða æfingu út úr þessu og veðrið lék menn grátt á köflum með miklu hagléli. Skemmtileg æfing!
Sigrún

Hádegisæfing - 28. janúar

Mættir: Dagur, Sigurgeir, Fjölnir, Ingunn, Jói, Höskuldur og Már (kópavogsbúi). Ingunn fór nokkra bláa-hringi í Öskjuhlíðinni. Jói fór í átt að Fossvogi enda fallegt útsýni á hægri hönd, þ.e. Kópavogur ;o) Restin fór Hofsvallagötuna á góðu tempói. Árshátíðin bar á góma þó svo að menn mundu mismikið eftir henni eða hverja þeir hittu.

Minni á æfingu hjá Stefáni kl. 17:15 á fimmtudaginn.

Sigurgeir

Tómas hleypur maraþon

Tómas Ingason, Tekjustýringardeild gerði sér lítið fyrir og hljóp Walt Disney World Marathon þann 13. janúar síðastliðinn.
Hann var á staðnum, ákvað að skella sér með stuttum fyrirvara og taka hlaupið sem góða langa æfingu. Þátttakendur voru 18.000 og var þröngt á þingi alla leiðina þannig að hann komst ekki eins hratt yfir og hann vildi. Tómas á 3:47 frá Reykjavíkurmaraþoni síðan í ágúst 2007. Æfingatíminn hans í þessu hlaupi var 4:23.

Dagur

Hádegisæfing - 25. janúar.

Einungis tveir mætti á meistaraflokksæfingu í dag í miklum snjó og smáéljum á köflum. Þótt Reykjanesbraut loki og flugsamgöngur liggi niðri æfa skokkfélagar IAC og láta engan bilbug á sér finna. Dagur og Sigrún fóru í "sýningarferð" í bæinn. Frá HLL niður Snorrabraut, Laugaveg, Austurstræti, Ráðhús, Hljómskálagarður og yfir brýr og heim. Á köflum var færi þungt og djúpir skaflar sem gerðu það að verkum að undirritaðri leið eins og lítilli stelpu að elta pabba sinn. Stígar voru þó sæmilegir á köflum og náðum við um 6,4 km alls. Hittum svo Óla við HLL en hann hafði verið seinn og á eftir að skila vottorðinu og létum við hann því umsvifalaust taka 35 armbeygjur í beit, í refsingarskyni! Hann fór stutt í dag en fór þó. :=)
Sigrún

Tenging á hlaupadagbókina

Ágætu skokkfélagar.
Langar að benda ykkur á hlaupadagbókina á hlaup.is. Þar er hægt að skrá allar æfingar og fylgjast með hvað hinir eru að gera líka. Ferlega sniðugt!

Kv. Sigrún

Af vef UFA:
"Rétt er að benda hlaupurum og í raun þolíþróttafólki öllu á hlaupadagbókina sem Stefán Thordarson hefur hannað og var opnuð nýlega. Hlaupadagbókin er opin internet-æfingadagbók, þar sem fólk færir inn æfingar sínar og fær yfirlit yfir eigin æfingar og æfingar annarra. Hlaupadagbókin, er ókeypis, og opin fyrir alla, fyrir fólk sem hleypur, gengur, hjólar og / eða syndir, bæði með hollustu og keppni sem markmið. Það er bæði gagnlegt og gaman að vera með í svona æfingadagbók - og því fleiri sem taka þátt, því skemmtilegra. Hægt er að fá allar æfingar (eitt ár í einu) sýndar á Excel sniði"

Tengingin er: Hlaupadagbókin

Hádegisæfing - 24. janúar.

Góð mæting í dag: Már og Höskuldur (Gæslan), Hjörvar, Björgvin Harri, Óli, Dagur, Jói og Sigrún.

Jói fór sína leið en verður samskipa okkur áður en langt um líður. Björgvin og Hjörvar fóru saman aðeins stytta leið sem og Óli, sem ber við meiðslum. Hann þarf þó að sýna gilt vottorð. Dagur, Már, Höskuldur og Sigrún fóru skógræktarhringinn frá HLL á þægilegum hraða og það sýndi sig fljótlega að fyrrverandi formaður hefur eignast bandamann/jafningja á æfingunum í nýliðanum Má, sem var í engu eftirbátur Dags í brekkum. Höskuldur kaus að taka brekkurnar rólega með Sigrúnu, sem fer að eiga harla bágt í samneyti við þessa frísku öðlingspilta.
Snjór var nokkuð mikill, sérstaklega inni í skógi, en veður fallegt og stillt með sól á seinni hluta æfingar. Alls rúmir 7 km.
Sigrún

Fimmtudagsæfing kl. 17.15

Ágætu hlauparar!

Stefán Már er veikur í dag og á ekki heimangengt á æfingu. Hann er búinn að setja upp æfingu dagsins. Það er borgarstjóraæfing í dag. Hitað upp í átt að Ráðhúsi. Frá Ráðhúsi eru teknir hringir umhverfis tjörnina. 4 hringir með 2. mín. hvíld á 10K tempó fyrir þá sem sækjast eftir erfiði. 2-3 hringir með 2. mín. hvíld einnig á 10K tempó fyrir þá sem eru í rólegri gír. Niðurskokk að HL. Þessi æfing er nálægt 10K í heild.

Anna Dís

Skriðsundsnámskeið

5 vikna skriðsundsnámskeið
28.jan til 29.feb.
Kennari: Niklas Brix
Kennsla fer að mestu fram á ensku. Kennari bæði á bakkanum og ofan í lauginni eftir þörfum. Námskeiðið hentar bæði byrjendum og þeim sem vilja bæta skriðsundstækni sína.
Kennsla fer fram í innilauginni í Laugardal.
Mánudaga kl. 20:30-21:30
Föstudaga kl 07:00-08:00
Verð: 6.000 kr
Vinsamlegast áframsendið þennan póst til allra sem gæti haft áhuga.
Stjórn ÞRÍR

Hádegisæfing - 23. janúar

Góð mæting í dag eftir óveður gærdagsins. Mættir voru: Björgvin, Jói, Ingunn, Dagur, Oddgeir, Höskuldur, Sigurgeir og Fjölnir.
Björgvin var á hraðferð og fór af stað nokkuð á undan öðrum út að dælustöð. Jói fór einnig fyrr af stað út fyrir dælustöð að kassa nokkrum og til baka, Dagur hafði gefið Jóa upplýsingar um að þetta væru um að væri 5 km en samkvæmt nýjustu útreikningum eru þetta um 6 km og Jói því kominn fram úr sínum áætlunum. Ljóst er að hann verður kominn á Hofsvallagötuna innan skamms ef fram fer sem horfir.
Restin af hjörðinni skokkaði í Nauthólsvík. Þar var ákveðið að taka gæðaæfingu 4 x 1.000m spretti og hverjum og einum var úthlutað tímamörkum miðað við aldur og fyrri störf. Ingunn sneri heim eftir fyrsta sprett (við Dælustöð). Fjölnir hálfmeiddur gat ekki beitt sér til fulls og var því sendur á undan vestur eftir til að vera í hlutverki héra/fórnarlambs. Dagur, Höskuldur, Oddgeir og Sigurgeir tóku fyrstu þrjá spretti af feikna krafti út að Hofsvallagötu þrátt fyrir mikla ófærð á stígum vegna grjóts og þara eftir óveðrið. Síðan var hægt á og hlaupið heim á leið þar til kom að Njarðargötu þar sem síðasti spretturinn var tekinn að Valsheimili, þar var hægt á í smástund þar til Sigurgeir rauk upp aftur og tók svokallaðan "eftirsprett" heim að HLL.
Sem sagt fín æfing fyrir alla!
Fjölnir

Hádegisæfing - 22. janúar

Mættur : Dagur
Þar sem enginn annar mætti ákvað ég að sleppa æfingu í dag enda vonskuveður og fólki ráðlagt að vera ekki á ferli (er þetta léleg eða góð afsökun?).

Dagur

Hádegisæfing - 21. janúar

Mættir: Fjölnir, Sigurgeir, Dagur, Guðni, Höskuldur, Bryndís, Ingunn og Jói.
Boðið var upp á bland í poka. Jói fór á sína leynilegu "séræfingu", Ingunn fór í átt að Fossvoginum og restin stefndi á Hofsvallagötu-hring. Þegar kom að því að beygja inn Hofsvallagötu þá ákv. Dagur og Höskuldur að fara Frostaskjólið og reyna ná restinni. Þeir náður okkur (Fjölnir, Guðni, Sigurgeir) við dælustöðina eftir að við lengdum/styttum leiðina með því að fara Einarsnes/Skeljanes til að létta á færðinni sem var erfið á stígunum. Hópurinn skokkaði saman að kafarahúsinu þar sem Dagur ákv. að bæta aðeins í. Að lokum endaði þetta í hörku endasprett þar sem Dagur æsti upp Fjölnir og mig til að klára sig 100%. Til að gera langa sögu stutta þá kom Fjölnir á þvílíkum spretti í loka brekkuna einmitt þegar ég hélt að hann væri búinn, sem sagt vanmat að bestu gerð ;o)

Sigurgeir

Hádegisæfing - 18. janúar.

Mættir í dag í köldu veðri:
Jói (séræfing), Höskuldur, Fjölnir (kom frá Dubai en var að lækka heimsmarkaðsverð á olíu), Dagur, Oddgeir og Sigrún. Ákváðum að fara Hofsvallagötuhringinn rangsælis frá HLL en það varð nú eitthvað annað. Dagur vildi fara Kaplaskjólsveg og við fylgdum honum nema Fjölnir sem fór Hofsvallagötuna. Fékk þá hinn frái fyrrverandi formaður þá afbragðshugmynd að reyna að hlaupa Fjölni uppi og reyndu hinir félagsmenn að elta hann dágóða stund. Höskuldur fór mikinn og Oddgeir líka en minni sögum fer af Sigrúnu sem skilin var eftir í íséli á hjara veraldar. Tókst Degi svo með ævintýralegum hætti að hlaupa Fjölni uppi við hliðargirðingu suðurenda flugbrautar og mátti sjá glitta í vígtennurnar er hann nálgaðist saklaust fórnarlambið. Sameinuðumst síðan við Nauthólsvík (Kafarann) og flýttum okkur heim, enda klukkan að verða eitt. Þessi æfing breyttist því úr rólegri æfingu í tempó (4 km) og endaði alls í rúmlega 9,3 km.

Góða helgi!
http://www.youtube.com/watch?v=BgoOihBb78w
Sigrún

Dubai Maraþon

Fjölnir var í Dubai í síðustu viku. Væntanlega til að leggja Haile Gebrselassie línurnar fyrir maraþonið sem fram fór í dag. Haile hjó nærri sínu eigin heimsmeti, sjá fréttina á gulfnews.com

Dagur

Kvöldæfing - 17. janúar

Mættir: Anna Dís, Guðni, Sigurgeir, Ása og Stefán þjálfari.
Byrjuðum með rólegri upphitun þar sem var skokkað í átt að kirkjugarðinum og niður brekkuna rétt áður en komið er að garðinum. Þá var farið til baka að Valsheimilinu. Við Valsheimilið voru teknir 2svar x 5 brekkusprettir upp hitaveitustokkinn í átt að Perlunni, ca. 130 m, og rólegt niður. Næst var rólegt niðurskokk að Nauthólsvík og til baka að HLL. Þurftum að hægja á Stefáni í niðurskokkinu þar sem hraðinn var frekar mikill eftir erfiða æfingu. Samtals endaði æfinginn í 9,6 km.

Stjórn IAC vonast til sjá fleiri á næstu fimmtudagsæfingu. Mælum með að fólk mæti og njóti handleiðslu Stefáns sem er mjög duglegur að fara yfir hlaupastílinn hjá okkur og hvernig má bæta hann.

Sigurgeir

Hádegisæfing - 17. janúar

Mættir í dag: Jói (fór sér), Oddný með stelpur úr hópadeild og Dagur og Sigrún.
Við Dagur fórum þægilegan hring (frá HLL og Kaplaskjólið) á rólegu tempói. Mikil ófæra var á köflum og var mál manna að ekki væri vel staðið að ruðningi á göngustígum borgarinnar.
Frábært veður og sólarglenna gladdi geðslagið sem og þeir 9,3 km sem afgeiddir voru.
Sigrún

Fyrir byrjendur

Comment frá 10. janúar:

"ef e-h byrjendur vilja mæta á fimmtudgöum í hádegi, þá erum við, stór hluti Hópadeildar að stefna á hádegisskokk 1x í viku. hafið samband við mig, Oddný"

Hádegisæfing - 16. janúar

Mættir: Sveinbjörn, Fjölnir, Dagur, Guðni, Björgvin, Sigurgeir, Anna Dís og Ingunn.

Þrátt fyrir að það sé miðvikudagur ákv. þjálfarinn að hafa gæðaæfingu. Farinn var öfugur Hofsvallargötu-hringur. Hópurinn minnkaði þegar leið á hlaupið. Sumir fóru að dælustöð, aðrir Suðurgötuna og restin fór Hofsvallagötuna. Dagur bætti að sjálfsögðu við 5 sprettum í hlaupið en var sá eini sem gat klárað 5 spretti, aðrir kláruðu næstum því 4! Færðin var erfið en það stoppaði ekki hópinn.

Minni á æfingu á morgun kl. 17:15

Sigurgeir

Hádegisæfing - 15. janúar

Mættir : Huld, Jói, Sveinbjörn, Jón Mímir og Dagur (5).

Rólegt eftir sprettina í gær. Huld, Jón og Dagur gerðu tilraun til að fara fyrir flugbrautina en þar hafði fokið í skafla og var ekki búið að skafa, snéru þá við og fóru útað skógrækt. Á leiðinni mættu þau Jóa og Sveinbirni sem höfðu farið í þá áttina. Huld hélt síðan áfram eitthvað inní Fossvogsdal.

Hádegisæfing - 14. janúar

Mættir : Ingunn, Anna Dís, Huld, Jói, Sveinbjörn, Björgvin, Sigurgeir, Guðni og Dagur (9).

Í snjómuggu, vægu frosti og blíðum vindi var farið inní Öskjuhlíðina þar sem hópurinn tók brekkuspretti af mikilli elju og þrautseigju.

Runners World

Ágætu hlauparar!

Ég er með stafla af Runners World blöðum sem ég væri afar hamingjusamur að losna við. Datt í hug að bjóða þau félögum hlaupaklúbbsins. Lysthafendur vinsamlega sendið póst á: gigjajon@mi.is. Er annars á leiðinni á haugana ef ekki vill betur til, sem mér þætti miður.

Kær kveðja, Jón Hjartar

Powerade Vetrarhlaup - Úrslit janúar

Góð þátttaka var frá okkur í síðasta vetrarhlaupi og mættu sex til leiks að þessu sinni:

47:26 Jens Bjarnason
48:45 Sigrún Birna Norðfjörð
49:56 Sigurgeir Már Halldórsson
51:22 Anna Dís Sveinbjörnsdóttir
53:36 Jón Mímir Einvarðsson
56:27 Helga Árnadóttir

Einnig hljóp Höskuldur Ólafsson á 43:42

Jens er að bæta sig frá því í október, Sigrún varð fyrst í sínum aldursflokki og sleppir ekki hendinni af bikarnum í stigakeppni aldursflokka, Sigurgeir og Anna Dís hægja aðeins á sér síðan í nóvember en eiga eftir að koma sterk inn með bættri ástundun, Jón Mímir er enn fjarri sínum bestu tímum frá seríunni 2002-2003 en hefur sýnt góðar framfarir síðustu vikurnar, Helga Árna er að bæta sig vel og nær nú 5mín betri tíma en í desember.

Kveðja, Dagur

Hádegisæfing - 11.desember.

Bjartur og fallegur dagur til æfinga og mættir voru: Sveinbjörn (var á séræfingu), Ingunn (Öskjuhlíðin) Dagur, Bryndís og Sigrún.
Tókum Suðurgötuhringinn rangsælis frá HLL á þægilegu "recovery" tempói, enda einn meðlimur klúbbsins orðinn langt leiddur af keppnisstreitu Powerade hlaupaseríunnar en hyggst þó standa við gefin loforð um að ljúka við 6 hlaup. Gaman væri ef fleiri meðlimir sýndu verkefninu sömu húsbóndahollustu.
Fín æfing í kuldanum, alls um 7,5 km.
Sigrún :)

Hádegisæfing - 10. janúar

Góð mæting þrátt fyrir Powerade Vetrarhlaupið í kvöld.

Mættir : Jói, Sveinbjörn, Ólafur, Dagur og svo mætti Oddný með Ingu Dís og Unni úr hópadeildinni, við bjóðum þær velkomnar og vonumst til að sjá þær sem oftast í framtíðinni.

Oddný fór með Ingu og Unni 20mín skokk og göngu. Jói og Sveinbjörn fóru léttan hring á rólegu tempó og Ólafur og Dagur tóku Keilugrandann 10km/44:45 sem er PR hjá Ólafi og besti tími klúbbmeðlims á árinu.

Engin fimmtudagsæfing 10. jan. kl.17.15

Engar kvöld fimmtudagsæfingar eru sama dag og Powerade hlaup ber upp.
Kveðja,
stjórn IAC

Hádegisæfing 9.-janúar

Mættur fríður flokkur í dag í nokkuð köldu en fínu veðri: Anna Dís, Jói, Hjörvar, Björgvin Harri, Höskuldur, Ingunn, Dagur, Oddgeir og Sigrún.

Menn fóru mislangt. Ingunn hljóp hringi í Öskjuhlíð (3-4), Hjörvar var með leyniprógramm, Björgvin og Anna Dís fóru út að dælustöð og tilbaka, sem og Jói Úlfars. Restin fór Hofsvallagötuhringinn á þægilegu strákatempói, enda tóku menn fullt tillit til Sigrúnar sem var á 75% stelputempói með hósta. Alls 8,7km. Fín æfing!.

Sigrún

Hádegisæfing - 8. janúar

Mættir : Hjörvar, Sveinbjörn, Jón Mímir, Sigurgeir, Dagur, Guðni og Höskuldur. Á dagskránni voru brekkusprettir í Öskjuhlíðinni, sem voru kláraðir með glæsibrag. Rólegt á morgun enda Powerade Vetrarhlaupið á fimmtudaginn.

Menn voru yfirlýsingaglaðir á nýju ári. Hjörvar ætlar að vera fljótari en Jón Mímir. Sigurgeir ætlar að hlaupa hraðar en eiginkonan eða 10km/42:23. Guðni ætlar að sá til þess að Jens muni ekki sigra sig afur í keppnishlaupi.

Hádegisæfing - 7. janúar

Fjölmenni mikið á björtum degi á nýju ári. Mikið testerón í loftinu enda allt karlmenn, hvar er kvenfólkið?
Mættir : Jói Úlfars, Sveinbjörn, Jón Mímir, Erlendur, Dagur, Ólafur og Björgvin.
Menn hlupu mislangt allt eftir ásigkomulagi og núverandi getu.

Hádegisæfing - 4. janúar

Mættir : Ólafur, Jón Mímir, Dagur
Rólegur 5km/29:30 túr á Miklatúni.

Fimmtudagsæfing kl. 17.15

Fríður og föngulegur hópur lagði af stað frá HL á slaginu 17.15. Hópurinn samanstóð af Stefáni Má, Guðna og undirritaðri. Veður aftraði ekki æfingu. Hitað var upp í skjóli Öskjuhlíðar. Síðan voru teknir sprettir í brekkunni okkar góðu sem við nýttum í ASCA hlaupinu, nema að nú var hringnum snúið við. Sprettur upp malbik og rólegt niðurskokk niður moldarveginn. Stefán fylgdi eftir hlaupastíl og ráðlagði okkur með breytingar til bóta. Sprettirnir voru 7 og síðan niðurskokk inn í kirkjugarð og upp að Perlu. Heildartími var 1 klst. og 10 mín. og vegalengd rétt rúmir 10 K.
Anna Dís

Hádegisæfing 3. jan.

Mætt í dag: Óli, Dagur og Sigrún.
Veður hundleiðinlegt en félagsskapurinn í sérflokki.
Hituðum upp í Öskjuhlíðinni en þar voru stígar gljúpir og skornir vegna vatnsveðurs. Sáum einnig fallið grenitré sem ráðist hafði á meðlimi hópsins í gær sem naumlega skutu sér undan. Hlupum síðan inn í kirkjugarð og Dagur reyndi að finna góðan stað fyrir brekkuspretti. Lét okkur taka einn "dummy" sprett en fann síðan betri stað (alveg óútreiknanlegur) og þar gerðum við 4 brekkur á hraða og skokk niður. Hlupum upp brekkuna að stórum grænum gámi merktum "lífrænn úrgangur" og töldum við þarna vera á ferðinni stórt safnduftker sem við vildum ekki enda í.
Þetta var fín æfing eftir jólaóhófið og í takt við markmiðasetningu hópsins um hámarksárangur. Skokkuðum síðan einn bláan hring og sáum í Ingunni Cargo og tókum auka hring til að ná henni.

Sigrún

Fimmtudagur-kvöldæfing kl 17.15

Minni á kvöldæfinguna 17.15 fimmtudag undir leiðsögn Stefáns þjálfara. Þessar æfingar eru hugsaðar fyrir þá sem eiga erfitt með að komast í hádeginu en eftir sem áður verða einnig æfingar hjá skokkhópnum kl. 12.08 í hverju hádegi. Allir eru velkomnir á þessar æfingar.
Kveðja,
Stjórn IAC

Hádegisæfing - 2. janúar

Nýju ári tekið opnum örmum, mættir voru Ólafur, Jón Mímir og Dagur. Farið var skógræktarhringinn á rólegu tempói og rætt um markmiðasetningu fyrir 2008 og eftirfylgni.
Við göngubrúnna yfir Kringlumýrarbraut var skipt liði, Jón Mímir fór styrstu leið tilbaka á meðan Ólafur og Dagur tóku léttan fartleik upp og í gegnum Öskjuhlíðina.

Gamlárshlaup Í.R.

Vaskir hlauparar úr FI SKOKK hlupu í Gamlárshlaupi Í.R. og stóðu sig prýðilega í rysjóttu veðri. Autt var að mestu og rok á köflum en bestur var síðasti km, vindur í bak og lokasprettur niður í móti.

30 41:07 Dagur Björn Egonsson 1964 SK.FLUGL 5. í flokki
48 43:40 Höskuldur Ólafsson 1965 ÍSÍ 8. í flokki
55 43:59 Huld Konráðsdóttir 1963 SK.FLUGL 1. í flokki
86 46:47 Jens Bjarnason 1960 SK.FLUGL 12. í flokki
92 47:04 Jakob Schweitz Þorsteinsson ÍSÍ 14. í flokki
103 47:55 Guðni Ingólfsson 1967 SK.FLUGL 19. í flokki
120 48:53 Sigrún Birna Norðfjörð 1966 SK.FLUGL 2. í flokki
287 57:14 Jón Mímir Einvarðsson 1970 SK.FLUGL 1o1. í flokki
290 57:25 Helga Árnadóttir 1971 SK.FLUGL 20. í flokki


Kveðja -Sigrún

Hádegisæfing - 28. desember

Mættum tveir Höskuldur og Dagur, fórum bæjarrúntinn í þessu líka svakalega veðri, rjómalogni og sólskini.

Þar sem þetta var væntanlega síðasta hádegisæfingin óska ég öllum gleðilegs árs.

Munið eftir Gamlárshlaupi ÍR á mánudaginn. Allir sem vettlingi geta valdið að mæta.

Dagur

Hádegisæfing - 27. desember

Mættir voru Ólafur, Höskuldur og undirritaður. Fórum Hofsvallagötun á frísku tempói, 8,71km, 44:22mín, 5:06 avg. Kaldur blástur úr norðri beit í andlitið á útleiðinni en fengum síðan skjól eftir að við beygðum inná Hofsvallagötu, við Öskjuhlíðina fórum við síðan inní skóginn aftur í skjól.
Ræddum myndina um Jón Pál Sigmarsson frá kvöldinu áður og mismunandi aðferðir við að ná sem flestum kaloríum út úr jólamatnum.
Allir ætlum við að mæta í hádeginu á morgun.

Dagur

Gleðileg jól!

IAC óskar félagsmönnum sínum og öllum velunnurum gleðilegra jóla og farsællar bætingar á nýju ári. Þökkum allar góðu hlaupastundirnar á árinu. :)

Brekkur eru oftast lægri
en þær sýnast neðan frá.
Hannes Hafstein.
Strá í hreiðrið, 1988.

Stjórn IAC

Hádegisæfing - 21. desember

Fámennt í dag eftir vel heppnaða jólaæfingu í gær.

Dagur og Huld fóru Sæbraut-Miðbæjarhringinn á mjúku sub 5mín tempói. Kreistum túrinn uppí 10km með því að taka krók í Öskjuhlíðina.

Jólaæfing 20. des. 2007

Fríður hópur lagði af stað frá HL á slaginu 17.15 stundvíslega í átt að Fossvogi. Mætt voru: Stefán þjálfari, Bryndís, Huld, Sibba, Jens, Mímir, Sveinbjörn, Guðni, Ágúst, Fjólnir, Höskuldur og Anna Dís. Stefáni varð að máli að við tækjum eins konar æfingarlíki sem hjómar svo: við göngubrú inn í Fossvog var numið staðar og hlaupið til baka inn að brautarenda með mið að ljósastaurum. Tveir staurar hratt og síðan tveir hægt. Við brautarenda var snúið í átt að HL, teknar nokkrar "drill" æfingar, skokkað að Hlíðarenda og síðan beina leið á HL. Æfing tók um 42. mín. og spannaði 7K. Teknar voru góðar teygjur við sundlaugarinngang á undan sturtu og heitum potti í lok æfingar sem síðan endaði í sælustund á bar hótelsins.

Síðasta æfing fyrir jól er 20.des. fimmtudag kl 17.15

Minni á jólaæfinguna kl. 17.15 fimmtudag.
Allir að mæta.
Kv. FI SKOKK

Hádegisæfing - 19. desember

Nú er úti veður vott
verður allt að klessu.
Mikið átti Sigrún gott
að hlaupa ein í þessu.

Tók samviskusamlega einn rólegan upphitunarhring í skóginum. Síðan 3 brekkur í brautinni, hraði upp, rólega niður. Endaði síðan á einum löngum spretti í gegnum þveran skóginn út að rústum. Vantaði sárlega hrægammana sem vanir eru að glefsa í skottið á mér í sprettunum. Fín æfing í ruddalegu veðri.

Sigrún

Hádegisæfing - 18. desember.

Mættir í góða veðrinu í dag:
Mímir, Höskuldur, Dagur og Sigrún.
Tókum þægilega æfingu í dag frá HL, Hlíðar, undirgöng undir Miklubraut, Nóatún, hluta Borgartúns, Sæbraut, Ráðhús framhjá Hljómskála og þaðan tilbaka að hótelinu eftir stíg. Rúmlega 8 km og engin sundrung var í hópnum sem skrafaði létt samhliða hreyfingunni.

Sigrún

Hádegisæfing - 17. desember

Mættir þann dag: Huld, Dagur, Guðni, Mímir, Höskuldur, Sigurgeir, Óli og Anna Dís

Lagt var af stað frá HL í átt að Hringbraut og stefnan tekin á Suðurgötu. Við horn Suðurgötu skiptist hópur í tvennt. Mímir og Anna Dís kláruðu rúma 7K. Við horn Hofsvallagötu skiptist hópur aftur í tvennt. Guðni og Sigurgeir kláruðu 9K. Þeir fótfráu hlaupara sem eftir voru fóru inn á Kaplaskjólsveg.
Mikill áhugi var í hópnum að Gamlárshlaupi.
Anna Dís

Powerade Vetrarhlaup - Úrslit Desember

Aðeins tveir kepptu undir merkjum Icelandair að þessu sinni:

50:08 Sigrún Birna Norðfjörð, önnur í aldursflokki
61:21 Helga Árnadóttir, fimmta í aldursflokki

Einnig tók þátt Höskuldur Ólafsson á 45:23 sem skilaði honum þriðja sæti í aldursflokki.

Hatröm barátta virðist í uppsiglingu hjá konum 40-44, Sigrún Birna leiðir keppnina með 27 stig en fast á hæla hennar fylgir Sigrún Barkardóttir, ÍR Skokk með 26 stig. Sigrún Birna var á undan Sigrúni Barkar í fyrstu tveimur hlaupunum, en nú sigraði Sigrún Barkar með aðeins 6 sek. mun. Huld var með fullt hús stiga í þessum flokki fyrir hlaupið en lét ekki sjá sig. Þrátt fyrir það er verðlaunasæti stutt undan. Verður spennandi að fylgjast með keppni þeirra í næstu hlaupum.

Leitt var að sjá ekki fleiri úr okkar hópi en þrátt fyrir slæma veðurspá og sérlega slæmt veður tímana á undan fór hlaupið fram í afbragsveðri.

Kveðja, Dagur

Síðasta æfing fyrir jól er 20. des.- allir að mæta í stuði

Kæru skokkfélagar.
Á nýju ári hefjast æfingar á fimmtudögum hjá FI SKOKK undir stjórn Stefáns Más Ágústssonar. Lagt verður af stað frá sundlaug Hótel Loftleiða, á fimmtudögum kl. 17.15. Búið er að semja um vægt gjald fyrir nýtingu á aðstöðu í búningsklefa.
Við ætlum að taka forskot á sæluna og hittast 20. des. kl. 17.15 á æfingu. Á eftir verður boðið upp á sælustund í potti og hressingu. Nú mæta allir sem vettlingi geta valdið og vilja hreyfa sig fyrir jól!

F.h. stjórnar,
Sigrún B. Norðfjörð

Hádegisæfing - 13. desember.

Mættir í dag: Fjölnir, Mímir og Oddgeir.

Fjölnir fór skógræktarhringinn en flugverndar- og flugöryggisfulltrúar félagsins tóku 3 brekkuspretti í Öskjuhlíð, ásamt fleiru, að sögn. Engin vitni voru að æfingunni.

Sigrún

Hádegisæfing - 12. desember.

Hálka í dag en þokkalegt veður. Mættir: Dagur, Sigrún og Guðni.

Æfingin var fullkomið "recovery" hlaup eftir þriðjudaginn, enda sumir að stefna á Powerade á morgun. Fórum frá HLL í gegnum Hlíðar og framhjá Menntaskólanum, svona til að sýna ungmennum hvernig bæri að stunda holla hreyfingu og þaðan upp í Kringlu. Guðni og Sigrún héldu síðan austur fyrir Útvarpshús og hring þar en Dagur hafði átt óskilgreint erindi í musteri Mammons, sem þau fyrrnefndu vildu alls ekki láta bendla sig við. Dagur kom síðan á móti okkur með poka (þó ekki brúnan) og sameinuðumst við í léttu skokki niður í Fossvogsdal, framhjá LSH og beina leið eftir stíg strandlengjunnar, Nauthólsvík og heim. Alls 7,3 km.
Þetta var ein léttasta æfing sem verið hefur lengi, enda mættu bara þeir sem ekki létu bugast á þriðjudeginum.

Sigrún

Hádegisæfing - 11. desember.

Mættum einvala lið í dag:
Fjölnir, Sigurgeir, Guðni,'Oli, Dagur og Sigrún. Gott og milt veður til æfinga, snjólaust. Þar sem allir úr harðsnúna hópnum mættu var tekin rækileg gæðaæfing. Upphitun í Öskjuhlíð, svo 3svar blái hringur á hraða, með interval-starti. 2svar gegnum skóginn-sprettur og skokk tilbaka. Líka interval-start. Þá ASCA brekka á hraðaaukningu og rólega niður á stíg fyrir neðan skóg þar sem menn bættu aðeins í og kláruðu upp brekku og svo rólegt heim til HLL. Var góður rómur gerður að faglega útsettri æfingu, sem tók á flesta og þreytti þónokkra og hefði komið sér vel að hafa 3ja lungað á æfingunni eða a.m.k. risagervinýru með vasa.
Alls 7,3km afgreiddir í dag.

Sigrún

Hádegisæfing - 10.desember.

Mættir á æfingu dagsins (Dagsins): Mímir, Fjölnir, Hjörvar (special appearance), Dagur og Sigrún.
Hjörvar fékk það verkefni að hlaupa út á dælustöð frá HLL og tilbaka, óskaddaður. Mímir fór "reverse" hring frá HLL og skar leiðina með Suðurgötunni og tók ströndina heim á HLL. Kennarasleikjurnar Sigrún og Fjölnir fóru með sínum yfirboðara sama hring og Mímir, nema skáru sína leið með Hofsvallagötunni og strandlengjuna tilbaka til HLL. Sáum Mími í smækkaðri mynd (v/fjarlægðar) hluta leiðarinnar en allar áætlanir um að hlaupa hann uppi brugðust, enda hvasst nokkuð og snævi lögð braut, sem gerði allan framúrakstur nokkuð óhentugan. Var það mál manna að ef menn ætla sér í ASCA-liðið í mars, dugir ekki að lifa á fornri frægð heldur verða verkin að tala. Það er því ljóst að ef Cargo-menn ætla sér í liðið verða þeir að sýna betra mætingarhlutfall og ekki sniðganga "erfiðu" dagana.

Sigrún

Hádegisæfing 7. des

Það var sannkölluð cargo-æfing; mættir voru Fjölnir, Ingunn, Sigurgeir og Dagur. Farið var á jólabollu hraða skógræktarhringinn. Í bakaleiðinni var farið upp brekkuna að Perlunni þar sem farinn var rólegur hringur í kringum Perluna og útsýnisins notið í botn. Þaðan var hlaupið blái stígurinn með smá twist að HLL. Veðurblíðan var stórkostleg og sannkölluð jólastemning með snjóinn á öllum trjánum. Er ekki frá því að það heyrðist í nokkrum raula jólalög á bakaleiðinni.

Sigurgeir

Hádegisæfing - 6. desember

Höskuldur mætti einn...

Fór skógræktina á rólegu tempói.

Hádegisæfing - 5. desember.

Mættir í dag í ágætu veðri:
Guðni, Dagur, Höskuldur, Fjölnir, Sigurgeir, Ingunn, Sigrún og nýliðinn Björgvin Harri.
Fjórar vegalengdir voru í boði, en Ingunn tók 5 hringi í Öskjuhlíð og Björgvin Harri fór út að dælustöð og tilbaka. Héldum hin af stað frá HLL og vorum samferða áleiðis vestur í bæ. Guðni tók Suðurgötuna með Cargo-genginu þeim Fjölni og Sigurgeiri, upp á Hringbraut og þaðan beina leið heim að HLL. Dagur, Höskuldur og Sigrún héldu áfram og tóku tempóhlaup áfram vestur en eftir smá tíma var Degi farið að leiðast þófið og vildi auka hring sem hann tók Höskuld með sér í. Þeir fóru því áfram út á Kaplaskjólsveg, en Sigrún beygði upp Hofsvallagötu og hafði það meginmarkmið að láta ekki langfetana ná sér. Þeir höfðu annað í huga og sigu jafnt og þétt á bráðina. Þegar horni Flugvallarvegar við Valsheimili var náð skynjaði Sigrún að líkur væru á að hún yrði hlaupin uppi og hófst þá hinn æðisgengnasti lokasprettur. Síðustu metrana var svokölluð "all-out" tækni notuð af öllum hlutaðeigandi en allt kom fyrir ekki, langfetarnir lutu í gras. Lauk þessari skemmtilegu æfingu því á hinn farsælasta hátt og allir gengu glaðir til búningsherbergja.

Sigrún

Hádegisæfing 3. desember

Mættir í dag : Guðni, Mímir, Huld, Ingunn, Höskuldur, Dagur, Jói. Jói fór í kraftgöngu og Ingunn tók 6km í Öskjuhlíðinni. Restin varð samferða út að 3km eftir dælustöð, þá snéru Guðni og Mímir við en Huld, Höskuldur og Dagur fóru útá Keilugranda (9,6km).

Veðrið geggjað, blanka logn og sól.

Hádegisæfing 29.nóvember

Mættir tveir í hádeginu, Mímir og enginn annar en Klemenz sem hafði fengið bæjarleyfi. Nokkrir hringir teknir í Öskjuhlíðinni í rokinu. Mímir fór tæpa 5 km en Klemenz rúma 6km.

Mímir

p.s.
Kannski rétt að geta líka mánudagsæfingarinnar 26. nóv. Þá voru mættir Dagur, Óli og Mímir. Hlaupnir hringir í Öskjuhlíðinni, Mímir sprengdur eftir ca 5km, Dagur og Óli héldu áfram á hraða sem var yfir öllum skynsemismörkum og bættu þar við ca. tveimur km.

Hádegisæfing - 28. nóvember

Mættir í dag voru: Dagur (of seinn :)), Höskuldur, Anna Dís, Ingunn og Sigrún. Guðni fór í undirbúningsgöngu/skokk en hann hyggur á endurkomu 1. des. sem án efa verður glæsileg.
Hlupum frá HLL og út á Ægisíðu, strandleiðina. Snerum þar við og hlupum sömu leið tilbaka. Töldum það réttara vegna hálku og tókum einn km á auknum hraða og síðan jafnt skokk heim. Alls um 9 km. Anna Dís og Ingunn sneru fyrr við en hlupu um 7 km.

Sigrún

Hádegisæfing - föstudagur 23. nóv.

Fín föstudagsæfing í dag.
Mættir: Anna Dís, Mímir, Jens, Sigrún, Ingunn og Fjölnir. Jói var á kraftgöngu. Jens vildi taka hraðaaukningu í 25 mín. og fór alla leið í bæinn, Sæbraut, út í Héðinshús og svo tilbaka (eflaust 10 km) en Anna, Mímir og Sigrún tóku bæinn, Sæbraut, ráðhús og heim, með smá kafla sem Sigrún jók hraðann og beið svo eftir sínum félögum. Héldum síðan heim á þægilegum föstudagshraða þar sem við hittum Ingunni (4 hringir í Öskjuhlíð) og Fjölni sem greindi ekki frá sínu hlaupi, en talið er að það hafi spannað 6-7 km vegalengd. Sameinuðumst síðan öll með Jóa í teygjum, sem sagði að því fylgdu alltaf kvalir að komast í form. Veit ekki hvort um var að ræða hvali eða kvöl. Söknuðum fyrrverandi formanns og það var það eina sem var "freaky" á þessum fína föstudegi.

Sigrún

Hádegisæfing- fimmtudagur 22. nóv.

Gæðaæfing tekin í dag í fosti og stillu undir faglegri stjórn þjálfarans.
Mættir voru Dagur, Oddgeir og Sigrún.
Hlupum greiðlega frá HLL út á Eiðistorg, ca. 4 km. Tókum síðan "litla hring" (1,8 km) á góðu tempói, Oddgeir og Dagur saman og Sigrún hinn hringinn á móti. Áttum að reyna að komast fyrst á upphafspunkt. Fínn sprettur! Hlupum svo heim á HLL og enduðum í 10 km alls.
Frábær æfing.

Hitti síðan Ingunni í búningsklefanum en hún fór 4 hringi í Öskjuhlíðinni og gerði magaæfingar.

Sigrún

Hádegisæfing- miðvikudagur 21. nóv.

Fínt veður til æfinga í dag, sól og smá strekkingur á köflum.
Mættir: Sigurgeir, Fjölnir, Höskuldur, Oddgeir, Mímir, Sigrún og Sveinbjörn (heilsubótarskokk). Einnig sást til Jóa á sinni kraftgöngu.
Sigurgeir og Fjölnir tóku öfugan flugvallarhring á ágætu tempói. Restin fór skógræktarhringinn á þægilegum félagshraða, þó ekki hægt. Endað í brekkunni í gegnum suður-Hlíðar uppeftir í átt að Perlu og inn í skóginn þar sem stígar voru þræddir aftur heim til HLL. Fín miðvikudagsæfing.
Sigrún

Ný stjórn-næsta starfsár

Ný stjórn IAC kom saman á fyrsta stjórnarfundi starfsársins og fór yfir starfið framundan.
Á döfinni á næsta starfsári er m.a.:

Síðasta æfing fyrir jól þann 20. des. Endað í heitum potti á HLL. Allir hvattir til að mæta enda svífur léttur andi yfir vötnum á þessari æfingu. Nánar auglýst síðar.

Jan./feb. 2008- úrtökumót fyrir ASCA keppnina. Alitalia á að halda næstu keppni í Róm og stjórn er ekki kunnugt um annað en að svo verði.

Mars 2008- ASCA keppni flugfélaga í Evrópu.

Maí 2008-Icelandair hlaupið. 7 km hlaup í kringum flugvöllinn. Allir félagsmenn hvattir til að hjálpa til við hlaupið.

Ágúst 2008- Reykjavíkurmaraþon. 2 síðustu starfsár hefur verið hlaupið til styrktar Vildarbörnum. Góður hvati fyrir alla til að taka þátt og leggja sitt af mörkum.

Hádegisæfing - þriðjudagur 20. nóvember

Mættir voru Anna Dís, Höskuldur, Sveinbjörn, Dagur, Jóhann (kraftganga um Öskjuhlíðina)

Sveinbjörn tók rólegan hring í hlíðinni, en Sveinbjörn á í meiðslum og vildi bara fá sér ferskt loft.
Aðrir fylgdust að út að Þjóðminjasafni þar sem leiðir skildu. Anna Dís fór Suðurgötuna með vaxandi hraða eftir að komið var niður á Ægissíðuna á meðan Dagur og Höskuldur tóku 5km (4:10, 4:16, 4:30, 4:20, 4:03) tempó æfingu út á Kapplaskjólsveg og að kafaranum.

Hádegisæfing - föstudaginn 16. nóv

Frekar fámennt í dag þrátt fyrir blíðskaparveður og ákjósanleg hlaupaskilyrði. Höskuldur Gæslumaður og Fjölnir hlupu Suðurgötuhringinn (7,5 km) á "föstudagstempói". Ingunn mætti aðeins seinna og tók á því í skóginum þar sem hún tók fjóra hringi á rúmlega "föstudagstempói". Góða helgi og sjáumst á mánudag.

Fjölnir

The 26th World Airline Road Race

The 26th World Airline Road Race has been run and won. Congratulations to Lazhar Hamadi of Qantas who won both race the 10km in 33.56 and 5km in16.49. In the women’s event Annette Ronnerman (38.33) from American airlines won the 10km whilst Katherine Henville (19.23) British Airways pipped Annette in the 5km We have been receiving many emails from across the world attesting to the success and the enjoyment all the participants. With 1252 registered runners from 38 countries and 77 airlines or airline related companies, the event now in its 26th year is truly a world-class race. Many of the overseas competitors made this; their annual vacation so over 2000 international visitors were around Sydney’s Darling Harbour for the 4-day event.
While many runners were out sampling the sights of Sydney. Others enjoyed the sponsor’s function held at the Qantas Heritage Centre in Sydney airport where George Roberts enthralled the guests with stories from his 71-year tenure at Qantas. The Qantas running club presented the Royal Flying Doctor Service with a donation from all the runners’ entry fees
The Team captains attended the Lord Mayor’s reception at Town hall where Councillor Marcelle Hoff recounted her years as a Qantas flight Attendant and welcomed the runners to Sydney.
Race day started at 3am with the 100 volunteer race crew setting up in Tumbalong Park. As the Full moon gave way to early dawn the 10kmk was run around Darling harbor, Prymont Park where the runners had a great view of the Harbour Bridge, Anzac bridge and Prymont Bridge with the city skyline as a backdrop. Those who slept in were able to run the 5km held at 0730.
The finale was the Gala dinner and awards held in the Sydney convention centre for 800 guest highlights after the awards were the cultural item featuring a didgeridoo player and the surprise reappearance of Bruce the Roo to lead everyone onto the dance floor. A truly memorable 4 days for which we owe a vote of thanks to all our hard working committee, volunteers, sponsors and runners.

Hádegisæfing - fimmtudag 15. november

Mætt voru: Dagur þjáfari, Jón Mímir, Rannveig, Sirrý, Böðvar (nýliði) og Anna Dís. Við komi á HL sást til Jóa Úlfars. á kraftgöngu.
Upphitun á rólegu tempói í gegnum Öskjuhlíð niður í Nauthólsvík. Þar tók við Boot Camp þjálfun, 3-4 hringir af rösku hlaupi upp og niður sjávarbörð meðfram sandinum. Í beinu framhaldi var skokkað yfir ströndina þvera með 10 armréttum við pottinn og síðan skokk að tröppum upp af ströndinni. Tröppur voru skokkaðar upp og niður meðan hópurinn náði saman og þá endað á byrjunarreit í 20 magaæfingum. Þá tók við rólegt niðurskokk til baka í gegnum Öskjuhlíð með einum ca. 500-600 m spretti.
Er mál manna að þetta hafa verið hin besta æfing.

Anna Dís

Jakkarnir komnir

Nýju jakkarnir eru tilbúnir til afhendingar í versluninni AFREKSVÖRUR í Síðumúla 31 á opnunartíma verslunar (kl. 11.00-18.00)
Þar liggur fyrir nafnalisti þeirra sem þegar hafa greitt staðfestingu.
Enn eiga þrír eistaklingar eftir að greiða 5000 kr. inn á reikn. FI-SKOKK og þeir beðnir um að gera það sem fyrst.

Hádegisæfing - Miðvikudagur 14. nóvember

Góð mæting : Jón Mímir, Rannveig (mætt aftur eftir langa fjarveru), Sirrý (nýliði), Fjölnir (glæsileg endurkoma), Ingunn og Dagur. Einnig sást til Ágústs á hlaupunum með eiginkonuna á hælunum.

Lagt var upp með léttri æfingu ca. 5km. Hlupum inn að skógrækt og upp brekkuna, köstuðum þar mæðinni og rúlluðum síðan tilbaka yfir göngubrúnna upp Suðurhlíðina upp brekkuna að Perlunni, þar safnaðist hópurinn saman og jogguðum síðan rólega gegnum skóginn að hótelinu, endaði í rúmlega 6km.

Ekki nóg með það heldur heimtaði Rannveig 100 magaæfingar og 50 armbeygjur eftir teygjur.

Sjáumst á morgun þá er stefnan að fara í Nauthólsvíkina.

WARR - Race Results Sydney 2007

Fyrir áhugasama þá er hér linkur á WARR úrslitin frá Sydney.

Ný stjórn Skokkklúbbsins

Ný stjórn var kosin á aðalfundi klúbbsins. Stjórnina skipa: Sveinbjörn (Icelandair Group), Sigurgeir (Icelandair Cargo) og Jens, Anna Dís og Sigrún (Icelandair).

Stjórnin hefur fengið viðurnefnið "sófastjórnin", ekki vegna þessa að hér eru á ferðinni sófahlauparar heldur vegna þessa að flestir meðlimir hennar sátu allir í sama sófanum þegar gengið var til kosninga.

Powerade Vetrarhlaupið - Nóvember

Sex kepptu að þessu sinni undir merkjum Skokkklúbbsins (Icelandair).

46:38 Huld Konráðsdóttir, 1. sæti í aldursflokki
47:12 Sigrún Birna Norðfjörð, 2. sæti í aldursflokki
48:22 Sigurgeir Már Halldórsson
50:12 Anna Dís Sveinbjörnsdóttir, 3. sæti í aldursflokki
53:18 Ívar S. Kristinsson
57:11 Helga Árnadóttir

Lög og markmið Icelandair Athletics Club

Lög og markmið Icelandair Athletics Club voru borin upp og samþykkt með breytingum á aðalfundi. Sjá gildandi lög og markmið hér að neðan:

Tilgangur
Tilgangur klúbbsins er að vera vettvangur fyrir þá félaga í STAFF sem hafa ánægju af allri hreyfingu til heilsubótar.

Markmið
Markmið klúbbsins er að veita félagsmönnum sínum fjölbreytt tækifæri og félagsskap til að stunda hreyfingu. Klúbburinn skal þannig vera í fararbroddi innan samstæðunnar við skipulagningu og með hvatningu til þátttöku í hvers kyns atburðum sem stuðla að hreyfingu.

Lög félagsins
1. Klúbburinn heitir Icelandair Athletics Club, starfar undir merkjum STAFF og er opinn öllum félagsmönnum STAFF.

2. Aðalfundur kýs stjórn klúbbsins til eins árs í senn. Í stjórn sitja fimm félagsmenn, formaður, gjaldkeri, ritari og tveir meðstjórnendur. Stjórnin skiptir með sér verkum.

3. Ný stjórn leggur fram framkvæmdaáætlun fyrir komandi starfsár eigi síðar en fyrsta janúar.

4. Ný stjórn ræður framkvæmdastjóra almenningshlaupsins sem haldið skal í maí.

5. Félagsmenn greiða árgjald til að standa undir rekstrarkostnaði klúbbsins. Stjórnin ákveður árgjald hverju sinni.

6. Klúbburinn stendur fyrir skipulögðum æfingum af einhverju tagi.

7. Klúbburinn stendur fyrir almenningshlaupi fyrsta fimmtudag í maí. Stjórn klúbbsins er heimilt að færa þessa dagsetningu til um allt að fjórtán daga þegar sérstaklega stendur á.

8. Klúbburinn skipuleggur þátttöku í ASCA keppnum ár hvert í samræmi við áhuga félagsmanna.

9. Klúbburinn býður félagsmönnum í Reykjavíkurmaraþonið ár hvert, bjóði sjóðsstaðan upp á það. Félagar hlaupa í nafni Icelandair.

10. Starfsári klúbbsins lýkur með lokahófi sem haldið er í október eða nóvember ár hvert. Lokahófið er jafnframt aðalfundur klúbbsins.

11. Tilgangur félagsins, markmið og lög þess skulu borin upp á aðalfundi félagsins til samþykktar, með eða án breytinga.

Skýrsla stjórnar IAC starfsárið 2006-2007

Inngangur
Síðasta starfsár Skokkklúbbsins var með því viðburðaríkasta sem sést hefur. Á síðasta aðalfundi var kosin ný stjórn eins og vera ber og skiptin hún með sér verkum:

Dagur (formaður annað árið í röð), hlutverk formanns er að halda utan um starfsemina, samskipti við þjálfara, boða til stjórnarfunda, umsjón og þrif keppnisbúninga
Huld (ritari), ritari sér um samskipti við félagsmenn
Anna Dís (gjaldkeri), passar budduna og ávaxtar sjóði klúbbsins
Guðni (meðstjórnandi og framkvæmdastjóri Icelandair hlaupsins)

Skráðir félagsmenn eru nú um 78 samkvæmt núuppfærðri og endurskoðaðri félagaskrá. Í fyrra voru þeir 60 og hefur því fjölgað um 30% á árinu.

Helstu viðburðir
Úrtökumót fyrir ASCA
Aldrei áður hafa jafn margir tekið þátt í úrtökumóti fyrir ASCA, en sextán klúbbmeðlimir mættu í úrtökumót, tólf karlar og fjórar konur. Hart var barist um sæti í karlaliðinu.Hlaupið var á sama hring og keppt var síðan á keppninni sjálfri. 1,75km langur hringur í Öskjuhlíðinni, hlupu karlarnir fjóra hringi en konurnar tvo. Í kjölfar úrtökumótsins var liðið valið átta karlar og fjórar konur. Karlaliðið var samsett af starfsmönnum fimm fyrirtækja í samstæðunni.

ASCA - Víðavangshlaup 2007 í Reykjavík
Keppnin var haldin 10. mars á Íslandi. Sjö flugfélög skráðu lið til keppni, British Airways, Lufthansa, SAS, Iberia, Aer Lingus, Austrian Airlines og Icelandair. Heildarfjöldi keppenda var kringum 90.
Hlaupið var í Öskjuhlíðinni og þrátt fyrir mikla snjókomu kvöldið fyrir keppni gekk hlaup mjög vel. Frjálsíþróttadeild ÍR sá um framkvæmd hlaupsins. Að hlaupi loknu var boðið uppá súpu og brauð í mötuneyti hótelsins áður en farið var í Bláa Lónið með hópinn. Um kvöldið var síðan verðlaunaafhending og kvöldverður á Hótel Loftleiðum. Atburðurinn tókst í alla staði vel þökk sé góðum undirbúningi allra sem að komu og fengum við sendan fjöldan allan af þakkarbréfum eftir að þátttakendur komu til síns heima. Var það mál manna að aldrei hafi tekist eins vel til og verður þessi dagur seint toppaður. Ekki spillti fyrir að kvennalið Icelandair sigraði og karla liðið náði sínum besta árangri hingað til. Sjá myndina á YouTube.



Icelandair hlaupið
13. Icelandair hlaupið fór fram 3. maí við frábærar aðstæður í sóli og logni. Við fengum fína umfjöllun í “Ísland í dag” og var hlaupið ræst í beinni útsendingu. Þátttakendur voru 392 og bætti Kári Steinn brautarmetið sitt sem sett var í fyrra. Almenn ánægja var með trakteringar eftir hlaup, heit súpa, brauð, drykkir og bananar, verðlaunaafhendingin til fyrirmyndar og síðast en ekki síst afburða starfsfólk, valinn maður í hverri stöðu sem sá til þess að dæmið gekk fullkomlega upp - við erum best í heimi.

Ísland á iði – Hjólað í vinnuna
Skokkklúbburinn sjá um að skipuleggja þátttöku í átakinu og var þátttaka almennt góð um alla samstæðuna.

Þjálfari og æfingar
Skipulagðar æfingar voru með breyttu sniði á starfsárinu. Dr. Sigurbjörn Árni Arngrímsson var fenginn til að blogga vikulegar æfingar síðastliðinn vetur og voru þær teknar á fimmtudögum í hádeginu. Annars var ákveðið að auglýsa upp hádegisæfingarnar 12:08 frá sundlauginni að Hótel Loftleiðum alla virka daga. Formaðurinn tók það upp hjá sér að stjórna æfingum í sumar og í haust og hefur ríkt járnagi að sögn margra. Þetta virðist hafa haft jákvæð áhrif enda hefur þátttakan hefur verið mjög góð og margir nýjir meðlimir bæst í hópinn. Í stuttu máli er skipulag æfinganna þannig að mánudaga, miðvikudaga og föstudaga eru rólegt hlaup, á þriðjudögum og fimmtudögum eru síðan gæðaæfingar með fjölbreyttu sniði. Föstudagarnir eru sérstakir en þá er tekinn “Freaky Friday” – þá er reynt að gera eitthvað öðruvísi og skemmtilegt.

Samskipti við félagsmenn
Formlegri útgáfu fréttabréfs var hætt. Þess í stað var ákveðið að setja upp frétta- og upplýsingasíðu klúbbsins á slóðinni http://fiskokk.blogspot.com/ og virðist það hafa gefist vel þrátt fyrir að skrif félagsmanna mættu vera meiri. Til áminningar eða þegar mikið stendur til eru sendur út rafpóstur á félagsmenn.
Það sem af er árinu hafa heimsóknir á síðuna verið 1.688, síður skoðaðar eru 2.306. Í tengslum við ASCA var haldið út upplýsingasíðu fyrir þátttakendur og mæltist það vel fyrir, heimsóknir á síðuna voru 618 og síður skoðaðar voru 1.416.

Gallar
Eitt af síðustu embættisverkum fráfarandi stjórnar var að ganga frá kaupum á vetrarhlaupajökkum. Þátttaka í þeim kaupum var mjög góð og verða þeir afhentir á næstu vikum.
Kaupin er niðurgreidd úr sjóðum klúbbsins.

Þátttaka í hlaupum
Þátttaka félagsmanna í hlaupum á sl. starfsári var ágæt. Gamlárshlaup ÍR, 5 félagsmenn. Powerade Vetrarhlaup, 13 þátttökur, þar af lenti Anna Dís í fyrsta sæti í sínum aldursflokki og Huld í öðru sæti. Sveinbjörn varð íslandsmeistari á meistaramóti öldunga innanhúss í 60m hlaupi á 9,30. Í Boston maraþonið fóru síðan fjórir. Annað týndist síðan til yfir sumarið, en hápunkturinn var Reykjavíkurmaraþonið. Þar líkt og í fyrra átti Skokkklúbburinn frumkvæði að því að Icelandair Group hét á starfsmenn að hlaupa til styrktar Vildarbörnum. Alls hlupu 82, 953 km og söfnuðust 2.859.000.

Vökvaskortur á árshátíðinni

Á árshátíðinni gerðist það sem fæstir áttu von á og ekki má gerast á stundum sem þessari. Allir drykkir voru uppurir vel fyrir miðnætti. Þrátt fyrir tilraunir húsráðanda til að bæta úr ástandinu var ekkert við ráðið.
Sem formaður fráfarandi stjórnar klúbbsins tek ég fulla ábyrgð á þessum mistökum og biðst afsökunar. Er það einlæg von mín að þetta muni ekki eiga sér stað aftur.

Fyrrverandi formaður,
Dagur B.

AFMÆLI..AFMÆLI....AFMÆLI

Afreksvörur halda upp á 3 ára afmæli sitt laugardaginn 10. nóv. og mánudaginn 12. nóv. 30% afsláttur af öllum vörum aðeins þessa tvo daga.

"Freaky Friday" fyrir aðalfund/árshátíð

Góð mæting var á síðustu æfingu starfsársins. Mættir voru Sigrún, Ingunn, Oddgeir, Ólafur, Sigurgeir, Dagur og Magga (nýr meðlimur). Farið var á skrafhraða frá Hótel Loftleiðum, yfir Miklatúnið, niður Skipholtið gegnum fjármálahverfið framhjá Höfða og útá Sæbraut, þaðan gegnum miðbæinn yfir Austurvöll kringum Tjörnina og síðan tilbaka að hótelinu. Þeir sem voru sérstaklega frískir fengu aukaverkefni á leiðinni.

Einnig sjást til Guðna og Jóa á kraftgöngu í Öskjuhlíðinni.

Øl giver nye kræfter

Øl er sundere end vand efter træning, viser en ny undersøgelse.

Offentliggjort 05.11.07 kl. 14:39

Nu skal man bruge en undskyldning, hvis man vil drikke vand efter træningen.

For det er faktisk sundere at drikke øl end vand, efter at man har haft sved på panden. Det viser en undersøgelse ifølge Bild.T-Online, foretaget af professor Manuel J. Castillo Garzón på Universidad de Grenada i Spanien.

Det videnskabelige grundlag for undersøgelsen er test af 25 sportsudøvere og hvilken drik, der bedst gav dem nye kræfter efter anstrengelserne.

Og her var vinderen altså øl. For øl bibringer kroppen mineraler, som den ellers mister, når den sveder. Det gælder bl.a. kalium, calcium, zink og jern.

Derudover indeholder øl b-vitaminer, som genopbygger og styrker nerverne og hjernen.

Forskerne anbefaler 0,5 liter øl til mænd og 0,25 liter til kvinder efter træning.

Uppskeruhátíð og aðalfundur 9. nóvember!

Ágætu skokkfélagar!

Árleg uppskeruhátíð og aðalfundur Skokkklúbbs Icelandair verða haldin föstudaginn 9. nóvember 2007. Ath. breytta dagsetningu. Hátíðin verður haldin að heimili Jens Bjarnasonar, Huldubraut 4, Kópavogi og hefst stundvíslega kl.19:08. Matur og drykkur í boði klúbbsins. Félagsmenn eru hvattir til að mæta með maka og góða skapið. Vinsamlega tilkynnið þátttöku í athugasemdur hér að neðan fyrir 7. nóv.

Skemmtinefndin    

Powerade Vetrarhlaupið - Október

Fín þátttaka skokkklúbbsmeðlima var í fyrsta hlaupinu, 10km í Elliðárdalnum, síðastliðið fimmtudagskvöld. Metþátttaka var í hlaupinu 217 þátttakendur.

44:39 Huld Konráðsdóttir
46:09 Sigrún Birna Norðfjörð
47:45 Jens Bjarnason
52:58 Anna Dís Sveinbjörnsdóttir
58:23 Helga Árnadóttir

Æfingar

Skipulegar æfingar eru í hádeginu á hverjum virkum degi. Lagt er upp frá Hótel Loftleiðum klukkan 12:08 stundvíslega. Við erum með góðan samning í sundlauginni þar sem við fáum inni fyrir 100kr. per skipti, handklæði innifalið (10 skipta kort=1000kr.).

Æfingarnar eru fjölbreyttar og geta allir tekið þátt óháð getu.

Í grunnatriðum er skipulagið þannig að á mánudögum, miðvikudögum og föstudögum eru róleg hlaup, farið hægt yfir þó alltaf sé tekið aðeins á. Á þriðjudögum og fimmtudögum eru gæðaæfingar : sprettir, fartleikur, brekkusprettir eða jafnvel herþjálfun (BootCamp).

Hver æfing tekur milli 35-45 mínútur og er miðað við að eftir stuttar teygjuæfingar séu allir komnir inn fyrir klukkan 13:00. Vegalengdin er mismunandi 5-10km.

Undanfarið hefur mætingin verið mjög góð, 3-8 félagsmenn á hverjum degi.

Endilega látið sjá ykkur, allir velkomnir.

Stjórnarfundur 8. október 2007

Mættir : Dagur, Guðni, Anna Dís og Huld

1. Eftir nokkrar vangaveltur var ákveðið að aðalfundur/árshátíðin yrði haldin föstudaginn 16. nóvember. Dagskráin yrði með hefðbundnu sniði, veisla og aðalfundarstörf. Félagi Jens Bjarnason hefur ákveðið að opna hús sitt að þessu tilefni og kunnum við honum miklar þakkir fyrir það. Sveinbjörn endurskoðar reikninga félagsins í samvinnu við Önnu Dís, gjaldkera, fyrir fundinn.
   Einsýnt er að stærri hluti núverandi stjórnar mun ekki gefa kost á sér til áframhaldandi setu í stjórn.
2. Samskipti við félagsmenn hafa verið með minna móti undanfarið. Ákveðið var að bæta úr því með því að senda póst varðandi árshátíð og vísa á bloggsíðuna. Einnig verður séð til þess að bloggsíðan verði líflegri með því að fá fleiri aðila til að blogga.
3. Rætt var um hvort taka ætti upp fimmtudags æfingar aftur. Ákveðið var þess í stað að Dagur geri hádegisæfingarnar sýnilegri á vef klúbbsins og kynni betur það skipulag sem viðhaft er á þeim.
4. Þátttaka í Reykjavíkurmaraþoni var góð meðal starfsmanna samstæðunnar. Ákveðið var að Guðni sendi póst á hópinn og benda þeim á starfssemi Skokkklúbbsins í þeim tilgangi að fjölga félagsmönnum.
5. Ákveðið var að Anna Dís skoðar í samvinnu við Icelandair Cargo/Sigurgeir og Afreksvörur möguleika á því að keyptir verði vetrarhlaupajakkar á félagsmenn. Markmiðið er að nýjir jakkar, ef af verður, verði komnir í hendur félagsmanna fyrir árshátíð.

Stjórn Skokkklúbbs Icelandair.